Sirac 47
47
Si Natan
1An nagsunod saiya iyo si Natan, na sarong propeta kan panahon ni David.
Si David
2Siring na itinalaan para sa Kagurangnan an matabang kabtang kan dolot nin pakisumaro, siring man pinili si David hale sa kadaklan kan mga Israelita. 3Nakikawat siya sa mga leon saka mga oso na garo sanang nakikawat sa mga kordero saka mga kanding. 4Kan hoben pa siya, ginadan niya an sarong higante tanganing iligtas an saiyang banwaan. Nagbugtak siya nin sarong gapo sa saiyang lagpitaw, naghimonta dangan pinaontok an kapaabaw-abawan ni Goliat. 5Namibi siya sa Kagurangnan, an Kahorohalangkawe, asin tinawan siya nin kosog na magadan an bantog na soldados na idto, tanganing galangan kan mga nasyon an kapangyarihan kan saiyang banwaan. 6Ginalangan siya kan mga tawo huli sa paggadan niya nin sampolong ribo, dangan kan koronahan siya bilang hade, inomaw ninda siya huli ta siya an napili nin Kagurangnan. 7Pinuho niya an gabos niyang kaiwal asin rinonot niya an mga Filisteo, tanganing dai na nanggad sinda magin sarong homa sa katoninongan kan Israel.
8Sa gabos na ginibo ni David, nagpasalamat saka nag-omaw siya sa An Banal, an Kahorohalangkawe. Namotan niya an saiyang Kaglalang asin nag-awit siya nin mga pag-omaw sa saiya sa bilog niyang puso. 9Nagbugtak siya nin mga paraawit sa atubangan kan altar na maawit nin magagayon na musika. 10Itinalaan niya an panahon kan mga pyesta sa bilog na taon asin ginibo niyang magayon an mga selebrasyon na iyan; nag-aniningal an Templo sa bilog na aldaw huli sa mga kaomawan sa Kagurangnan. 11Pinatawad nin Kagurangnan an kasalan ni David asin pinapusog niya an kapangyarihan kaini sagkod lamang. Naggibo an Kagurangnan nin sarong tipan ki David na mamuraway na maghahade si David asin an saiyang kapagarakian sa Israel.
Si Solomon
12Inandam nin marahay ni David an dalan para sa saiyang aking lalaki, na sarong madonong na lalaki, tanganing mamayo sunod saiya. 13Dai nagkaigwa nin gera mantang naghahade si Solomon. An Dios an nagtao saiya nin katoninongan sa gabos niyang pagdolonan, tanganing ikapatindog niya an Templo para sa Kagurangnan, sarong Templo na magdadanay sagkod pa man. 14Madonong ka nin marahay, Solomon, kan ika hoben pa! Nakakaagid sa nagbabaha na Nilo#47:14 Sa Hebreyo sa…Nilo; sa Griyego sa sarong salog. an saimong pakaaram. 15An saimong mga kasabihan saka mga paukod nabantog sa gabos na lugar. 16Bantog ka sa gabos na lugar, asin namotan ka kan mga tawo huli kan dara mong katoninongan. 17Pinagngalasan ka kan mga nasyon huli kan saimong mga awit, mga talinhaga, mga parabola, asin mga madodonong na kasabihan. 18Nagtipon ka nin plata saka bulawan na garo ka sana nagtipon nin lata o timga. Ginibo mo gabos iyan sa ngaran nin Kagurangnan Dios nin Israel.
19Alagad an saimong sobrang pagmawot sa babae iyo an nagin dahelan kan saimong pagbagsak. 20Dinigtaan mo an saimong onra saka an ngaran kan saimong mga kapagarakian. Sinda an nagtios kan padusa na bunga kan saimong kalolongan, na nagin dahelan kan saindang sobrang pagmondo. 21Huli kaiyan nabanga an nasyon, asin nagtunga an saro pang kahadean sa amihan na parte kan Israel. 22Alagad danay na magigin maheherakon an Kagurangnan asin ootobon niya an gabos niyang panuga.#47:22 Sa Hebreyo ootobon niya an gabos niyang panuga; sa Griyego dai niya raraoton an saiyang ginibohan. Dai nanggad niya tutunawon an mga kapagarakian ni David, na saiyang pinili asin namoot saiya. Kaya huli sa Israel, itinugot niyang may matada sa pamilya ni David.
Si Rehoboam asin si Jeroboam
23Nagadan si Solomon arog kan saiyang mga ginikanan asin an saro kan mga aki niyang lalaki iyo an nagsalihid saiya bilang hade. An lalaking ini iyo si Rehoboam, sarong lalaking kulang an pakasabot asin dakula an kalolongan, na an palakaw iyo an nagin dahelan kan pagrebelde kan mga tawo.
Si Jeroboam na aking lalaki ni Nebat, iyo an nangenot sa amihan na parte kan Israel sa mga gaweng makasalan. 24Nagkasala nin marahay an saiyang banwaan kaya itinapok sinda sa ibang daga. 25Binalo ninda an manlaen-laen na klase nin karatan sagkod na binalos sinda nin Kagurangnan.
Currently Selected:
Sirac 47: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 47
47
Si Natan
1An nagsunod saiya iyo si Natan, na sarong propeta kan panahon ni David.
Si David
2Siring na itinalaan para sa Kagurangnan an matabang kabtang kan dolot nin pakisumaro, siring man pinili si David hale sa kadaklan kan mga Israelita. 3Nakikawat siya sa mga leon saka mga oso na garo sanang nakikawat sa mga kordero saka mga kanding. 4Kan hoben pa siya, ginadan niya an sarong higante tanganing iligtas an saiyang banwaan. Nagbugtak siya nin sarong gapo sa saiyang lagpitaw, naghimonta dangan pinaontok an kapaabaw-abawan ni Goliat. 5Namibi siya sa Kagurangnan, an Kahorohalangkawe, asin tinawan siya nin kosog na magadan an bantog na soldados na idto, tanganing galangan kan mga nasyon an kapangyarihan kan saiyang banwaan. 6Ginalangan siya kan mga tawo huli sa paggadan niya nin sampolong ribo, dangan kan koronahan siya bilang hade, inomaw ninda siya huli ta siya an napili nin Kagurangnan. 7Pinuho niya an gabos niyang kaiwal asin rinonot niya an mga Filisteo, tanganing dai na nanggad sinda magin sarong homa sa katoninongan kan Israel.
8Sa gabos na ginibo ni David, nagpasalamat saka nag-omaw siya sa An Banal, an Kahorohalangkawe. Namotan niya an saiyang Kaglalang asin nag-awit siya nin mga pag-omaw sa saiya sa bilog niyang puso. 9Nagbugtak siya nin mga paraawit sa atubangan kan altar na maawit nin magagayon na musika. 10Itinalaan niya an panahon kan mga pyesta sa bilog na taon asin ginibo niyang magayon an mga selebrasyon na iyan; nag-aniningal an Templo sa bilog na aldaw huli sa mga kaomawan sa Kagurangnan. 11Pinatawad nin Kagurangnan an kasalan ni David asin pinapusog niya an kapangyarihan kaini sagkod lamang. Naggibo an Kagurangnan nin sarong tipan ki David na mamuraway na maghahade si David asin an saiyang kapagarakian sa Israel.
Si Solomon
12Inandam nin marahay ni David an dalan para sa saiyang aking lalaki, na sarong madonong na lalaki, tanganing mamayo sunod saiya. 13Dai nagkaigwa nin gera mantang naghahade si Solomon. An Dios an nagtao saiya nin katoninongan sa gabos niyang pagdolonan, tanganing ikapatindog niya an Templo para sa Kagurangnan, sarong Templo na magdadanay sagkod pa man. 14Madonong ka nin marahay, Solomon, kan ika hoben pa! Nakakaagid sa nagbabaha na Nilo#47:14 Sa Hebreyo sa…Nilo; sa Griyego sa sarong salog. an saimong pakaaram. 15An saimong mga kasabihan saka mga paukod nabantog sa gabos na lugar. 16Bantog ka sa gabos na lugar, asin namotan ka kan mga tawo huli kan dara mong katoninongan. 17Pinagngalasan ka kan mga nasyon huli kan saimong mga awit, mga talinhaga, mga parabola, asin mga madodonong na kasabihan. 18Nagtipon ka nin plata saka bulawan na garo ka sana nagtipon nin lata o timga. Ginibo mo gabos iyan sa ngaran nin Kagurangnan Dios nin Israel.
19Alagad an saimong sobrang pagmawot sa babae iyo an nagin dahelan kan saimong pagbagsak. 20Dinigtaan mo an saimong onra saka an ngaran kan saimong mga kapagarakian. Sinda an nagtios kan padusa na bunga kan saimong kalolongan, na nagin dahelan kan saindang sobrang pagmondo. 21Huli kaiyan nabanga an nasyon, asin nagtunga an saro pang kahadean sa amihan na parte kan Israel. 22Alagad danay na magigin maheherakon an Kagurangnan asin ootobon niya an gabos niyang panuga.#47:22 Sa Hebreyo ootobon niya an gabos niyang panuga; sa Griyego dai niya raraoton an saiyang ginibohan. Dai nanggad niya tutunawon an mga kapagarakian ni David, na saiyang pinili asin namoot saiya. Kaya huli sa Israel, itinugot niyang may matada sa pamilya ni David.
Si Rehoboam asin si Jeroboam
23Nagadan si Solomon arog kan saiyang mga ginikanan asin an saro kan mga aki niyang lalaki iyo an nagsalihid saiya bilang hade. An lalaking ini iyo si Rehoboam, sarong lalaking kulang an pakasabot asin dakula an kalolongan, na an palakaw iyo an nagin dahelan kan pagrebelde kan mga tawo.
Si Jeroboam na aking lalaki ni Nebat, iyo an nangenot sa amihan na parte kan Israel sa mga gaweng makasalan. 24Nagkasala nin marahay an saiyang banwaan kaya itinapok sinda sa ibang daga. 25Binalo ninda an manlaen-laen na klase nin karatan sagkod na binalos sinda nin Kagurangnan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.