Yimre Suleymaanu 1
1
1Ndaa yimre Suleymaanu ɓurnde wooɗugo nder gime fuu#1 Laam 5:12..
Ngeewta hakkunde yiɗindirɓe ɗiɗo
Paanyo debbo
2Hebbam kebbaaɗe bee hunnduko!
Yiide ma ɓuri inaboojam welugo.
3Uureeŋgol uurle maaɗa weli masin,
innde maaɗa woni uurdi ilanndi,
ngam daliila man faanyɓe fuu ngiɗi ma.
4Fooɗam ɓaawo ma, njaawen bee pargal!
Laamiiɗo nastini yam nder cuuɗi mum.
En ngonan nder welwelo e seyo ngam barka maaɗa,
en maŋgtan yiide ma ko ɓuri inaboojam.
Bee daliila laaɓka rewɓe fuu ngiɗi ma.
5Ndaa, mi ɓalwi, ammaa mi ŋarniiɗo boo,
onon faanyɓe rewɓe nder Urusaliima fuu.
Bana laymaaji haa Keedar mi ɓalwiri,
bana wiirndallooji Suleymaanu mi wooɗiri.
6Taa ɓalwal ɓanndu am sukla on,
ɗum naaŋge ɓalwini yam!
Deerɗiraaɓe am tikkani yam,
ɓe ndooli yam aynugo gese inabooje,
ngesa inabooje am kam, mi aynaay ka.
7An mo ɓernde am yiɗi ɗum, anndinam:
Toy a durata tokkere baali ma?
Toy a siwtinta ɗi caka naaŋge boo?
Ngam taa mi laato bana debbo nootoowo
haa kommbi tokke ngorgiraaɓe ma.
Yimooɓe
8To a anndaa nokkuure man sam, an boo,
an mo ɓuri rewɓe fuu wooɗugo,
nden kam tokka batte dammooji non,
mbe'oy maaɗa ndehoy, a yahra koy durugo ton,
haa nokkuure waynaaɓe fuu njooɗoto.
Sukaajo
9Bee puccu ndewu haa moota Firawna,
bana nii nanndinmaami, giɗaaɗo am.
10Gole maaɗa ɗe mbooɗi bee yeri ma,
non boo daande ma caka koɗoy ma.
11Sey min mbaɗane koɗel kaŋŋeeri boo,
bee jaagnorɗe cardiije ngel jaagnoro.
Paanyo debbo
12Yaake laamiiɗo am ɗon nyaama,
nardi#1:12 Nardi ɗum nebbam uurɗam caɗɗam masin. am waɗan uureeŋgol boo.
13Bana hafre baɗaadi, non giɗaaɗo am,
hafre maajum ɗon waali caka enɗi am.
14Kaŋko laati bana wukkuru pinndi nalleehi
nder gese inabooje haa En-Gedi.
Sukaajo
15An a ŋarniiɗo masin, an giɗaaɗo am, a ŋarniiɗo masin!
gite maaɗa ɗon mbooɗi bana pooli.
Paanyo debbo
16An a ŋarniiɗo, a belɗo, an giɗaaɗo am,
haako hecco tan laato be'itte men.
17Leɗɗe cemmbiɗɗe ngoni kaataakooje cuuɗi men,
leɗɗe booɗɗe cuddi mahi men.
Currently Selected:
Yimre Suleymaanu 1: FB
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Yimre Suleymaanu 1
1
1Ndaa yimre Suleymaanu ɓurnde wooɗugo nder gime fuu#1 Laam 5:12..
Ngeewta hakkunde yiɗindirɓe ɗiɗo
Paanyo debbo
2Hebbam kebbaaɗe bee hunnduko!
Yiide ma ɓuri inaboojam welugo.
3Uureeŋgol uurle maaɗa weli masin,
innde maaɗa woni uurdi ilanndi,
ngam daliila man faanyɓe fuu ngiɗi ma.
4Fooɗam ɓaawo ma, njaawen bee pargal!
Laamiiɗo nastini yam nder cuuɗi mum.
En ngonan nder welwelo e seyo ngam barka maaɗa,
en maŋgtan yiide ma ko ɓuri inaboojam.
Bee daliila laaɓka rewɓe fuu ngiɗi ma.
5Ndaa, mi ɓalwi, ammaa mi ŋarniiɗo boo,
onon faanyɓe rewɓe nder Urusaliima fuu.
Bana laymaaji haa Keedar mi ɓalwiri,
bana wiirndallooji Suleymaanu mi wooɗiri.
6Taa ɓalwal ɓanndu am sukla on,
ɗum naaŋge ɓalwini yam!
Deerɗiraaɓe am tikkani yam,
ɓe ndooli yam aynugo gese inabooje,
ngesa inabooje am kam, mi aynaay ka.
7An mo ɓernde am yiɗi ɗum, anndinam:
Toy a durata tokkere baali ma?
Toy a siwtinta ɗi caka naaŋge boo?
Ngam taa mi laato bana debbo nootoowo
haa kommbi tokke ngorgiraaɓe ma.
Yimooɓe
8To a anndaa nokkuure man sam, an boo,
an mo ɓuri rewɓe fuu wooɗugo,
nden kam tokka batte dammooji non,
mbe'oy maaɗa ndehoy, a yahra koy durugo ton,
haa nokkuure waynaaɓe fuu njooɗoto.
Sukaajo
9Bee puccu ndewu haa moota Firawna,
bana nii nanndinmaami, giɗaaɗo am.
10Gole maaɗa ɗe mbooɗi bee yeri ma,
non boo daande ma caka koɗoy ma.
11Sey min mbaɗane koɗel kaŋŋeeri boo,
bee jaagnorɗe cardiije ngel jaagnoro.
Paanyo debbo
12Yaake laamiiɗo am ɗon nyaama,
nardi#1:12 Nardi ɗum nebbam uurɗam caɗɗam masin. am waɗan uureeŋgol boo.
13Bana hafre baɗaadi, non giɗaaɗo am,
hafre maajum ɗon waali caka enɗi am.
14Kaŋko laati bana wukkuru pinndi nalleehi
nder gese inabooje haa En-Gedi.
Sukaajo
15An a ŋarniiɗo masin, an giɗaaɗo am, a ŋarniiɗo masin!
gite maaɗa ɗon mbooɗi bana pooli.
Paanyo debbo
16An a ŋarniiɗo, a belɗo, an giɗaaɗo am,
haako hecco tan laato be'itte men.
17Leɗɗe cemmbiɗɗe ngoni kaataakooje cuuɗi men,
leɗɗe booɗɗe cuddi mahi men.
Currently Selected:
:
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.