Judi 1
1
1 #
Mat 13:55; Mk 6:3 Ndime Judi, musebezhi wa Jeso Kilisito, ndimunina Jemusi, indalemba luŋwalu lolu kwenu, umwe numwakoompololwa ulimwi nubafwunwa ba Mwami Leza Tatesu, umwe numwakwabililwa u Jeso Kilisito. 2Luse, u luumuno ulimwi u lufwuno luhwa kwa Leza alube amwe.
Ba Maayi Babeshi
3Nubafwunwa, ndazandisha kumulembela luŋwalu kwaamba ati mupandululile sha lufwutuko lwesu toonse. Pele ndakabona ati cintu cikando kacili cakumulembela u kumukumbila kwaamba mulwile lushomo lolo Leza ndwaakapa ba bantu bakwe ciindi comwi. 4Nkaambo bantu bamwi batazanda sha Leza, bakanjila cakuzubaila akati kenu. Baba bantu balaamba ati luse lwa Leza lulatuhuminya kucita shintu shamafwunze. Ulimwi balakamukaka Jeso Kilisito Mwami wesu, shimatwanga esu. Mashinshime a kale kale akaamba ati, balakasubulwa. 5#Kul 12:51; Mye 14:29, 30Inzho ndazanda kumuzhibalusha, nikuba ati mulishizhi shoonse sheshi ati Mwami wakafwutula bantu kuhwa mucishi ca Ijipiti ciindi comwi bulyo ukuzonauna babo bayina nibakashoma. 6Inzho baanjelo balya bayina nibakabamba masena abo, pele bakashiya masena abeelele. Leza wakabaanga inceetani shashikwense u shikwense, wakabawaala mu mushinze ushiya mbi, mpaka kushika kwa buzuba bukando bwa lubeta. 7#Mata 19:1-24Bantu bamu Sodomu u Gomola u minzhi njicibambene ayo, balo bakaakuli bashimamambe ulimwi ubakaasololelwa u shisushi shitali shabuntu, bakaba citondezho ciindi Leza naakabapa cisubulo mu mulilo utamana.
8Umbona bobo, baba bashimaloto balasofwaazha mibili yabo, balakaka kweendezhewa u Leza u kutuka shilenje shilemekwa shaka Leza. 9#Dan 10:13, 21; 12:1; Cizu 12:7; Ciz 34:6; Zaka 3:2Pele ciindi anjelo mukando Maiko, naakaakukazhanya u Shaatani, ku makani a mubili waka Mozesi, wiina kumubeteka cakumusampaula, pele wakaamba bulyo ati, “Mwami Leza akupe cisubulo!” 10Pele bantu baba balasampaula kufwumbwa ncibatateeleli, ubobo sheshi shintu ncibatateeleli shilabaletela kuzonaunwa ukoya banyama bayina maanu. 11#Mata 4:3-8; Mye 22:1-35; Mye 16:1-35Mapenzhi kuli babo! Nkaambo baleenda munzhila ya Kaini wakayaya munina. Umbona mbwaakacita Balamu, wakacenga bantu ukaambo ka mali. Balazonaunwa ukaambo kakupapila Leza ukoya mbwaakacita Kola. 12Bakabisha mapobwe enu aalufwuno. Balalya akati kenu tabafwi insoni, balalisanina beni. Bali ukoya makumbi aaya bupepaulwa iikunku, amana taaleti inhula; Bali ukoya masamu aateezha micelo nicishika ciindi cayo, masamu akazhulwa, mazumu ntaa; 13bali ukoya mankutisha amu lwatele mbwaacita iyohu, abo mbubatondezha busofwaazhi bwabo. Bali ukoya intongwezhi shuumpaila, Leza nshabambilile busena bwa mushinze utamana ushiya mbii.
14 #
Mata 5:18, 21-24 Imbabo baba mbaakashinshima Enoki wezhalane lya ciloba kuhwa kwa Adamu, nakaamba ati, “Mwami ulakeza u baanjelo bakwe bali shuulu shuulu. 15Ulakabeteka boonse u kuya kubapa cisubulo bamunyansha Mwami Leza nkaambo ka milimo yabo iitaluleme njibacita cakutatiya Leza. Ulakabapa cisubulo nkaambo kamazwi oonse akusampaula ngubamusampula.” 16Baba bantu balasholauka u kutongauka, balacilila shisushi shabo shibiyabi, balaamba calweeno u kulyeensheensha mukwamba kwabo ulimwi balabosha bosha bantu kwaamba babanange shintu calucengo.
Kucenjezha u Kuzumya Zumya
17Pele umwe, nubafwunwa, amuzhibaluke mazwi akaambwa u batumwa ba Mwami Jeso Kilisito. 18#2 Pita 3:3Bakamwaambila ati, “Ku ciindi ca mamanino, kulakaba bantu basampaula, shisushi shabo nshibiyabi.” 19Bantu babo mba anshi, bayina Moza wa Leza, mbubaleta lwaandaano akati kenu. 20Pele umwe nubafwunwa, amulizake mu lushomo lwenu lusalala. Amusololelwe u Moza Usalala mu kukomba kwenu. 21Amukale mu lufwuno lwa Leza ciindi nimulindila bumi buteeli bobo Mwami Jeso Kilisito mbwaakaamupa mu luse lwakwe. 22Ulimwi amutondezhe luse kuli babo bamwi bacizuluzha. 23Bamwi mubanunune cakubakwempa mu mulilo. Ukuli bamwi mutondezhe luse luhwelene ubukandu, pele mushisule shakusama shabo shisofweele, micito yabo yamafwunze a mubili.
Kulumba kwa Mamanino
24Inzho kuli wezo ukonzha kumubamba kwaamba mutawi, ulimwi ukonzha kumushisha ukwa Leza, bwiina kampenda, u kutangalila mu bulemu bwakwe ubwiina shibi, 25walo wezo ngu mufwutuli wesu, Jeso Kilisito Mwami wesu. Akube bulemu, u bukando, iinsana, u bwami, kuhwa ku makancilo, ubwasunu u mazuba oonse shikwense u shikwense. Ameni.
Currently Selected:
Judi 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.