Johani 5
5
Jeso Waponya Muntu ku Kazhiba
1Nicakamana ceci, Jeso wakaya ku Jelusalemu kwipobwe lyaba Juda. 2Inzho mu Jelusalemu kufwaafwi ku mulyango utewa ati wambelele, kakuli kazhiba kakaakutewa ati Betisaida muci Hibulu. Kwizhiba leli kakuzakilwe twaanda tosanwe. 3Momu mutwaanda kamoona balwazhi banji banji, boofwu u balema u bapuutile. 4[Nkaambo kabashoma ati kakuli shiindi shimwi anjelo wa Leza naakaakwiza kunjila ukuhundaula meenzhi a mukazhiba. Ubobo kufwumbwa mulwazhi wataanguna kuliwaala mukazhiba ciindi meenzhi naahundaulwa, kapona kubulwazhi bwakwe nibuba buti.]#5:4 Kaka kapango kakatemo mu mabuka mataanzhi 5Mukaanda kamwi kamuli muntu waakuli mulwazhi kwa myaka iili makumi otatwe iitwesha iili lusele. 6Jeso naakamubona wakazhiba ati kali mulwazhi kwa ciindi cilamfwu. Wakamubuzha ati, “Sa ulazanda kupona?” 7Mulwazhi wakaingula ati, “Mwami ndiina unjizha mu meenzhi ciindi meenzhi naahundaulwa. Kufwumbwa ndazanda kunjila mwizhiba ndayana umwi wanjitila kale.”
8Jeso wakamwaambila ati, “Zhimuka bweza macila ako uyende.” 9Ndilyona wezo mulombwana wakaba kabotu. Wakazhimuka, waabweza macila akwe amane weenda.
Ceci cakacitika mu buzuba bwa Sabata, 10#Neh 13:19; Jele 17:21ubobo bakando baba Juda bakamwaambila wezo muntu wakashilikwa ati, “Ubwasunu mbuzuba bwa Sabata tweelele kubweza macila ako pe.”
11Walo wakabaingula ati, “Wezo wamponya wandailila ati, ‘Bweza macila ako uyende!’”
12Balo bakamubuzha ati, “Anu nguni wezo wakwaambila ati, ‘Bweza macila ako uyende?’”
13Inzho wezo muntu katezhi ati wamuponya nguni, nkaambo Jeso wakanjila mubantu banji banji bakaakuli kubusena bobo.
14Kwiite bulyo ciindi cishoonto Jeso wamuyana wezo muntu muŋanda ya Leza, wakamushimwina ati, “Teelela, bona nizho wapona, utaciti linji cibi kwaamba utakashikilwa mapenzhi aanji mabiyabi a baala.”
15Ngoonaawo wezo muntu wakaya kubaambila bakando baba Juda ati ngu Jeso wakamuponya. 16Ubobo ba Juda bakatalika kumupenzha Jeso kaambo kamaleele aza akacitwa mu buzuba bwa Sabata. 17Pele Jeso wakabaambila ati, “Taata ulasebeza lyoonse, ubobo ame ndyeelele kusebeza umbona mbwaasebeza.”
18Aza makani akeensha kubapa ba Juda inzhila shakumuyaya Jeso. Bakaamba ati wasotoka mulawo wa buzuba bwa Sabata, ukulyaamba ati ushi ngu Leza. Calo caamba ati ulalibika mucimo ca Leza.
Insana sha Mwanaa Leza
19Jeso wakabashimwina ati, “Cini cini ndamwaambila ati, Mwana takonzha kulicitila cintu mwini ice pe. Ulakonzha bulyo kucita milimo njaabona kwa Ushi, nkaambo yoonse milimo njaacita Ushi aze Mwana njaacita. 20Nkaambo Ushi ulimufwini Mwana, ubobo ulamutondezha shoonse shintu nshaacita. Ulimwi ucimutondezha milimo mikando iibaala njakaacita kwaamba mukazhingwe. 21Nkaambo mbubona Ushi mbwaabusha bafwu u kubapa bumi, aze Mwana ulapa bumi kufwumbwa muntu ngwaazanda. 22Ushi tabeteki muntu pe, wabika Mwana kwaamba ababeteke boonse. 23Kwaamba boonse bakamulemeke Mwana umbona mbubamulemeka Ushi. Woonse muntu utamulemeka Mwana, ati u Ushi wakamutuma, tamulemeka.
24“Ndamushimwina meni meni ati, woonse uuteelela mazwi angu u kumushoma wezo wakantuma, ulikwete bumi butamana. Ubobo takabetekwa, nkaambo wayokolwa mu lufwu, wanjizhiwa mu bumi. 25Cini cini ndamushimwina ati ciindi cilyaafwaafwi kushika, ulimwi cashika kale, lelyo bafwu nibakaaliteelela izwi lya Mwana Leza. U babo bakaliteelela u kushoma balakaba u bumi. 26Nkaambo umbona Ushi mbwaali makancilo a bumi, aze Mwanakwe wakamucita kwaamba abe makancilo a bumi. 27Mwanakwe wakamupa insana shakubeteka bantu nkaambo ngu Mwanaa Muntu. 28Mutazhingwa kuli ceci, nkaambo cilakashika ciindi boonse bali mu shuumbwe nibakaaliteelela izwi lyakwe, 29#Dan 12:2bamana balakabuka ku bafwu. Inzho babo bakacita kabotu balakabucila bumi butamana babo bakacita shibi balakabukila balakapewa mulandu wa lufwu.”
Bumboni bwa Jeso
30“Kwiina ncinkonzha kucita munsana shangu ndimwini, ndabeteka kwiingainya umbwaanshimwina Taata, ubobo lubeta lwangu luliluleme. Nshiciti luzando lwangu ndimwini, ndacita bulyo luzando lwa wezo wakantuma.
31“Kuti ndakanka kulipandulula ndimwini, ati bumboni bwangu tabuzulile. 32Ngaali umwi uumpandulula, ulimwi ndizhi ati bumboni mbwaapandulula mbwa cini cini. 33#Joh 1:19-27; 3:27-30Wakatuma bantu kwa Johani, wakabapa bumboni bwa cini cini. 34Nshaamba ati ndazanda bumboni buhwa ku bantu pe, aza makani ndaamba bulyo kwaamba mufwutulwe. 35Johani kali ukoya ilambe lizaka ukumweka, umwe mwakabotelwa kukala u mumuni wakwe kwa kaindi kashoonto. 36Bumboni mbwinkwete mbukando kubaala bobo mbwaakapa Johani. Amwiibone yezhi milimo njincita, njiyezho njaakampa Taata kwaamba njicite. Injiyo njiimpandulula u kupa bumboni bwakwaamba Taata nguwakantuma. 37#Mat 3:17; Mk 1:11; Lk 3:22Taata wakantuma wakapa bumboni bumpandulula. Mwiina nimwakaliteelela izwi lyakwe niciba ciindi comwi pe, aco ciwa cakwe tamunacibwene. 38Awo mazwi aka Taata teemo muli umwe, nkaambo toomushomi wezo ngwaakatuma. 39Mulaabalisha Malembe nkaambo mulatelaika ati mumuyanwa bumi butamana. Inta kayi ngaamupa bumboni bwangu. 40Mwamana mulakaka kwiza kwangu kwaamba muyane bumi butamana.
41“Ume nshikapula bulemu buhwa ku bantu. 42Pele ndimwizhi mbumubele. Ndizhi ati umwe tamumufwini Leza. 43Ume ndakeza mwizhina lyaka Taata, mwamana tamuntambuli. Pele kuti umwi weza mwizhina lyakwe mwini mulamutambula. 44Mulatambula bulemu buhwa kubeenzhinokwenu, tamutambuli bulemu buhwa kwa Leza. No mulakonzha buti kunshoma? 45Mutatelaici ati ume ndime inkaamupa mulandu kwa Taata. Nguwena wezo Mozesi ngumushoma nguukamupa mulandu 46Kuti nimwakamushoma Mozesi ame nimwanshoma, nkaambo Mozesi wakampandulula mu Malembe aakwe. 47Pele kuti na tamwaashomi Malembe aka Mozesi, no mulaashoma buti mazwi angu?”
Currently Selected:
Johani 5: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.