2 TESALONIKI 3
3
2 TESALONIKI 3
1Nɛɛ yɛ̧ɛ̧dɛ wi wɛ, hinyɔ zɛ̧ɛ̧r gɛrɛ: zɔ̧bsinwi Bɛto an Waar Yeesu dɔglɔ gi yɛd nɔɔk a dood kit wɔ hi ɗɔbs anyɔ daa nɛ nɛ teesdu, 2zɔ̧n an Bɛt gi tuusiw a dood ha̧a̧l wɔ hi gabsɛ wɔ hi naan du, anyɔ dood sɛw hi taa ɗɔbsig Bɛtdɔglɛ. 3Waar Yeesu gi doo rɔbo, hinyɔ dɔg sɛw gi wooko. Gi gaan tɛŋko gi wɛɛ gi oon an bɔ Saydanu gi maatinɛ nɛ wag gbɔnɔ. 4Wi gbaak kpoos wi a Waar Yeesu ge a nɛ zulha, wi mɛɛ a nɛ wook hinwɔ wi raanɛ, nɛ wɛɛ nɛ waa wook ɓɛ. 5An Waar Yeesu gi kam kpoos nɛ a Bɛt hat du hi a Kristu hinmɔŋk du.
6Nɛɛ yɛ̧ɛ̧dɛ wi wɛ, wi gin raak hi Waar wɛ Yeesu Kristu nuŋgɔ: hɛmlin yɛ̧ɛ̧dɛ wɔ hi waak namrɛ hi taa fɔk hinyɔ wi goksinɛ. 7Nɛɛ hi zul nɛ nɛ mɛɛ fɔkyɔ gi an nɛ waa nɛ fɔwi. Wi taa nɛ dood namrɛ a nɛ tees du. 8Wi lē doo lees tɔs gɛ, gɔ wi tooto ro wi leko. Wi mɔɔ wi woowoos yɛms du hi lurk du sɛw an bɔwi mɔɔs doo za a nɛ tees du.
9Nɛ mɔk a wi taan nɛ tɛŋk an wi dag lees a nɛɛge ya? Nɛ yɛrɛ taa anbɔ, gi nɛ an wi daagɔ. Yɛrɛ wi woo anbɔ, an wi gogsin gbɔnɔ hi waabil wi nɛ fɔbɔ. 10Yɔ wi gi nɛ waak nɛ hi nɛɛ hɛw, wi raanɛ: a za̧a̧nyɔ ha̧a̧g wooswook gɛ, bɔgi lehin be. 11Ya̧a̧nɛ, wi lag a dood nɛ zaadɛ hi gi namrɛyɔ, hi taa wooswooko, hi wɛɛ hi gi gutig ya̧a̧ yɔ seehi gɛ. 12Dood wɔ anbɔ wi gihi raak hi tɛŋko a Waar wɛ Yeesu Kristu nuŋg du, an hi kɔm sob hi waa wooswook rɔbtɔnɔ hi kaŋkin zulya̧. 13Nɛya, yɛ̧ɛ̧dɛ wɛ nɛ sɛw, bɔnɛ mɔɔ hinyɔ bɛr wookɔ.
14Doo gi in hingok wɔ wi gaa a ɗɛɛrwol yɛrɛ gedu fɔko, seenɛg bɛttɔnɔ, bɔnɛ ɔks hi gii nɛ zaŋ, an seem gi ha̧a̧g du. 15Yɛrɛ bɔnɛ seeg an lɔlhɛ̧ɛ̧nikya, dɔgsinɛg hinɛ an yɛ̧ɛ̧ wɛ Yeesu -fɔkya an gi oo zulɔ. 16Yɛrɛyɔ, an Waar Yeesu yɔ gi boolum Waar i gi gaan boolum hi zulɔ an bili hi gbɔnɔ yɔ gi sɛw! An gi wɛɛ gi gi hi nɛɛ sɛw. 17Mii Pol , mii bi̧i̧ book yɛrɛ hi naan mi an mi boonɛ. Gɔ mi tɛ̧ɛ̧k naan mi a mi ɗɛɛrwol du sɛw anyɔ lɛ, bi̧i̧k yɔ gɔ mi bi̧i̧ gi anyɔ lɛ. 18An Waar wɛ Yeesu Kristu gɛmsilɔ gigi hi nɛɛ sɛw. Aanbɔ!
Currently Selected:
2 TESALONIKI 3: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
2 TESALONIKI 3
3
2 TESALONIKI 3
1Nɛɛ yɛ̧ɛ̧dɛ wi wɛ, hinyɔ zɛ̧ɛ̧r gɛrɛ: zɔ̧bsinwi Bɛto an Waar Yeesu dɔglɔ gi yɛd nɔɔk a dood kit wɔ hi ɗɔbs anyɔ daa nɛ nɛ teesdu, 2zɔ̧n an Bɛt gi tuusiw a dood ha̧a̧l wɔ hi gabsɛ wɔ hi naan du, anyɔ dood sɛw hi taa ɗɔbsig Bɛtdɔglɛ. 3Waar Yeesu gi doo rɔbo, hinyɔ dɔg sɛw gi wooko. Gi gaan tɛŋko gi wɛɛ gi oon an bɔ Saydanu gi maatinɛ nɛ wag gbɔnɔ. 4Wi gbaak kpoos wi a Waar Yeesu ge a nɛ zulha, wi mɛɛ a nɛ wook hinwɔ wi raanɛ, nɛ wɛɛ nɛ waa wook ɓɛ. 5An Waar Yeesu gi kam kpoos nɛ a Bɛt hat du hi a Kristu hinmɔŋk du.
6Nɛɛ yɛ̧ɛ̧dɛ wi wɛ, wi gin raak hi Waar wɛ Yeesu Kristu nuŋgɔ: hɛmlin yɛ̧ɛ̧dɛ wɔ hi waak namrɛ hi taa fɔk hinyɔ wi goksinɛ. 7Nɛɛ hi zul nɛ nɛ mɛɛ fɔkyɔ gi an nɛ waa nɛ fɔwi. Wi taa nɛ dood namrɛ a nɛ tees du. 8Wi lē doo lees tɔs gɛ, gɔ wi tooto ro wi leko. Wi mɔɔ wi woowoos yɛms du hi lurk du sɛw an bɔwi mɔɔs doo za a nɛ tees du.
9Nɛ mɔk a wi taan nɛ tɛŋk an wi dag lees a nɛɛge ya? Nɛ yɛrɛ taa anbɔ, gi nɛ an wi daagɔ. Yɛrɛ wi woo anbɔ, an wi gogsin gbɔnɔ hi waabil wi nɛ fɔbɔ. 10Yɔ wi gi nɛ waak nɛ hi nɛɛ hɛw, wi raanɛ: a za̧a̧nyɔ ha̧a̧g wooswook gɛ, bɔgi lehin be. 11Ya̧a̧nɛ, wi lag a dood nɛ zaadɛ hi gi namrɛyɔ, hi taa wooswooko, hi wɛɛ hi gi gutig ya̧a̧ yɔ seehi gɛ. 12Dood wɔ anbɔ wi gihi raak hi tɛŋko a Waar wɛ Yeesu Kristu nuŋg du, an hi kɔm sob hi waa wooswook rɔbtɔnɔ hi kaŋkin zulya̧. 13Nɛya, yɛ̧ɛ̧dɛ wɛ nɛ sɛw, bɔnɛ mɔɔ hinyɔ bɛr wookɔ.
14Doo gi in hingok wɔ wi gaa a ɗɛɛrwol yɛrɛ gedu fɔko, seenɛg bɛttɔnɔ, bɔnɛ ɔks hi gii nɛ zaŋ, an seem gi ha̧a̧g du. 15Yɛrɛ bɔnɛ seeg an lɔlhɛ̧ɛ̧nikya, dɔgsinɛg hinɛ an yɛ̧ɛ̧ wɛ Yeesu -fɔkya an gi oo zulɔ. 16Yɛrɛyɔ, an Waar Yeesu yɔ gi boolum Waar i gi gaan boolum hi zulɔ an bili hi gbɔnɔ yɔ gi sɛw! An gi wɛɛ gi gi hi nɛɛ sɛw. 17Mii Pol , mii bi̧i̧ book yɛrɛ hi naan mi an mi boonɛ. Gɔ mi tɛ̧ɛ̧k naan mi a mi ɗɛɛrwol du sɛw anyɔ lɛ, bi̧i̧k yɔ gɔ mi bi̧i̧ gi anyɔ lɛ. 18An Waar wɛ Yeesu Kristu gɛmsilɔ gigi hi nɛɛ sɛw. Aanbɔ!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.