Levitico 13
13
Mga Pagsusundon Manongod sa mga Helang sa Kublit
1Itinao nin Kagurangnan ki Moises saka ki Aaron an mga pagsusundon na ini. 2Kun an sarong tawo igwa nin gatok sa saiyang kublit o pigsa o ano man na sangaw na pwedeng magin nakakatakot na helang sa kublit, dadarahon siya ki Aaron o sa saiyang mga pading aki. 3Sisiyasaton kan padi an gatok asin kun puminuti an barahibo na yaon sa kublit na may gatok, saka kun an gatok mas hararom ki sa palibot na kublit, iyan sarong nakakatakot na helang sa kublit; ipapahayag kan padi na siya maati. 4Alagad kun maputi an kublit na may gatok asin iyan bako man hararom ki sa palibot na kublit, saka dai man nagputi an mga barahibo, lalaenon siya kan padi sa laog nin pitong aldaw. 5Sa ikapitong aldaw, hihilingon siya giraray kan padi; kun mahiling kaini na daing pagbabago an gatok asin dai man naglakop, lalaenon siya kan padi sa laog nin pito pang aldaw. 6Dangan sa ikapitong aldaw, hihilingon siya giraray kan padi; kun nagkupos na an gatok asin dai man naglakop, ibibilang na siyang malinig, iyan saro man sanang ordinaryong gatok. Lalabahan kan tawong idto an saiyang gubing asin siya magigin malinig. 7Alagad kun naglakop an gatok, pakahilinga saiya kan padi asin pakapahayag kaini na malinig na siya, kaipuhan magpahiling siya giraray sa padi. 8Hihilingon siya giraray kan padi asin kun naglakop an gatok, ipapahayag kan padi na siya maati; iyan sarong nakakatakot na helang sa kublit.
9An siisay man na igwa nin nakakatakot na helang sa kublit, dadarahon sa padi 10na iyo an mahiling saiya. Kun igwa nin puting gatok sa saiyang kublit na nagpaputi kan mga barahibo diyan asin pano nin nana, 11iyan sarong haloy nang nakakatakot na helang sa kublit. Ibibilang siya kan padi na tawong maati. Dai na kaipuhan laenon pa siya huli ta totoong maati siya. 12Kun an helang sa kublit nakalakop na sa bilog na hawak magpoon sa payo sagkod sa bitis, 13hihilingon man siya giraray kan padi. Kun mahiling na nakalakop na sa bilog na hawak an helang sa kublit, ipapahayag kan padi na malinig na an lalaki; kun nagputi na an bilog niyang kublit, malinig na siya. 14Alagad kun magkaigwa siya nin lugad, siya maati. 15Hihilingon siya giraray kan padi asin kun an mahiling kaini sarong naglugad na gatok, ipapahayag kan padi na siya maati. An sarong naglugad na gatok sarong nakakatakot na helang sa kublit, asin maati an tawong igwa kaiyan. 16Alagad kun nagpila na an gatok asin magputi giraray, maduman an tawong iyan sa padi. 17Hihilingon siya kan padi, asin kun puminuti an gatok, malinig na siya dangan ipapahayag iyan kan padi.
18Kun an pigsa nin sarong lalaki narahay, 19asin duman sa pinigsahan may magtungang gatok na namuti o namula, kaipuhan magduman siya sa padi 20na iyo an mahiling saiya. Kun an lugar na ginatokan mas hararom ki sa palibot na kublit, asin an mga barahibo duman nagputi, ibibilang siya kan padi na tawong maati. Iyan sarong nakakatakot na helang sa kublit na nagpoon sa pigsa. 21Alagad kun dai nagputi an mga barahibo sa pigsa kundi mapusaw sana an kolor, lalaenon siya kan padi sa laog nin pitong aldaw. 22Kun maglakop an pigsa, ibibilang siya kan padi na tawong maati, asin igwa nin helang sa kublit. 23Alagad kun dai man maglakop an gatok, iyan an pinilaan kan pigsa, asin ibibilang siya kan padi na tawong malinig.
24Dapit sa tawong napaso, kun an napasoan nagin lugad na namuti o namula, 25kaipuhan hilingon siya kan padi. Kun nagputi an mga barahibo sa lugad, asin kun an lugar na naglugad mas hararom ki sa palibot na kublit, iyan sarong nakakatakot na helang sa kublit na nagpoon sa paso. Kaya ipapahayag kan padi na siya maati. 26Alagad kun an mga barahibo duman dai man nagputi asin an lugar na naglugad dai man naghararom ki sa palibot na kublit kundi mapusaw sana an kolor, lalaenon siya kan padi sa laog nin pitong aldaw. 27Hihilingon siya giraray kan padi sa ikapitong aldaw asin kun naglakop an lugad, iyan sarong nakakatakot na helang sa kublit, asin ipapahayag kan padi na siya maati. 28Alagad kun dai man nagliwat o naglakop an lugad kundi mapusaw sana an kolor, iyan bakong nakakatakot na helang sa kublit. Ipapahayag kan padi na siya malinig huli ta pinilaan man sana idto kan pagkapaso.
29Kun an sarong lalaki o babae igwa nin gatok sa payo o sa kuko, 30kaipuhan hilingon iyan kan padi. Kun an gatok mas hararom ki sa kublit sa palibot dangan nagin bulaw an kolor kan mga buhok asin naghimpis, iyan sarong nakakatakot na helang sa kublit, asin ipapahayag kan padi na siya maati. 31Kun mahiling kan padi na bako man hararom an gatok ki sa palibot na kublit, alagad mayo pa nin maitom na buhok, lalaenon siya kan padi sa laog nin pitong aldaw. 32Hihilingon giraray kan padi sa ikapitong aldaw an gatok asin kun dai man iyan naglakop asin mayo man nin mga bulaw na buhok saka bako man mas hararom ki sa kublit sa palibot, 33aarison kan tawong idto an buhok sa palibot kan gatok. Dangan lalaenon siya kan padi sa laog nin pito pang aldaw. 34Sa ikapitong aldaw, hihilingon giraray kan padi an gatok asin kun iyan dai man naglakop o naghararom, ipapahayag siyang malinig na. Lalabahan kan tawong idto an saiyang gubing asin siya magigin malinig. 35Alagad kun naglakop an lugad pakatapos na ipahayag kan padi na malinig na siya, 36hihilingon giraray siya kan padi. Kun naglakop mananggad an gatok, dai na kaipuhan na maghanap pa an padi nin bulaw na buhok; an tawong iyan totoong maati. 37Alagad kun sa paghona kan padi dai man naglakop an gatok, asin nagtatalubo na an mga maitom na buhok, nagrarahay na an gatok asin ipapahayag kan padi na siya malinig na.
38Kun an sarong lalaki o babae igwa nin mga mapuputing putak-putak sa saiyang kublit, 39hihilingon siya kan padi. Kun an mga putak-putak bako man maputi nin marahay, mga panaw sana iyan; malinig an tawong iyan.
40-41Kun an sarong lalaki mawaraan nin buhok sa saiyang payo o sa saiyang angog, kalbo siya o angas, alagad malinig. 42Alagad kun igwang gatok na namumula o namumuti na maglataw sa saiyang payo o angog, iyan sarong nakakatakot na helang sa kublit. 43Hihilingon siya kan padi asin kun igwang namumula o namumuting gatok sa saiyang payo o angog, 44ipapahayag kan padi na siya maati huli kan nakakatakot na helang sa kublit sa saiyang payo.
45An sarong tawong igwa nin nakakatakot na helang sa kublit kaipuhan magsulot nin girising gubing, dai magsukray, magtahob kan saiyang lalawogon asin magkurahaw nin “Maati, maati!” 46Sagkod na igwa siya kan helang na iyan, siya maati asin kaipuhan na mag-erok siya sa luwas kan kampo.
Mga Pagsusundon Manongod sa Alamag
47Kun igwang alamag#13:47 ALAMAG: Sa Hebreyo, an tataramon para sa nakakatakot na helang sa kublit asin alamag saro sana. sa gubing na lana o lino, 48o telang lana o lino, o kun an alamag yaon sa anit o sa ano man na gibo sa anit, 49kun iyan nagbeberde o nagpupula, alamag iyan na madaling maglakop asin dapat na ipahiling sa padi. 50Pakatapos na mahiling iyan kan padi, lalaenon sa laog nin pitong aldaw an bagay na igwa kaiyan. 51Sa ikapitong aldaw, hihilingon niya giraray iyan, asin kun luminakop an alamag, an bagay na nakakapotan kaiyan maati. 52Kaya susuloon niya an gubing o anit huli ta iyan alamag na madaling maglakop na dapat suloon.
53Alagad kun mahiling kan padi na dai man naglakop sa nakakapotan an alamag, 54papalabahan niya an nakakapotan kaiyan asin lalaenon giraray sa laog nin pito pang aldaw. 55Dangan hihilingon niya iyan, asin kun dai man nagliwat an kolor kan alamag maski dai iyan naglakop, maati man giraray an bagay na nakakapotan, sa atubangan man o sa likod, asin kaipuhan na suloon. 56Alagad kun sa masunod na paghiling kan padi, nagliwat na an kolor kan alamag sa gubing o sa anit, guguntingon niya iyan. 57Kun magtunga giraray sa gubing o sa anit an alamag, nagpoon na naman sa paglakop iyan, kaya dapat na suloon na an bagay na nakakapotan. 58Kun linabahan niya an gamit asin nawara an alamag, kaipuhan labahan niya iyan giraray tanganing magin malinig.
59Iyo ini an pagsusundon manongod sa alamag na yaon sa gubing na lana o lino, o sa telang lana o lino o sa ano man na gibo sa anit.
Currently Selected:
Levitico 13: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Levitico 13
13
Mga Pagsusundon Manongod sa mga Helang sa Kublit
1Itinao nin Kagurangnan ki Moises saka ki Aaron an mga pagsusundon na ini. 2Kun an sarong tawo igwa nin gatok sa saiyang kublit o pigsa o ano man na sangaw na pwedeng magin nakakatakot na helang sa kublit, dadarahon siya ki Aaron o sa saiyang mga pading aki. 3Sisiyasaton kan padi an gatok asin kun puminuti an barahibo na yaon sa kublit na may gatok, saka kun an gatok mas hararom ki sa palibot na kublit, iyan sarong nakakatakot na helang sa kublit; ipapahayag kan padi na siya maati. 4Alagad kun maputi an kublit na may gatok asin iyan bako man hararom ki sa palibot na kublit, saka dai man nagputi an mga barahibo, lalaenon siya kan padi sa laog nin pitong aldaw. 5Sa ikapitong aldaw, hihilingon siya giraray kan padi; kun mahiling kaini na daing pagbabago an gatok asin dai man naglakop, lalaenon siya kan padi sa laog nin pito pang aldaw. 6Dangan sa ikapitong aldaw, hihilingon siya giraray kan padi; kun nagkupos na an gatok asin dai man naglakop, ibibilang na siyang malinig, iyan saro man sanang ordinaryong gatok. Lalabahan kan tawong idto an saiyang gubing asin siya magigin malinig. 7Alagad kun naglakop an gatok, pakahilinga saiya kan padi asin pakapahayag kaini na malinig na siya, kaipuhan magpahiling siya giraray sa padi. 8Hihilingon siya giraray kan padi asin kun naglakop an gatok, ipapahayag kan padi na siya maati; iyan sarong nakakatakot na helang sa kublit.
9An siisay man na igwa nin nakakatakot na helang sa kublit, dadarahon sa padi 10na iyo an mahiling saiya. Kun igwa nin puting gatok sa saiyang kublit na nagpaputi kan mga barahibo diyan asin pano nin nana, 11iyan sarong haloy nang nakakatakot na helang sa kublit. Ibibilang siya kan padi na tawong maati. Dai na kaipuhan laenon pa siya huli ta totoong maati siya. 12Kun an helang sa kublit nakalakop na sa bilog na hawak magpoon sa payo sagkod sa bitis, 13hihilingon man siya giraray kan padi. Kun mahiling na nakalakop na sa bilog na hawak an helang sa kublit, ipapahayag kan padi na malinig na an lalaki; kun nagputi na an bilog niyang kublit, malinig na siya. 14Alagad kun magkaigwa siya nin lugad, siya maati. 15Hihilingon siya giraray kan padi asin kun an mahiling kaini sarong naglugad na gatok, ipapahayag kan padi na siya maati. An sarong naglugad na gatok sarong nakakatakot na helang sa kublit, asin maati an tawong igwa kaiyan. 16Alagad kun nagpila na an gatok asin magputi giraray, maduman an tawong iyan sa padi. 17Hihilingon siya kan padi, asin kun puminuti an gatok, malinig na siya dangan ipapahayag iyan kan padi.
18Kun an pigsa nin sarong lalaki narahay, 19asin duman sa pinigsahan may magtungang gatok na namuti o namula, kaipuhan magduman siya sa padi 20na iyo an mahiling saiya. Kun an lugar na ginatokan mas hararom ki sa palibot na kublit, asin an mga barahibo duman nagputi, ibibilang siya kan padi na tawong maati. Iyan sarong nakakatakot na helang sa kublit na nagpoon sa pigsa. 21Alagad kun dai nagputi an mga barahibo sa pigsa kundi mapusaw sana an kolor, lalaenon siya kan padi sa laog nin pitong aldaw. 22Kun maglakop an pigsa, ibibilang siya kan padi na tawong maati, asin igwa nin helang sa kublit. 23Alagad kun dai man maglakop an gatok, iyan an pinilaan kan pigsa, asin ibibilang siya kan padi na tawong malinig.
24Dapit sa tawong napaso, kun an napasoan nagin lugad na namuti o namula, 25kaipuhan hilingon siya kan padi. Kun nagputi an mga barahibo sa lugad, asin kun an lugar na naglugad mas hararom ki sa palibot na kublit, iyan sarong nakakatakot na helang sa kublit na nagpoon sa paso. Kaya ipapahayag kan padi na siya maati. 26Alagad kun an mga barahibo duman dai man nagputi asin an lugar na naglugad dai man naghararom ki sa palibot na kublit kundi mapusaw sana an kolor, lalaenon siya kan padi sa laog nin pitong aldaw. 27Hihilingon siya giraray kan padi sa ikapitong aldaw asin kun naglakop an lugad, iyan sarong nakakatakot na helang sa kublit, asin ipapahayag kan padi na siya maati. 28Alagad kun dai man nagliwat o naglakop an lugad kundi mapusaw sana an kolor, iyan bakong nakakatakot na helang sa kublit. Ipapahayag kan padi na siya malinig huli ta pinilaan man sana idto kan pagkapaso.
29Kun an sarong lalaki o babae igwa nin gatok sa payo o sa kuko, 30kaipuhan hilingon iyan kan padi. Kun an gatok mas hararom ki sa kublit sa palibot dangan nagin bulaw an kolor kan mga buhok asin naghimpis, iyan sarong nakakatakot na helang sa kublit, asin ipapahayag kan padi na siya maati. 31Kun mahiling kan padi na bako man hararom an gatok ki sa palibot na kublit, alagad mayo pa nin maitom na buhok, lalaenon siya kan padi sa laog nin pitong aldaw. 32Hihilingon giraray kan padi sa ikapitong aldaw an gatok asin kun dai man iyan naglakop asin mayo man nin mga bulaw na buhok saka bako man mas hararom ki sa kublit sa palibot, 33aarison kan tawong idto an buhok sa palibot kan gatok. Dangan lalaenon siya kan padi sa laog nin pito pang aldaw. 34Sa ikapitong aldaw, hihilingon giraray kan padi an gatok asin kun iyan dai man naglakop o naghararom, ipapahayag siyang malinig na. Lalabahan kan tawong idto an saiyang gubing asin siya magigin malinig. 35Alagad kun naglakop an lugad pakatapos na ipahayag kan padi na malinig na siya, 36hihilingon giraray siya kan padi. Kun naglakop mananggad an gatok, dai na kaipuhan na maghanap pa an padi nin bulaw na buhok; an tawong iyan totoong maati. 37Alagad kun sa paghona kan padi dai man naglakop an gatok, asin nagtatalubo na an mga maitom na buhok, nagrarahay na an gatok asin ipapahayag kan padi na siya malinig na.
38Kun an sarong lalaki o babae igwa nin mga mapuputing putak-putak sa saiyang kublit, 39hihilingon siya kan padi. Kun an mga putak-putak bako man maputi nin marahay, mga panaw sana iyan; malinig an tawong iyan.
40-41Kun an sarong lalaki mawaraan nin buhok sa saiyang payo o sa saiyang angog, kalbo siya o angas, alagad malinig. 42Alagad kun igwang gatok na namumula o namumuti na maglataw sa saiyang payo o angog, iyan sarong nakakatakot na helang sa kublit. 43Hihilingon siya kan padi asin kun igwang namumula o namumuting gatok sa saiyang payo o angog, 44ipapahayag kan padi na siya maati huli kan nakakatakot na helang sa kublit sa saiyang payo.
45An sarong tawong igwa nin nakakatakot na helang sa kublit kaipuhan magsulot nin girising gubing, dai magsukray, magtahob kan saiyang lalawogon asin magkurahaw nin “Maati, maati!” 46Sagkod na igwa siya kan helang na iyan, siya maati asin kaipuhan na mag-erok siya sa luwas kan kampo.
Mga Pagsusundon Manongod sa Alamag
47Kun igwang alamag#13:47 ALAMAG: Sa Hebreyo, an tataramon para sa nakakatakot na helang sa kublit asin alamag saro sana. sa gubing na lana o lino, 48o telang lana o lino, o kun an alamag yaon sa anit o sa ano man na gibo sa anit, 49kun iyan nagbeberde o nagpupula, alamag iyan na madaling maglakop asin dapat na ipahiling sa padi. 50Pakatapos na mahiling iyan kan padi, lalaenon sa laog nin pitong aldaw an bagay na igwa kaiyan. 51Sa ikapitong aldaw, hihilingon niya giraray iyan, asin kun luminakop an alamag, an bagay na nakakapotan kaiyan maati. 52Kaya susuloon niya an gubing o anit huli ta iyan alamag na madaling maglakop na dapat suloon.
53Alagad kun mahiling kan padi na dai man naglakop sa nakakapotan an alamag, 54papalabahan niya an nakakapotan kaiyan asin lalaenon giraray sa laog nin pito pang aldaw. 55Dangan hihilingon niya iyan, asin kun dai man nagliwat an kolor kan alamag maski dai iyan naglakop, maati man giraray an bagay na nakakapotan, sa atubangan man o sa likod, asin kaipuhan na suloon. 56Alagad kun sa masunod na paghiling kan padi, nagliwat na an kolor kan alamag sa gubing o sa anit, guguntingon niya iyan. 57Kun magtunga giraray sa gubing o sa anit an alamag, nagpoon na naman sa paglakop iyan, kaya dapat na suloon na an bagay na nakakapotan. 58Kun linabahan niya an gamit asin nawara an alamag, kaipuhan labahan niya iyan giraray tanganing magin malinig.
59Iyo ini an pagsusundon manongod sa alamag na yaon sa gubing na lana o lino, o sa telang lana o lino o sa ano man na gibo sa anit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.