IBRANIŊKO 1
1
IBRANIŊKO Ɗɛɛrwol yɔ hi bi̧i̧s Yeesufɔkya Yahuduya wɔ IBRANIŊKO 1
1Yɔ amntɔnɔ Bɛt boo baa wɛ hii dɔɔ kittɔnɔ hi gbɔnɔ sɔmsɔm hi ya̧a̧kɛŋkya wɔ ya̧a̧ya̧. 2A ɔ̧t yɔ̧ɔ̧sum wɛrɛ gedu be, boowɛ ya̧a̧ hi waawal yɔ gbaage, gaag hin naan du sɛw, kim waal sɛw hi waawal ya̧a̧ɔ.
3Bɛt waaɔ gi zuunik Bɛt gbɔlumsɔ lɛlgaalɛ, gi Bɛt riitinsɔ, gi wa̧a̧k hin sɛw gi naan du hi dɔglɔ tɛŋkya bɔ. Yɔ woo hinha̧a̧l gaasig woos gi da̧a̧, ɗɔɔt a Za̧a̧nyɔ gin tɛŋk sɛw gi naanrɔbo a wɛɛha hɛmltɔnɔ. 4Waawal bɔ daarin Bɛt walɛsɛrɛ wɔ gbɔlums gbɔɔltɔnɔ anyɔ dag nuŋg yɔ gi ɗɔb gi daar ya̧nɛ bɔ lɛlɛ. 5Yɔ anbɔ Bɛt rāā walɛsɛrɛ ɔ̧ɔ̧ wɔ zaaya̧ gbunu
a mɔ gi waa beenɛ, nɛɛk be mɔɔmmɔ gɛ.
Wɛɛ dɔ̄gɔ̄
a be gisig baatɔ gii be, gii gisib waa be wal gii gɛ.
6Hɔnɛyɔ an Bɛt gɔ gi yaaz nɛ waa fu̧u̧s bɔ waal du, dɔgɔ
a an walɛsɛrɛ be wɔ sɛw hi ɗɔbsige!
7Wɛɛ raa a walɛsɛrɛ ɔ̧ɔ̧ wɔ hi zulha
a bee gi za̧a̧nyɔ gɔ gɔs walɛsɛrɛ be zɛko, hi woosya be laa mɛlɛ.
8Yɛrɛ Bɛt raa a waawal bɔ gi zulha be
a mɔɔ Bɛto, waar ums ɗɔɔtillɛl mɔ gi faa, waar ums sɔɔl mɔ gi rɔ́b wook sɔɔlɛ. 9Ha̧a̧mɔ hinyɔ rii giya, wɛɛ mɔ in ha̧a̧lɛ. Hinɔ giya, mɔɔ Bɛto, Bɛt mɔ bɔ sɔɔsum hat kurumya daar namɔza hiya.
10Wɛɛ raa hin a waawal bɔ gi zulha ɓɛ
a mɔya, Waar Bɛto, a waalyɛɛliki mɔ kim hɛbto, wɛɛ bɛtha sɛw gi naan mɔ woosɛ, 11Hiya hí wagɔ, wɛɛ mɔya mɔ gi waak za̧a̧tili. Bɛtha hi hɛbtdi hi ha̧ŋgs an gbandili, 12Mɔ ka̧a̧hi an dimnaanɛ, hi wɛɛ hi zɛmr sɔm, wɛɛ mɔya, mɔ waa an gbuna bɔ, wɛl mɔ hi taa hinɔ da̧a̧ko.
13Bɛt dɔ̄ks walɛsɛrɛ ɔ̧ɔ̧ wɔ zaaya̧ gbun hinza
a ɗɔɔtum a be naanrɔbo, gi tuur an be wɛɛn lɔlhɛ̧ɛ̧nikya mɔ wɔ dɔɔ mɔ ɗa̧a̧klɛl gɛ. Dɔg nɛ gɛ zaŋ.
14Nɛ Bɛt walɛsɛrɛ wɔ sɛw hi gi mɔkil wɔ Bɛt yaazihi an hi woosigwoos a dood wɔ gɔ hi dag za̧a̧tig hi zul hii ma mi?
Currently Selected:
IBRANIŊKO 1: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.