2 Batesalonika 1
1
Paulu Waanzha
1 #
Inc 17:1
Ume ndi Paulu, antoomwi u Sailasi u Timoti, tulalembela imbungano yaku Tesalonika ili mu lukamantano u Leza Taata u Mwami Jeso Kilisito. 2Leza Tatesu u Mwami wesu Jeso Kilisito amufwile luse u kumupa luumuno.
Lubeta Akazhoka Jeso
3Tulyeelele kumulumba Leza lyoonse ukaambo kenu nubakwesu. Tulyeelele kucita bobo nkaambo lushomo lwenu lulaya bukamena cini cini, ulimwi u lufwuno lwenu lulaya buhula. 4Ubobo tulalikankaizha ku mbungano sha Leza ukaambo kenu. Tulamweensheensha kaambo kakuti muli bashicamba kumakatazho u mapenzhi ngumwiita mo ukaambo ka lushomo lwenu. 5Shoonse sheshi shilatondezha ati lubeta lwa Leza luliluleme, ubobo mulakeelela kunjila mu bwami bwa Leza mbumupenjela. 6Nkaambo Leza ulakacita ciluleme, ulakabasubula babo bamupenzha. 7Pele umwe numupenga ninzho, mulakalyookezha antoomwi aswe. Ulakacita bobo Mwami Jeso akashika kuhwa kwizeulu antoomwi u baanjelo bakwe. 8Ulakeza u mulilo uhwilima kwiza kusubula babo bamukaka Leza, ubatacilila Makani Mabotu akanana sha Mwami Jeso. 9#Aiz 2:10Balakasubulwa u kuzonaunwa shikwense u shikwense, balakatandwa kuhwa ku Mwami u kubulemu bwansana shakwe. 10Kubuzuba bobo mbwakakashika ulakatambula bulemu ku bana musalazhi, u kulemekwa ku bashomi boonse, amwe mulakaba abo nkaambo mwakaashoma makani ngutwakamwaambila.
11Ceci ncicitupa kwaamba tuukumukombela lyoonse. Kwaamba Leza wesu amupe ceelelo ca kuzuzucizha bwite bwenu. Ulimwi kwiita munsana shakwe mucite shoonse shibotu, kwaamba muumaninzhe mulimo wenu wa lushomo. 12Munzhila yezhi, izhina lya Mwami Jeso lilakapewa bulemu kuhwa kuli umwe. Inzho amwe mulakayana bulemu kwakwe kwiita mu luse lwa Leza wesu umu Mwami Jeso Kilisito.
Currently Selected:
2 Batesalonika 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.