Exodo 39
39
An Paggibo kan mga Gubing para sa mga Padi
(Exo. 28:1-14)
1Hale sa mga telang lana na kolor asul, purpura asin pula, ginibo kan mga trabahador an magagayon na gubing na isusulot kan mga padi kun sinda naglilingkod sa Banal na Lugar. Ginibo ninda an banal na mga gubing ni Aaron siring sa ipinagboot nin Kagurangnan ki Moises.
2Ginibo ninda an efod sa pinong lino, sa mga telang lana na kolor asul, purpura asin pula, saka sa bulawan na torsido. 3Pinulpog ninda nin manipis an bulawan dangan ginunting nin palaba arog kan torsido tanganing iiba sa paghabol kan pinong lino dangan kan mga telang lana na kolor asul, purpura saka pula. 4Ginibo ninda an duwang tirante dangan itinakod sa duwang gilid kan efod. 5An habay, na magayon an pakahabol, na ginibo ninda sa parehong materyales na ginamit sa paggibo kan efod, itinakod ninda sa efod tanganing magin saro na sana saka an efod, siring sa ipinagboot nin Kagurangnan ki Moises. 6Inandam ninda an mga batong oniks dangan itinampok sa kalopkop na bulawan; nakaukit sa mga ini an mga ngaran kan doseng aki ni Jacob. 7An mga oniks ikinabit ninda sa mga tirante kan efod bilang tanda kan doseng tribu nin Israel, siring sa ipinagboot nin Kagurangnan ki Moises.
An Paggibo kan Pantahob sa Daghan
(Exo. 28:15-30)
8Ginibo ninda an pantahob sa daghan sa parehong materyales na ginamit sa paggibo kan efod asin binurdahan ninda arog kan efod. 9Kwadrado an tiniklop na pantahob sa daghan na may sukol na beynte y dos sentimetros an laba asin beynte y dos sentimetros an lakbang. 10Tinampokan ninda ini nin apat na raya nin mga bato: sa enot na raya, an mga batong rubi, topasyo asin karbungko; 11sa ikaduwang raya, an mga batong esmeralda, sapiro asin brilyante; 12sa ikatolong raya, an mga batong jacinto, agata asin ametista; 13asin sa ikaapat na raya, an mga batong berilo, oniks asin jaspe. Ini gabos nakatampok sa kalopkop na bulawan. 14An doseng bato inukitan ninda kan mga ngaran kan mga aki ni Jacob; an lambang bato nauukitan nin sarong ngaran, bilang tanda kan doseng tribu nin Israel. 15Para sa pantahob sa daghan, naggibo sinda nin duwang kadenang bulawan na sinalapid. 16Naggibo man sinda nin duwang kalopkop na bulawan dangan duwang siningsing na bulawan na ikinabit ninda sa duwang itaas na kanto kan pantahob sa daghan. 17An duwang kadenang bulawan iginakod ninda sa duwang siningsing 18asin an duwa pang poro kan duwang kadena iginakod ninda sa duwang kalopkop na nasa tirante kan efod, sa atubangan. 19Naggibo sinda nin duwang bulawan na siningsing dangan ikinabit ninda sa duwang ibabang kanto kan pantahob sa daghan, sa bandang irarom na harani sa efod. 20Naggibo pa sinda nin duwang bulawan na siningsing dangan ikinabit ninda sa atubangan, sa ibabang parte kan tirante kan efod, sa sinugponan na nasa itaas kan habay. 21Siring sa ipinagboot nin Kagurangnan ki Moises, ginakodan ninda nin pising asul an mga siningsing kan pantahob sa daghan asin an mga siningsing kan efod, tanganing an pantahob sa daghan dai masiblag sa efod kundi makatakod asin mapamugtak sa itaas kan habay.
An Paggibo kan iba pang Gubing kan Padi
(Exo. 28:31-43)
22An abito kan efod ginibo ninda sa telang lana na kolor asul. 23An labot na sulotan kan payo tinahian ninda nin hinabol na pambilit tanganing dai magisi. 24-26An gayad kan abito, kinabitan ninda nin mga granadang gibo sa pinong lino asin sa mga telang lana na kolor asul, purpura asin pula. Ginibo man ninda an mga bulawan na kampanilya asin an lambang saro kaini ibinugtak ninda sa pagultanan nin duwang granada, kaya an mga kampanilya nasa pagultanan kan mga granada siring sa ipinagboot nin Kagurangnan ki Moises.
27Ginibo ninda an mga tunika para ki Aaron saka para sa saiyang mga aki, 28asin an mitra, an mga turban, an mga linong sarwal, 29sagkod an mga habay na hinabol sa pinong lino asin sa mga telang lana na kolor asul, purpura asin pula, na binurdahan, siring sa ipinagboot nin Kagurangnan ki Moises. 30Ginibo ninda an koronang anas bulawan asin inukitan ninda kan mga tataramon na “Konsagrado sa Kagurangnan.” 31An koronang ini ginakodan ninda nin asul na pisi dangan ibinugtak sa atubangan kan mitra, siring sa ipinagboot nin Kagurangnan ki Moises.
Nahaman an Trabaho
(Exo. 35:10-19)
32Natapos an gabos na trabaho sa Tabernakulo; ginibo kan mga Israelita an gabos siring sa ipinagboot nin Kagurangnan ki Moises. 33Dinara ninda ki Moises an Tabernakulo, an toldang pantahob sa Tabernakulo asin an mga kagamitan kaini, an mga kawit, an mga tabla, an mga trabisanyo, an mga harigi saka an mga patungtongan; 34an pantahob na anit nin mga lalaking karnero na tinugma nin pula, asin an pantahob na anit nin mga kanding; an panlipod na kurtina; 35an Kaban nin Tipan na sinarayan kan mga tablang gapo, an mga pasanan sagkod an takop kan Kaban nin Tipan; 36an lamesa kaiba an mga kagamitan kaini, asin an tinapay na dolot sa Dios; 37an kandelero na purong bulawan saka an mga ilawan kaiba an mga kagamitan kaini, asin an lana para sa mga ilawan; 38an bulawan na altar; an panlahid na lana; an mahamot na insenso; an kurtinang panlipod sa pintoan kan Tabernakulo; 39an bronseng altar kaiba an bronseng parilya, an mga pasanan, asin an mga kagamitan kan altar na ini; an palangganang hanawan asin an tumbawan; 40an mga kurtina para sa patyo, an mga harigi saka an mga patungtongan kaini; an kurtinang panlipod sa pintoan kan patyo asin an mga lubid; an mga palo para sa Tabernakulo; an gabos na gamit para sa paglingkod sa Tabernakulo; 41asin an magagayon na gubing na isusulot kan mga padi kun malingkod sinda sa Banal na Lugar—an mga banal na gubing para sa pading si Aaron na padi saka para sa saiyang mga aki sa saindang paglingkod bilang mga padi. 42Nahaman kan mga Israelita an gabos na trabaho siring sa ipinagboot nin Kagurangnan ki Moises. 43Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.
Currently Selected:
Exodo 39: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Exodo 39
39
An Paggibo kan mga Gubing para sa mga Padi
(Exo. 28:1-14)
1Hale sa mga telang lana na kolor asul, purpura asin pula, ginibo kan mga trabahador an magagayon na gubing na isusulot kan mga padi kun sinda naglilingkod sa Banal na Lugar. Ginibo ninda an banal na mga gubing ni Aaron siring sa ipinagboot nin Kagurangnan ki Moises.
2Ginibo ninda an efod sa pinong lino, sa mga telang lana na kolor asul, purpura asin pula, saka sa bulawan na torsido. 3Pinulpog ninda nin manipis an bulawan dangan ginunting nin palaba arog kan torsido tanganing iiba sa paghabol kan pinong lino dangan kan mga telang lana na kolor asul, purpura saka pula. 4Ginibo ninda an duwang tirante dangan itinakod sa duwang gilid kan efod. 5An habay, na magayon an pakahabol, na ginibo ninda sa parehong materyales na ginamit sa paggibo kan efod, itinakod ninda sa efod tanganing magin saro na sana saka an efod, siring sa ipinagboot nin Kagurangnan ki Moises. 6Inandam ninda an mga batong oniks dangan itinampok sa kalopkop na bulawan; nakaukit sa mga ini an mga ngaran kan doseng aki ni Jacob. 7An mga oniks ikinabit ninda sa mga tirante kan efod bilang tanda kan doseng tribu nin Israel, siring sa ipinagboot nin Kagurangnan ki Moises.
An Paggibo kan Pantahob sa Daghan
(Exo. 28:15-30)
8Ginibo ninda an pantahob sa daghan sa parehong materyales na ginamit sa paggibo kan efod asin binurdahan ninda arog kan efod. 9Kwadrado an tiniklop na pantahob sa daghan na may sukol na beynte y dos sentimetros an laba asin beynte y dos sentimetros an lakbang. 10Tinampokan ninda ini nin apat na raya nin mga bato: sa enot na raya, an mga batong rubi, topasyo asin karbungko; 11sa ikaduwang raya, an mga batong esmeralda, sapiro asin brilyante; 12sa ikatolong raya, an mga batong jacinto, agata asin ametista; 13asin sa ikaapat na raya, an mga batong berilo, oniks asin jaspe. Ini gabos nakatampok sa kalopkop na bulawan. 14An doseng bato inukitan ninda kan mga ngaran kan mga aki ni Jacob; an lambang bato nauukitan nin sarong ngaran, bilang tanda kan doseng tribu nin Israel. 15Para sa pantahob sa daghan, naggibo sinda nin duwang kadenang bulawan na sinalapid. 16Naggibo man sinda nin duwang kalopkop na bulawan dangan duwang siningsing na bulawan na ikinabit ninda sa duwang itaas na kanto kan pantahob sa daghan. 17An duwang kadenang bulawan iginakod ninda sa duwang siningsing 18asin an duwa pang poro kan duwang kadena iginakod ninda sa duwang kalopkop na nasa tirante kan efod, sa atubangan. 19Naggibo sinda nin duwang bulawan na siningsing dangan ikinabit ninda sa duwang ibabang kanto kan pantahob sa daghan, sa bandang irarom na harani sa efod. 20Naggibo pa sinda nin duwang bulawan na siningsing dangan ikinabit ninda sa atubangan, sa ibabang parte kan tirante kan efod, sa sinugponan na nasa itaas kan habay. 21Siring sa ipinagboot nin Kagurangnan ki Moises, ginakodan ninda nin pising asul an mga siningsing kan pantahob sa daghan asin an mga siningsing kan efod, tanganing an pantahob sa daghan dai masiblag sa efod kundi makatakod asin mapamugtak sa itaas kan habay.
An Paggibo kan iba pang Gubing kan Padi
(Exo. 28:31-43)
22An abito kan efod ginibo ninda sa telang lana na kolor asul. 23An labot na sulotan kan payo tinahian ninda nin hinabol na pambilit tanganing dai magisi. 24-26An gayad kan abito, kinabitan ninda nin mga granadang gibo sa pinong lino asin sa mga telang lana na kolor asul, purpura asin pula. Ginibo man ninda an mga bulawan na kampanilya asin an lambang saro kaini ibinugtak ninda sa pagultanan nin duwang granada, kaya an mga kampanilya nasa pagultanan kan mga granada siring sa ipinagboot nin Kagurangnan ki Moises.
27Ginibo ninda an mga tunika para ki Aaron saka para sa saiyang mga aki, 28asin an mitra, an mga turban, an mga linong sarwal, 29sagkod an mga habay na hinabol sa pinong lino asin sa mga telang lana na kolor asul, purpura asin pula, na binurdahan, siring sa ipinagboot nin Kagurangnan ki Moises. 30Ginibo ninda an koronang anas bulawan asin inukitan ninda kan mga tataramon na “Konsagrado sa Kagurangnan.” 31An koronang ini ginakodan ninda nin asul na pisi dangan ibinugtak sa atubangan kan mitra, siring sa ipinagboot nin Kagurangnan ki Moises.
Nahaman an Trabaho
(Exo. 35:10-19)
32Natapos an gabos na trabaho sa Tabernakulo; ginibo kan mga Israelita an gabos siring sa ipinagboot nin Kagurangnan ki Moises. 33Dinara ninda ki Moises an Tabernakulo, an toldang pantahob sa Tabernakulo asin an mga kagamitan kaini, an mga kawit, an mga tabla, an mga trabisanyo, an mga harigi saka an mga patungtongan; 34an pantahob na anit nin mga lalaking karnero na tinugma nin pula, asin an pantahob na anit nin mga kanding; an panlipod na kurtina; 35an Kaban nin Tipan na sinarayan kan mga tablang gapo, an mga pasanan sagkod an takop kan Kaban nin Tipan; 36an lamesa kaiba an mga kagamitan kaini, asin an tinapay na dolot sa Dios; 37an kandelero na purong bulawan saka an mga ilawan kaiba an mga kagamitan kaini, asin an lana para sa mga ilawan; 38an bulawan na altar; an panlahid na lana; an mahamot na insenso; an kurtinang panlipod sa pintoan kan Tabernakulo; 39an bronseng altar kaiba an bronseng parilya, an mga pasanan, asin an mga kagamitan kan altar na ini; an palangganang hanawan asin an tumbawan; 40an mga kurtina para sa patyo, an mga harigi saka an mga patungtongan kaini; an kurtinang panlipod sa pintoan kan patyo asin an mga lubid; an mga palo para sa Tabernakulo; an gabos na gamit para sa paglingkod sa Tabernakulo; 41asin an magagayon na gubing na isusulot kan mga padi kun malingkod sinda sa Banal na Lugar—an mga banal na gubing para sa pading si Aaron na padi saka para sa saiyang mga aki sa saindang paglingkod bilang mga padi. 42Nahaman kan mga Israelita an gabos na trabaho siring sa ipinagboot nin Kagurangnan ki Moises. 43Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.