Sirac 51
51
Sarong Awit nin Pasasalamat
1Nagpapasalamat ako saimo,
O Kagurangnan asin Hade;
inoomaw taka bilang Dios ko asin Kagligtas.
Nagpapasalamat ako saimo,
2huli ta tinabangan asin iningatan mo ako.
Ilinigtas mo ako sa kagadanan,
sa mga kaputikan asin sa mga pakaraot.
3Tinabangan mo ako kan mayo nin minatabang sako;
sa saimong dakulang pagkaherak ilinigtas mo ako
sa kadakul na kasakitan na sakong naaraman:
sa naglalaad na kaanggotan kan sakong mga kaiwal,
na boot na tumapos kan sakong buhay;
4sa nakakapoot na aso nin pang-aapi
na nag-iitaas hale sa mga kalayo na bako ako an nagmakot;
5sa kagadanan mismo;
sa mga pakaraot na ipinaabot sa hade.
6Pinaatubang ako kaidto sa kagadanan;
7saen man na lugar, pinalibotan ako kan mga kaiwal.
Naghanap ako nin makakatabang sako,
alagad mayo, maski saro.
8Dangan nagiromdoman ko, O Kagurangnan, kun gurano ka kamaheherakon
asin kun ano an saimong ginibo kan nakaaging mga panahon.
Nagiromdoman ko na ilinigtas mo an mga tawong nagsasarig saimo;
ilinigtas mo sinda sa mga kaiwal ninda.
9Dangan hale digdi sa daga, namibi ako saimo
tanganing iligtas mo ako sa kagadanan.
10Namibi akong, “O Kagurangnan, ika an sakong ama;#51:10 Sa Hebreyo ika an sakong ama; sa Griyego ama nin sakong Kagurangnan.
hare ako pagpabayae sa sakong mga kasakitan,
sa panahon na mayo akong nagigibo laban sa mapalangkaw na mga kaiwal.
11Danay akong mag-oomaw saimo
asin mag-aawit nin mga awit nin pasasalamat.”
Sinimbag mo an sakong pamibi,
12asin ilinigtas mo ako sa naghahalat na kapahamakan.
Kaya nagpapasalamat asin nag-oomaw ako saimo.
O Kagurangnan, nag-oomaw ako saimo!
An Paghanap sa Kadonongan
13Kan ako hoben pa, bago ako nagpoon sa sakong mga pagbyahe, danay akong namibi na magkaigwa nin Kadonongan. 14Nagduman ako sa Templo asin hinanap ko siya, asin hahanapon ko siya sagkod na ako may buhay. 15Magpoon na magsoltero ako sagkod na maggurang, an Kadonongan an danay kong nawilihan. Poon kan ako hoben pa, danay akong nagsunod kan saiyang dalan. 16Nakamtan ko tolos an Kadonongan magpoon kan maghinanyog ako saiya, asin binalosan ako nin dakulang pakaaram. 17Danay akong nagin sarong paraadal asin nagpapasalamat ako sa gabos na nagin paratukdo ko. 18Naghingowa akong mamuhay sosog sa kadonongan asin idinusay ko an sakong buhay para sa katanosan. Mayo ako nin anoman na pagbasol. 19Nakilaban ako para sa Kadonongan asin nagin estrikto sa sakong gawe. Kan namibi ako, mamondong ikinumpisal ko na dai ko pa talaga midbid an Kadonongan. 20Alagad tudok sa boot ko na mapasako an Kadonongan, asin nakua ko siya huli sa paglikay sa kasalan. Nagtalubo ako sa Kadonongan poon pa kan makua ko siya, asin magigin danay ko siyang kaiba. 21Nagin dakula an sakong balos, huli ta nagkaigwa ako kan kamawotan na hanapon siya. 22Tinawan ako nin Kagurangnan kan regalo sa pagtaram, asin ginamit ko iyan sa pag-omaw saiya.
23Madya kamo sako, kamong nangangaipong tukdoan, asin mag-adal kamo sa sakong eskwelahan. 24Tano ta sinasabi nindong mayo kamo nin naaaraman? Tadaw ta mayo man kamong ginigibo dapit kaiyan? 25Ini an sinasabi ko: Mayong bayad an magin madonong. 26Pasanon nindo an sakal, asin magin andam kamo sa pag-adal. An oportunidad danay na harani. 27Hilinga nindo an nangyari sako! Bakong maigot nanggad an ginibo kong pag-aadal, alagad nakakua ako nin dakulang kapahingaloan. 28Dai nindo pag-isipon an halaga tanganing magin madonong, huli ta sobra pa diyan an mabalik saindo. 29Maogma kamong magpasalamat sa Kagurangnan huli kan saiyang pagkaherak, asin dai nanggad nindo ikasopog an pag-omaw saiya. 30Giboha nindo an saindong katongdan sa tamang panahon, asin tatawan kamo nin Kagurangnan kan saindong balos, sa pinaghohona niyang tamang panahon.
Currently Selected:
Sirac 51: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 51
51
Sarong Awit nin Pasasalamat
1Nagpapasalamat ako saimo,
O Kagurangnan asin Hade;
inoomaw taka bilang Dios ko asin Kagligtas.
Nagpapasalamat ako saimo,
2huli ta tinabangan asin iningatan mo ako.
Ilinigtas mo ako sa kagadanan,
sa mga kaputikan asin sa mga pakaraot.
3Tinabangan mo ako kan mayo nin minatabang sako;
sa saimong dakulang pagkaherak ilinigtas mo ako
sa kadakul na kasakitan na sakong naaraman:
sa naglalaad na kaanggotan kan sakong mga kaiwal,
na boot na tumapos kan sakong buhay;
4sa nakakapoot na aso nin pang-aapi
na nag-iitaas hale sa mga kalayo na bako ako an nagmakot;
5sa kagadanan mismo;
sa mga pakaraot na ipinaabot sa hade.
6Pinaatubang ako kaidto sa kagadanan;
7saen man na lugar, pinalibotan ako kan mga kaiwal.
Naghanap ako nin makakatabang sako,
alagad mayo, maski saro.
8Dangan nagiromdoman ko, O Kagurangnan, kun gurano ka kamaheherakon
asin kun ano an saimong ginibo kan nakaaging mga panahon.
Nagiromdoman ko na ilinigtas mo an mga tawong nagsasarig saimo;
ilinigtas mo sinda sa mga kaiwal ninda.
9Dangan hale digdi sa daga, namibi ako saimo
tanganing iligtas mo ako sa kagadanan.
10Namibi akong, “O Kagurangnan, ika an sakong ama;#51:10 Sa Hebreyo ika an sakong ama; sa Griyego ama nin sakong Kagurangnan.
hare ako pagpabayae sa sakong mga kasakitan,
sa panahon na mayo akong nagigibo laban sa mapalangkaw na mga kaiwal.
11Danay akong mag-oomaw saimo
asin mag-aawit nin mga awit nin pasasalamat.”
Sinimbag mo an sakong pamibi,
12asin ilinigtas mo ako sa naghahalat na kapahamakan.
Kaya nagpapasalamat asin nag-oomaw ako saimo.
O Kagurangnan, nag-oomaw ako saimo!
An Paghanap sa Kadonongan
13Kan ako hoben pa, bago ako nagpoon sa sakong mga pagbyahe, danay akong namibi na magkaigwa nin Kadonongan. 14Nagduman ako sa Templo asin hinanap ko siya, asin hahanapon ko siya sagkod na ako may buhay. 15Magpoon na magsoltero ako sagkod na maggurang, an Kadonongan an danay kong nawilihan. Poon kan ako hoben pa, danay akong nagsunod kan saiyang dalan. 16Nakamtan ko tolos an Kadonongan magpoon kan maghinanyog ako saiya, asin binalosan ako nin dakulang pakaaram. 17Danay akong nagin sarong paraadal asin nagpapasalamat ako sa gabos na nagin paratukdo ko. 18Naghingowa akong mamuhay sosog sa kadonongan asin idinusay ko an sakong buhay para sa katanosan. Mayo ako nin anoman na pagbasol. 19Nakilaban ako para sa Kadonongan asin nagin estrikto sa sakong gawe. Kan namibi ako, mamondong ikinumpisal ko na dai ko pa talaga midbid an Kadonongan. 20Alagad tudok sa boot ko na mapasako an Kadonongan, asin nakua ko siya huli sa paglikay sa kasalan. Nagtalubo ako sa Kadonongan poon pa kan makua ko siya, asin magigin danay ko siyang kaiba. 21Nagin dakula an sakong balos, huli ta nagkaigwa ako kan kamawotan na hanapon siya. 22Tinawan ako nin Kagurangnan kan regalo sa pagtaram, asin ginamit ko iyan sa pag-omaw saiya.
23Madya kamo sako, kamong nangangaipong tukdoan, asin mag-adal kamo sa sakong eskwelahan. 24Tano ta sinasabi nindong mayo kamo nin naaaraman? Tadaw ta mayo man kamong ginigibo dapit kaiyan? 25Ini an sinasabi ko: Mayong bayad an magin madonong. 26Pasanon nindo an sakal, asin magin andam kamo sa pag-adal. An oportunidad danay na harani. 27Hilinga nindo an nangyari sako! Bakong maigot nanggad an ginibo kong pag-aadal, alagad nakakua ako nin dakulang kapahingaloan. 28Dai nindo pag-isipon an halaga tanganing magin madonong, huli ta sobra pa diyan an mabalik saindo. 29Maogma kamong magpasalamat sa Kagurangnan huli kan saiyang pagkaherak, asin dai nanggad nindo ikasopog an pag-omaw saiya. 30Giboha nindo an saindong katongdan sa tamang panahon, asin tatawan kamo nin Kagurangnan kan saindong balos, sa pinaghohona niyang tamang panahon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.