LEVITIK 2
2
Ha̧a̧mɔ nɛ̀ nyɔnɔ
1«Kà ŋma bíí ba ha̧a̧mɔ tɛnɛ ha̧ GASA WAN, ha̧a̧mɔ‘i tɛ duk nɛ fuu nɛ‘i zaŋa nɛ ŋmaa in nɔ̧́, ká bá nɛ̀ nyama. 2Wi tɛ ba mɔ‘i nɛnɛ ha̧ o wi-ɗafi-sɔ̧ nɛ duk nɛ o bem ko Arɔŋ, ɓɛɛ wa kaia fuu nɛ‘i zaŋa nɛ ŋmaa in nɔ̧́ dun er, ká bá nɛ̀ nyama nɛ oi-aa a yí wee-ɗafi-sɔ̧ hee mbaŋa-tɛ-mɔ ga. Mɔ‘i nɛ dɔɔ nyɔŋmɔ nɛ duk nɛ de pɛr nyama tɛ GASA WAN. 3Oi ha̧a̧mɔ tɛ duk nɛ ko Arɔŋ in o bem kɔ‘i. Mɔ‘i nɛ nyɔŋmɔ nɛ ɔ sa̧a̧ nyɛmna, wen nɛ́ oi dɔɔ ha̧a̧mɔ-ɗafi-sɔ̧ ha̧ GASA WAN.
4«Kà ha̧a̧mɔ kɔ-mɛ nɛ́ bòò nɛ́ dɔɔ brɛt, a̧ duk nɛ́ fuu nɛ‘i vata nɛ nɔ̧́, kóó a̧ duk nɛ́ makala nɛ‘i vata nɛ nɔ̧́, ɓɛɛ ká hao duk sɛnɛ na; kóó a̧ duk nɛ́ makala nɛ‘i aa nɔ̧́ zu a̧, ɓɛɛ nɛ̀ hao bo sɛnɛ na mbɛt.
5«Kà ha̧a̧mɔ kɔ-mɛ nɛ́ bòò nɛ́ mɔ nɛ‘i dɔɔ zu wee, ɓɛɛ ha̧a̧mɔ‘i a̧ duk nɛ́ fuu nɛ‘i vata nɛ nɔ̧́, nɛ hao bo sɛnɛ na. 6Mɛ tɛ gbin a̧ sɛ́kɛ́ɗɛ́-sɛ́kɛ́ɗɛ́, ɓɛɛ mɛ aa nɔ̧́ zu a̧; mɔ‘i nɛ ha̧a̧mɔ.
7«Nɛ́ bòò nɛ́ ha̧a̧mɔ nɛ‘i ha̧na kɔ̧ pɛsa tasi, wi tɛ vati nɛ fuu nɛ nɔ̧́. 8Mɛ tɛ ba ha̧a̧mɔ nɛ mɛ ɗafa'i nɛnɛ ha̧ GASA WAN, ɓɛɛ mɛ ha̧a̧ ha̧ wi-ɗafi-sɔ̧ mɛ ba nɛnɛ si fara-ɗafi-sɔ̧. 9Hegɔ‘i, wi-ɗafi-sɔ̧ tɛ ba ŋma ha̧a̧mɔ‘i hee mbaŋa-tɛ-mɔ ga mɛ dɔ zu fara-ɗafi-sɔ̧. Mɔ‘i nɛ dɔɔ ha̧a̧mɔ-ɗafi-sɔ̧ nɛ duk nɛ de pɛr nyama tɛ GASA WAN. 10Oi ha̧a̧mɔ‘i tɛ duk nɛ ko Arɔŋ in o bem kɔ‘i. Mɔ‘i nɛ nyɔŋmɔ nɛ ɔ sa̧a̧ nyɛmna, wen nɛ́ oi dɔɔ ha̧a̧mɔ-ɗafi-sɔ̧ ha̧ GASA WAN.
11«Hao beka bo tɛ dɔɔ brɛt n’ɛnɛ tɛ ha̧ ha̧ GASA WAN na; ɛnɛ beka dɔ hao, kóó gɔrɔ mɛ ha̧ ha̧ GASA WAN na. 12Ɛnɛ nyɛma mɛ ha̧ mɔ‘i ha̧ GASA WAN hee zu-nyɔnɔ ga, ɓɛɛ bo nɛ wi tɛ dɔ zu-nyɔnɔ‘i zu fara-ɗafi-sɔ̧ wen ha̧ de pɛr-aa mɛ daŋ sitɛ GASA WAN na. 13Mɛ̀ á tɔŋ tɛ ha̧a̧mɔ kɔ-mɛ lɛŋ; ká mɛ mbosi aa tɔŋ tɛ ha̧a̧mɔ kɔ-mɛ na, wen tɔŋ usi nɛ nɔɔ-tɔk ko Sɔ̧ in bíí. Hegɔ‘i, mɛ̀ á tɔŋ tɛ ha̧a̧mɔ kɔ-mɛ lɛŋ. 14Mɛ́ nɛ́ tɛ̀ɛ́ ha̧ zu-nyɔnɔ ha̧ GASA WAN, mɛ̀ há̧ nɛ ha̧na gba̧a̧-nyɔnɔ, koo hɔ̧na fuu-aa. 15Mɛ̀ á nɔ̧́ zu a̧, ɓɛɛ mɛ aa fuu-nyama sɛnɛ mbɛt; mɔ‘i nɛ ha̧a̧mɔ ha̧ GASA WAN.» 16Ɓɛɛ wi-ɗafi-sɔ̧ tɛ dɔ mɔ‘i hee mbaŋa-tɛ-mɔ ga: be fuu, be nɔ̧́, ká bá nɛ̀ fuu-nyama nɛ oi-aa. Mɔ‘i nɛ dɔɔ ha̧a̧mɔ-ɗafi-sɔ̧ ha̧ GASA WAN.
Currently Selected:
LEVITIK 2: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
LEVITIK 2
2
Ha̧a̧mɔ nɛ̀ nyɔnɔ
1«Kà ŋma bíí ba ha̧a̧mɔ tɛnɛ ha̧ GASA WAN, ha̧a̧mɔ‘i tɛ duk nɛ fuu nɛ‘i zaŋa nɛ ŋmaa in nɔ̧́, ká bá nɛ̀ nyama. 2Wi tɛ ba mɔ‘i nɛnɛ ha̧ o wi-ɗafi-sɔ̧ nɛ duk nɛ o bem ko Arɔŋ, ɓɛɛ wa kaia fuu nɛ‘i zaŋa nɛ ŋmaa in nɔ̧́ dun er, ká bá nɛ̀ nyama nɛ oi-aa a yí wee-ɗafi-sɔ̧ hee mbaŋa-tɛ-mɔ ga. Mɔ‘i nɛ dɔɔ nyɔŋmɔ nɛ duk nɛ de pɛr nyama tɛ GASA WAN. 3Oi ha̧a̧mɔ tɛ duk nɛ ko Arɔŋ in o bem kɔ‘i. Mɔ‘i nɛ nyɔŋmɔ nɛ ɔ sa̧a̧ nyɛmna, wen nɛ́ oi dɔɔ ha̧a̧mɔ-ɗafi-sɔ̧ ha̧ GASA WAN.
4«Kà ha̧a̧mɔ kɔ-mɛ nɛ́ bòò nɛ́ dɔɔ brɛt, a̧ duk nɛ́ fuu nɛ‘i vata nɛ nɔ̧́, kóó a̧ duk nɛ́ makala nɛ‘i vata nɛ nɔ̧́, ɓɛɛ ká hao duk sɛnɛ na; kóó a̧ duk nɛ́ makala nɛ‘i aa nɔ̧́ zu a̧, ɓɛɛ nɛ̀ hao bo sɛnɛ na mbɛt.
5«Kà ha̧a̧mɔ kɔ-mɛ nɛ́ bòò nɛ́ mɔ nɛ‘i dɔɔ zu wee, ɓɛɛ ha̧a̧mɔ‘i a̧ duk nɛ́ fuu nɛ‘i vata nɛ nɔ̧́, nɛ hao bo sɛnɛ na. 6Mɛ tɛ gbin a̧ sɛ́kɛ́ɗɛ́-sɛ́kɛ́ɗɛ́, ɓɛɛ mɛ aa nɔ̧́ zu a̧; mɔ‘i nɛ ha̧a̧mɔ.
7«Nɛ́ bòò nɛ́ ha̧a̧mɔ nɛ‘i ha̧na kɔ̧ pɛsa tasi, wi tɛ vati nɛ fuu nɛ nɔ̧́. 8Mɛ tɛ ba ha̧a̧mɔ nɛ mɛ ɗafa'i nɛnɛ ha̧ GASA WAN, ɓɛɛ mɛ ha̧a̧ ha̧ wi-ɗafi-sɔ̧ mɛ ba nɛnɛ si fara-ɗafi-sɔ̧. 9Hegɔ‘i, wi-ɗafi-sɔ̧ tɛ ba ŋma ha̧a̧mɔ‘i hee mbaŋa-tɛ-mɔ ga mɛ dɔ zu fara-ɗafi-sɔ̧. Mɔ‘i nɛ dɔɔ ha̧a̧mɔ-ɗafi-sɔ̧ nɛ duk nɛ de pɛr nyama tɛ GASA WAN. 10Oi ha̧a̧mɔ‘i tɛ duk nɛ ko Arɔŋ in o bem kɔ‘i. Mɔ‘i nɛ nyɔŋmɔ nɛ ɔ sa̧a̧ nyɛmna, wen nɛ́ oi dɔɔ ha̧a̧mɔ-ɗafi-sɔ̧ ha̧ GASA WAN.
11«Hao beka bo tɛ dɔɔ brɛt n’ɛnɛ tɛ ha̧ ha̧ GASA WAN na; ɛnɛ beka dɔ hao, kóó gɔrɔ mɛ ha̧ ha̧ GASA WAN na. 12Ɛnɛ nyɛma mɛ ha̧ mɔ‘i ha̧ GASA WAN hee zu-nyɔnɔ ga, ɓɛɛ bo nɛ wi tɛ dɔ zu-nyɔnɔ‘i zu fara-ɗafi-sɔ̧ wen ha̧ de pɛr-aa mɛ daŋ sitɛ GASA WAN na. 13Mɛ̀ á tɔŋ tɛ ha̧a̧mɔ kɔ-mɛ lɛŋ; ká mɛ mbosi aa tɔŋ tɛ ha̧a̧mɔ kɔ-mɛ na, wen tɔŋ usi nɛ nɔɔ-tɔk ko Sɔ̧ in bíí. Hegɔ‘i, mɛ̀ á tɔŋ tɛ ha̧a̧mɔ kɔ-mɛ lɛŋ. 14Mɛ́ nɛ́ tɛ̀ɛ́ ha̧ zu-nyɔnɔ ha̧ GASA WAN, mɛ̀ há̧ nɛ ha̧na gba̧a̧-nyɔnɔ, koo hɔ̧na fuu-aa. 15Mɛ̀ á nɔ̧́ zu a̧, ɓɛɛ mɛ aa fuu-nyama sɛnɛ mbɛt; mɔ‘i nɛ ha̧a̧mɔ ha̧ GASA WAN.» 16Ɓɛɛ wi-ɗafi-sɔ̧ tɛ dɔ mɔ‘i hee mbaŋa-tɛ-mɔ ga: be fuu, be nɔ̧́, ká bá nɛ̀ fuu-nyama nɛ oi-aa. Mɔ‘i nɛ dɔɔ ha̧a̧mɔ-ɗafi-sɔ̧ ha̧ GASA WAN.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.