Sirasid 48
48
Eliya
1Nden annabi Eliya waŋgi, o nannduɗo bee yiite. Wolde maako ɗonno wula bana jamre yiite.
2O waddani Isra'iila weelo saatuŋgo. O yiɗno Jawmiraawo masin, bee tiinaare o famɗitini jama'aare haa yimɓe seɗɗa tan lutti.
3Fodde umroore Jawmiraawo, o darni iyeende, o toɓni yiite diga asama nde tati.
4Hey Eliya! No a laatori tedduɗo bee kaayeefiiji ɗi ngaɗɗa? Moy nder mawnitaare mum fotinan hoore mum bee ma?
5Bee umroore Allah Ɓaŋiiɗo, a ummitini maayɗo, a wurtini mo diga joonde maayɓe.
6A nastini laamiiɓe nder maayde, a leesni mawɓe diga leeso nyawu haa yenaande.
7Haa Sina dow hooseere Horeb, a nani pelooje ɗe Jawmiraawo feli ma e o ta'i kiita caatuka.
8A mooyti laamiiɓe ngam haa pelle woɗɓe feere e annabi'en ngam tokkitingo kuuɗe ma.
9A eeŋgaama haa asama nder duluuru ɗemɗe yiite dow moota pucci ɗi yiite.
10Fodde ko winnda nder Deftere, a taaski ngam nyannde nde nde'itinta tikkere Allah hiddeko nde fetta. A sulhindiran baaba e ɓiyum, a jo'itinan le'i Isra'iila fuu.
11Barka laatanto yi'anɓe ma e ɓen yiide Allah ɗon ayna nder ɗoyŋgol maayde! Minin boo, fakat min ngeeɗitan!
Elisa
12Nde Eliya majji nder duluuru, Ruuhu maako nasti Elisa. Nder joonde maako fuu, Elisa diwnaay koo yeeso mawɗo gooto, walaa baawɗo doolugo mo.
13Walaa ko laati caɗɗum yeeso maako. Koo nde o maayɗo, ɓanndu maako ɗonno bee baawɗe annabiijo.
14Saa'i o geeto, o waɗi kaayeefiiji, koo nde o maayɗo boo, o huuwi kuuɗe kayɗiniiɗe.
15Bee non fuu, jama'aare Isra'iila tuubanaay Allah, nde faasitaay huuwgo halleende, hiddeko nde dahe daayiiɗum e lesdi maare e nde saŋkite nder duniyaaru fuu. Sonaa yimɓe seɗɗa tan lutti ngam daliila Yahuuda e laamiiɗo gooto nder lenyol Daawuda.
16Laamiiɓe lesdi Yahuuda woɗɓe kuuwi ko fottani Allah, ammaa woɗɓe feere ɓesdi waɗgo aybe dow aybe.
Laamiiɗo Hezekiya e annabi Esaaya
17Hezekiya semmbiɗini laamorde muuɗum, o waddi ndiyam haa yotti Urusaliima: O wurwi tapaare, o mahi keeleeje ndiyam.
18Saa'i maako, laamiiɗo Sennakerib wari hongo Urusaliima. O neli balloowo maako mo ɓaŋgti juŋngo ngam hongo Siyona bee mawnitaare.
19Haa Urusaliima, ɓerɗe e juuɗe puɗɗi diwnugo, fuu maɓɓe ɓe maati torra bana debbo saa'i luuwe mum.
20Ammaa ɓe tori Jawmiraawo keewɗo mbooɗeeŋga, ɓe ɓaŋgti juuɗe maɓɓe heedi maako, diga asama, Allah Ceniiɗo jaabi ɓe law, hisni ɓe bee juuɗe Esaaya.
21Jawmiraawo honi Assiriya'en, malaa'ikaajo maako mbardi ɓe.
22Ngam Hezekiya ɗonno huuwa ko fottani Jawmiraawo, o tokki laawol Daawuda, kaaka maako bee tiinaare bana no Esaaya, annabiijo mawɗo baɗanɗo annabaakuuji laaɓɗi tinndiniri mo.
23Saa'i maajum, Esaaya sakitini naaŋge, nden o juttini balɗe laamiiɗo.
24Bee baawɗe Ruuhu, o yi'i wakkatiiji ragareeji hiddeko ɗum laato, o semmbiɗini sunaaɓe daliila Siyona.
25O holli ko tammi yottaago hidde timmoode duniyaaru, o tinndini kuuje cuuɗiiɗe hidde ɗe laato.
Currently Selected:
Sirasid 48: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Sirasid 48
48
Eliya
1Nden annabi Eliya waŋgi, o nannduɗo bee yiite. Wolde maako ɗonno wula bana jamre yiite.
2O waddani Isra'iila weelo saatuŋgo. O yiɗno Jawmiraawo masin, bee tiinaare o famɗitini jama'aare haa yimɓe seɗɗa tan lutti.
3Fodde umroore Jawmiraawo, o darni iyeende, o toɓni yiite diga asama nde tati.
4Hey Eliya! No a laatori tedduɗo bee kaayeefiiji ɗi ngaɗɗa? Moy nder mawnitaare mum fotinan hoore mum bee ma?
5Bee umroore Allah Ɓaŋiiɗo, a ummitini maayɗo, a wurtini mo diga joonde maayɓe.
6A nastini laamiiɓe nder maayde, a leesni mawɓe diga leeso nyawu haa yenaande.
7Haa Sina dow hooseere Horeb, a nani pelooje ɗe Jawmiraawo feli ma e o ta'i kiita caatuka.
8A mooyti laamiiɓe ngam haa pelle woɗɓe feere e annabi'en ngam tokkitingo kuuɗe ma.
9A eeŋgaama haa asama nder duluuru ɗemɗe yiite dow moota pucci ɗi yiite.
10Fodde ko winnda nder Deftere, a taaski ngam nyannde nde nde'itinta tikkere Allah hiddeko nde fetta. A sulhindiran baaba e ɓiyum, a jo'itinan le'i Isra'iila fuu.
11Barka laatanto yi'anɓe ma e ɓen yiide Allah ɗon ayna nder ɗoyŋgol maayde! Minin boo, fakat min ngeeɗitan!
Elisa
12Nde Eliya majji nder duluuru, Ruuhu maako nasti Elisa. Nder joonde maako fuu, Elisa diwnaay koo yeeso mawɗo gooto, walaa baawɗo doolugo mo.
13Walaa ko laati caɗɗum yeeso maako. Koo nde o maayɗo, ɓanndu maako ɗonno bee baawɗe annabiijo.
14Saa'i o geeto, o waɗi kaayeefiiji, koo nde o maayɗo boo, o huuwi kuuɗe kayɗiniiɗe.
15Bee non fuu, jama'aare Isra'iila tuubanaay Allah, nde faasitaay huuwgo halleende, hiddeko nde dahe daayiiɗum e lesdi maare e nde saŋkite nder duniyaaru fuu. Sonaa yimɓe seɗɗa tan lutti ngam daliila Yahuuda e laamiiɗo gooto nder lenyol Daawuda.
16Laamiiɓe lesdi Yahuuda woɗɓe kuuwi ko fottani Allah, ammaa woɗɓe feere ɓesdi waɗgo aybe dow aybe.
Laamiiɗo Hezekiya e annabi Esaaya
17Hezekiya semmbiɗini laamorde muuɗum, o waddi ndiyam haa yotti Urusaliima: O wurwi tapaare, o mahi keeleeje ndiyam.
18Saa'i maako, laamiiɗo Sennakerib wari hongo Urusaliima. O neli balloowo maako mo ɓaŋgti juŋngo ngam hongo Siyona bee mawnitaare.
19Haa Urusaliima, ɓerɗe e juuɗe puɗɗi diwnugo, fuu maɓɓe ɓe maati torra bana debbo saa'i luuwe mum.
20Ammaa ɓe tori Jawmiraawo keewɗo mbooɗeeŋga, ɓe ɓaŋgti juuɗe maɓɓe heedi maako, diga asama, Allah Ceniiɗo jaabi ɓe law, hisni ɓe bee juuɗe Esaaya.
21Jawmiraawo honi Assiriya'en, malaa'ikaajo maako mbardi ɓe.
22Ngam Hezekiya ɗonno huuwa ko fottani Jawmiraawo, o tokki laawol Daawuda, kaaka maako bee tiinaare bana no Esaaya, annabiijo mawɗo baɗanɗo annabaakuuji laaɓɗi tinndiniri mo.
23Saa'i maajum, Esaaya sakitini naaŋge, nden o juttini balɗe laamiiɗo.
24Bee baawɗe Ruuhu, o yi'i wakkatiiji ragareeji hiddeko ɗum laato, o semmbiɗini sunaaɓe daliila Siyona.
25O holli ko tammi yottaago hidde timmoode duniyaaru, o tinndini kuuje cuuɗiiɗe hidde ɗe laato.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.