MƐ̀KÌKÌÌ MƐ ƁƐKƐ̀NÌ-FÌTOM 14
14
Pol ɓɛɛ̀ Ɓarinaɓas a Ikonyɔm
1A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll. 2Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n. 3Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì. 4Fɔɔnnɛ ɓumɓɛ ɓi bàn ìnɛn ɓɛ lanɛ̀ngà gàɓ yiɓɛɛ̀ lɛ, ɓɛ̀roɓɛ ɓɛ sug jɛ̀m ɗì Ɓɛ̀yudɛ̀n, ɓɛmbog ɓɛ sug jɛ̀m ɗi ɓɛ̀kɛ̀nì-fìtom ɓɛ Yeesus. 5Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g, 6Pol ɓɛɛ̀ Ɓarinaɓas ɓɛ ɓaghà lɛ ɓaa ghɛn fɔlɔɔ, ɓɛ kaa bee inɛ lɛ ɓɛɛ ghɛŋi kì nyàmzɛɛ a Likawonii rì a Listirɛ, rì a Dɛriɓɛ rì ɓi jàŋ yidɛŋ yi yi ɓaghà wɔɔ jàŋbog. 7Fɔɔnnɛ ɓɛ ghagsìghà Syeesyee à Ɓɔlɛ wɔɔ ɓi jàŋ yiǹ.
Pol ɓɛɛ̀ Ɓarinaɓas ɓi bàn ìnɛ lɛ, Listirɛ
8Ŋwaàdɛŋ yɛɛ ɓaghà kìwɔ̀g a Listirɛ. A rɔ̀ɓkà kìsɛkɛ̀rɛ̀ à tumɛn a rìyalɛ̀n ɗii, nsoò ŋwos adɛŋ, ŋwaànɛ̀n à fèèghrɛ̀ngà ɓi kirɛlii mɛrɛy, à ɓày ìkòò. 9Nni ŋwos adɛŋ ànɛ ŋwaànɛ̀n à wowòkà di Pol à tòtòg, fɔɔnnɛ Pol à pɛɓsɛ̀ngà nyi, à fiɓì nyi lɛ fyɛɛɛyi à ghɛn lɛ ŋwaànɛ̀n à ɓaghà ɗì ǹtyweeyi lɛ a wɔɔ̀zi nyi. 10Nni à kpaaghà ŋwaànɛ̀n jɛ̀ɛ̀ aɗyoo lɛ: Pɛ̀sɛn aɗyoo, u rɛli mɛrɛy wɛ̀ɛmiɗ. Fɔɔnnɛ ŋwaànɛ̀n à pɛ̀sɛ̀ngà aɗyoo lɛ fàtweɗ, à ghagsɛ̀n ɗì rìkɛ̀ɛ̀.
11Yɛ̀ɛ gɛ ɓum ànɛ à ɓaghà wɔɔ a ghɛngà kìɓan ki Pol à kìghà kiǹ, nni ɓɛ làmɓɛ̀ngà jɛ̀ɛ̀ aɗyoo ɓi kìtòkì ki ɓumɓɛ a Likawonii lɛ ɓɛ̀y yidɛŋ yɛɛ yuù yì a lɔ̀ŋkaa, ɓi nghay wu ɓum. 12Nni ɓɛ roòghà Ɓarinaɓas ɗii ɗi ɓɛ̀y ìnɛ lɛ Zes, ɓɛ ròò Pol ɗii lɛ Ɛrmɛs, ɓisuulɛ nnyɛɛ totòkà. 13Nni pìrɛɛtìrɛ̀ à ɓɛ̀y ìnɛ lɛ Zes, inɛ naa yìì i ɓaghà ɓi rìɗigì ɗi ɓi bàn, à yughà rì ɓɛ̀lem ɓɛ ɓɛ̀sanìnya ɓɛ̀rɛ̀gakɛn ri zyònà yi ɓilàà lɛ ɓɛ ɓaghà jɛ̀ɛ̀ bog rì ɓum ɓɛmbog ɓɛ̀cèm lɛ ɓɛɛ funɛn ɓìtuwe ɓiǹ, ɓɛɛ ɓɔgsi ɓɛ̀y yi yi yughà a lɔ̀ŋkaa, yi lɛ rì Ɓarinaɓas rì Pol. 14Yɛ̀ɛ ɓɛ̀kɛ̀nì-fìtom ɓɛ lɛ, rì Pol rì Ɓarinaɓas ɓɛ ghɛngà fɔlɔɔ, nni ɓɛ ghaskàkà ɓìlàà ɓyaa ɓɛ tɔy ɓi gwìy di ɓɛɛ̀ kpaakpaa jɛ̀ɛ̀ aɗyoo lɛ: 15Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì. 16Ɓi gbàà yi ajɛ̀m, Bɛ̀ll à càɗkà lɛ ɓìlɔ̀ŋ ɓìcèm ɓyɛɛ nɔɔ̀nɔ̀ɔ̀tì bee yi ɓi kɔni lɛ ɓyɛɛ nɔɔ̀ti. 17Nsoò fɔlɔɔ, à rèrèsìghà lɔŋ riɓa ɗii, ɓi ɓìrɔɔ ɓi à kìkìghà ɓum, à ti à nɔsàg mìni bwey, à kì lɛ, ɓìɗilàg ɓyɛɛ ɗiŋi mìni, à fa mìni ɓyom ɓiɗiyɛn lɛɛ̀gwey, à ki roòzi mɛrem min ɗi kìnyàà. 18Rì ǹtɔɓ lɛɛ̀gwey ìnnɛ rìkpaa ɗyaa ɗiǹ ɗi ki rèkà gwìy ì ɓum ìnɛ̀n lɛ, yɛ̀ kɛɛ̀ fùnɛn ɓìtuwe ɓisu waa.
19Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu. 20Wɔ̀lɛ yɛ̀ɛ ɓɛ̀yilàg ɓɛ taŋzɛ̀ngà nyi à nyoo, à pɛ̀sɛ̀n aɗyoo, à sugtì kì ɗiŋii ɓi bàn. Ɓi duri tana, ɓɛ kɛ̀ngà a Dɛriɓɛ ɓɛɛ̀ Ɓarinaɓas.
Ɓɛ̀-Pol ɓɛ sugtii a Aŋtyos ànɛ a Sirii
21Yɛ̀ɛ Pol ɓɛɛ̀ Ɓarinaɓas ɓɛ ghagsìghà Syeesyee à Ɓɔlɛ ɓi bàn ìnɛ lɛ Dɛriɓɛ, ɓɛ ki syòŋ ɓum wɔɔ lɛɛ̀gwey, fɔɔnnɛ ɓɛ sugtìghà a Listirɛ, rì a Ikonyɔm, rì a Aŋtyos ànɛ a Pisidii. 22Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll. 23Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi. 24Fɔɔnnɛ ɓɛ ceeghà ɓi kiden ki zi ki lɛ Pisidii, ɓɛ kɛǹ kì kpaŋì a Paŋfilii. 25Ɓɛ mɛ ghagsi Ɓɔlɛ à Bɛ̀ll a Pɛrizɛ, ɓɛ sɛn min a Atalii. 26Wɔɔnnɛ ɓɛ teri min kikɔm lɛ, ɓɛɛ kɛǹ a Aŋtyos ànɛ ɓɛ pɛsɛ̀ngày wɔɔ, jàŋ inɛ ɓɛ reɓsɛ̀ngà ɓɔ rì Bɛ̀ll à geesɛ̀n, ɓisuu kisay ki ɓɛ kighày kiǹ.
27Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi. 28Fɔɔnnɛ ɓɛ kɔrìghà gàɓ ì mɛ̀ru rì ɓɛ̀gherɛ̀n.
Currently Selected:
MƐ̀KÌKÌÌ MƐ ƁƐKƐ̀NÌ-FÌTOM 14: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 14
14
Pol ɓɛɛ̀ Ɓarinaɓas a Ikonyɔm
1A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll. 2Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n. 3Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì. 4Fɔɔnnɛ ɓumɓɛ ɓi bàn ìnɛn ɓɛ lanɛ̀ngà gàɓ yiɓɛɛ̀ lɛ, ɓɛ̀roɓɛ ɓɛ sug jɛ̀m ɗì Ɓɛ̀yudɛ̀n, ɓɛmbog ɓɛ sug jɛ̀m ɗi ɓɛ̀kɛ̀nì-fìtom ɓɛ Yeesus. 5Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g, 6Pol ɓɛɛ̀ Ɓarinaɓas ɓɛ ɓaghà lɛ ɓaa ghɛn fɔlɔɔ, ɓɛ kaa bee inɛ lɛ ɓɛɛ ghɛŋi kì nyàmzɛɛ a Likawonii rì a Listirɛ, rì a Dɛriɓɛ rì ɓi jàŋ yidɛŋ yi yi ɓaghà wɔɔ jàŋbog. 7Fɔɔnnɛ ɓɛ ghagsìghà Syeesyee à Ɓɔlɛ wɔɔ ɓi jàŋ yiǹ.
Pol ɓɛɛ̀ Ɓarinaɓas ɓi bàn ìnɛ lɛ, Listirɛ
8Ŋwaàdɛŋ yɛɛ ɓaghà kìwɔ̀g a Listirɛ. A rɔ̀ɓkà kìsɛkɛ̀rɛ̀ à tumɛn a rìyalɛ̀n ɗii, nsoò ŋwos adɛŋ, ŋwaànɛ̀n à fèèghrɛ̀ngà ɓi kirɛlii mɛrɛy, à ɓày ìkòò. 9Nni ŋwos adɛŋ ànɛ ŋwaànɛ̀n à wowòkà di Pol à tòtòg, fɔɔnnɛ Pol à pɛɓsɛ̀ngà nyi, à fiɓì nyi lɛ fyɛɛɛyi à ghɛn lɛ ŋwaànɛ̀n à ɓaghà ɗì ǹtyweeyi lɛ a wɔɔ̀zi nyi. 10Nni à kpaaghà ŋwaànɛ̀n jɛ̀ɛ̀ aɗyoo lɛ: Pɛ̀sɛn aɗyoo, u rɛli mɛrɛy wɛ̀ɛmiɗ. Fɔɔnnɛ ŋwaànɛ̀n à pɛ̀sɛ̀ngà aɗyoo lɛ fàtweɗ, à ghagsɛ̀n ɗì rìkɛ̀ɛ̀.
11Yɛ̀ɛ gɛ ɓum ànɛ à ɓaghà wɔɔ a ghɛngà kìɓan ki Pol à kìghà kiǹ, nni ɓɛ làmɓɛ̀ngà jɛ̀ɛ̀ aɗyoo ɓi kìtòkì ki ɓumɓɛ a Likawonii lɛ ɓɛ̀y yidɛŋ yɛɛ yuù yì a lɔ̀ŋkaa, ɓi nghay wu ɓum. 12Nni ɓɛ roòghà Ɓarinaɓas ɗii ɗi ɓɛ̀y ìnɛ lɛ Zes, ɓɛ ròò Pol ɗii lɛ Ɛrmɛs, ɓisuulɛ nnyɛɛ totòkà. 13Nni pìrɛɛtìrɛ̀ à ɓɛ̀y ìnɛ lɛ Zes, inɛ naa yìì i ɓaghà ɓi rìɗigì ɗi ɓi bàn, à yughà rì ɓɛ̀lem ɓɛ ɓɛ̀sanìnya ɓɛ̀rɛ̀gakɛn ri zyònà yi ɓilàà lɛ ɓɛ ɓaghà jɛ̀ɛ̀ bog rì ɓum ɓɛmbog ɓɛ̀cèm lɛ ɓɛɛ funɛn ɓìtuwe ɓiǹ, ɓɛɛ ɓɔgsi ɓɛ̀y yi yi yughà a lɔ̀ŋkaa, yi lɛ rì Ɓarinaɓas rì Pol. 14Yɛ̀ɛ ɓɛ̀kɛ̀nì-fìtom ɓɛ lɛ, rì Pol rì Ɓarinaɓas ɓɛ ghɛngà fɔlɔɔ, nni ɓɛ ghaskàkà ɓìlàà ɓyaa ɓɛ tɔy ɓi gwìy di ɓɛɛ̀ kpaakpaa jɛ̀ɛ̀ aɗyoo lɛ: 15Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì. 16Ɓi gbàà yi ajɛ̀m, Bɛ̀ll à càɗkà lɛ ɓìlɔ̀ŋ ɓìcèm ɓyɛɛ nɔɔ̀nɔ̀ɔ̀tì bee yi ɓi kɔni lɛ ɓyɛɛ nɔɔ̀ti. 17Nsoò fɔlɔɔ, à rèrèsìghà lɔŋ riɓa ɗii, ɓi ɓìrɔɔ ɓi à kìkìghà ɓum, à ti à nɔsàg mìni bwey, à kì lɛ, ɓìɗilàg ɓyɛɛ ɗiŋi mìni, à fa mìni ɓyom ɓiɗiyɛn lɛɛ̀gwey, à ki roòzi mɛrem min ɗi kìnyàà. 18Rì ǹtɔɓ lɛɛ̀gwey ìnnɛ rìkpaa ɗyaa ɗiǹ ɗi ki rèkà gwìy ì ɓum ìnɛ̀n lɛ, yɛ̀ kɛɛ̀ fùnɛn ɓìtuwe ɓisu waa.
19Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu. 20Wɔ̀lɛ yɛ̀ɛ ɓɛ̀yilàg ɓɛ taŋzɛ̀ngà nyi à nyoo, à pɛ̀sɛ̀n aɗyoo, à sugtì kì ɗiŋii ɓi bàn. Ɓi duri tana, ɓɛ kɛ̀ngà a Dɛriɓɛ ɓɛɛ̀ Ɓarinaɓas.
Ɓɛ̀-Pol ɓɛ sugtii a Aŋtyos ànɛ a Sirii
21Yɛ̀ɛ Pol ɓɛɛ̀ Ɓarinaɓas ɓɛ ghagsìghà Syeesyee à Ɓɔlɛ ɓi bàn ìnɛ lɛ Dɛriɓɛ, ɓɛ ki syòŋ ɓum wɔɔ lɛɛ̀gwey, fɔɔnnɛ ɓɛ sugtìghà a Listirɛ, rì a Ikonyɔm, rì a Aŋtyos ànɛ a Pisidii. 22Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll. 23Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi. 24Fɔɔnnɛ ɓɛ ceeghà ɓi kiden ki zi ki lɛ Pisidii, ɓɛ kɛǹ kì kpaŋì a Paŋfilii. 25Ɓɛ mɛ ghagsi Ɓɔlɛ à Bɛ̀ll a Pɛrizɛ, ɓɛ sɛn min a Atalii. 26Wɔɔnnɛ ɓɛ teri min kikɔm lɛ, ɓɛɛ kɛǹ a Aŋtyos ànɛ ɓɛ pɛsɛ̀ngày wɔɔ, jàŋ inɛ ɓɛ reɓsɛ̀ngà ɓɔ rì Bɛ̀ll à geesɛ̀n, ɓisuu kisay ki ɓɛ kighày kiǹ.
27Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi. 28Fɔɔnnɛ ɓɛ kɔrìghà gàɓ ì mɛ̀ru rì ɓɛ̀gherɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.