Sirac 43
43
1Gurano kagayon kan maliwanag asin malinaw na langit sa kaitaasan!
Sarong mamuraway na tanawon iyan!
2An aldaw, kun minatunga, nagpapahayag sa saiyang pag-itaas
na iyan sarong makangalas na gibo kan Kahorohalangkawe.
3Kun odto, pinapamara kaiyan an daga;
mayong makakatagal sa nagkakalayong init kaiyan.
4Nakakasulo an init kan horno na pinagtatrabahoan nin sarong tawo,
alagad makatolong beses an init kan aldaw na minasulo kan kabukidan.
Pinapaluwas kaiyan an nagkakalayong saldang,
na nakakasula huli sa kaliwanagan.
5Dakula an Kagurangnan na naggibo kaiyan;
sa saiyang pagboot marikas na minalakaw iyan.
6Yaon man an bulan, na nagtatala kan pag-agi nin panahon,
sarong mayong tapos na tanda kan nagliliwat na mga panahon.
7An bulan iyo an minatalaan kan mga banal na aldaw,
sarong ilaw na nagdidiklom pakatapos kan saiyang kabilogan.
8An “bulan” nginaranan sunod sa bulan,
makangangalas na paghilingon mantang nagdadakula barubanggi,
sarong maliwanag na tanda para sa langitnon na hukbo,
na nagliliwanag sa kahiwasan nin kalangitan.
9An nagliliwanag na mga bitoon iyo an nagpapagayon kan kalangitan,
mga nagkikinang na samno sa halangkaw na kalangitan nin Kagurangnan.
10Minaontok sinda sa lugar na itinalaan sainda kan An Banal
asin dai sinda nag-oontok sa saindang pagbabantay.
11Hilinga an bulalangaw dangan omawa an kaggibo kaiyan!
Gurano kamuraway, kakinang an saiyang kagayonan.
12Siring sa pana na tiniko kan mga kamot kan Kahorohalangkawe,
naaabot kaiyan an mga pagdolonan sa sarong arko nin kamurawayan.
13Sa pagboot niya, minahulog an nyebe;
minaabot an kikilat sa pagsunod kan saiyang paghukom.
14Binubukasan an mga kwartong sarayan sa kalangitan,
asin minariligid paluwas an mga dampog siring sa naglalayog na mga gamgam.
15Huli sa saiyang kapangyarihan minatambak siya nin mga panganoron
asin pinaparasa an nyebe nganing magin uran nin yelo.
16-17Minataram siya, asin pinapatakig kan daguldol an daga;
hinahampak man an daga kan bagyong hale sa amihan asin kan aripuros.
An nyebe iwinawarak niya arog sa naglalayog na mga gamgam,
arog sa mga doron na nagtutugdon sa daga.
18Minangalas kita sa magayon na kaputian kan nyebe,
asin sa pagngalas minamasdan ta an paghulog kaiyan.
19An yelo iwinawarak niya sa daga arog sa asin,
na kun minatagas, nagigin mapapanas na mga tonok.
20Minahuyop an malipot na doros kan amihan
asin nagigin yelo an katubigan;
an lambang danaw saka sapa nagigin yelo,
na garo nagsulot nin pantahob sa daghan.
21Hinahalon niya an kabukidan asin sinusulo an kalangtadan,
dangan siring sa kalayo na inaalang niya an doot.
22Alagad nakakabalik an buhay sa gabos na ini pag-abot kan ambon,
mantang naglilipot an panahon asin minatunga an alopoop.
23Huli sa saiyang kadonongan, pinapakalma niya an dakulang kadagatan
dangan binubugtakan niya iyan nin mga isla.
24An mga marino nag-oosip dapit sa mga pag-alaman sa dagat,
asin minadangog kita kan saindang mga istorya mantang nagngangalas.
25Huli ta yaon sa dagat an makangangalas saka magayon na mga linalang:
darakulang impakto asin gabos na linalang na may buhay.
26Huli sa Kagurangnan, dai nalalagalag an saiyang mga sugo,
asin huli sa saiyang tataramon an gabos na bagay nagkakasararo.
27Magtaram man kita nin dakul dai kita makakahaman,
alagad iyo ini an kahulogan kaiyan: an Kagurangnan iyo an gabos.
28Saen ta makukua an kosog tanganing omawon siya?
Huli ta mas dakula siya ki sa bilog na linalang.
29Dakula asin makangirhat an Kagurangnan;
makangangalas an saiyang kapangyarihan.
30Maski gibohon mo an pinakaorog mong pag-omaw saiya,
dakula pa giraray siya sa pwede mong ikapahayag.
Maski mayong ontok asin sa bilog na kosog galangan mo siya,
bako pa giraray maninigo an magigin pag-omaw mo saiya.
31Mayo pang nakahiling saiya, mayo nin makakaladawan saiya;
mayo nin pwedeng mag-omaw saiya sosog sa maninigo saiya.
32Dakul na bagay na orog pang dakula ki sa mga ini an dai pa aram,
huli ta kadikit pa sana an nahiling ta sa saiyang ginibohan.
33An Kagurangnan an naggibo kan kinaban
dangan an mga diosnon na tawo tinawan niya nin kadonongan.
Currently Selected:
Sirac 43: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 43
43
1Gurano kagayon kan maliwanag asin malinaw na langit sa kaitaasan!
Sarong mamuraway na tanawon iyan!
2An aldaw, kun minatunga, nagpapahayag sa saiyang pag-itaas
na iyan sarong makangalas na gibo kan Kahorohalangkawe.
3Kun odto, pinapamara kaiyan an daga;
mayong makakatagal sa nagkakalayong init kaiyan.
4Nakakasulo an init kan horno na pinagtatrabahoan nin sarong tawo,
alagad makatolong beses an init kan aldaw na minasulo kan kabukidan.
Pinapaluwas kaiyan an nagkakalayong saldang,
na nakakasula huli sa kaliwanagan.
5Dakula an Kagurangnan na naggibo kaiyan;
sa saiyang pagboot marikas na minalakaw iyan.
6Yaon man an bulan, na nagtatala kan pag-agi nin panahon,
sarong mayong tapos na tanda kan nagliliwat na mga panahon.
7An bulan iyo an minatalaan kan mga banal na aldaw,
sarong ilaw na nagdidiklom pakatapos kan saiyang kabilogan.
8An “bulan” nginaranan sunod sa bulan,
makangangalas na paghilingon mantang nagdadakula barubanggi,
sarong maliwanag na tanda para sa langitnon na hukbo,
na nagliliwanag sa kahiwasan nin kalangitan.
9An nagliliwanag na mga bitoon iyo an nagpapagayon kan kalangitan,
mga nagkikinang na samno sa halangkaw na kalangitan nin Kagurangnan.
10Minaontok sinda sa lugar na itinalaan sainda kan An Banal
asin dai sinda nag-oontok sa saindang pagbabantay.
11Hilinga an bulalangaw dangan omawa an kaggibo kaiyan!
Gurano kamuraway, kakinang an saiyang kagayonan.
12Siring sa pana na tiniko kan mga kamot kan Kahorohalangkawe,
naaabot kaiyan an mga pagdolonan sa sarong arko nin kamurawayan.
13Sa pagboot niya, minahulog an nyebe;
minaabot an kikilat sa pagsunod kan saiyang paghukom.
14Binubukasan an mga kwartong sarayan sa kalangitan,
asin minariligid paluwas an mga dampog siring sa naglalayog na mga gamgam.
15Huli sa saiyang kapangyarihan minatambak siya nin mga panganoron
asin pinaparasa an nyebe nganing magin uran nin yelo.
16-17Minataram siya, asin pinapatakig kan daguldol an daga;
hinahampak man an daga kan bagyong hale sa amihan asin kan aripuros.
An nyebe iwinawarak niya arog sa naglalayog na mga gamgam,
arog sa mga doron na nagtutugdon sa daga.
18Minangalas kita sa magayon na kaputian kan nyebe,
asin sa pagngalas minamasdan ta an paghulog kaiyan.
19An yelo iwinawarak niya sa daga arog sa asin,
na kun minatagas, nagigin mapapanas na mga tonok.
20Minahuyop an malipot na doros kan amihan
asin nagigin yelo an katubigan;
an lambang danaw saka sapa nagigin yelo,
na garo nagsulot nin pantahob sa daghan.
21Hinahalon niya an kabukidan asin sinusulo an kalangtadan,
dangan siring sa kalayo na inaalang niya an doot.
22Alagad nakakabalik an buhay sa gabos na ini pag-abot kan ambon,
mantang naglilipot an panahon asin minatunga an alopoop.
23Huli sa saiyang kadonongan, pinapakalma niya an dakulang kadagatan
dangan binubugtakan niya iyan nin mga isla.
24An mga marino nag-oosip dapit sa mga pag-alaman sa dagat,
asin minadangog kita kan saindang mga istorya mantang nagngangalas.
25Huli ta yaon sa dagat an makangangalas saka magayon na mga linalang:
darakulang impakto asin gabos na linalang na may buhay.
26Huli sa Kagurangnan, dai nalalagalag an saiyang mga sugo,
asin huli sa saiyang tataramon an gabos na bagay nagkakasararo.
27Magtaram man kita nin dakul dai kita makakahaman,
alagad iyo ini an kahulogan kaiyan: an Kagurangnan iyo an gabos.
28Saen ta makukua an kosog tanganing omawon siya?
Huli ta mas dakula siya ki sa bilog na linalang.
29Dakula asin makangirhat an Kagurangnan;
makangangalas an saiyang kapangyarihan.
30Maski gibohon mo an pinakaorog mong pag-omaw saiya,
dakula pa giraray siya sa pwede mong ikapahayag.
Maski mayong ontok asin sa bilog na kosog galangan mo siya,
bako pa giraray maninigo an magigin pag-omaw mo saiya.
31Mayo pang nakahiling saiya, mayo nin makakaladawan saiya;
mayo nin pwedeng mag-omaw saiya sosog sa maninigo saiya.
32Dakul na bagay na orog pang dakula ki sa mga ini an dai pa aram,
huli ta kadikit pa sana an nahiling ta sa saiyang ginibohan.
33An Kagurangnan an naggibo kan kinaban
dangan an mga diosnon na tawo tinawan niya nin kadonongan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.