Johani 17
17
Jeso Wabakombela ba Shiciiya
1Jeso naakamana kwaamba aza makani, wakalyaalala kwizeulu waamba ati, “Taata, ciindi cangu cashika. Leta bulemu ku Mwanako kwaamba aze Mwanako akuletele bulemu. 2Umbona mbuwakamupa insana abantu boonse shakupa bumi butamana kuli babo boonse mbuwakamupa. 3Bumi butamana cilaamba kuzhiba uwe, Leza walushinizho ice bulyo, u Jeso Kilisito nguwakatuma. 4Ndaleta bulemu bwako ano anshi, indakamaninzha mulimo nguwakantuma kwaamba ngucite. 5Ubobo Taata mpa bulemu mbundezhiza ku bushu kwako, bulemu bobo mundakaakukwete indakaakuli aze, inshi niyataakuna kulengwa.
6“Ndakalizubulula izhina lyako ku bantu mbuwakampa kuhwa ano anshi kwaamba bakuzhibe. Kabali bako pele wakampa ubobo bakashicilila injiisho shako. 7Balizhi ati shoonse nshinkwete shakahwa kwako, 8nkaambo ndabayiisha mazwi nguwakandailila. Bakaatambula ubobo balizhi lushinizho lwakuti ndakahwa kwako ulimwi balashoma ati ndiwe uwakantuma. 9Baba imbabo mbunkombela. Nshikombeli bantu boonse baanshi. Ndakombela babo mbuwakampa nkaambo mbako. 10Boonse bangu mbako, abo bako mbangu, ulimwi balandetela mulemu. 11Nshicili anshi linji, nkaambo ndeza kwako, pele balo bacili ano anshi. Taata uwe Usalala, ubakwabilile bantu mbuwakampa kwiita munsana shezhina lyako, kwaamba babe muntu womwi umbona aswe mbutuli womwi. 12#Inte 41:9; Joh 13:18Ciindi indaakuli abo ndakakubalela mwizhina lyako babo mbuwakampa. Ndakabakwabilila munsana nshiwakampa. Kwiina naaba womwi wakazhimina cita bulyo wezo wakaakweelele kuzonauka, umbona bwaamba Malembe. 13Pele inzho ndeza kwako, nikuba bobo sheshi shintu ndashikanana nincili anshi kwaamba babotelwe cini cini umbona mumbotelelwe. 14Ndabayiisha mazwi ako, ubobo baanshi balibaswile nkaambo tabacili banamuzhaabo, umbona ame mbuntali waanshi. 15Nshibakombeli kwaamba ubakushe anshi pele ati ubakwabilile ku mubiyabi. 16Tabali banshi yezhi umbona ame mbuntali wanshi yezhi. 17Basalazhe u mazwi ako, nkaambo mazwi ako ngalushinizho. 18Umbona mbuwakantuma mu luundu, ame ndabatuma mu luundu. 19Nkaambo kabo ndalisambulala, kwaamba abo basalale mu lushinizho.
20“Nshikombeli bulyo baba bali awa ice, pele ubabo ba shoma kwiita mu mazwi abo. 21Ndabakombela kwaamba boonse babe womwi, umbona uwe Taata mbuuli mulyuume, ame mulyuuwe, abo umbona babe mulyuuswe kwaamba luundu loonse lushome ati ndiwe uwakantuma. 22Umbona mbuwakampa bulemu ame ndabapa bulemu kwaamba babe womwi umbona aswe mbutuli womwi. 23Ume ndili mubabele, aze uli mulyuume, kwaamba bakamantane cini cini, kwaamba luundu luzhibe ati ndiwe uwakantuma, ulimwi ulibafwini umbona mbumfwini. 24Taata, ndazandisha cini cini kwaamba abo babo mbuwakampa bakabe koko nkwiimbele. Kwaamba bakabubone bulemu bwangu bobo mbuwakampa inshi keetana kulengwa ukaambo kakuti ulimfwini. 25Taata umululami, nikuba ati bantu baanshi bayina nibakakuzhiba, pele ume ndikwizhi, abo balizhi ati ndiwe uwakantuma. 26Ndakabazhibya izhina lyako, ulimwi ndaakucibazhibya, kwaamba lufwuno lolu ndumfwini lube mubabele, ame mbe mubabele.”
Currently Selected:
Johani 17: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.