Ane rom, echî 15
15
Ekpin nji ane Obhasi á fóne ka efiím na atem
1Êt mba ḿbə́ŋé nnyi e kíi na Obhasi ta a sôn, e ri é nyáŋé mba ḿbə́ŋé ábho a nyə́ne á ka son ka oseŋe ábho mbí. Deê e kâ jóe e kérá a ri biji ibhə́ré ḿbə́ne-mbənê. 2Kən deê nne owəré kpe nnyón a yim ejûm nji é kí gyebhé ntem-mmon-i-nnyen ka ḿbə́ŋé, a nyáŋé yê a son ka nchot Obhasi. 3Ebhú Jisos Krayis a bháe, á ka kéré biji ibhê. Kən ka ekpak á séŋe ebhú áji á kpê na yê sê, “Atû chénchén mma ane á túi Obhasi, á chəbhe amámé mfá-mfá.”#Nkôn 69.9. 4Á séŋe chénchén achot ta ka éməné, á kâk ka nwet Obhasi á kpí êt sê e kâ fôn efup sê Obhasi á bhó yim nji a toê. Echî aŋ? Achot amê á kí yimâ êt e kə́bhá ḿbə́ŋé, á kará êt fə́ne ikom.
5Deê Obhasi nnyo á kará ḿbə́ŋé ekə́bhə́m na ikom a nyáŋé ên ó fôn ên ḿbə́ŋé yə́t na atem ka ekpin ejə́né na Jisos Krayis. 6Ka ekpak njí, tîk o chə̂m ên eyum jə́t o káre ên nkat mbâ Obhasi nnyo a ri Ńsé Ntûfâm owəré Jisos Krayis.
Jisos Krayis a bháe mbâ ane chénchén
7Kô ên mân atem noŋ Jisos Krayis a kóe ên kən ekûp na ejík é jóe é káre Obhasi. 8Məŋê ên sê, Jisos Krayis a bháe a bhá chəbhé noŋ ḿgbán ane Jus ka etóŋóm se, Obhasi á chimí ejûm a káre nne, a kí yim ńjə́ne. A bháe otóŋé mân se nji Obhasi a chimî a káre ane Jus ka ane-atəm, a yîm ńjə́ne ka etʉri. 9A bháe fə́ne a bhá yim ane nték ajéné á káre nkat mbâ Obhasi ka nsôn nnyi yê á rik nne. Ka ekpak nji á séŋe sê,
“Ńtâ Obhasi, ka obhô mbí,
tîk n káre wâ ekûp na ejík ka nték ajéné.
Tîk n kôn mbiŋ eya ka nkôn.”#2 Sam 22.50; Nkôn 18.49.
10Á séŋe fə́ne sê,
“Ane nték ajéné, chəm ên na ane mba Obhasi a sáŋe,
gyebhê ên ḿbə́ŋé.”#Otira 32.43.
11Á kpô séŋ sê,
“Deê chénchén ane nték ajéné
á káre ekûp na ejík mbâ Ńtâ Obhasi.
Deê ngun á kón ekûp na ejík á káre yê.”#Nkôn 117.1.
12Asaya fə́ne a chorê se,
“Eyábhé-mmon í Jesi tîk a bhák,
tîk a kúi a chə́bhe Ntûfâm ane nték ajéné.
Ábho tîk á kî ḿbə́ŋé na yê.”#Asa 11.10.
13Nji o kíi ên ḿbə́ŋé na Obhasi, deê a karé ên chénchén ogyebhá-ḿbə́ŋé na enare í sui. Yê nâ a yimî êt e kébhá mbá-ochî sê tîk e fôn ekpin. Ka ekpak njí, e kí kep mbá-ochî e kúá e jak ochî ka ikom Obhasi Ebhare Ntʉgantʉ.
Etûm í Pol ka nték ane etat
14Atem-abhon-í-nnyen, mme ḿfoné ń kam ka etʉri bəre íkíkéré ḿbə́ŋé ifə́né í rî nono. Ó məŋe ên achot ó jeghe ên nji kə́n o kpî ên atem. 15Kən ka nwet amé nnyí, ń seŋ ń ka fup kpe ejûm é kpê na achot mma tat mma ń tirá ên. Ń son ḿbə́ŋé ányi ń seŋ ka obhô ńgyímí etûm nnyi Obhasi a karê ə̂m. 16Obhasi a sáŋe ə̂m noŋ nkara-agore nnyo Jisos Krayis. N di ń yîm fə́ne etûm nkara-agore njí, ḿ bá na otîp ogyebhá-ḿbə́ŋé Obhasi mbâ ane nték ajéné. Obhasi Ebhare Ntʉgantʉ tîk a sû mân ábho, akôp á kâ fôn. Tîk á bhîk mân mba Obhasi a kí gyebhe ḿbə́ŋé na ábho.
17Ka ochəma-biji obhámé na Jisos Krayis, ń kere mân bəre ḿ fon echî nji kə́n n yîm nkat ka etûm Obhasi nji n yimî. 18Ḿ fon osoná-ḿbə́ŋé ta ń chot kən é ká chiŋi ka ejûm nji Jisos Krayis yê ḿfoné a kóe ə̂m a yîm se ane nték ajéné á tóp Obhasi. A yimî nná ka eyum í nnyo ejámé na oyima-ejûm obhámé 19na ntûm okpógha-biji, é kpê na ikom Obhasi Ebhare Ntʉgantʉ. Nâ ńjə́ne é róghé ta ka Jerusarem, ta é sî nték Irikum, ń jen ń səre otîp ogyebhá-ḿbə́ŋé mbi ó kpée na Jisos Krayis, ń jeghe ojeghé. 20Ka ejen ejámé fép m fonê ka ḿbə́ŋé bəre ń sə́ré otîp mbí ka ngûm nnyi ane á nyə́ne á ká məŋé Jisos Krayis. Echî é rî sê ń ka wóm ń jî ochî na etûm nji ane etat á roghe. 21Ń yimá áno ka ekpak nji á séŋe se,
“Ane mba á ká nok osə́ré ábho ekpak í nne nnyo yê a ri,
tîk amə̂t á rə́bhe ábho.
Mba á ká nok oyúk kpe ejûm é kpê na yê,
tîk á mə́ŋe nne nnyo yê a ri.”#Asa 52.15.
Pol a kí kere ejen ejiím nnyi Rom
22Etûm ejámé na ane nték ajéné ka ebhat njí nâ é gbʉ́i ə̂m áno ntə̂m etî-etî ń ka bhá ejen ágo.#Rom 1.13. 23Kən m foná ofon ḿbə́ŋé ányi nyâ ka nyâ bəre ḿ bá. Ka eji ń ka kpó fon etûm eyimím ka ebhát njí, 24n kí kere bəre nji n kí ji nnyi Speyin, tîk n yáre ń té ń ká áfo na ên, m fôn ogyebhá-ḿbə́ŋé ó táné ên ajaré ejen amámé. 25Kən mfá-mfá, tîk n jak kpá ń jí nyáŋé ane Obhasi ka Jerusarem na ekəp í ntí.#1 Korin 16.1-4. 26Ekəp njí, a ri ane Masedoniya na Akaya nâ á kére na okot ábho sê á túm mbâ atem-abhon-í-nnyen ka Jerusarem mba á rî ka eket. 27Ábho nâ á kóre ekəp njí etúmúm. Kən kpe é rô joé ka okorá-ḿbə́ŋé, ane nték ajéné á fóne ka enyáŋám ane Jus ka iyîm í ngun. Echî aŋ? A ri ka obhô ane Jus nâ ane nték ajéné á kí fon nkiri ekəp Obhasi.#1 Korin 9.11. 28Ebhú ḿ man achot ka Jerusarem, n káre chénchén ntí mmi á tə́bhe á tûm ábho, n kí maghé mân ń jî nnyi Speyin. Nâ ebhú nji n kí si ên ágo. 29Ḿ məŋe bəre ebhú n kə́ bha, tîk m bák ên na ekpatə́m enare nji Jisos Krayis.
30Atem-abhon-í-nnyen, ń ko mbiŋ i Ntûfâm owəré Jisos Krayis na okot Obhasi Ebhare Ntʉgantʉ ń gore ên bəre ó chə̂m ə̂m é góre Obhasi na ḿbə́ŋé-a-ḿbə́ŋé ka obhô obhámé. 31Deê ó góre ên Obhasi sê a nyáŋé ə̂m, ane mba á ká ki ḿbə́ŋé na Jisos á kâ káre ə̂m oseŋe ka eték í Judiya. Gorê ên fə́ne sê deê ane Obhasi ka Jerusarem á tábhe ekəp ábho, abhô ábháe. 32Ájoé Obhasi a kâm mân, tîk m fôn ekpatə́m ogyebhá-ḿbə́ŋé ka ebhú ḿ ba oyoá-biji obhámé mbâ eyəné ágo. 33Deê Obhasi nnyo á kará enare a joé na ên chénchén. Áno.
Currently Selected:
Ane rom, echî 15: ETUNT
Highlight
Share
Compare
Copy
Want to have your highlights saved across all your devices? Sign up or sign in
Ejagham New Testament © Bible Society of Nigeria and Bible Society of Cameroon, 1996.
Ane rom, echî 15
15
Ekpin nji ane Obhasi á fóne ka efiím na atem
1Êt mba ḿbə́ŋé nnyi e kíi na Obhasi ta a sôn, e ri é nyáŋé mba ḿbə́ŋé ábho a nyə́ne á ka son ka oseŋe ábho mbí. Deê e kâ jóe e kérá a ri biji ibhə́ré ḿbə́ne-mbənê. 2Kən deê nne owəré kpe nnyón a yim ejûm nji é kí gyebhé ntem-mmon-i-nnyen ka ḿbə́ŋé, a nyáŋé yê a son ka nchot Obhasi. 3Ebhú Jisos Krayis a bháe, á ka kéré biji ibhê. Kən ka ekpak á séŋe ebhú áji á kpê na yê sê, “Atû chénchén mma ane á túi Obhasi, á chəbhe amámé mfá-mfá.”#Nkôn 69.9. 4Á séŋe chénchén achot ta ka éməné, á kâk ka nwet Obhasi á kpí êt sê e kâ fôn efup sê Obhasi á bhó yim nji a toê. Echî aŋ? Achot amê á kí yimâ êt e kə́bhá ḿbə́ŋé, á kará êt fə́ne ikom.
5Deê Obhasi nnyo á kará ḿbə́ŋé ekə́bhə́m na ikom a nyáŋé ên ó fôn ên ḿbə́ŋé yə́t na atem ka ekpin ejə́né na Jisos Krayis. 6Ka ekpak njí, tîk o chə̂m ên eyum jə́t o káre ên nkat mbâ Obhasi nnyo a ri Ńsé Ntûfâm owəré Jisos Krayis.
Jisos Krayis a bháe mbâ ane chénchén
7Kô ên mân atem noŋ Jisos Krayis a kóe ên kən ekûp na ejík é jóe é káre Obhasi. 8Məŋê ên sê, Jisos Krayis a bháe a bhá chəbhé noŋ ḿgbán ane Jus ka etóŋóm se, Obhasi á chimí ejûm a káre nne, a kí yim ńjə́ne. A bháe otóŋé mân se nji Obhasi a chimî a káre ane Jus ka ane-atəm, a yîm ńjə́ne ka etʉri. 9A bháe fə́ne a bhá yim ane nték ajéné á káre nkat mbâ Obhasi ka nsôn nnyi yê á rik nne. Ka ekpak nji á séŋe sê,
“Ńtâ Obhasi, ka obhô mbí,
tîk n káre wâ ekûp na ejík ka nték ajéné.
Tîk n kôn mbiŋ eya ka nkôn.”#2 Sam 22.50; Nkôn 18.49.
10Á séŋe fə́ne sê,
“Ane nték ajéné, chəm ên na ane mba Obhasi a sáŋe,
gyebhê ên ḿbə́ŋé.”#Otira 32.43.
11Á kpô séŋ sê,
“Deê chénchén ane nték ajéné
á káre ekûp na ejík mbâ Ńtâ Obhasi.
Deê ngun á kón ekûp na ejík á káre yê.”#Nkôn 117.1.
12Asaya fə́ne a chorê se,
“Eyábhé-mmon í Jesi tîk a bhák,
tîk a kúi a chə́bhe Ntûfâm ane nték ajéné.
Ábho tîk á kî ḿbə́ŋé na yê.”#Asa 11.10.
13Nji o kíi ên ḿbə́ŋé na Obhasi, deê a karé ên chénchén ogyebhá-ḿbə́ŋé na enare í sui. Yê nâ a yimî êt e kébhá mbá-ochî sê tîk e fôn ekpin. Ka ekpak njí, e kí kep mbá-ochî e kúá e jak ochî ka ikom Obhasi Ebhare Ntʉgantʉ.
Etûm í Pol ka nték ane etat
14Atem-abhon-í-nnyen, mme ḿfoné ń kam ka etʉri bəre íkíkéré ḿbə́ŋé ifə́né í rî nono. Ó məŋe ên achot ó jeghe ên nji kə́n o kpî ên atem. 15Kən ka nwet amé nnyí, ń seŋ ń ka fup kpe ejûm é kpê na achot mma tat mma ń tirá ên. Ń son ḿbə́ŋé ányi ń seŋ ka obhô ńgyímí etûm nnyi Obhasi a karê ə̂m. 16Obhasi a sáŋe ə̂m noŋ nkara-agore nnyo Jisos Krayis. N di ń yîm fə́ne etûm nkara-agore njí, ḿ bá na otîp ogyebhá-ḿbə́ŋé Obhasi mbâ ane nték ajéné. Obhasi Ebhare Ntʉgantʉ tîk a sû mân ábho, akôp á kâ fôn. Tîk á bhîk mân mba Obhasi a kí gyebhe ḿbə́ŋé na ábho.
17Ka ochəma-biji obhámé na Jisos Krayis, ń kere mân bəre ḿ fon echî nji kə́n n yîm nkat ka etûm Obhasi nji n yimî. 18Ḿ fon osoná-ḿbə́ŋé ta ń chot kən é ká chiŋi ka ejûm nji Jisos Krayis yê ḿfoné a kóe ə̂m a yîm se ane nték ajéné á tóp Obhasi. A yimî nná ka eyum í nnyo ejámé na oyima-ejûm obhámé 19na ntûm okpógha-biji, é kpê na ikom Obhasi Ebhare Ntʉgantʉ. Nâ ńjə́ne é róghé ta ka Jerusarem, ta é sî nték Irikum, ń jen ń səre otîp ogyebhá-ḿbə́ŋé mbi ó kpée na Jisos Krayis, ń jeghe ojeghé. 20Ka ejen ejámé fép m fonê ka ḿbə́ŋé bəre ń sə́ré otîp mbí ka ngûm nnyi ane á nyə́ne á ká məŋé Jisos Krayis. Echî é rî sê ń ka wóm ń jî ochî na etûm nji ane etat á roghe. 21Ń yimá áno ka ekpak nji á séŋe se,
“Ane mba á ká nok osə́ré ábho ekpak í nne nnyo yê a ri,
tîk amə̂t á rə́bhe ábho.
Mba á ká nok oyúk kpe ejûm é kpê na yê,
tîk á mə́ŋe nne nnyo yê a ri.”#Asa 52.15.
Pol a kí kere ejen ejiím nnyi Rom
22Etûm ejámé na ane nték ajéné ka ebhat njí nâ é gbʉ́i ə̂m áno ntə̂m etî-etî ń ka bhá ejen ágo.#Rom 1.13. 23Kən m foná ofon ḿbə́ŋé ányi nyâ ka nyâ bəre ḿ bá. Ka eji ń ka kpó fon etûm eyimím ka ebhát njí, 24n kí kere bəre nji n kí ji nnyi Speyin, tîk n yáre ń té ń ká áfo na ên, m fôn ogyebhá-ḿbə́ŋé ó táné ên ajaré ejen amámé. 25Kən mfá-mfá, tîk n jak kpá ń jí nyáŋé ane Obhasi ka Jerusarem na ekəp í ntí.#1 Korin 16.1-4. 26Ekəp njí, a ri ane Masedoniya na Akaya nâ á kére na okot ábho sê á túm mbâ atem-abhon-í-nnyen ka Jerusarem mba á rî ka eket. 27Ábho nâ á kóre ekəp njí etúmúm. Kən kpe é rô joé ka okorá-ḿbə́ŋé, ane nték ajéné á fóne ka enyáŋám ane Jus ka iyîm í ngun. Echî aŋ? A ri ka obhô ane Jus nâ ane nték ajéné á kí fon nkiri ekəp Obhasi.#1 Korin 9.11. 28Ebhú ḿ man achot ka Jerusarem, n káre chénchén ntí mmi á tə́bhe á tûm ábho, n kí maghé mân ń jî nnyi Speyin. Nâ ebhú nji n kí si ên ágo. 29Ḿ məŋe bəre ebhú n kə́ bha, tîk m bák ên na ekpatə́m enare nji Jisos Krayis.
30Atem-abhon-í-nnyen, ń ko mbiŋ i Ntûfâm owəré Jisos Krayis na okot Obhasi Ebhare Ntʉgantʉ ń gore ên bəre ó chə̂m ə̂m é góre Obhasi na ḿbə́ŋé-a-ḿbə́ŋé ka obhô obhámé. 31Deê ó góre ên Obhasi sê a nyáŋé ə̂m, ane mba á ká ki ḿbə́ŋé na Jisos á kâ káre ə̂m oseŋe ka eték í Judiya. Gorê ên fə́ne sê deê ane Obhasi ka Jerusarem á tábhe ekəp ábho, abhô ábháe. 32Ájoé Obhasi a kâm mân, tîk m fôn ekpatə́m ogyebhá-ḿbə́ŋé ka ebhú ḿ ba oyoá-biji obhámé mbâ eyəné ágo. 33Deê Obhasi nnyo á kará enare a joé na ên chénchén. Áno.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ejagham New Testament © Bible Society of Nigeria and Bible Society of Cameroon, 1996.