ROMANEN Danɓǝ ahe
Danɓǝ ahe
Yaŋ Rom ako ye yaŋ malii mai kaiser mo kaa ɓo gŋ. Za kẽe ye ɓaŋ Ɓǝ'nyah Yesu ge gŋ ne zahnahpel ne, na tǝ ɓǝ ah pǝsãh ya. Akilas ne Priskila a gak yeara kǝsyil zan ah no (Yeɓ 18:2).
Paulus ŋwǝǝ leetǝr wo romanen mor ka zyeɓ ɓǝ gwǝǝ ah mo tǝ yah ga ẽe Eklesia yaŋ Rom. Pǝ ɓǝ foo ah a ne 'yah ka kaa ne ra mor gbah jol ɓǝǝ nje, so ka ara laŋ mo gbahra jol ah ne ga sǝr Espania ta.
Pǝ leetǝr mai Paulus kee mor ɓǝ iŋ Kristu sye a ɗǝne nyi ra gŋ tǝkine fan mai iŋ moo fii wo za kristu ka mo joŋra wala mo yeara ne ko. Kǝlii ɓǝ mai Paulus moo cuu daŋ tai tǝtǝl ɓǝ ah ge ɓo pǝ ɗerewol maino. Paulus haozah wo ɓǝǝra, so kee ɓǝ juupel mai moo juuko mor ɓǝǝ nyi ra ta. Fahfal mai so pǝ̃ǝ ge lal ne tǝtǝl ɓǝ mai mo tǝ ga faako pǝ leetǝr ahe. Ɓǝ ah ko nyẽeno: “Ɓǝ'nyah a cuu Masǝŋ joŋ ka za mo yeara pel ah njaŋ ne iŋ to, daga tǝtǝŋ ah ŋhaa vǝr ahe” 1:17. Paulus kee mor ɓǝ ah faa: dǝfuu daŋ, yahuduen ne za mai mo ye ka Yahuduen a daŋ ara zahki pel Masǝŋ, gwa daŋ faɓe' kaa swah ɓo tǝ ɓǝǝra. Doole a fii ka mo yeara njaŋ pel Masǝŋ. Fahlii ka yea njaŋ pel Masǝŋ a vaŋno to, sai ne nyiŋ Yesu Kristu. Dǝɓ mo taiki ne Masǝŋ pǝzyil Kristu ɓe, kal ah a fer ta. Dǝɓ iŋ a yea jam ne Masǝŋ o, so Masǝŋ a wǝǝ ko ne Tǝ'yak ah gin mor swah faɓe' ne swah wulli.
Masǝŋ nyi ɓǝlai nyi dǝfuu mor fẽene? Dǝɓ iŋ a gak joŋ fẽe ne ɓǝlai faɗa ne? Paulus faa ɓǝ tǝ ɓǝ mai pǝ sapetǝr 5 dai 8. Faa ɓǝ Tǝ'yak Masǝŋ moo syee ne za iŋ gŋ ta. So Paulus ṽǝŋki ne ɓǝ maki ahe. Yahuduen nyiŋra Yesu ya, so Masǝŋ zyeɓ fahlii ɓo vaŋno ne Yesu to mor za sǝr daŋ. Mo nai ɓe, ɓǝ yahuduen sye a ɗǝne? Paulus faa sye: ɓǝ yahuduen mo nyiŋra Yesu ya, a pǝzyil fahlii mai Masǝŋ mo zyeɓ ɓo mor ka gboŋgboŋ ah mo lwaa dai za sǝr daŋ, mo i zah ne yahuduen to sǝ ka. Amma yahuduen ka ga jiŋra fahfal ɓoo nyi Yesu galii ya.
Paulus faa ɓǝ tǝ ɓǝ syel Eklesia ta. Kal daŋ ah faa, 'yah mo yea kǝsyil zana. Camcam ɓǝ ah a naiko: yeɓ mai ka za iŋ mo joŋra mor Masǝŋ, yeɓ mai ka mo joŋra kǝsyil ki, ne mai ka mo joŋra mor sǝr ɓǝǝra. So faa ɓǝ tǝ ɓǝ foo dǝfuu ne fatan zahzyil dǝfuu.
Paulus vǝr ɓǝ ah ne haozah wo za camcam tǝkine yii Masǝŋ.
Woŋ ah mo woŋ lǝǝ ɓo a naiko
1. Tǝtǝŋ leetǝr ah tǝkine ɓǝ mai mo tǝ ga faako 1:1-17
2. Dǝfuu daŋ mukra ɓo 1:18–3:20
3. Masǝŋ zyeɓ fahlii ǝ̃ǝ ɓo mor dǝfuu daŋ 3:21–4:25
4. Kal za Masǝŋ tǝ fahlii Kristu 5:1–8:39
5. Ɓǝ za Israel 9:1–11:36
6. Syel dǝɓ iŋni 12:1–15:13
7. Vǝr leetǝr ah tǝkine ɓǝ haozahwolli 15:14–16:27
Currently Selected:
ROMANEN Danɓǝ ahe: MUAR
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
ROMANEN Danɓǝ ahe
Danɓǝ ahe
Yaŋ Rom ako ye yaŋ malii mai kaiser mo kaa ɓo gŋ. Za kẽe ye ɓaŋ Ɓǝ'nyah Yesu ge gŋ ne zahnahpel ne, na tǝ ɓǝ ah pǝsãh ya. Akilas ne Priskila a gak yeara kǝsyil zan ah no (Yeɓ 18:2).
Paulus ŋwǝǝ leetǝr wo romanen mor ka zyeɓ ɓǝ gwǝǝ ah mo tǝ yah ga ẽe Eklesia yaŋ Rom. Pǝ ɓǝ foo ah a ne 'yah ka kaa ne ra mor gbah jol ɓǝǝ nje, so ka ara laŋ mo gbahra jol ah ne ga sǝr Espania ta.
Pǝ leetǝr mai Paulus kee mor ɓǝ iŋ Kristu sye a ɗǝne nyi ra gŋ tǝkine fan mai iŋ moo fii wo za kristu ka mo joŋra wala mo yeara ne ko. Kǝlii ɓǝ mai Paulus moo cuu daŋ tai tǝtǝl ɓǝ ah ge ɓo pǝ ɗerewol maino. Paulus haozah wo ɓǝǝra, so kee ɓǝ juupel mai moo juuko mor ɓǝǝ nyi ra ta. Fahfal mai so pǝ̃ǝ ge lal ne tǝtǝl ɓǝ mai mo tǝ ga faako pǝ leetǝr ahe. Ɓǝ ah ko nyẽeno: “Ɓǝ'nyah a cuu Masǝŋ joŋ ka za mo yeara pel ah njaŋ ne iŋ to, daga tǝtǝŋ ah ŋhaa vǝr ahe” 1:17. Paulus kee mor ɓǝ ah faa: dǝfuu daŋ, yahuduen ne za mai mo ye ka Yahuduen a daŋ ara zahki pel Masǝŋ, gwa daŋ faɓe' kaa swah ɓo tǝ ɓǝǝra. Doole a fii ka mo yeara njaŋ pel Masǝŋ. Fahlii ka yea njaŋ pel Masǝŋ a vaŋno to, sai ne nyiŋ Yesu Kristu. Dǝɓ mo taiki ne Masǝŋ pǝzyil Kristu ɓe, kal ah a fer ta. Dǝɓ iŋ a yea jam ne Masǝŋ o, so Masǝŋ a wǝǝ ko ne Tǝ'yak ah gin mor swah faɓe' ne swah wulli.
Masǝŋ nyi ɓǝlai nyi dǝfuu mor fẽene? Dǝɓ iŋ a gak joŋ fẽe ne ɓǝlai faɗa ne? Paulus faa ɓǝ tǝ ɓǝ mai pǝ sapetǝr 5 dai 8. Faa ɓǝ Tǝ'yak Masǝŋ moo syee ne za iŋ gŋ ta. So Paulus ṽǝŋki ne ɓǝ maki ahe. Yahuduen nyiŋra Yesu ya, so Masǝŋ zyeɓ fahlii ɓo vaŋno ne Yesu to mor za sǝr daŋ. Mo nai ɓe, ɓǝ yahuduen sye a ɗǝne? Paulus faa sye: ɓǝ yahuduen mo nyiŋra Yesu ya, a pǝzyil fahlii mai Masǝŋ mo zyeɓ ɓo mor ka gboŋgboŋ ah mo lwaa dai za sǝr daŋ, mo i zah ne yahuduen to sǝ ka. Amma yahuduen ka ga jiŋra fahfal ɓoo nyi Yesu galii ya.
Paulus faa ɓǝ tǝ ɓǝ syel Eklesia ta. Kal daŋ ah faa, 'yah mo yea kǝsyil zana. Camcam ɓǝ ah a naiko: yeɓ mai ka za iŋ mo joŋra mor Masǝŋ, yeɓ mai ka mo joŋra kǝsyil ki, ne mai ka mo joŋra mor sǝr ɓǝǝra. So faa ɓǝ tǝ ɓǝ foo dǝfuu ne fatan zahzyil dǝfuu.
Paulus vǝr ɓǝ ah ne haozah wo za camcam tǝkine yii Masǝŋ.
Woŋ ah mo woŋ lǝǝ ɓo a naiko
1. Tǝtǝŋ leetǝr ah tǝkine ɓǝ mai mo tǝ ga faako 1:1-17
2. Dǝfuu daŋ mukra ɓo 1:18–3:20
3. Masǝŋ zyeɓ fahlii ǝ̃ǝ ɓo mor dǝfuu daŋ 3:21–4:25
4. Kal za Masǝŋ tǝ fahlii Kristu 5:1–8:39
5. Ɓǝ za Israel 9:1–11:36
6. Syel dǝɓ iŋni 12:1–15:13
7. Vǝr leetǝr ah tǝkine ɓǝ haozahwolli 15:14–16:27
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.