Salmo 121
121
An Kagurangnan Satong Parasurog
1Itinitingkalag ko sa mga bulod an mga mata ko;
saen daw magikan an tabang para sako?
2An tabang para sako magikan sa Kagurangnan
na naggibo kan langit asin daga.
3Dai ka niya papabayaan na mahulog;
an parabantay mo dai makatorog.
4Dai matungka, dai makatorog
an parabantay nin Israel.
5Babantayan ka nin Kagurangnan;
yaon siya sa kataed mo tanganing ika ingatan.
6Kun aldaw dai ka mararaot kan init;
kun banggi dai ka mararaot kan bulan.
7Ililikay ka nin Kagurangnan sa gabos na pag-alaman;
aatamanon niya an saimong buhay.
8Iingatan ka nin Kagurangnan sa saimong paghale asin pagbalik
ngunyan asin sagkod pa man.
Currently Selected:
Salmo 121: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
