Mga Talinhaga 19
19
1Mas marahay an magin dukha alagad matanos an pamumuhay, ki sa magin putikon na lolong.
2Bakong marahay para sa sarong tawo an mayo nin pakaaram; an naghihidali dai nakakakua kan dalan.
3Huli sa kalolongan, rinaraot kan tawo an saiyang sadiri, dangan binabasol an Kagurangnan.
4An mga mayaman padagos na nakakakua nin bagong mga katood, alagad an dukha binabayaan kan saiyang katood.
5Dai mangyayari na dai mapadusahan an putikon na saksi; an nagpuputik dai makakadulag.
6Kadakul an naghihingowa na makadolok sa haralangkaw na tawo; an lambang saro nagsasabing katood sinda kan mga tawong nagtatao nin karahayan.
7An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.
8An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.
9An putikon na saksi papadusahan asin an nagpuputik mapapahamak.
10An luhong pamumuhay bakong angay sa lolong; orog nang bakong maninigo para sa sarong oripon na siya mamayo sa mga prinsipe.
11An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.
12An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.
13An aking lolong nagdadara nin karatan sa saiyang ama. An madaldal na agom garo uran na dai nag-oontok.
14Namamana sa mga magurang an harong asin kayamanan, alagad hale sa Kagurangnan an marahay na agom.
15An hugakon minapakatorog sa tawo nin haloy, asin an tawong hugakon mayo nin kakakanon.
16An nag-iingat kan mga togon nin Dios, nag-iingat kan sadiring buhay; an naoongis kan mga iyan magagadan.
17Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.
18Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.
19An tawong may dakulang kaanggotan magbabayad kan padusa; kun iligtas mo siya, gigibohon mo man sana giraray iyan.
20Hinanyogon mo an hatol asin akoon mo an katukdoan tanganing magkaigwa ka nin kadonongan sa maabot na panahon.
21Kadakul kan mga plano nin sarong tawo, alagad an kabotan nin Kagurangnan an magdadanay.
22Kaimbodan an hinahagad sa sarong tawo; mas marahay an sarong dukha ki sa sarong putikon.
23Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.
24Mapagal para sa sarong hugakon maski an paghungit kan saiyang kakanon.
25Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.
26An naggigibo nin kadahasan sa ama asin nagsusubol sa ina, sarong aking maraot saka mayo nin sopog.
27Aki ko, kun mag-ontok ka sa pag-adal, mapapabayaan mo ngapit an saimo nang naaraman.
28An maraot na saksi minabiko kan hustisya; an maraot na tawo namomoot sa karatan.
29Inandam na an padusa para sa mga paraolog-olog, asin an pamakol para sa mga lolong.
Currently Selected:
Mga Talinhaga 19: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Mga Talinhaga 19
19
1Mas marahay an magin dukha alagad matanos an pamumuhay, ki sa magin putikon na lolong.
2Bakong marahay para sa sarong tawo an mayo nin pakaaram; an naghihidali dai nakakakua kan dalan.
3Huli sa kalolongan, rinaraot kan tawo an saiyang sadiri, dangan binabasol an Kagurangnan.
4An mga mayaman padagos na nakakakua nin bagong mga katood, alagad an dukha binabayaan kan saiyang katood.
5Dai mangyayari na dai mapadusahan an putikon na saksi; an nagpuputik dai makakadulag.
6Kadakul an naghihingowa na makadolok sa haralangkaw na tawo; an lambang saro nagsasabing katood sinda kan mga tawong nagtatao nin karahayan.
7An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.
8An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.
9An putikon na saksi papadusahan asin an nagpuputik mapapahamak.
10An luhong pamumuhay bakong angay sa lolong; orog nang bakong maninigo para sa sarong oripon na siya mamayo sa mga prinsipe.
11An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.
12An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.
13An aking lolong nagdadara nin karatan sa saiyang ama. An madaldal na agom garo uran na dai nag-oontok.
14Namamana sa mga magurang an harong asin kayamanan, alagad hale sa Kagurangnan an marahay na agom.
15An hugakon minapakatorog sa tawo nin haloy, asin an tawong hugakon mayo nin kakakanon.
16An nag-iingat kan mga togon nin Dios, nag-iingat kan sadiring buhay; an naoongis kan mga iyan magagadan.
17Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.
18Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.
19An tawong may dakulang kaanggotan magbabayad kan padusa; kun iligtas mo siya, gigibohon mo man sana giraray iyan.
20Hinanyogon mo an hatol asin akoon mo an katukdoan tanganing magkaigwa ka nin kadonongan sa maabot na panahon.
21Kadakul kan mga plano nin sarong tawo, alagad an kabotan nin Kagurangnan an magdadanay.
22Kaimbodan an hinahagad sa sarong tawo; mas marahay an sarong dukha ki sa sarong putikon.
23Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.
24Mapagal para sa sarong hugakon maski an paghungit kan saiyang kakanon.
25Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.
26An naggigibo nin kadahasan sa ama asin nagsusubol sa ina, sarong aking maraot saka mayo nin sopog.
27Aki ko, kun mag-ontok ka sa pag-adal, mapapabayaan mo ngapit an saimo nang naaraman.
28An maraot na saksi minabiko kan hustisya; an maraot na tawo namomoot sa karatan.
29Inandam na an padusa para sa mga paraolog-olog, asin an pamakol para sa mga lolong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.