1 TESALONIK 5
5
1O nya'm, tɛ́ mɔ ko wese in ŋgimbi-a, ɛ́ɛ́ beka yɔr mɔɔ nɔ‘i h’ɛ́nɛ́ na, 2wen ɛ́nɛ́ nɛ̀ tɛ‘nɛ́ iŋa nɛ̀ de-a'e, Wese ko Gasa Wan tɛ́ duk hee tɛa-a ko wi-zuzu mɛ́ zɛ ga.#Mt 24.43; Lk 12.39; 2 Pi 3.10 3Ŋgimbi nɛ̀ o bíí tɛ́ tɔ̧‘e: «Mɔ lɛŋ duk nɛ̀ ga̧a̧-a̧ in nɛ̀ de-a,» ɓɛɛ bɔnɛ tɛ́ tik zu wa hee gɔma-yí ga, hee nyima-zaŋ ko nàá-zaŋ ga, ɓɛɛ bɔnɛ‘i beka hɔ yɔɔ zu wa na. 4Ɓɛɛ nɛ̀ k’ɛ́nɛ́, o nya'm, ɛ́nɛ́ bó ti-tum wen ha̧ ŋgimbi'i mɛ́ kpaŋi ɛ́nɛ́ hee mɔ'ɔ nɛ̀ wi-zuzu kpaŋi nɛ̀ bíí'ɛ ga na. 5Nɛ̀ mbetɛ, ɛ́nɛ́ lɛŋ nɛ́ o bem ko sa̧a̧mɔ in wese, ɓɛɛ ɛ́ɛ́ bó nɛ́ bem ko tum in zɛ na. 6Hegɔ, k’ɛ́ɛ́ ɔ ya hee o ŋma bíí ga na, ɓɛɛ ɛ̀ɛ̀ pɛ́m mɔ, kasi nɛ̀ zu. 7O wi-ɔ-ya ɔ ya mɛ́ zɛ, ɓɛɛ o wi-gbɛ-dɔ̧ɔ̧, nɛ́ zaŋzɛ a̧ wa gbɛ nɛ̀ dɔ̧ɔ̧; 8ɓɛɛ nɛ̀ war k’ɛ́ɛ́ n’ɛ̀ɛ̀ dúk nɛ́ ko wese’ɛ, k’ɛ́ɛ́ gbɛ dɔ̧ɔ̧ na. Ɛ̀ɛ̀ pí̧ laa-biro nɛ̀ dúk nɛ́ kɔ̧ɔ̧ɗɔɔwen in kɔ̧ɔ̧mɔ, ɓɛɛ ee-ta wen kpasa-a a̧ dúk nɛ́ laasɔ̧i-biro k’ɛ́ɛ́.#Es 59.17; Ef 6.13-17 9Wen bó nɛ́ Sɔ̧ hoka so ɛ́ɛ́ wen ha̧ nyimsea kɔ̧-a̧ mɛ́ tik zu yɛ na, ɓɛɛ mɛ̀ nɛ́ wen h’ɛ́ɛ́ mɛ́ kpa yuwar-kpasa-a nɛ̀ ɗoŋ Gasa Wan k’ɛ́ɛ́ Jesu Krist. 10Krist fea wen zu yɛ wen h’ɛ́ɛ́ mɛ́ duk kpasa kpɔk in a̧, kóó ɛ́ɛ́ ɔɔ ya, kóó ɛ́ɛ́ ɔ ya na mbɛt. 11Mɛ̀ nɛ́ wen hegɔ, ɛ̀nɛ̀ há̧ ŋgai ha̧ ŋmaa gbak nɛ̀ ŋmaa in o ŋmaa hee mɔ'ɔ n’ɛnɛ de'i ga.
Sɔŋkur mbaŋa-tɛ-mɔ in fanamɔ
12O nya-ɛɛ, ɛ́ɛ́ ak h’ɛ́nɛ́ mɛ́ mbo zu in o wi nɛ̀ e nɛ́ tɛ̀ tɛ́ bɔnɛ wen mgbɔɔ‘nɛ́ tɛ yuwar ko Gasa Wan, in wen gaia'nɛ́. 13Ɛ̀nɛ̀ tú̧ tɛ-wa ɓɔnsɛnɛ nɛ̀ kɔ̧ɔ̧mɔ wen tom nɛ̀ wa de'i. Ɛ̀nɛ̀ yá zaŋ ga̧a̧mɔ in o ŋmaa.
14O nya-ɛɛ, ɛ́ɛ́ ai nú h’ɛ́nɛ́, ɛ̀nɛ̀ gáí o wi-tɛɛri, ɛ̀nɛ̀ há̧ nɔɔ-ŋgiɗi ha̧ o wi nɛ̀ kpa mɔ dɔk na, ɛ̀nɛ̀ gbák o ziɓa-bíí, ɛ̀nɛ̀ dé munyal in o bíí lɛŋ. 15Ɛ̀nɛ̀ zɔ́k tɛ‘nɛ́ wen ká ŋma bíí tɛ́ɛ̀ kifi er ɗaŋmɔ ha̧ ŋma-a, ɓɛɛ ɛ̀nɛ̀ kíí mɛ́ de nɛ́ demɔ mgbara ŋmaa in sitɛ o bíí lɛŋ ɓɔnsɛnɛ.
16Ɛ̀nɛ̀ dúk nɛ̀ desee ɓɔnsɛnɛ, 17ɛ̀nɛ̀ kɔ́fí Sɔ̧ ɓɔnsɛnɛ; 18ɛ̀nɛ̀ dé osoko ha̧ Sɔ̧ tɛ́ mɔ lɛŋ, wen mɔ nɛ̀ Sɔ̧ kɔ̧ɔ̧ h’ɛ́nɛ́ mɛ́ de nɛ́ mɔ‘i nɛ̀ ɗoŋ Jesu Krist.
19K’ɛ́nɛ́ de ha̧ Sa̧a̧ Ɔmi mɛ́ bi na. 20K’ɛ́nɛ́ zɔk ha̧a̧mɔ-tɔ̧ɔ̧-wen oi nú Sɔ̧ hee geemɔ ga na. 21Ɛ̀nɛ̀ kɛ̧́ mgbara mɔ lɛŋ, ɓɛɛ ɛ̀nɛ̀ kásí nɛ́ mɔ nɛ̀ ɔ dee. 22Ɛ̀nɛ̀ zɔ́k tɛ‘nɛ́ tɛ yuwar ɗaŋmɔ lɛŋ.
23Sɔ̧ Wan-ga̧a̧mɔ nɛ̀ tɛ-wi a̧ ɗáfí war-tɛ‘nɛ́ nɛ̀ sa̧a̧-a̧ war kpɔk, pɛm nɛ̀ taamɔ k’ɛ́nɛ́, in sɔ̧-tɛ‘nɛ́ gu nɛ̀ kiitɛ‘nɛ́ nɛ̀ de-a, nɛ̀ ŋma wen mɛ́ tɔ̧ zu'nɛ́ beka bó na, ŋgimbi nɛ̀ Gasa Wan k’ɛ́ɛ́ Jesu tɛ́ pii nɛ̀ ɗoŋ. 24Wi nɛ̀ sa'nɛ́‘i nɛ́ wi-yor-ɗoŋ wen kɔ‘i, ɓɛɛ a̧ tɛ́ de mɔ‘i hɔ gba̧a̧.
25O nya-ɛɛ, ɛ̀nɛ̀ kɔ́fí Sɔ̧ wen yɛ mbɛt.
26Ɛ̀nɛ̀ fán o nya-ɛɛ lɛŋ nɛ̀ fanamɔ ko o bíí ko Sɔ̧.
27Mi ai nú h’ɛ́nɛ́ nɛ̀ nin Gasa Wan, h’ɛ́nɛ́ mɛ́ tɔr kalata’ɛ ti o nya-ɛɛ lɛŋ.
28Deemɔ nɛ̀ ta-tɛ ko Gasa Wan k’ɛ́ɛ́ Jesu Krist a̧ dúk in'nɛ̀ɛ́.
Currently Selected:
1 TESALONIK 5: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
1 TESALONIK 5
5
1O nya'm, tɛ́ mɔ ko wese in ŋgimbi-a, ɛ́ɛ́ beka yɔr mɔɔ nɔ‘i h’ɛ́nɛ́ na, 2wen ɛ́nɛ́ nɛ̀ tɛ‘nɛ́ iŋa nɛ̀ de-a'e, Wese ko Gasa Wan tɛ́ duk hee tɛa-a ko wi-zuzu mɛ́ zɛ ga.#Mt 24.43; Lk 12.39; 2 Pi 3.10 3Ŋgimbi nɛ̀ o bíí tɛ́ tɔ̧‘e: «Mɔ lɛŋ duk nɛ̀ ga̧a̧-a̧ in nɛ̀ de-a,» ɓɛɛ bɔnɛ tɛ́ tik zu wa hee gɔma-yí ga, hee nyima-zaŋ ko nàá-zaŋ ga, ɓɛɛ bɔnɛ‘i beka hɔ yɔɔ zu wa na. 4Ɓɛɛ nɛ̀ k’ɛ́nɛ́, o nya'm, ɛ́nɛ́ bó ti-tum wen ha̧ ŋgimbi'i mɛ́ kpaŋi ɛ́nɛ́ hee mɔ'ɔ nɛ̀ wi-zuzu kpaŋi nɛ̀ bíí'ɛ ga na. 5Nɛ̀ mbetɛ, ɛ́nɛ́ lɛŋ nɛ́ o bem ko sa̧a̧mɔ in wese, ɓɛɛ ɛ́ɛ́ bó nɛ́ bem ko tum in zɛ na. 6Hegɔ, k’ɛ́ɛ́ ɔ ya hee o ŋma bíí ga na, ɓɛɛ ɛ̀ɛ̀ pɛ́m mɔ, kasi nɛ̀ zu. 7O wi-ɔ-ya ɔ ya mɛ́ zɛ, ɓɛɛ o wi-gbɛ-dɔ̧ɔ̧, nɛ́ zaŋzɛ a̧ wa gbɛ nɛ̀ dɔ̧ɔ̧; 8ɓɛɛ nɛ̀ war k’ɛ́ɛ́ n’ɛ̀ɛ̀ dúk nɛ́ ko wese’ɛ, k’ɛ́ɛ́ gbɛ dɔ̧ɔ̧ na. Ɛ̀ɛ̀ pí̧ laa-biro nɛ̀ dúk nɛ́ kɔ̧ɔ̧ɗɔɔwen in kɔ̧ɔ̧mɔ, ɓɛɛ ee-ta wen kpasa-a a̧ dúk nɛ́ laasɔ̧i-biro k’ɛ́ɛ́.#Es 59.17; Ef 6.13-17 9Wen bó nɛ́ Sɔ̧ hoka so ɛ́ɛ́ wen ha̧ nyimsea kɔ̧-a̧ mɛ́ tik zu yɛ na, ɓɛɛ mɛ̀ nɛ́ wen h’ɛ́ɛ́ mɛ́ kpa yuwar-kpasa-a nɛ̀ ɗoŋ Gasa Wan k’ɛ́ɛ́ Jesu Krist. 10Krist fea wen zu yɛ wen h’ɛ́ɛ́ mɛ́ duk kpasa kpɔk in a̧, kóó ɛ́ɛ́ ɔɔ ya, kóó ɛ́ɛ́ ɔ ya na mbɛt. 11Mɛ̀ nɛ́ wen hegɔ, ɛ̀nɛ̀ há̧ ŋgai ha̧ ŋmaa gbak nɛ̀ ŋmaa in o ŋmaa hee mɔ'ɔ n’ɛnɛ de'i ga.
Sɔŋkur mbaŋa-tɛ-mɔ in fanamɔ
12O nya-ɛɛ, ɛ́ɛ́ ak h’ɛ́nɛ́ mɛ́ mbo zu in o wi nɛ̀ e nɛ́ tɛ̀ tɛ́ bɔnɛ wen mgbɔɔ‘nɛ́ tɛ yuwar ko Gasa Wan, in wen gaia'nɛ́. 13Ɛ̀nɛ̀ tú̧ tɛ-wa ɓɔnsɛnɛ nɛ̀ kɔ̧ɔ̧mɔ wen tom nɛ̀ wa de'i. Ɛ̀nɛ̀ yá zaŋ ga̧a̧mɔ in o ŋmaa.
14O nya-ɛɛ, ɛ́ɛ́ ai nú h’ɛ́nɛ́, ɛ̀nɛ̀ gáí o wi-tɛɛri, ɛ̀nɛ̀ há̧ nɔɔ-ŋgiɗi ha̧ o wi nɛ̀ kpa mɔ dɔk na, ɛ̀nɛ̀ gbák o ziɓa-bíí, ɛ̀nɛ̀ dé munyal in o bíí lɛŋ. 15Ɛ̀nɛ̀ zɔ́k tɛ‘nɛ́ wen ká ŋma bíí tɛ́ɛ̀ kifi er ɗaŋmɔ ha̧ ŋma-a, ɓɛɛ ɛ̀nɛ̀ kíí mɛ́ de nɛ́ demɔ mgbara ŋmaa in sitɛ o bíí lɛŋ ɓɔnsɛnɛ.
16Ɛ̀nɛ̀ dúk nɛ̀ desee ɓɔnsɛnɛ, 17ɛ̀nɛ̀ kɔ́fí Sɔ̧ ɓɔnsɛnɛ; 18ɛ̀nɛ̀ dé osoko ha̧ Sɔ̧ tɛ́ mɔ lɛŋ, wen mɔ nɛ̀ Sɔ̧ kɔ̧ɔ̧ h’ɛ́nɛ́ mɛ́ de nɛ́ mɔ‘i nɛ̀ ɗoŋ Jesu Krist.
19K’ɛ́nɛ́ de ha̧ Sa̧a̧ Ɔmi mɛ́ bi na. 20K’ɛ́nɛ́ zɔk ha̧a̧mɔ-tɔ̧ɔ̧-wen oi nú Sɔ̧ hee geemɔ ga na. 21Ɛ̀nɛ̀ kɛ̧́ mgbara mɔ lɛŋ, ɓɛɛ ɛ̀nɛ̀ kásí nɛ́ mɔ nɛ̀ ɔ dee. 22Ɛ̀nɛ̀ zɔ́k tɛ‘nɛ́ tɛ yuwar ɗaŋmɔ lɛŋ.
23Sɔ̧ Wan-ga̧a̧mɔ nɛ̀ tɛ-wi a̧ ɗáfí war-tɛ‘nɛ́ nɛ̀ sa̧a̧-a̧ war kpɔk, pɛm nɛ̀ taamɔ k’ɛ́nɛ́, in sɔ̧-tɛ‘nɛ́ gu nɛ̀ kiitɛ‘nɛ́ nɛ̀ de-a, nɛ̀ ŋma wen mɛ́ tɔ̧ zu'nɛ́ beka bó na, ŋgimbi nɛ̀ Gasa Wan k’ɛ́ɛ́ Jesu tɛ́ pii nɛ̀ ɗoŋ. 24Wi nɛ̀ sa'nɛ́‘i nɛ́ wi-yor-ɗoŋ wen kɔ‘i, ɓɛɛ a̧ tɛ́ de mɔ‘i hɔ gba̧a̧.
25O nya-ɛɛ, ɛ̀nɛ̀ kɔ́fí Sɔ̧ wen yɛ mbɛt.
26Ɛ̀nɛ̀ fán o nya-ɛɛ lɛŋ nɛ̀ fanamɔ ko o bíí ko Sɔ̧.
27Mi ai nú h’ɛ́nɛ́ nɛ̀ nin Gasa Wan, h’ɛ́nɛ́ mɛ́ tɔr kalata’ɛ ti o nya-ɛɛ lɛŋ.
28Deemɔ nɛ̀ ta-tɛ ko Gasa Wan k’ɛ́ɛ́ Jesu Krist a̧ dúk in'nɛ̀ɛ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.