Markus 2
2
Yeesu yamɗitini waata-terɗeejo
(Matta 9:1-8; Luka 5:17-26)
1Ɓaawo nyalɗe seɗɗa, Yeesu lorti haa Kafarnahum. Yimɓe nani o ɗon nder saare. 2Mooɓre ɗuuɗnde hawti haa babal luttaay koo haa yolnde boo. Nden Yeesu waazini ɓe Kubaruwol Belŋgol. 3Yimɓe feere ngari haa maako, ɓe ngaddani mo waata-terɗeejo, worɓe nayo ɗon ndoondi mo. 4Ammaa ɓe mbaawaay yottingo mo haa Yeesu ngam yimɓe ɗuuɗi. Nden ɓe maɓɓiti kippol suudu haa dow nokkuure nde Yeesu woni. Nden ɓe nastini waata-terɗeejo baaliiɗo dow be'itte mum, ɓe njippini mo. 5Nde Yeesu yi'i nuɗɗinki yimɓe ɓe'e, o wi'i waata-terɗeejo: “Ɓiŋngel am, hakkeeji ma njaafaama.” 6Moodiɓɓe tawreeta woɗɓe jooɗiiɓe ton numi nder ɓerɗe maɓɓe: 7“Koni goɗɗo oo wolwata kalluka bana ka'a? Moy waawata yaafaago hakkeeji sonaa Allah feere mum?” 8Yeesu annditi nder muuɗum ko ɓe numi. O ƴami ɓe: “Koni numoton bana nii? 9Ko ɓuri hoyugo? Wi'go waata-terɗeejo: Hakkeeji maaɗa njaafaama naa malla wi'go mo: Umma, hoocu be'itte ma, yah? 10Ammaa ngam haa mi faamtina on Ɓii-neɗɗo woodi baawɗe yaafaago hakkeeji nder duniyaaru.” Nden o wi'i waata-terɗeejo: 11“Mi ɗon wi'e: Umma, hoocu be'itte ma, hootu.”
12Law o ummi, o hoosi be'itte maako, o wurti, o dilli gite yimɓe fuu, haa ɓe kayɗini, ɓe teddini Allah, ɓe mbi'i: “Min meeɗaay yi'ugo irin ɗu'um.”
Yeesu ewni Lewi
(Matta 9:9-13; Luka 5:27-32)
13Yeesu dilli fahin haa weendu Galiili. Yimɓe ɗuuɗɓe ngari haa maako, o ekkitini ɓe. 14Nde o ɗon tokki laawol, o yi'i Lewi ɓii Halfa ɗon jooɗi haa baariki jomorgol. O wi'i mo: “Tokkam.” Lewi ummi, tokki mo.
15Ɓaawo man Yeesu jooɗodi nder saare Lewi bee pukara'en#2:15 Pukara'en malla ahiiɓe. muuɗum e jomnooɓe e hakke'en ɗuuɗɓe tokkiiɓe mo, ɓe nyaamdi. 16Moodiɓɓe Farisa'en Woɗɓe ngi'i mo o ɗon nyaamda bee jomnooɓe e hakke'en, ɓe ƴami pukara'en maako: “Koni o nyaamdata bee yimɓe ɓe'e?” 17Nde Yeesu nani ɗum, o wi'i ɓe: “Yamɓe ngalaa haaje kurgoowo, sey nyawɓe. Mi waraay ngam ewnaago adili'en, sey hakke'en.”
Ƴamol dow suumaye
(Matta 9:14-17; Luka 5:33-39)
18Nyannde feere pukara'en Yuhanna e Farisa'en ɗonno cuumo. Woɗɓe ngari ƴami Yeesu: “Ngam ɗume pukara'en Yuhanna e Farisa'en ɗon cuumo, ammaa pukara'en maaɗa cuumataako?” 19Yeesu jaabi ɓe: “On numi ewnaaɓe haa ɓaŋgal cuumoto nde ɓaŋɗo ɗon wondi bee maɓɓe na? Walaa sam! Ɓe cuumataako yaake ɓaŋɗo ɗon wondi bee maɓɓe. 20Ammaa saa'i waran nde ɓaŋɗo tawataake caka maɓɓe, wakkati man ɓe cuumoto.
21Walaa mo takkata leppel kesel dow limce kiiɗɗe, ngam leppel kesel fooɗan limce kiiɗɗe, ceekgol man tullitan. 22Non boo goɗɗo loowataa inaboojam kesam nder kanyakanyaaji#2:22 Kanyakanyaawu ɗum booro laral ngam sigaago njaram. To laral man hiiɗi, ngal marataa semmbe. kiiɗɗi, ngam taa inaboojam kesam seeka kanyakanyaaji man, wonna ɗi, inaboojam boo rufa. Ngam maajum sey goɗɗo loowa inaboojam kesam nder kanyakanyaaji kesi.”
Ƴamol dow nyalaade siwtorde
(Matta 12:1-8; Luka 6:1-5)
23 Nyannde siwtorde Yeesu ɗonno saalo nder gese alkamaari. Pukara'en maako puɗɗi ittugo cammeeje alkamaari dow laawol#TT 23:26.. 24Nden Farisa'en mbi'i Yeesu: “Laar, koni pukara'en ma ngaɗata ko tawreeta meeɗen haɗi waɗugo nyannde siwtorde?” 25Yeesu jaabi ɓe: “On meeɗaay jaŋngugo ko Daawuda waɗi nde kaŋko e wonduɓe bee maako ɓe maati dolo#2:25 Dolo malla weelo haa jihaaji goɗɗi. e ɓe keɓaayno nyaamdu na? 26O nasti suudu Allah, o nyaami tamseeje ɗe ɓe lii'ani#2:26 … tamseeje ɗe ɓe lii'ani Allah. Nde nyannde siwtorde waɗi fuu, liman'en njo'ini tamseeje sappo e ɗiɗi dow taabal nder suudu Allah. Ɗum laati ngam ciftorki no Allah nyaamniri Isra'iila nder ladde. Allah saa'i Abiyatar wonno hooreejo liman'en. Sey liman'en tan tawreeta meeɗen duŋani nyaamugo tamseeje ɗe, o hokki boo wonduɓe bee maako, ɓe nyaami#FL 24:9.#1 Sam 21:1-6..” 27Nden Yeesu wi'i ɓe fahin: “Nyalaade siwtorde waɗaama ngam neɗɗo. Neɗɗo waɗaaka ngam nyalaade siwtorde. 28Ngam maajum, Ɓii-neɗɗo woni Jawmu nyalaade siwtorde man.”
Currently Selected:
Markus 2: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Markus 2
2
Yeesu yamɗitini waata-terɗeejo
(Matta 9:1-8; Luka 5:17-26)
1Ɓaawo nyalɗe seɗɗa, Yeesu lorti haa Kafarnahum. Yimɓe nani o ɗon nder saare. 2Mooɓre ɗuuɗnde hawti haa babal luttaay koo haa yolnde boo. Nden Yeesu waazini ɓe Kubaruwol Belŋgol. 3Yimɓe feere ngari haa maako, ɓe ngaddani mo waata-terɗeejo, worɓe nayo ɗon ndoondi mo. 4Ammaa ɓe mbaawaay yottingo mo haa Yeesu ngam yimɓe ɗuuɗi. Nden ɓe maɓɓiti kippol suudu haa dow nokkuure nde Yeesu woni. Nden ɓe nastini waata-terɗeejo baaliiɗo dow be'itte mum, ɓe njippini mo. 5Nde Yeesu yi'i nuɗɗinki yimɓe ɓe'e, o wi'i waata-terɗeejo: “Ɓiŋngel am, hakkeeji ma njaafaama.” 6Moodiɓɓe tawreeta woɗɓe jooɗiiɓe ton numi nder ɓerɗe maɓɓe: 7“Koni goɗɗo oo wolwata kalluka bana ka'a? Moy waawata yaafaago hakkeeji sonaa Allah feere mum?” 8Yeesu annditi nder muuɗum ko ɓe numi. O ƴami ɓe: “Koni numoton bana nii? 9Ko ɓuri hoyugo? Wi'go waata-terɗeejo: Hakkeeji maaɗa njaafaama naa malla wi'go mo: Umma, hoocu be'itte ma, yah? 10Ammaa ngam haa mi faamtina on Ɓii-neɗɗo woodi baawɗe yaafaago hakkeeji nder duniyaaru.” Nden o wi'i waata-terɗeejo: 11“Mi ɗon wi'e: Umma, hoocu be'itte ma, hootu.”
12Law o ummi, o hoosi be'itte maako, o wurti, o dilli gite yimɓe fuu, haa ɓe kayɗini, ɓe teddini Allah, ɓe mbi'i: “Min meeɗaay yi'ugo irin ɗu'um.”
Yeesu ewni Lewi
(Matta 9:9-13; Luka 5:27-32)
13Yeesu dilli fahin haa weendu Galiili. Yimɓe ɗuuɗɓe ngari haa maako, o ekkitini ɓe. 14Nde o ɗon tokki laawol, o yi'i Lewi ɓii Halfa ɗon jooɗi haa baariki jomorgol. O wi'i mo: “Tokkam.” Lewi ummi, tokki mo.
15Ɓaawo man Yeesu jooɗodi nder saare Lewi bee pukara'en#2:15 Pukara'en malla ahiiɓe. muuɗum e jomnooɓe e hakke'en ɗuuɗɓe tokkiiɓe mo, ɓe nyaamdi. 16Moodiɓɓe Farisa'en Woɗɓe ngi'i mo o ɗon nyaamda bee jomnooɓe e hakke'en, ɓe ƴami pukara'en maako: “Koni o nyaamdata bee yimɓe ɓe'e?” 17Nde Yeesu nani ɗum, o wi'i ɓe: “Yamɓe ngalaa haaje kurgoowo, sey nyawɓe. Mi waraay ngam ewnaago adili'en, sey hakke'en.”
Ƴamol dow suumaye
(Matta 9:14-17; Luka 5:33-39)
18Nyannde feere pukara'en Yuhanna e Farisa'en ɗonno cuumo. Woɗɓe ngari ƴami Yeesu: “Ngam ɗume pukara'en Yuhanna e Farisa'en ɗon cuumo, ammaa pukara'en maaɗa cuumataako?” 19Yeesu jaabi ɓe: “On numi ewnaaɓe haa ɓaŋgal cuumoto nde ɓaŋɗo ɗon wondi bee maɓɓe na? Walaa sam! Ɓe cuumataako yaake ɓaŋɗo ɗon wondi bee maɓɓe. 20Ammaa saa'i waran nde ɓaŋɗo tawataake caka maɓɓe, wakkati man ɓe cuumoto.
21Walaa mo takkata leppel kesel dow limce kiiɗɗe, ngam leppel kesel fooɗan limce kiiɗɗe, ceekgol man tullitan. 22Non boo goɗɗo loowataa inaboojam kesam nder kanyakanyaaji#2:22 Kanyakanyaawu ɗum booro laral ngam sigaago njaram. To laral man hiiɗi, ngal marataa semmbe. kiiɗɗi, ngam taa inaboojam kesam seeka kanyakanyaaji man, wonna ɗi, inaboojam boo rufa. Ngam maajum sey goɗɗo loowa inaboojam kesam nder kanyakanyaaji kesi.”
Ƴamol dow nyalaade siwtorde
(Matta 12:1-8; Luka 6:1-5)
23 Nyannde siwtorde Yeesu ɗonno saalo nder gese alkamaari. Pukara'en maako puɗɗi ittugo cammeeje alkamaari dow laawol#TT 23:26.. 24Nden Farisa'en mbi'i Yeesu: “Laar, koni pukara'en ma ngaɗata ko tawreeta meeɗen haɗi waɗugo nyannde siwtorde?” 25Yeesu jaabi ɓe: “On meeɗaay jaŋngugo ko Daawuda waɗi nde kaŋko e wonduɓe bee maako ɓe maati dolo#2:25 Dolo malla weelo haa jihaaji goɗɗi. e ɓe keɓaayno nyaamdu na? 26O nasti suudu Allah, o nyaami tamseeje ɗe ɓe lii'ani#2:26 … tamseeje ɗe ɓe lii'ani Allah. Nde nyannde siwtorde waɗi fuu, liman'en njo'ini tamseeje sappo e ɗiɗi dow taabal nder suudu Allah. Ɗum laati ngam ciftorki no Allah nyaamniri Isra'iila nder ladde. Allah saa'i Abiyatar wonno hooreejo liman'en. Sey liman'en tan tawreeta meeɗen duŋani nyaamugo tamseeje ɗe, o hokki boo wonduɓe bee maako, ɓe nyaami#FL 24:9.#1 Sam 21:1-6..” 27Nden Yeesu wi'i ɓe fahin: “Nyalaade siwtorde waɗaama ngam neɗɗo. Neɗɗo waɗaaka ngam nyalaade siwtorde. 28Ngam maajum, Ɓii-neɗɗo woni Jawmu nyalaade siwtorde man.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.