TƆMSYAADƐ WOOSƐ 26
26
TƆMSYAADƐ WOOSƐ 26
1Waar Agaripa raa Pol
a gbɔnɔ gi an mɔ booya̧a̧ mɔ dɔks zul mɔ hinɛ.
Yɔ Pol lag anbɔ pɛɛ naanɔ dɔks zulɔ hin anyɔ lɛ:
2a baa waar Agaripa, be dag hat gbɔɔltɔnɔ an be zee zul be a mɔ muutdu nɛɛko a hinyɔ Yahuduya wɔ hi gib gɛ̧ɛ̧nik geha sɛw. 3Mɔɔ mɔ mɛɛ Yahuduya wɔ maakya̧ hi dɔglya̧ zaadɛ sɛw bɛttɔnɔ. Yɔ anbɔ be zɔ̧mɔ an mɔ mɔm mɔ kɛmsib dɔgl be.
4Yahuduya wɔ sɛw hi mɛɛ waak yɔ be waa yɛɛl amntɔnɔ yɔ be gi walsɛrɔ. Hi mɛɛ ɗɔɔtil be yɔ be ɗɔɔt a be hɛbt du hi a Urusalima sɛw yɛɛl a biitirnaan du. 5Hi mɛɛb da amntɔnɔ hɛw gi ha̧a̧hi hi ɗɛɛ an hi ta̧a̧ a ɗɔɔtil be yɔ be ɗɔɔt an Farisaya, hi ɓɛrib nɛ a dood Farisaya wɔ hi kaŋk maak wi hi tɛŋk yɔ daar zaadɛ wɔ sɛw hi tees du.
6Yɛrɛ be gi a dɔgl-gbaak ha a mɔkil be yɔ be gin a ya̧a̧ yɔ Bɛt wɔb hage hi baa wɛ hiya a ɔ̧t-yɔ̧ɔ̧sum bɔ gedu be rɛms dood wɔrk du gi dɔŋgo. 7Yahuduya dɔ̧ɔ̧t koobl daa eer wɔ be, hi gbaa mɔkilya̧ a wɔrkɛ rɛmtig dɔgl ha hɛw, yɔ hi tɛk hinɔ gii ma hi woosig Bɛt hin hi tɛŋko yɛms du hi lurk du sɛw. Waar i, a mɔkil bɔrɔ gi dɔŋg ro, Yahuduya wɔ hi gɛ̧ɛ̧nib hinɛ! 8Ɔnɛ nɔ nɛɛ Yahuduya wɔ nɛ ɗɛɛ ɗɔbsig a Bɛt gɔ ɗuns wɔrkɛ a wɔrk du gɛ?
9Bee hi zul be, be mɔk nɛ a be woo hinyɔ be ɗɛɛ sɛw an be ha̧tir Yeesu Nazarɛdya bɔ nuŋgɔ. 10Be woo hinɔ gii a Urusalima. Be dag tɛŋk a Bɛtmaakwookya gbɔlɛ wɔ hii an be yaa dood gaatɛ wɔ hi fɔk Yeesu a luknɔ du. Yɔ hi gbaasihi dɔgl an hi gbɔ̧hi, be ɔks ya̧a̧ hi hiya. 11Dɔɔ kittɔnɔ, be gi hi wa̧a̧lik a mɔksilluk wɔ hi du sɔmsɔm. Be tɛk an be fɛ̧ɛ̧hi hi faa Yeesu nuŋgɔ, hi boo ya̧a̧ha̧a̧l a gi zulha. Yɔ nɔɔtig be dɔ̧ɔ̧ hi zulha ha̧a̧ltɔnɔ, be tɛhi a hi lɛlɛ hi lɛlɛ tuur a hɛbt zaadɛ sɔmsɔm an be wa̧a̧lihi.
12Hinɔ anbɔ ro be wa̧a̧ gbɔnɔ an be rek a Dimaska hi ɗɛɛrwol doowa̧a̧nikya yɔ Bɛtmaakwookya gbɔlɛ wɔ hi yaanibe, gid hi gaab tɛŋk a ɗɔbsigya wɔ hi zulha. 13Be ɗund be wa̧a̧ gbɔnɔ. A lurk teesdu, waar i, yɔ be gi gbɔnɔ du, be gbɛn lɛlgaal yɔ daar ɔ̧t ɔ̧nɛ ha̧a̧ltɔnɔ gaaz bɛtha tuur be dɔŋdi hi dood wɔ be gi elo hi dɔŋdi be. 14Wi sɛw wi mat gɔ hɛbtdi. Be wɛɛ be lag ya̧a̧ za booy a bɛtha raabe hi Ibraniŋko ya̧a̧boonɛ: a Sawulu, Sawulu! Mɔ gib ya̧a̧kɛtingo a be gɔ nɔ? Nɔ mɔ gi zul mɔ nɔk gaak an pɛɛzum gi dɔk baatɔ sɔɔl yɔ hi gɔn kobs a muulɔ ge ma nɔ?
15Be wɛɛ be warɔ a mɔɔ bɔ, Waar i? Waar bɔ ta̧a̧ a bee Yeesu yɔ mɔ gig ya̧a̧ kɛtingo. 16Yɛrɛ ɗundum mɔ er ha. Be herumɔ an mɔ wɛɛ woosya beenɛ mɔ wɛɛsib segya, ya̧a̧nɛ be zunsum zul be an mɔ dɔks dood gbɛnik yɔ mɔ gbɛnib nɛɛko, mɔ wɛɛ mɔ raasihi hinyɔ gɔ be goksumɔ.
17Bé oomɔ a Israhilaya wɔ hi teesdu hi dood dɔɔmɛ wɔ be gim yaak hi teesdu, 18an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.
19Hinɔ giya, baa waar Agaripa, be ı̄n hinyɔ zaasib gɛrs du a bɛtha gɛ. 20Be dɔgsihi Bɛt dɔglɛ, be yɛɛl a Dimaska, be renɔ be tuurin a Urusalima hi a Yahuduya hɛbt du sɛw, be wɛɛ be tuurin a dood dɔɔmɛ wɔ hi tees du. Be dɔgsihi an hi zɛmr kpoosya̧ hi wɛɛ hi zaa a ge hi zuun woos yɔ gɔ hi mɛɛn naandɛmsya̧ be. 21Hinɔ gii Yahuduya wɔ hi wa̧a̧be, a Bɛtluk du hi wɛɛ hi kɛɛ an hi gbɔ̧be.
22Tuur ɔ̧ti gi zulɛ Bɛt gii gisib ɗaako, be erk hɛdi be boosig dood gbɔlɛ hi dood zaadɛ sɛw Waar Yeesu dɔglɔ. Hinyɔ be dɔkyɔ riitin hi hinyɔ Bɛtya̧a̧kɛŋkya wɔ hi Muusa hɛw, hi dɔg nɛ a hinɔ gi wooyyɔ . 23Hi dɔgɔ: a Masihu gi yɔ̧ ya̧a̧rɛ, gii gi yɛɛl rɛmlik gi ɗund a wɔrk du doosi, an gi dɔg lɛlgaal za̧a̧tig dɔgl a Yahuduya wɔ hi dood dɔɔmɛ wɔ hi tees du.
24Yɔ Pol gi zeek zulɔ anbɔ Fɛstus ɓooya̧a̧
a Pol , mɔ yooyɔ, hinyɔ mɔ zaŋ mɔ daarin zul mɔ wɛɛnum yoo nɛ zaŋ!
25Pol wɛɛ goo
a ɗɛnti, Fɛstus, be taa yoo. Dɔgl be yɛrɛ dɔgl rɔbo hi dɔgl mɔkilya. 26Yɔ Waar bɔ Agaripa mɛɛ dɔgl yɛrɛ, hoobha̧a̧b ya̧a̧book hi gii gɛ. Be mɛɛ rɔbtɔnɔ a mɔ mɛɛ hinyɔ tal sɛw. Hinɔ daa luurlɛl gɛ be! 27Baa, waar Agaripa, mɔ gi ɗɔbsig Bɛtya̧a̧kɛŋkya wɔ hinyɔ hi raak ya? Be mɛɛ a mɔ ɗɔbs hinyɔ hi dɔko.
28Agaripa war Pol
a gɔ gi kaasi mɔ mɔkig an mɔ wɛɛnib Yeesu Kristu ɗɔbsigya hɛw ya?
29Pol goo:
a gi samɔ, zaabe gi sam gɛ, be zɔ̧k Bɛt a mɔ zulha, mɔɔ gbun kpɔd gɛ, ha̧a̧be an dood zaadɛ wɔ hi zɛ̧ɛ̧r sɛw hi gisib dɔgl be kɛŋk nɛɛko, nɛ wɛɛ Yeesu doodɔ an beya, nɛ wɛɛ an bee her, ɔnɛ an bɔhi wɔmnin ba̧a̧ntus an yɛrɛ be naan du lɛ.
30Yɔ anbɔ waar bɔ hi hɛbtzulya bɔ Fɛstus hi nis bɔ Bɛrnike hi dood zaadɛ wɔ hi gi ɗɔɔtig di hi ɗund hi tuuza lakdi. 31Yɔ hi tuuza hi watinu:
a wal yɛrɛ gɔ hinyɔ rı̄ı̄ an gi gul luknɔ zaabe an gi wɔr gɛ.
32Agaripa wɛɛ raa hɛbt zulya bɔ Fɛstus
a à wal yɛrɛ raa nɛ a Kaysara gi gbɛrsib dɔgl be gɛ, yɔ wɛ ɗɛɛ nɛ an wɛ bisig gi rekɔ.
Currently Selected:
TƆMSYAADƐ WOOSƐ 26: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
TƆMSYAADƐ WOOSƐ 26
26
TƆMSYAADƐ WOOSƐ 26
1Waar Agaripa raa Pol
a gbɔnɔ gi an mɔ booya̧a̧ mɔ dɔks zul mɔ hinɛ.
Yɔ Pol lag anbɔ pɛɛ naanɔ dɔks zulɔ hin anyɔ lɛ:
2a baa waar Agaripa, be dag hat gbɔɔltɔnɔ an be zee zul be a mɔ muutdu nɛɛko a hinyɔ Yahuduya wɔ hi gib gɛ̧ɛ̧nik geha sɛw. 3Mɔɔ mɔ mɛɛ Yahuduya wɔ maakya̧ hi dɔglya̧ zaadɛ sɛw bɛttɔnɔ. Yɔ anbɔ be zɔ̧mɔ an mɔ mɔm mɔ kɛmsib dɔgl be.
4Yahuduya wɔ sɛw hi mɛɛ waak yɔ be waa yɛɛl amntɔnɔ yɔ be gi walsɛrɔ. Hi mɛɛ ɗɔɔtil be yɔ be ɗɔɔt a be hɛbt du hi a Urusalima sɛw yɛɛl a biitirnaan du. 5Hi mɛɛb da amntɔnɔ hɛw gi ha̧a̧hi hi ɗɛɛ an hi ta̧a̧ a ɗɔɔtil be yɔ be ɗɔɔt an Farisaya, hi ɓɛrib nɛ a dood Farisaya wɔ hi kaŋk maak wi hi tɛŋk yɔ daar zaadɛ wɔ sɛw hi tees du.
6Yɛrɛ be gi a dɔgl-gbaak ha a mɔkil be yɔ be gin a ya̧a̧ yɔ Bɛt wɔb hage hi baa wɛ hiya a ɔ̧t-yɔ̧ɔ̧sum bɔ gedu be rɛms dood wɔrk du gi dɔŋgo. 7Yahuduya dɔ̧ɔ̧t koobl daa eer wɔ be, hi gbaa mɔkilya̧ a wɔrkɛ rɛmtig dɔgl ha hɛw, yɔ hi tɛk hinɔ gii ma hi woosig Bɛt hin hi tɛŋko yɛms du hi lurk du sɛw. Waar i, a mɔkil bɔrɔ gi dɔŋg ro, Yahuduya wɔ hi gɛ̧ɛ̧nib hinɛ! 8Ɔnɛ nɔ nɛɛ Yahuduya wɔ nɛ ɗɛɛ ɗɔbsig a Bɛt gɔ ɗuns wɔrkɛ a wɔrk du gɛ?
9Bee hi zul be, be mɔk nɛ a be woo hinyɔ be ɗɛɛ sɛw an be ha̧tir Yeesu Nazarɛdya bɔ nuŋgɔ. 10Be woo hinɔ gii a Urusalima. Be dag tɛŋk a Bɛtmaakwookya gbɔlɛ wɔ hii an be yaa dood gaatɛ wɔ hi fɔk Yeesu a luknɔ du. Yɔ hi gbaasihi dɔgl an hi gbɔ̧hi, be ɔks ya̧a̧ hi hiya. 11Dɔɔ kittɔnɔ, be gi hi wa̧a̧lik a mɔksilluk wɔ hi du sɔmsɔm. Be tɛk an be fɛ̧ɛ̧hi hi faa Yeesu nuŋgɔ, hi boo ya̧a̧ha̧a̧l a gi zulha. Yɔ nɔɔtig be dɔ̧ɔ̧ hi zulha ha̧a̧ltɔnɔ, be tɛhi a hi lɛlɛ hi lɛlɛ tuur a hɛbt zaadɛ sɔmsɔm an be wa̧a̧lihi.
12Hinɔ anbɔ ro be wa̧a̧ gbɔnɔ an be rek a Dimaska hi ɗɛɛrwol doowa̧a̧nikya yɔ Bɛtmaakwookya gbɔlɛ wɔ hi yaanibe, gid hi gaab tɛŋk a ɗɔbsigya wɔ hi zulha. 13Be ɗund be wa̧a̧ gbɔnɔ. A lurk teesdu, waar i, yɔ be gi gbɔnɔ du, be gbɛn lɛlgaal yɔ daar ɔ̧t ɔ̧nɛ ha̧a̧ltɔnɔ gaaz bɛtha tuur be dɔŋdi hi dood wɔ be gi elo hi dɔŋdi be. 14Wi sɛw wi mat gɔ hɛbtdi. Be wɛɛ be lag ya̧a̧ za booy a bɛtha raabe hi Ibraniŋko ya̧a̧boonɛ: a Sawulu, Sawulu! Mɔ gib ya̧a̧kɛtingo a be gɔ nɔ? Nɔ mɔ gi zul mɔ nɔk gaak an pɛɛzum gi dɔk baatɔ sɔɔl yɔ hi gɔn kobs a muulɔ ge ma nɔ?
15Be wɛɛ be warɔ a mɔɔ bɔ, Waar i? Waar bɔ ta̧a̧ a bee Yeesu yɔ mɔ gig ya̧a̧ kɛtingo. 16Yɛrɛ ɗundum mɔ er ha. Be herumɔ an mɔ wɛɛ woosya beenɛ mɔ wɛɛsib segya, ya̧a̧nɛ be zunsum zul be an mɔ dɔks dood gbɛnik yɔ mɔ gbɛnib nɛɛko, mɔ wɛɛ mɔ raasihi hinyɔ gɔ be goksumɔ.
17Bé oomɔ a Israhilaya wɔ hi teesdu hi dood dɔɔmɛ wɔ be gim yaak hi teesdu, 18an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.
19Hinɔ giya, baa waar Agaripa, be ı̄n hinyɔ zaasib gɛrs du a bɛtha gɛ. 20Be dɔgsihi Bɛt dɔglɛ, be yɛɛl a Dimaska, be renɔ be tuurin a Urusalima hi a Yahuduya hɛbt du sɛw, be wɛɛ be tuurin a dood dɔɔmɛ wɔ hi tees du. Be dɔgsihi an hi zɛmr kpoosya̧ hi wɛɛ hi zaa a ge hi zuun woos yɔ gɔ hi mɛɛn naandɛmsya̧ be. 21Hinɔ gii Yahuduya wɔ hi wa̧a̧be, a Bɛtluk du hi wɛɛ hi kɛɛ an hi gbɔ̧be.
22Tuur ɔ̧ti gi zulɛ Bɛt gii gisib ɗaako, be erk hɛdi be boosig dood gbɔlɛ hi dood zaadɛ sɛw Waar Yeesu dɔglɔ. Hinyɔ be dɔkyɔ riitin hi hinyɔ Bɛtya̧a̧kɛŋkya wɔ hi Muusa hɛw, hi dɔg nɛ a hinɔ gi wooyyɔ . 23Hi dɔgɔ: a Masihu gi yɔ̧ ya̧a̧rɛ, gii gi yɛɛl rɛmlik gi ɗund a wɔrk du doosi, an gi dɔg lɛlgaal za̧a̧tig dɔgl a Yahuduya wɔ hi dood dɔɔmɛ wɔ hi tees du.
24Yɔ Pol gi zeek zulɔ anbɔ Fɛstus ɓooya̧a̧
a Pol , mɔ yooyɔ, hinyɔ mɔ zaŋ mɔ daarin zul mɔ wɛɛnum yoo nɛ zaŋ!
25Pol wɛɛ goo
a ɗɛnti, Fɛstus, be taa yoo. Dɔgl be yɛrɛ dɔgl rɔbo hi dɔgl mɔkilya. 26Yɔ Waar bɔ Agaripa mɛɛ dɔgl yɛrɛ, hoobha̧a̧b ya̧a̧book hi gii gɛ. Be mɛɛ rɔbtɔnɔ a mɔ mɛɛ hinyɔ tal sɛw. Hinɔ daa luurlɛl gɛ be! 27Baa, waar Agaripa, mɔ gi ɗɔbsig Bɛtya̧a̧kɛŋkya wɔ hinyɔ hi raak ya? Be mɛɛ a mɔ ɗɔbs hinyɔ hi dɔko.
28Agaripa war Pol
a gɔ gi kaasi mɔ mɔkig an mɔ wɛɛnib Yeesu Kristu ɗɔbsigya hɛw ya?
29Pol goo:
a gi samɔ, zaabe gi sam gɛ, be zɔ̧k Bɛt a mɔ zulha, mɔɔ gbun kpɔd gɛ, ha̧a̧be an dood zaadɛ wɔ hi zɛ̧ɛ̧r sɛw hi gisib dɔgl be kɛŋk nɛɛko, nɛ wɛɛ Yeesu doodɔ an beya, nɛ wɛɛ an bee her, ɔnɛ an bɔhi wɔmnin ba̧a̧ntus an yɛrɛ be naan du lɛ.
30Yɔ anbɔ waar bɔ hi hɛbtzulya bɔ Fɛstus hi nis bɔ Bɛrnike hi dood zaadɛ wɔ hi gi ɗɔɔtig di hi ɗund hi tuuza lakdi. 31Yɔ hi tuuza hi watinu:
a wal yɛrɛ gɔ hinyɔ rı̄ı̄ an gi gul luknɔ zaabe an gi wɔr gɛ.
32Agaripa wɛɛ raa hɛbt zulya bɔ Fɛstus
a à wal yɛrɛ raa nɛ a Kaysara gi gbɛrsib dɔgl be gɛ, yɔ wɛ ɗɛɛ nɛ an wɛ bisig gi rekɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.