1 TESALONIKI 3
3
1 TESALONIKI 3
1Yɛrɛ a yɔ̧ɔ̧sumɔ gedu wi ɗɛ̄ɛ̄ mɔŋk an wi oo zaa ma gɛ. Wi see bɛr an wi kɔm a Atena muk wi. 2Wi yaa yɛ̧ɛ̧ wɛ Timɔte yɔ gi wook Bɛtwoosɔ hi wiya gi dɔk Dɔgl Rɔb bɔ yɔ gi Kristu dɔglɔ. Wi yaag a nɛɛge an gi gaan tɛŋk gi ɓaasin muulɛ, nɛ er rɔbtɔnɔ a nɛ ɗɔbsig du, 3an bɔ̄ doo gbun nɛ teesdu gi ɔɔ muulɔ a ya̧a̧rhant yɔ wɛ waak gedu. Nɛ mɛɛ hi zul nɛ hɛw an ya̧a̧rhant wɔrɔ labɔ, Bɛt gii gbaasɛ. 4Yɔ wi da wi waak hi nɛya, wi dɔksin gaati a ya̧a̧rhant gi zɛ̧ɛ̧zɛ̧mɔ. Hinɔ gii tuurɔ, nɛ mɛɛmɛ.
5Ya̧a̧nɛ, anyɔ mi ɗɛ̄ɛ̄ an mi mɔm ook bɔrɔ zaa ma gɛ, mi yaa doo a nɛɛge an gi zaa gi dɔgsim dɔgl nɛ an mi mɛɛ ɗɔbsig nɛ yɔ nɛ ɗɔbsugo. Hoobha̧a̧m nɛ an bɔ loorɛha̧a̧l gi maatinɛ woos wi gi wɛɛ hintɔs. 6Yɛrɛ ɓɔryɔ Timɔte wɛɛz has kpoos wi hi ɗɔbsig nɛ dɔglɛ hi hat nɛ a yɛ̧ɛ̧dɛ Yeesu fɔkya wɔ hi dɔgl yɔ fɔksiwi. Raasiw a nɛ waa nɛ giw mɔkugo hi hato, gin ha̧a̧k an nɛ gbɛniwi an wii yɔ giw ha̧a̧k an wi gbɛnin be.
7Ya̧a̧ giya, yɛ̧ɛ̧dɛ mi wɛ, a zɛksil wɛ wɔ gedu hi a ya̧a̧rhant wɛ wɔ gedu sɛw, muul wi ɓaa a nɛ zulɛ, a ɗɔbsig nɛ bɔ gi dɔŋgo. 8Yɛrɛ, wi wɛɛ wi za̧a̧za̧ ɓɔri ma anyɔ nɛ waak erk rɔbtɔnɔ a ɔksil nɛ bɔ hi Waar Yeesu gedu. 9Gi an wi ɗɛɛ Bɛt wɛ baanukɔ ri a nɛ dɔŋgo a hat wɔ nɛ giwi gaak sɛw a gi muutdu nɔ? 10Lurk du hi yɛms du sɛw wi gi ɛrk Bɛt hi tɛŋko an gi gaaw gbɔnɔ wɛ gbɛntinu, wi baks hinyɔ zɛ̧ɛ̧r ɓɛ a ɗɔbsig nɛ bɔ gedu.
11Yɛrɛ an Baa wɛ Bɛt hi zulɔ hi Waar wɛ Yeesu Kristu hi gɛms gbɔnɔ an wi rekɔ wi seenɛ! 12An Waar Yeesu gi woo an hat nɛ a yɛ̧ɛ̧dɛ fɔkɔya wɔ hi muul hi a dood muul sɛw gi rek doosɛ doosɛ, gi tɔɔ gi daarlɛlɛ, an hat wi yɔ gi tɔɔko gi gi daarik lɛl a nɛ muul be. 13Yɔ anbɔ Waar Yeesu gi gaa kpoos nɛ tɛŋko, gi es nɛɛ dood gaatɛ wɔ nɛ taan hin-a̧a̧bi a Baa wɛ Bɛt muutdu a ɔ̧tyɔ Waar wɛ Yeesu gɔ gi zaa hi doodɔ gaatɛ wɔ sɛw gedu.
Currently Selected:
1 TESALONIKI 3: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
1 TESALONIKI 3
3
1 TESALONIKI 3
1Yɛrɛ a yɔ̧ɔ̧sumɔ gedu wi ɗɛ̄ɛ̄ mɔŋk an wi oo zaa ma gɛ. Wi see bɛr an wi kɔm a Atena muk wi. 2Wi yaa yɛ̧ɛ̧ wɛ Timɔte yɔ gi wook Bɛtwoosɔ hi wiya gi dɔk Dɔgl Rɔb bɔ yɔ gi Kristu dɔglɔ. Wi yaag a nɛɛge an gi gaan tɛŋk gi ɓaasin muulɛ, nɛ er rɔbtɔnɔ a nɛ ɗɔbsig du, 3an bɔ̄ doo gbun nɛ teesdu gi ɔɔ muulɔ a ya̧a̧rhant yɔ wɛ waak gedu. Nɛ mɛɛ hi zul nɛ hɛw an ya̧a̧rhant wɔrɔ labɔ, Bɛt gii gbaasɛ. 4Yɔ wi da wi waak hi nɛya, wi dɔksin gaati a ya̧a̧rhant gi zɛ̧ɛ̧zɛ̧mɔ. Hinɔ gii tuurɔ, nɛ mɛɛmɛ.
5Ya̧a̧nɛ, anyɔ mi ɗɛ̄ɛ̄ an mi mɔm ook bɔrɔ zaa ma gɛ, mi yaa doo a nɛɛge an gi zaa gi dɔgsim dɔgl nɛ an mi mɛɛ ɗɔbsig nɛ yɔ nɛ ɗɔbsugo. Hoobha̧a̧m nɛ an bɔ loorɛha̧a̧l gi maatinɛ woos wi gi wɛɛ hintɔs. 6Yɛrɛ ɓɔryɔ Timɔte wɛɛz has kpoos wi hi ɗɔbsig nɛ dɔglɛ hi hat nɛ a yɛ̧ɛ̧dɛ Yeesu fɔkya wɔ hi dɔgl yɔ fɔksiwi. Raasiw a nɛ waa nɛ giw mɔkugo hi hato, gin ha̧a̧k an nɛ gbɛniwi an wii yɔ giw ha̧a̧k an wi gbɛnin be.
7Ya̧a̧ giya, yɛ̧ɛ̧dɛ mi wɛ, a zɛksil wɛ wɔ gedu hi a ya̧a̧rhant wɛ wɔ gedu sɛw, muul wi ɓaa a nɛ zulɛ, a ɗɔbsig nɛ bɔ gi dɔŋgo. 8Yɛrɛ, wi wɛɛ wi za̧a̧za̧ ɓɔri ma anyɔ nɛ waak erk rɔbtɔnɔ a ɔksil nɛ bɔ hi Waar Yeesu gedu. 9Gi an wi ɗɛɛ Bɛt wɛ baanukɔ ri a nɛ dɔŋgo a hat wɔ nɛ giwi gaak sɛw a gi muutdu nɔ? 10Lurk du hi yɛms du sɛw wi gi ɛrk Bɛt hi tɛŋko an gi gaaw gbɔnɔ wɛ gbɛntinu, wi baks hinyɔ zɛ̧ɛ̧r ɓɛ a ɗɔbsig nɛ bɔ gedu.
11Yɛrɛ an Baa wɛ Bɛt hi zulɔ hi Waar wɛ Yeesu Kristu hi gɛms gbɔnɔ an wi rekɔ wi seenɛ! 12An Waar Yeesu gi woo an hat nɛ a yɛ̧ɛ̧dɛ fɔkɔya wɔ hi muul hi a dood muul sɛw gi rek doosɛ doosɛ, gi tɔɔ gi daarlɛlɛ, an hat wi yɔ gi tɔɔko gi gi daarik lɛl a nɛ muul be. 13Yɔ anbɔ Waar Yeesu gi gaa kpoos nɛ tɛŋko, gi es nɛɛ dood gaatɛ wɔ nɛ taan hin-a̧a̧bi a Baa wɛ Bɛt muutdu a ɔ̧tyɔ Waar wɛ Yeesu gɔ gi zaa hi doodɔ gaatɛ wɔ sɛw gedu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.