RÒMƐŊ 12
12
Nyɔɔnyɔn à cɛɓ ànɛ ɓi kìsay ki Bɛ̀ll
1Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll. 2Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.
3Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi. 4Lɛ fɛlɛ yɛ̀ɛ tì rì rì ɓìkàɓ lɛɛ̀gwey, ɓìkàɓ ɓiǹ ɓi ki ɓa ɓikàɓ ɓi nyoo bog, ɓìcèm ɓyɛ̀ kɛɛ̀ ki ɓa rikuu ɗi kisay ɗifog, 5fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog, 6lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n. 7Roànɛ à rì ǹɗeŋiyɛn lɛ a ɓa ǹkìì-kìsay à ɓɛ̀ro ɓɛmbog, a siìrɛn ɓi rìkì ɗi kisay; roànɛ Bɛ̀ll à faghà lɛ a ɓa ǹɗèsàg, à ghɛ̀ɛ̀sɛɛ kì falɛɛ ɓi rìrèrèsì. 8Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.
9Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ. 10Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ. 11Ɓaana rì kìsììrì, kɛ̀ ɓi kì iɓwɛɗ; kìina Kan kìsay rì ìtèɗ ɓi nɗem. 12Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n. 13Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.
14Màŋina ɓumɓɛ ɓɛɛ̀ yeeyeèsì mìni, kɛ̀ ɓi cɛ̀m ɓɔ. 15Nyààrɛɛna nɗaŋ ɗi ɓumɓɛ ɓɛ ri ɓi kìnyàà, ɓì rèn nɗaŋ ɗi ɓɛ̀roɓɛ ɓɛɛ̀ rènɗèn. 16Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.
17Kɛ̀ ɓi lèɓ mum kìɓe ri kìɓe, kaana lɔŋ lɛ ɓi ki kìrɔɔ ɓi mis mɛ ɓum ɓɛ̀cèm. 18I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm. 19Mìni ɓɛ̀geni ɓɛ̀m ɓɛ nɗem, kɛ̀ ɓi rɔ̀ŋ kiɓan kin miniì ɓɔmìɗ, kìɓan kifog càrina lɛ Bɛ̀ll a saɗ bim yiì, lɛ ki ri kì kànɛn lɛ: Kan lɛ: Mɛ̀ yɛ̀ɛ ghɛɛ̀sɛɛ rì rɔ̀ŋɗɔ̀ŋ, mɛ̀ yɛ̀ɛ ghɛɛ̀sɛɛɛ kì lèɓi. 20Wɔ̀lɛ, i bènàbena wɔɔ̀ a wowog zày, faa nyi ɓìɗilàg, i a wowog kinɔli, faa nyi mɛ̀nig mɛnɔyɛn, lɛ cààmɛ̀n ki ù kìi fɔlɔɔ, di ù kùnii nyi ɓɛ̀ràŋ ɓɛ ɗuu ɓɛ ghɛ̀g-ghɛ̀g ɓi nto. 21Kɔ̀ɔ càrɛn lɛ kìɓe kɛɛ lami wɔ̀, kaaya lɔŋ lɛ u lami kìɓe ɗì rìkì ɗi kirɔɔ.
Currently Selected:
RÒMƐŊ 12: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
RÒMƐŊ 12
12
Nyɔɔnyɔn à cɛɓ ànɛ ɓi kìsay ki Bɛ̀ll
1Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll. 2Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.
3Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi. 4Lɛ fɛlɛ yɛ̀ɛ tì rì rì ɓìkàɓ lɛɛ̀gwey, ɓìkàɓ ɓiǹ ɓi ki ɓa ɓikàɓ ɓi nyoo bog, ɓìcèm ɓyɛ̀ kɛɛ̀ ki ɓa rikuu ɗi kisay ɗifog, 5fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog, 6lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n. 7Roànɛ à rì ǹɗeŋiyɛn lɛ a ɓa ǹkìì-kìsay à ɓɛ̀ro ɓɛmbog, a siìrɛn ɓi rìkì ɗi kisay; roànɛ Bɛ̀ll à faghà lɛ a ɓa ǹɗèsàg, à ghɛ̀ɛ̀sɛɛ kì falɛɛ ɓi rìrèrèsì. 8Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.
9Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ. 10Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ. 11Ɓaana rì kìsììrì, kɛ̀ ɓi kì iɓwɛɗ; kìina Kan kìsay rì ìtèɗ ɓi nɗem. 12Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n. 13Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.
14Màŋina ɓumɓɛ ɓɛɛ̀ yeeyeèsì mìni, kɛ̀ ɓi cɛ̀m ɓɔ. 15Nyààrɛɛna nɗaŋ ɗi ɓumɓɛ ɓɛ ri ɓi kìnyàà, ɓì rèn nɗaŋ ɗi ɓɛ̀roɓɛ ɓɛɛ̀ rènɗèn. 16Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.
17Kɛ̀ ɓi lèɓ mum kìɓe ri kìɓe, kaana lɔŋ lɛ ɓi ki kìrɔɔ ɓi mis mɛ ɓum ɓɛ̀cèm. 18I bee ì rì lɛ ì ɓa, lèg ànɛ yɛ̀ɛ ìtèɗ win wu ri lɛ wu kpaŋ, ɓì ghɛ̀ɛ̀sɛɛ kì ghɛɓì lɛ fyòoog rì ɓum ɓɛ̀cèm. 19Mìni ɓɛ̀geni ɓɛ̀m ɓɛ nɗem, kɛ̀ ɓi rɔ̀ŋ kiɓan kin miniì ɓɔmìɗ, kìɓan kifog càrina lɛ Bɛ̀ll a saɗ bim yiì, lɛ ki ri kì kànɛn lɛ: Kan lɛ: Mɛ̀ yɛ̀ɛ ghɛɛ̀sɛɛ rì rɔ̀ŋɗɔ̀ŋ, mɛ̀ yɛ̀ɛ ghɛɛ̀sɛɛɛ kì lèɓi. 20Wɔ̀lɛ, i bènàbena wɔɔ̀ a wowog zày, faa nyi ɓìɗilàg, i a wowog kinɔli, faa nyi mɛ̀nig mɛnɔyɛn, lɛ cààmɛ̀n ki ù kìi fɔlɔɔ, di ù kùnii nyi ɓɛ̀ràŋ ɓɛ ɗuu ɓɛ ghɛ̀g-ghɛ̀g ɓi nto. 21Kɔ̀ɔ càrɛn lɛ kìɓe kɛɛ lami wɔ̀, kaaya lɔŋ lɛ u lami kìɓe ɗì rìkì ɗi kirɔɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.