Sirasid 37
37
Soobiraaɓe feere feere
1Soobaajo fuu wi'an: “Min boo, mi soobaajo ma!” Ammaa woɗɓe laati sooba'en bee innde tan.
2Kayto, ɗum metteeŋga maŋnga to soobaajo ma mo daande e hoore laatake konneejo ma!
3Woowaande halleende amin, toy nde iwi? Kanjum hebbini duniyaaru bee rikici.
4Oo o soobaajo ma ngam hayru ma. Ammaa saa'i sarru, o tuurtante.
5Oya boo o soobaajo mo ɗon yarda bone bee ma nde a ɗon nyaamna mo. Ammaa to wakkati haɓre yotti, o suuɗoto ɓaawo ndarganaawal.
6Taa yejjitit soobaajo ma to a ɗon nder konu. Siftor mo boo to a heɓi ndahalaagu.
Sawariiji ɗiye he'i hooleego?
7Carwotooɗo fuu, sawariiji muuɗum maŋgtata. Ammaa woɗɓe feere, sey riba maɓɓe tan ɓe tefata.
8Hakkilan dokkoowo ma sawari! Tef faamgo ɗume o ɗaɓɓata bee sawariiji ɗi'i ngam o ɗon numa ko waddanta mo riba. Hakkil ngam teema o ɗon tefa hoo'ugo ko marɗa.
9To o wi'i ma: “A suɓi dabarewol booɗŋgol” nden boo o daroto daayiiɗum bee ma ngam haa o laara ko tawete.
10Taa ƴam sawari haa kaajuɗo ma, suuɗ anniyaaji ma haa haajuɓe ma.
11Taa ƴam sawari haa debbo dow nawliiko malla haa kulɗo haala haɓre malla haa piloowo dow ko coodata malla haa coodoowo dow ko coorrata. Taa ƴam sawari haa suunomaajo dow haala yettoore malla haa kalluɗo dow mbooɗeeŋga. Taa ƴam meereejo sawari dow kuugal malla kuuwoowo ngeenaari dow hitaande timmoode kuugal malla kuuwoowo mbaaseejo dow kuugal maŋngal ngal o tammi waɗgo. Taa suklan sawariiji yimɓe ɓe'e sam.
12Hoo'u wakkati ma fuu bee goɗɗo gooŋgaajo mo annduɗa ɗon tokko umrooje Allah. Numooji mon gooti e to a heɓi torra, o wondan bee ma nder naawɗum.
13Hoola anniyaaji iwɗi haa ɓernde ma: Walaa carwotooɗo ɓuranɗo hoolaare.
14Ndego, neɗɗo maatiniiɗo ɓuran sawari aynooɓe joweeɗiɗo aynanɓe haa dow suudu aynirdu.
15Ammaa ko ɓuri fuu, tora Ɓaŋiiɗo ɗowa ma haa laawol booɗŋgol.
Sey hikma nafa woɗɓe feere boo
16Hiddeko puɗɗa kuugal, waɗ sawari dow maagal. Num booɗɗum hiddeko kuuwa koo ɗume fuu.
17Nder ɓernde numooji fuu iwata.
18Nde wurtinan laabi nayi: Mbooɗeeŋga malla halleende, ngeendam malla boo maayde, ammaa tum ɗemŋgal waɗata ɗum.
19Yimɓe feere mbaawan dawranango woɗɓe, ammaa ngam ko'e maɓɓe, ɓe mbaawataa waɗgo koo ɗume.
20Ɗuuɗa-haala'en boo, yimɓe nganyan ɓe, koo nyaamdu seɗɗa, ɓe keɓataa.
21Ngam ɓe keɓaay haa Jawmiraawo barka fottango woɗɓe, ɓe ngalaa hikma koo seɗɗa.
22Woɗɓe mari hikma ammaa ngam bote maɓɓe tan. Ko ɓe keɓata bee faamu maɓɓe, kamɓe ɗum nafata.
23Ammaa woɗɓe boo mari hikma ngam bote ummaatoore muuɗum'en, ko ɓe keɓata bee faamu maɓɓe, ɗum kooleteeɗum.
24Marɗo hikma o barkiɗinteeɗo, yi'anɓe mo fuu mbi'an o ceyiiɗo.
25En mbaawan limgo balɗe goɗɗo, ammaa balɗe Isra'iila limataake.
26Marɗo hikma ngam daliila ummaatoore mum heɓan tedduŋgal, innde maako tabitan haa foroy.
Margo naŋgtaare
27Ɓiŋngel am, nder joonde ma haa duniyaaru, foondu hoore ma: Heɓtu ko halli ngam ma, nden wudin ɗum.
28Ngam koo ɗume fuu yahantaa koo moy fuu, koo moy yerdataako koo ɗume fuu.
29Mar naŋgtaare yeeso kuuje belɗe, taa diwnan nyaamdu.
30Ngam nyaamgo ɗuuɗɗum nyawnan e ɗuɗɗingo nyaamdu dohan ɓernde.
31Yimɓe ɗuuɗɓe maayi ngam ɓe naŋgtaay. Aynanɗo hoore mum juttinan balɗe mum.
Currently Selected:
Sirasid 37: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Sirasid 37
37
Soobiraaɓe feere feere
1Soobaajo fuu wi'an: “Min boo, mi soobaajo ma!” Ammaa woɗɓe laati sooba'en bee innde tan.
2Kayto, ɗum metteeŋga maŋnga to soobaajo ma mo daande e hoore laatake konneejo ma!
3Woowaande halleende amin, toy nde iwi? Kanjum hebbini duniyaaru bee rikici.
4Oo o soobaajo ma ngam hayru ma. Ammaa saa'i sarru, o tuurtante.
5Oya boo o soobaajo mo ɗon yarda bone bee ma nde a ɗon nyaamna mo. Ammaa to wakkati haɓre yotti, o suuɗoto ɓaawo ndarganaawal.
6Taa yejjitit soobaajo ma to a ɗon nder konu. Siftor mo boo to a heɓi ndahalaagu.
Sawariiji ɗiye he'i hooleego?
7Carwotooɗo fuu, sawariiji muuɗum maŋgtata. Ammaa woɗɓe feere, sey riba maɓɓe tan ɓe tefata.
8Hakkilan dokkoowo ma sawari! Tef faamgo ɗume o ɗaɓɓata bee sawariiji ɗi'i ngam o ɗon numa ko waddanta mo riba. Hakkil ngam teema o ɗon tefa hoo'ugo ko marɗa.
9To o wi'i ma: “A suɓi dabarewol booɗŋgol” nden boo o daroto daayiiɗum bee ma ngam haa o laara ko tawete.
10Taa ƴam sawari haa kaajuɗo ma, suuɗ anniyaaji ma haa haajuɓe ma.
11Taa ƴam sawari haa debbo dow nawliiko malla haa kulɗo haala haɓre malla haa piloowo dow ko coodata malla haa coodoowo dow ko coorrata. Taa ƴam sawari haa suunomaajo dow haala yettoore malla haa kalluɗo dow mbooɗeeŋga. Taa ƴam meereejo sawari dow kuugal malla kuuwoowo ngeenaari dow hitaande timmoode kuugal malla kuuwoowo mbaaseejo dow kuugal maŋngal ngal o tammi waɗgo. Taa suklan sawariiji yimɓe ɓe'e sam.
12Hoo'u wakkati ma fuu bee goɗɗo gooŋgaajo mo annduɗa ɗon tokko umrooje Allah. Numooji mon gooti e to a heɓi torra, o wondan bee ma nder naawɗum.
13Hoola anniyaaji iwɗi haa ɓernde ma: Walaa carwotooɗo ɓuranɗo hoolaare.
14Ndego, neɗɗo maatiniiɗo ɓuran sawari aynooɓe joweeɗiɗo aynanɓe haa dow suudu aynirdu.
15Ammaa ko ɓuri fuu, tora Ɓaŋiiɗo ɗowa ma haa laawol booɗŋgol.
Sey hikma nafa woɗɓe feere boo
16Hiddeko puɗɗa kuugal, waɗ sawari dow maagal. Num booɗɗum hiddeko kuuwa koo ɗume fuu.
17Nder ɓernde numooji fuu iwata.
18Nde wurtinan laabi nayi: Mbooɗeeŋga malla halleende, ngeendam malla boo maayde, ammaa tum ɗemŋgal waɗata ɗum.
19Yimɓe feere mbaawan dawranango woɗɓe, ammaa ngam ko'e maɓɓe, ɓe mbaawataa waɗgo koo ɗume.
20Ɗuuɗa-haala'en boo, yimɓe nganyan ɓe, koo nyaamdu seɗɗa, ɓe keɓataa.
21Ngam ɓe keɓaay haa Jawmiraawo barka fottango woɗɓe, ɓe ngalaa hikma koo seɗɗa.
22Woɗɓe mari hikma ammaa ngam bote maɓɓe tan. Ko ɓe keɓata bee faamu maɓɓe, kamɓe ɗum nafata.
23Ammaa woɗɓe boo mari hikma ngam bote ummaatoore muuɗum'en, ko ɓe keɓata bee faamu maɓɓe, ɗum kooleteeɗum.
24Marɗo hikma o barkiɗinteeɗo, yi'anɓe mo fuu mbi'an o ceyiiɗo.
25En mbaawan limgo balɗe goɗɗo, ammaa balɗe Isra'iila limataake.
26Marɗo hikma ngam daliila ummaatoore mum heɓan tedduŋgal, innde maako tabitan haa foroy.
Margo naŋgtaare
27Ɓiŋngel am, nder joonde ma haa duniyaaru, foondu hoore ma: Heɓtu ko halli ngam ma, nden wudin ɗum.
28Ngam koo ɗume fuu yahantaa koo moy fuu, koo moy yerdataako koo ɗume fuu.
29Mar naŋgtaare yeeso kuuje belɗe, taa diwnan nyaamdu.
30Ngam nyaamgo ɗuuɗɗum nyawnan e ɗuɗɗingo nyaamdu dohan ɓernde.
31Yimɓe ɗuuɗɓe maayi ngam ɓe naŋgtaay. Aynanɗo hoore mum juttinan balɗe mum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.