ROMA 2
2
ROMA 2
1Mɔya, doo, an mɔ gi bɔ, mɔɔ yɔ mɔ gbaasig dood zaadɛ dɔglɛ, taa an mɔ raa a be taan hinha̧a̧lɛ. Mɔɔ yɔ mɔ gis dood zaadɛ dɔgl gbaako, mɔ daanik zul mɔɔn anyɔ mɔ gbaasig dood dɔgl an hii be, mɔ wook hin gbun bɔ giya.
2Wɛ mɛɛ a Bɛt dɔgl-gbaakɔ bɔ gi hi gbɔnɔ a wɔ hi wook hin anbɔ hi zulha. 3Mɔ mɔkig an mɔ wir Bɛt dɔgl-gbaak bɔ wir ya, mɔɔ yɔ mɔ gbaasig dood wɔ hi wook hin anbɔ dɔglɛ? Mɔɔ mɔ wɛɛ mɔ wook hin gbun bɔ an hii be! 4Zaabe mɔ wɛɛnik Bɛt rɔbɔgɔk gbɔɔl bɔ, hi hinmɔŋkɔ bɔ hi ya̧a̧rmɛɛkɔ bɔ gii hintɔs ya? Mɔ mɛ̄ɛ̄ a Bɛt rɔbɔgɔk bɔ gi an gi goksum gbɔnɔ mɔ zɛmr kpoos mɔ gɛ ya?
5Yɛrɛ kpoos mɔ ɓaaɓa, mɔ mɔ̄k an mɔ zɛmr kpoos mɔ gɛ: yɔ anbɔ, mɔ mɔktsig zul mɔ dɔgl gbɔɔl yɔ daarlɛl giya. Mɔ gbaasig zul mɔ ya̧a̧rhant gbɔɔl yɔ ɗaarlɛlɛ a ɔ̧tyɔ Bɛt gɔ gi tuus nɔɔtigɔ hi dɔglɔgbaak riit bɔ gedu sɛw. 6Bɛt gi too za̧a̧nyɔ gi sɛw anyɔ woosɔ fɔbɔ a ɔ̧tɔ gedu.
7Gi gaa za̧a̧tig faa bɔ a dood wɔ hi waak rɔbgɔko, hi tɛk an Bɛt gi gaahi gbɔlumsɛ, ɗɔbsigi, hi waabil faa bɔ. 8Yɛrɛ Bɛt nɔɔtigɔ hi gabsɔ hi zɛm dood wɔ hi gisig zul ɓaasugo, wɔ hi rɔb inuko, wɔ hi fɔk ha̧a̧lɛ. 9Dood wɔ hi wook ha̧a̧l sɛw hi dag ya̧a̧rhanto hi zɛksili, gi yɛɛl a Yahuduya wɔ hi, gi tuur a dood dɔ̧ɔ̧t zaadɛ wɔ hi. 10Yɛrɛ dood wɔ hi wook rɔb sɛw hi dag gbɔlumsɛ, ɗɔbsigi hi boolumi, gi yɛɛl a Yahuduya wɔ hi, gi tuur a dood dɔ̧ɔ̧t zaadɛ wɔ hi. 11Ya̧a̧nɛ a Bɛt ge doo gɛ̧ɛ̧k taaro.
12Dood wɔ hi gɔk hinha̧a̧l sɛw hí mɛ̄ɛ̄ Muusa maak-dɔglɔ bɔ gɛ, hi wagɔ, wɛɛ maakdɔgl gi taaro. Dood wɔ hi gɔ hinha̧a̧lɛ hi maakdɔgl yɔ hi gaa, hi gbaasihi dɔgl hi maakdɔgl bɔ giya. 13Wɔ hi lak maakdɔglɔ, hi taa dood riitɛ a Bɛt muutdu. Wɔ hi wook hinyɔ gi dɔko, hii gi dood riitɛ a gi muutdu.
14Gid dood wɔ hi taa Yahuduyaadɛ hi taan maakdɔgl bɔ gɛ hi fɔk hinyɔ maakdɔgl gi raak hi zulya̧, hii yɔ hi taan maakdɔgl bɔ gɛ hii gi maakdɔglya hi zulya̧. 15Ɛmbilya̧ zuun a Bɛt bi̧i̧ maakdɔgl a hi kpoos du, wɛɛ kpoosya̧ zuun hin gbun bɔ hɛw: ɔ̧tza mɔkilya̧ a hi kpoos du gihi hin gɛ̧ɛ̧niko, ɔ̧tza gisihi dɔgl ɔɔko, yɔ anbɔ ɛmbilya̧ zuun a Bɛt bi̧i̧ maakɔdɔgl a hi kpoos du. 16Yɔ anbɔ, a ɔ̧t yɔ̧ɔ̧sum bɔ gedu, hinwɔ hi yaat a dood waabil du sɛw Bɛt gi gbaasihi dɔgl hi Yeesu Kristu anyɔ mi dɔk a Dɔgl Rɔb yɔ mi tuusig hinɔ gedu.
17Yɛrɛ nɛya, nɛ seek nuŋg nɛ bɔ a Yahuduya an hinɗɔbtyɔ, nɛ gi fi̧i̧yik a maak nɛ bɔ gedu, muul nɛ gi ɓaak a Bɛt nɛ bɔ ge, 18nɛ mɛɛ hinyɔ ha̧a̧ge. Bɛtmaakdɔgl goksin hinyɔ gi rɔbo, nɛ mɛɛ an nɛ gɛ̧ɛ̧ hinyɔ gi sɔmsɔm. 19Nɛ mɔkig hi zul nɛ a nɛ gi yɔ̧ɔ̧rɛ tɛlikyaadɛyɔ, a nɛ gi lɛlgaal a dood wɔ hi ɛmbik lɛlwil du hi zulɛ, 20nɛ gi wɔ hi mɛɛhin gɛ kaŋkugo, nɛ gis ya̧a̧mwaat wɔ hingoko, nɛ mɛɛ bɛttɔnɔ a nɛ dag rɔbo hi hinmɛɛki a Bɛtmaakdɔgl bɔ gedu.
21Nɛya, nɛ goksig dood zaadɛ hinɛ, nɔ ɔnɛ nɛ goks zul nɛ hin gɛ? Nɛɛ wɔ nɛ dɔk hi Bɛtdɔglɛ a bɔhi looluurɛ, nɛ nɛ lookluurloo ma mi? 22Nɛya nɛ dɔk a bɔhi naamansi, nɛ nɛ naakmansnaa ma mi? Nɛɛ wɔ nɛ bɔ̧ɔ̧k maakwɔdɛ, nɛ nɛ luurlooklo a maakwɔdluk du ma mi? 23Nɛ nɛ gi gɔsig zul nɛ maakdɔgl gbɔlumsɛ, nɛ wɛɛ nɛ gi zuksig Bɛtmaakɔ tɔn nɛ, nɛ yɔ anbɔ, nɛ gi ha̧tirgo Bɛt gbɔlums ɔ̧ɔ̧n ma mi? 24Hi bi̧i̧ hinɔ a Bɛt ɗɛɛrwol du:
a hi book ha̧a̧l a Bɛt nuŋgɔ bɔ geha a nɛ dɔŋgo a dood wɔ hi mɛɛ Bɛt gɛ hi tees du.
25Mɔd fɔk hinyɔ Bɛtmaak gi dɔko, dɔms mɔ gi hinrɔbo; mɔd ɗa̧a̧k Bɛtmaakdɔgl be, dɔms mɔ gi hintɔsyɔ. 26Kpaar gi fɔk Bɛtmaako, Bɛt sēeg an dɔmb gɛ ya? 27Kpaaryɔ doo gɔg gɛ gi fɔk Bɛtmaakdɔglɛ, gi mat nɛ́ɛ́ dɔmbɛ wɔ nɛ inik Bɛtmaakɔ fɔko, nɛɛ wɔ nɛ gin Bɛtmaakdɔgl bɔ hi bi̧i̧.
28Yahuduya gikɔ, taa za̧a̧nyɔ hi mɛɛg a gi Yahuduyayɔ; dɔms be, taa hinyɔ hi gbɛnik a lɔl du. 29Yahuduya rɔb gɛ za̧a̧nyɔ gi Yahuduya a gi kpoos du. Dɔms gɛ za̧a̧nyɔ nab a kpoos du, anyɔ Bɛt Mɔkilɔ gi wooko, taa a muul du anyɔ Bɛtmaakdɔgl yɔ hi bi̧i̧ gi raako. Yɔ anbɔ, bantɔ gɔ fu̧u̧ a dood gɛ, gɔ fu̧u̧z a Bɛt ge.
Currently Selected:
ROMA 2: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
ROMA 2
2
ROMA 2
1Mɔya, doo, an mɔ gi bɔ, mɔɔ yɔ mɔ gbaasig dood zaadɛ dɔglɛ, taa an mɔ raa a be taan hinha̧a̧lɛ. Mɔɔ yɔ mɔ gis dood zaadɛ dɔgl gbaako, mɔ daanik zul mɔɔn anyɔ mɔ gbaasig dood dɔgl an hii be, mɔ wook hin gbun bɔ giya.
2Wɛ mɛɛ a Bɛt dɔgl-gbaakɔ bɔ gi hi gbɔnɔ a wɔ hi wook hin anbɔ hi zulha. 3Mɔ mɔkig an mɔ wir Bɛt dɔgl-gbaak bɔ wir ya, mɔɔ yɔ mɔ gbaasig dood wɔ hi wook hin anbɔ dɔglɛ? Mɔɔ mɔ wɛɛ mɔ wook hin gbun bɔ an hii be! 4Zaabe mɔ wɛɛnik Bɛt rɔbɔgɔk gbɔɔl bɔ, hi hinmɔŋkɔ bɔ hi ya̧a̧rmɛɛkɔ bɔ gii hintɔs ya? Mɔ mɛ̄ɛ̄ a Bɛt rɔbɔgɔk bɔ gi an gi goksum gbɔnɔ mɔ zɛmr kpoos mɔ gɛ ya?
5Yɛrɛ kpoos mɔ ɓaaɓa, mɔ mɔ̄k an mɔ zɛmr kpoos mɔ gɛ: yɔ anbɔ, mɔ mɔktsig zul mɔ dɔgl gbɔɔl yɔ daarlɛl giya. Mɔ gbaasig zul mɔ ya̧a̧rhant gbɔɔl yɔ ɗaarlɛlɛ a ɔ̧tyɔ Bɛt gɔ gi tuus nɔɔtigɔ hi dɔglɔgbaak riit bɔ gedu sɛw. 6Bɛt gi too za̧a̧nyɔ gi sɛw anyɔ woosɔ fɔbɔ a ɔ̧tɔ gedu.
7Gi gaa za̧a̧tig faa bɔ a dood wɔ hi waak rɔbgɔko, hi tɛk an Bɛt gi gaahi gbɔlumsɛ, ɗɔbsigi, hi waabil faa bɔ. 8Yɛrɛ Bɛt nɔɔtigɔ hi gabsɔ hi zɛm dood wɔ hi gisig zul ɓaasugo, wɔ hi rɔb inuko, wɔ hi fɔk ha̧a̧lɛ. 9Dood wɔ hi wook ha̧a̧l sɛw hi dag ya̧a̧rhanto hi zɛksili, gi yɛɛl a Yahuduya wɔ hi, gi tuur a dood dɔ̧ɔ̧t zaadɛ wɔ hi. 10Yɛrɛ dood wɔ hi wook rɔb sɛw hi dag gbɔlumsɛ, ɗɔbsigi hi boolumi, gi yɛɛl a Yahuduya wɔ hi, gi tuur a dood dɔ̧ɔ̧t zaadɛ wɔ hi. 11Ya̧a̧nɛ a Bɛt ge doo gɛ̧ɛ̧k taaro.
12Dood wɔ hi gɔk hinha̧a̧l sɛw hí mɛ̄ɛ̄ Muusa maak-dɔglɔ bɔ gɛ, hi wagɔ, wɛɛ maakdɔgl gi taaro. Dood wɔ hi gɔ hinha̧a̧lɛ hi maakdɔgl yɔ hi gaa, hi gbaasihi dɔgl hi maakdɔgl bɔ giya. 13Wɔ hi lak maakdɔglɔ, hi taa dood riitɛ a Bɛt muutdu. Wɔ hi wook hinyɔ gi dɔko, hii gi dood riitɛ a gi muutdu.
14Gid dood wɔ hi taa Yahuduyaadɛ hi taan maakdɔgl bɔ gɛ hi fɔk hinyɔ maakdɔgl gi raak hi zulya̧, hii yɔ hi taan maakdɔgl bɔ gɛ hii gi maakdɔglya hi zulya̧. 15Ɛmbilya̧ zuun a Bɛt bi̧i̧ maakdɔgl a hi kpoos du, wɛɛ kpoosya̧ zuun hin gbun bɔ hɛw: ɔ̧tza mɔkilya̧ a hi kpoos du gihi hin gɛ̧ɛ̧niko, ɔ̧tza gisihi dɔgl ɔɔko, yɔ anbɔ ɛmbilya̧ zuun a Bɛt bi̧i̧ maakɔdɔgl a hi kpoos du. 16Yɔ anbɔ, a ɔ̧t yɔ̧ɔ̧sum bɔ gedu, hinwɔ hi yaat a dood waabil du sɛw Bɛt gi gbaasihi dɔgl hi Yeesu Kristu anyɔ mi dɔk a Dɔgl Rɔb yɔ mi tuusig hinɔ gedu.
17Yɛrɛ nɛya, nɛ seek nuŋg nɛ bɔ a Yahuduya an hinɗɔbtyɔ, nɛ gi fi̧i̧yik a maak nɛ bɔ gedu, muul nɛ gi ɓaak a Bɛt nɛ bɔ ge, 18nɛ mɛɛ hinyɔ ha̧a̧ge. Bɛtmaakdɔgl goksin hinyɔ gi rɔbo, nɛ mɛɛ an nɛ gɛ̧ɛ̧ hinyɔ gi sɔmsɔm. 19Nɛ mɔkig hi zul nɛ a nɛ gi yɔ̧ɔ̧rɛ tɛlikyaadɛyɔ, a nɛ gi lɛlgaal a dood wɔ hi ɛmbik lɛlwil du hi zulɛ, 20nɛ gi wɔ hi mɛɛhin gɛ kaŋkugo, nɛ gis ya̧a̧mwaat wɔ hingoko, nɛ mɛɛ bɛttɔnɔ a nɛ dag rɔbo hi hinmɛɛki a Bɛtmaakdɔgl bɔ gedu.
21Nɛya, nɛ goksig dood zaadɛ hinɛ, nɔ ɔnɛ nɛ goks zul nɛ hin gɛ? Nɛɛ wɔ nɛ dɔk hi Bɛtdɔglɛ a bɔhi looluurɛ, nɛ nɛ lookluurloo ma mi? 22Nɛya nɛ dɔk a bɔhi naamansi, nɛ nɛ naakmansnaa ma mi? Nɛɛ wɔ nɛ bɔ̧ɔ̧k maakwɔdɛ, nɛ nɛ luurlooklo a maakwɔdluk du ma mi? 23Nɛ nɛ gi gɔsig zul nɛ maakdɔgl gbɔlumsɛ, nɛ wɛɛ nɛ gi zuksig Bɛtmaakɔ tɔn nɛ, nɛ yɔ anbɔ, nɛ gi ha̧tirgo Bɛt gbɔlums ɔ̧ɔ̧n ma mi? 24Hi bi̧i̧ hinɔ a Bɛt ɗɛɛrwol du:
a hi book ha̧a̧l a Bɛt nuŋgɔ bɔ geha a nɛ dɔŋgo a dood wɔ hi mɛɛ Bɛt gɛ hi tees du.
25Mɔd fɔk hinyɔ Bɛtmaak gi dɔko, dɔms mɔ gi hinrɔbo; mɔd ɗa̧a̧k Bɛtmaakdɔgl be, dɔms mɔ gi hintɔsyɔ. 26Kpaar gi fɔk Bɛtmaako, Bɛt sēeg an dɔmb gɛ ya? 27Kpaaryɔ doo gɔg gɛ gi fɔk Bɛtmaakdɔglɛ, gi mat nɛ́ɛ́ dɔmbɛ wɔ nɛ inik Bɛtmaakɔ fɔko, nɛɛ wɔ nɛ gin Bɛtmaakdɔgl bɔ hi bi̧i̧.
28Yahuduya gikɔ, taa za̧a̧nyɔ hi mɛɛg a gi Yahuduyayɔ; dɔms be, taa hinyɔ hi gbɛnik a lɔl du. 29Yahuduya rɔb gɛ za̧a̧nyɔ gi Yahuduya a gi kpoos du. Dɔms gɛ za̧a̧nyɔ nab a kpoos du, anyɔ Bɛt Mɔkilɔ gi wooko, taa a muul du anyɔ Bɛtmaakdɔgl yɔ hi bi̧i̧ gi raako. Yɔ anbɔ, bantɔ gɔ fu̧u̧ a dood gɛ, gɔ fu̧u̧z a Bɛt ge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.