2 KALATA NYƐRƐ 23
23
Wa pi̧i̧ Jɔas tɛ wan
(Zɔk 2 Wan 11.4-20)
1Tɛ mɔɔrɔ-ɗoŋ-yiitoo pɛ, wi-ɗafi-sɔ̧ Yoyada kaia o gasawi zu o wi-biro gɔmŋmaa: mɛ̀ nɛ́ Azaria bem ko Yeroam, Ismaɛl bem ko Yohanaŋ, Azaria bem ko Obɛd, Masɛya bem ko Adaya, Elisafat bem ko Zikri wen ha̧ wa mɛ nɔ tɔk in a̧. 2Wa yara dam nù Juda, mɔi̧ nɛ̀ o be Levii tɛ o geɗek ye nù Juda lɛŋ in o gasawi nú-gara Israɛl, ɓɛɛ wa pii ɗoŋ sɛn Jerusalɛm.
3O bíí nɛ̀ mɔi̧a'i ee nú in wannu sɛn kɔ̧ Tua ko Sɔ̧, ɓɛɛ Yoyada tɔ̧ ha̧ wa: «Zɔ́k bem ko wannu hɛ̧ɛ̧; ɔ dee ha̧ a̧ mɛ ɔ wan nyɛm nɛ̀ ɗoŋ mɔ nɛ̀ GASA WAN baa tɔ̧ so zu o bezaŋ David.#2 Sam 7.12 4Mɔ n’ɛnɛ tɛ de nɛ́ mɔ'ɔ: o ŋma mgbara'nɛ́, o wi-ɗafi-sɔ̧ in o be Levii nɛ̀ de tom tɛ wese-ɔm-tɛ, ɛnɛ tɛ ya k’ɛ́nɛ́ nɛ́ o wi-pɛm-nú tua. 5O ŋma tɛ ya kɔ‘i wen pɛma tua ko wannu, ɓɛɛ sɛka oi bíí pɛma kɔ-wa mɔ si nú tua nɛ‘i sa'e Naŋ-tua; dukbíí nɛ̀ oi-aa lɛŋ tɛ ya kɔ‘i nú zala Tua ko GASA WAN. 6Ŋma bíí beka ye Tua ko GASA WAN na; mɛ̀ nɛ́ o wi-ɗafi-sɔ̧ in o be Levii nɛ̀ a̧a̧ tɛ tom a̧ tɛ ye Tua ɓɛɛ. Wa nyɛma mɛ ye kɔ-wa Tua, wen wi ee tom er wa, ɓɛɛ o géé bíí lɛŋ tɛ ya nɛ́ o wi-pɛm-mɔ ko GASA WAN. 7O be Levii tɛ mɔi̧ zik wannu, kóó o ndé nɛ̀ boi-biro er. Kóó o ndé nɛ̀ tɛ ye Tua, wi tɛ gbɛ a̧; ɛ̀nɛ̀ dúk in wannu fara n'aa tɛ́ nɛ̀ lɛŋ.»
8O be Levii in o be Juda lɛŋ dee hee mɔ'ɔ nɛ̀ wi-ɗafi-sɔ̧ Yoyada baa tɔ̧ so ga. Kóó o ndé kaia bíí kɔ‘i, o wan nɛ̀ ku̧u̧ naŋ tom wese-ɔm-tɛ sɛka o wan nɛ̀ gbo kɔ‘i gboo, wen Yoyada e ŋma wi-de-tom kpɔk duk na. 9A̧ ha̧a̧ so sɛ́ɛ̀ in o ŋgee ko wannu David nɛtɛ nɛtɛ nɛ̀ yaa so sɛn kɔ̧ Tua ko GASA WAN ha̧ o wi-duk-zu o wi-biro gɔmŋmaa. 10A̧ nɛka o géé bíí, kóó o ndé nɛ̀ sɛ́ɛ̀ er, ku̧u̧naŋ-a nɛ̀ ká̧ Tua ko GASA WAN nɛ̀ war wiiko hɔ nɛnɛ ɓii ká̧-a̧ nɛ̀ war gale, in si ká̧ fara-ɗafi-sɔ̧ wen zika wannu e see-a. 11Wa foo bem ko wannu gbonɛ, wa guu laasɔ̧i̧-wan zu a̧, a o mɔɔ-sedaako-wan tɛ-a, ɓɛɛ wa de wan ha̧ a̧. Yoyada in o bem kɔ‘i tɛna nɔ̧́ a zu a̧, ɓɛɛ wa ha̧ er ha̧ a̧ tɔ̧ nɛnɛ‘e: «Wannu kànà nɛ́ ɛ́nɛ́ ɓɛɛ!»
12Atalii zia giti maa yì nɛ̀ o bíí ma ha̧ nɛ̀ er ha̧ wannu; a̧ gɔma nɛ́ɛ̀ kpa dukbíí sɛn kɔ̧ Tua ko GASA WAN. 13Kà a̧ zɔk wó, wannu nɛ́ mɔ'ɔ nɛ̀ duk zu mɔ nɛ̀ kusa-a ká̧ mbiŋ ká̧ nú Tua mɛ‘i’ɛ; o gasawi in o wi-dɔm-mbia a̧a̧ so katɛ a̧. O bíí lɛŋ de so nɛ́ tortɛ nɛ̀ desee; o mbia a̧ dɔm'i, o wi-mbɛr-mɔ a̧ mbɛr kɔ‘i mɔ bíí nɛ̀ gima, gai nɛ̀ mɔ mbɛt'i. Atalii a̧ka̧ laa tɛ, ɓɛɛ hiɗi mɔ: «Wa ɗɔa'm! Wa ɗɔa'm!»
14Wi-ɗafi-sɔ̧ Yoyada foo o wi-duk-zu o wi-biro gɔmŋmaa gbonɛ, tɔ̧ nɛnɛ ha̧ wa: «Ɛ̀nɛ̀ fó kóò'ɛ gbonɛ hɛ̧ɛ̧! Ɓɛɛ wi nɛ̀ tɛ ndak ɗoŋ-aa tɛ fe fio gba-paa!» Wi-ɗafi-sɔ̧ tɔ̧ɔ̧ hego wen a̧ baa tɔ̧ so'e, «K’ɛ́nɛ́ gbɛ a̧ kɔ̧ Tua ko GASA WAN na.»
15Wa baa Atalii nɛnɛ sitɛ tua ko wannu, tɛ nú tua nɛ̀‘i sa'e nú tua ko o Nyaŋa, ɓɛɛ wa gbɛ a̧ hi̧i̧.
Mbe ɗafamɔ ko Yoyada
16Yoyada nɔɔ tɔk in dukbíí nɛ̀ oi-aa lɛŋ, bá nɛ̀ wannu mbɛt, wen ha̧ wa mɛ duk nɛ́ dukbíí ko GASA WAN. 17Wa lɛŋ nɛɛ sitɛ tua-ɗafi Bal; wa gbina tua'i a nù, gú nɛ̀ o fara-ɗafi-sɔ̧ sɛn nú zala mbɛt lɛŋ, ɓɛɛ wa gbɛ Mataŋ wi-ɗafi-sɔ̧ Bal ti fara-ɗafi-sɔ̧. 18Yoyada ee tom-pɛma Tua ko GASA WAN er o wi-ɗafi-sɔ̧, o be Levii. David kɛ̧ɛ̧ so wa kɛ̧ɛ̧ a zu tom sɛn kɔ̧ Tua ko GASA WAN nyɛm nɛ̀ ɗoŋ mɔ nɛ̀ yɔra so sɛn zaŋ Heembea ko Moisɛ, wen dɔɔ kpoo-sɔ̧ ha̧ GASA WAN nɛ̀ desee in nɛ̀ gima nyɛm nɛ̀ ɗoŋ mɔ nɛ̀ David usa so. 19A̧ ee so o wi-pɛm-nú-tua sɛn nú Tua ko GASA WAN wen ká ŋma ndiŋmɔ tɛɛ ye Tua'i.
20Yoyada kaia o wi-duk-zu o wi-biro gɔmŋmaa, o gasawi saaye, o wi nɛ̀ a̧a̧ zu dukbíí in o bíí lɛŋ. A̧ foo wannu Jɔas gbonɛ nɛ̀ kɔ̧ Tua ko GASA WAN, wa yee tua-wan nɛ̀ fara nɛ̀‘i sa'e Nú tua mɛ ŋgɔn, ɓɛɛ wa e a̧ sɛn zu damti. 21Bíí lɛŋ duka nɛ desee, ɓɛɛ saaye duk tɛ ga̧a̧mɔ. War ko Atalii, wa gbɛɛ so a̧ nɛ̀ gba-paa kaɗi.
Currently Selected:
2 KALATA NYƐRƐ 23: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
2 KALATA NYƐRƐ 23
23
Wa pi̧i̧ Jɔas tɛ wan
(Zɔk 2 Wan 11.4-20)
1Tɛ mɔɔrɔ-ɗoŋ-yiitoo pɛ, wi-ɗafi-sɔ̧ Yoyada kaia o gasawi zu o wi-biro gɔmŋmaa: mɛ̀ nɛ́ Azaria bem ko Yeroam, Ismaɛl bem ko Yohanaŋ, Azaria bem ko Obɛd, Masɛya bem ko Adaya, Elisafat bem ko Zikri wen ha̧ wa mɛ nɔ tɔk in a̧. 2Wa yara dam nù Juda, mɔi̧ nɛ̀ o be Levii tɛ o geɗek ye nù Juda lɛŋ in o gasawi nú-gara Israɛl, ɓɛɛ wa pii ɗoŋ sɛn Jerusalɛm.
3O bíí nɛ̀ mɔi̧a'i ee nú in wannu sɛn kɔ̧ Tua ko Sɔ̧, ɓɛɛ Yoyada tɔ̧ ha̧ wa: «Zɔ́k bem ko wannu hɛ̧ɛ̧; ɔ dee ha̧ a̧ mɛ ɔ wan nyɛm nɛ̀ ɗoŋ mɔ nɛ̀ GASA WAN baa tɔ̧ so zu o bezaŋ David.#2 Sam 7.12 4Mɔ n’ɛnɛ tɛ de nɛ́ mɔ'ɔ: o ŋma mgbara'nɛ́, o wi-ɗafi-sɔ̧ in o be Levii nɛ̀ de tom tɛ wese-ɔm-tɛ, ɛnɛ tɛ ya k’ɛ́nɛ́ nɛ́ o wi-pɛm-nú tua. 5O ŋma tɛ ya kɔ‘i wen pɛma tua ko wannu, ɓɛɛ sɛka oi bíí pɛma kɔ-wa mɔ si nú tua nɛ‘i sa'e Naŋ-tua; dukbíí nɛ̀ oi-aa lɛŋ tɛ ya kɔ‘i nú zala Tua ko GASA WAN. 6Ŋma bíí beka ye Tua ko GASA WAN na; mɛ̀ nɛ́ o wi-ɗafi-sɔ̧ in o be Levii nɛ̀ a̧a̧ tɛ tom a̧ tɛ ye Tua ɓɛɛ. Wa nyɛma mɛ ye kɔ-wa Tua, wen wi ee tom er wa, ɓɛɛ o géé bíí lɛŋ tɛ ya nɛ́ o wi-pɛm-mɔ ko GASA WAN. 7O be Levii tɛ mɔi̧ zik wannu, kóó o ndé nɛ̀ boi-biro er. Kóó o ndé nɛ̀ tɛ ye Tua, wi tɛ gbɛ a̧; ɛ̀nɛ̀ dúk in wannu fara n'aa tɛ́ nɛ̀ lɛŋ.»
8O be Levii in o be Juda lɛŋ dee hee mɔ'ɔ nɛ̀ wi-ɗafi-sɔ̧ Yoyada baa tɔ̧ so ga. Kóó o ndé kaia bíí kɔ‘i, o wan nɛ̀ ku̧u̧ naŋ tom wese-ɔm-tɛ sɛka o wan nɛ̀ gbo kɔ‘i gboo, wen Yoyada e ŋma wi-de-tom kpɔk duk na. 9A̧ ha̧a̧ so sɛ́ɛ̀ in o ŋgee ko wannu David nɛtɛ nɛtɛ nɛ̀ yaa so sɛn kɔ̧ Tua ko GASA WAN ha̧ o wi-duk-zu o wi-biro gɔmŋmaa. 10A̧ nɛka o géé bíí, kóó o ndé nɛ̀ sɛ́ɛ̀ er, ku̧u̧naŋ-a nɛ̀ ká̧ Tua ko GASA WAN nɛ̀ war wiiko hɔ nɛnɛ ɓii ká̧-a̧ nɛ̀ war gale, in si ká̧ fara-ɗafi-sɔ̧ wen zika wannu e see-a. 11Wa foo bem ko wannu gbonɛ, wa guu laasɔ̧i̧-wan zu a̧, a o mɔɔ-sedaako-wan tɛ-a, ɓɛɛ wa de wan ha̧ a̧. Yoyada in o bem kɔ‘i tɛna nɔ̧́ a zu a̧, ɓɛɛ wa ha̧ er ha̧ a̧ tɔ̧ nɛnɛ‘e: «Wannu kànà nɛ́ ɛ́nɛ́ ɓɛɛ!»
12Atalii zia giti maa yì nɛ̀ o bíí ma ha̧ nɛ̀ er ha̧ wannu; a̧ gɔma nɛ́ɛ̀ kpa dukbíí sɛn kɔ̧ Tua ko GASA WAN. 13Kà a̧ zɔk wó, wannu nɛ́ mɔ'ɔ nɛ̀ duk zu mɔ nɛ̀ kusa-a ká̧ mbiŋ ká̧ nú Tua mɛ‘i’ɛ; o gasawi in o wi-dɔm-mbia a̧a̧ so katɛ a̧. O bíí lɛŋ de so nɛ́ tortɛ nɛ̀ desee; o mbia a̧ dɔm'i, o wi-mbɛr-mɔ a̧ mbɛr kɔ‘i mɔ bíí nɛ̀ gima, gai nɛ̀ mɔ mbɛt'i. Atalii a̧ka̧ laa tɛ, ɓɛɛ hiɗi mɔ: «Wa ɗɔa'm! Wa ɗɔa'm!»
14Wi-ɗafi-sɔ̧ Yoyada foo o wi-duk-zu o wi-biro gɔmŋmaa gbonɛ, tɔ̧ nɛnɛ ha̧ wa: «Ɛ̀nɛ̀ fó kóò'ɛ gbonɛ hɛ̧ɛ̧! Ɓɛɛ wi nɛ̀ tɛ ndak ɗoŋ-aa tɛ fe fio gba-paa!» Wi-ɗafi-sɔ̧ tɔ̧ɔ̧ hego wen a̧ baa tɔ̧ so'e, «K’ɛ́nɛ́ gbɛ a̧ kɔ̧ Tua ko GASA WAN na.»
15Wa baa Atalii nɛnɛ sitɛ tua ko wannu, tɛ nú tua nɛ̀‘i sa'e nú tua ko o Nyaŋa, ɓɛɛ wa gbɛ a̧ hi̧i̧.
Mbe ɗafamɔ ko Yoyada
16Yoyada nɔɔ tɔk in dukbíí nɛ̀ oi-aa lɛŋ, bá nɛ̀ wannu mbɛt, wen ha̧ wa mɛ duk nɛ́ dukbíí ko GASA WAN. 17Wa lɛŋ nɛɛ sitɛ tua-ɗafi Bal; wa gbina tua'i a nù, gú nɛ̀ o fara-ɗafi-sɔ̧ sɛn nú zala mbɛt lɛŋ, ɓɛɛ wa gbɛ Mataŋ wi-ɗafi-sɔ̧ Bal ti fara-ɗafi-sɔ̧. 18Yoyada ee tom-pɛma Tua ko GASA WAN er o wi-ɗafi-sɔ̧, o be Levii. David kɛ̧ɛ̧ so wa kɛ̧ɛ̧ a zu tom sɛn kɔ̧ Tua ko GASA WAN nyɛm nɛ̀ ɗoŋ mɔ nɛ̀ yɔra so sɛn zaŋ Heembea ko Moisɛ, wen dɔɔ kpoo-sɔ̧ ha̧ GASA WAN nɛ̀ desee in nɛ̀ gima nyɛm nɛ̀ ɗoŋ mɔ nɛ̀ David usa so. 19A̧ ee so o wi-pɛm-nú-tua sɛn nú Tua ko GASA WAN wen ká ŋma ndiŋmɔ tɛɛ ye Tua'i.
20Yoyada kaia o wi-duk-zu o wi-biro gɔmŋmaa, o gasawi saaye, o wi nɛ̀ a̧a̧ zu dukbíí in o bíí lɛŋ. A̧ foo wannu Jɔas gbonɛ nɛ̀ kɔ̧ Tua ko GASA WAN, wa yee tua-wan nɛ̀ fara nɛ̀‘i sa'e Nú tua mɛ ŋgɔn, ɓɛɛ wa e a̧ sɛn zu damti. 21Bíí lɛŋ duka nɛ desee, ɓɛɛ saaye duk tɛ ga̧a̧mɔ. War ko Atalii, wa gbɛɛ so a̧ nɛ̀ gba-paa kaɗi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.