2 KORINTO Mzhəŋ nwə̀
Mzhəŋ nwə̀
Yəŋ batə ŋwa'nyə Polo yɑpʉə bi pɑ Korinto gə pu yɔ gɑ pɑ Korinto lɑ bɑ wap kam shɛ nə Polo. Polo bɑ nthʉm ŋwa'nyə bɔ bɑwə ba' bi pu, da' gɑ dɑ pɑ ŋkhuŋnyə tə nə ba', biŋ bɑ shəŋ gɑ pu a pú hapmlà'. A shyə m̀ po'o tə e ŋwɛnyə̀ nə mcuŋ pɑpuŋ myə a fɑ Korinto sɔ' bi a.
Polo bɑ nthʉ́m ŋwa'nyə bɔ gɔm pa' e lɑ pɑ Efeso bɑ nthú pɑ ŋkwà nə pa' a lɑ bɑ bi a pɑ ywə cwəpuŋ ghə e; E ŋkhamtə go' yə e lɑ yɔ̌ bi pɑ Korinto biŋ da'tə dəŋ pa' a bɑ ǎ tsɑ nə pɑ́ gɛ nthə̌m a. E gɔm po' nə da'tə ywə yə a lə́ gə tə e cɔk nthʉm yə mu' ŋwa'nyə a, biŋ ŋwɛnyə pa' cɔk e bɔ lə yǎm mnthɔm pɑpuŋ a. Polo gɔm bi pɑ Korinto gɑ wap kaktʉɔ nə ywə hɑhɑ̌ yə pu həŋtə bi pu nə nə́ ŋkwitə pɔ Kristo pyə wap Yudea a. Polo shɔk pɔ pyə wap gɔm nə e gɑ́ e tə bɑ kwa' gɛ nthə̌m a pɑ, da' gɑ nə miŋ ŋwa'nyə dɑ pɑ ghɔm mfɑmfɑ́ tə nə miŋ.
Currently Selected:
2 KORINTO Mzhəŋ nwə̀: NTGomala
Highlight
Share
Copy
Want to have your highlights saved across all your devices? Sign up or sign in
Nouveau Testament Ghomala © Bible Society of Cameroon, 2002.