ROMANEN 16
16
Haozah woli
1Me cuu Fǝǝbe naa pa man mawin nyi we, ako ye joŋ yeɓ mor eklesia yaŋ Keŋkerea. 2We nyiŋ ko pǝsãh pǝ tǝɗii Dǝɓlii tǝgbana za Masǝŋ moo joŋra. We gbah jol ah ne fan mai mo tǝ 'yahko jol ɓii daŋ, mor ako ne suu ah laŋ gbah jol za ɓo pǝlli tǝkine me daŋ.
3We haozah wo Priskila ne Akilas, ara ye za ma joŋ yeɓ mor Yesu Kristu ne me.#Yeɓ 18:2 4Fiira ɓǝ cee suu ɓǝǝr a, mor ka ǝ̃ǝ cee ma ɓe. Me joŋ osoko nyi ra pǝlli, ame ye ka tǝ joŋ syak ɓe laŋ to ya, amma za eklesia mai mo ye ka Yahuduen a daŋ joŋra osoko nyi ra ta. 5We haozah wo eklesia mai moo taira yaŋ ɓǝǝ ta.
We haozah wo bai 'yah ɓe Epenetus mai mo nyiŋ Yesu Kristu kǝpel nyi za sǝr Asia daŋ. 6We haozah wo Maria mai mo joŋ yeɓ mor ɓii pǝlli. 7We haozah wo wee pa ɓe Andronikus, tǝkine Junias mai mo yeara pǝ daŋgai ne me, ara ne tǝɗii kǝsyil zapee, so nyiŋra Kristu kǝpel nyi me ta.
8We haozah wo Amplias, ako ye bai 'yah ɓe ne fahlii tai ki ne Dǝɓlii. 9We haozah wo Urbanus mai mo tǝ joŋ yeɓ Kristu tǝgbana ru, tǝkine pa 'yah ɓe Stakis daŋ. 10We haozah wo Apelles mai mo cuu iŋ ah mo nyiŋ Kristu ɓo ge lalle. We haozah wo za yaŋ Aristobulus. 11We haozah wo pa ɓe laŋ Herodion. We haozah wo za yaŋ Narkisus mai mo nyiŋra Dǝɓlii ɓo.
12We haozah wo Trifena ne Trifosa mai mo tǝ joŋra yeɓ mor Dǝɓlii. We haozah wo ma 'yah ɓe Persis mai mo joŋ yeɓ mor Dǝɓlii pǝlli. 13We haozah wo Rufus mai yeɓ ah mo uu ɓo pǝ yeɓ Dǝɓlii, tǝkine mah ah mai mo na ma ɓe ta.#Mk 15:21 14We haozah wo Asinkritus, Flegoŋ, Hermes, Patrobas, Hermas, tǝkine wee pa man ma iŋ mo ne ra daŋ. 15We haozah wo Filologus ne Julia, Nerus ne naa mam mawinni, ne Olimpas, tǝkine za Masǝŋ mai mo no ne ra daŋ.
16We haozah wo ki ne zwan ki ne zahe tǝgbana wee pam moo joŋra. Eklesia Kristu daŋ haora zah wo ɓiiri.
Lai ma fahfal tǝ lii
17Me lai we wee pa ɓe, we byak suu ɓii wo za ma urra ɓǝ woŋ ki ne zyak za ma iŋ ahe, tǝkine ɓǝ mai mo ka tǝgbana mai we fee ɓo ya, we soɓ ra. 18Mor za ma morãi ka tǝ joŋra yeɓ Dǝɓlii man Kristu ya, a yeara ne ɓǝ faa pǝ zah pǝ'nyah ẽmma ẽmma, a zyakra tǝ'yak za mai mo tǝra ɓǝ pǝlli ya. 19Za daŋ laara ɓǝ ɓii we tǝ laa zah Dǝɓlii ɓe. Ne fahlii mai me tǝ laa pǝ'nyah ne ɓǝ ɓii no cam. Amma me 'yah we yea ne fatan mor ka joŋ fan masãhe, we yea ne fatan joŋ faɓe' ka. 20Masǝŋ mai moo nyi jam a ga dah Satan ga sǝŋ mor ɓal ɓii gwari. Dǝɓlii man Yesu mo joŋ gboŋgboŋ wo ɓii daŋ.
21Timoteus mai mo tǝ joŋ yeɓ ne me haozah wo ɓiiri. Pa ɓe laŋ Lukius, Jason, Sosipater haora zah wo ɓii ta.#Yeɓ 16:1
22Ame Tertius, me ye pa ŋwǝǝ leetǝr ahe, me haozah wo ɓii pǝ tǝɗii Dǝɓlii.
23Gaiyus mai me ɗǝr ɓo yaŋ ahe, mai eklesia daŋ moo taira yaŋ ah haozah wo ɓii ta. Erastus mai moo byak lak yaŋ Korint haozah wo ɓiiri. Naa pa man Kuwartus laŋ haozah wo ɓii ta.#Yeɓ 19:29; 1 Kor 1:14; 2 Tim 4:20 [24Dǝɓlii man Yesu Kristu mo joŋ gboŋgboŋ wo ɓii daŋ. Amen.]
Osoko ma fahfal tǝ lii
25Na joŋ osoko nyi Masǝŋ, mor a ne swah ka gak joŋ we pǝswah pǝ iŋ ɓiiri, tǝgbana Ɓǝ'nyah mai me tǝ cuuni, ne ɓǝ mai me tǝ faa tǝ Yesu Kristu tǝgbana ɓǝ foo ah mai mo yea muŋ ɓo wo Masǝŋ ɓaaɓe, mo so cuu ɓo nyi na caŋryaŋ. 26Amma zǝzǝ̃ǝko ɓǝ ah joo ge ɓo pǝ cokfãi lal ne ɗerewol profetoen tǝgbana Masǝŋ ma ga lii mo faa ɓo ka za sǝr daŋ mo tǝra ɓǝ ah ka mo nyiŋra tǝkine laa zahe.
27Na joŋ osoko nyi Masǝŋ cẽecẽe pǝ tǝɗii Yesu Kristu, mor ako ye pa fatan syak ahe! Amen.
Currently Selected:
ROMANEN 16: MUAR
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
ROMANEN 16
16
Haozah woli
1Me cuu Fǝǝbe naa pa man mawin nyi we, ako ye joŋ yeɓ mor eklesia yaŋ Keŋkerea. 2We nyiŋ ko pǝsãh pǝ tǝɗii Dǝɓlii tǝgbana za Masǝŋ moo joŋra. We gbah jol ah ne fan mai mo tǝ 'yahko jol ɓii daŋ, mor ako ne suu ah laŋ gbah jol za ɓo pǝlli tǝkine me daŋ.
3We haozah wo Priskila ne Akilas, ara ye za ma joŋ yeɓ mor Yesu Kristu ne me.#Yeɓ 18:2 4Fiira ɓǝ cee suu ɓǝǝr a, mor ka ǝ̃ǝ cee ma ɓe. Me joŋ osoko nyi ra pǝlli, ame ye ka tǝ joŋ syak ɓe laŋ to ya, amma za eklesia mai mo ye ka Yahuduen a daŋ joŋra osoko nyi ra ta. 5We haozah wo eklesia mai moo taira yaŋ ɓǝǝ ta.
We haozah wo bai 'yah ɓe Epenetus mai mo nyiŋ Yesu Kristu kǝpel nyi za sǝr Asia daŋ. 6We haozah wo Maria mai mo joŋ yeɓ mor ɓii pǝlli. 7We haozah wo wee pa ɓe Andronikus, tǝkine Junias mai mo yeara pǝ daŋgai ne me, ara ne tǝɗii kǝsyil zapee, so nyiŋra Kristu kǝpel nyi me ta.
8We haozah wo Amplias, ako ye bai 'yah ɓe ne fahlii tai ki ne Dǝɓlii. 9We haozah wo Urbanus mai mo tǝ joŋ yeɓ Kristu tǝgbana ru, tǝkine pa 'yah ɓe Stakis daŋ. 10We haozah wo Apelles mai mo cuu iŋ ah mo nyiŋ Kristu ɓo ge lalle. We haozah wo za yaŋ Aristobulus. 11We haozah wo pa ɓe laŋ Herodion. We haozah wo za yaŋ Narkisus mai mo nyiŋra Dǝɓlii ɓo.
12We haozah wo Trifena ne Trifosa mai mo tǝ joŋra yeɓ mor Dǝɓlii. We haozah wo ma 'yah ɓe Persis mai mo joŋ yeɓ mor Dǝɓlii pǝlli. 13We haozah wo Rufus mai yeɓ ah mo uu ɓo pǝ yeɓ Dǝɓlii, tǝkine mah ah mai mo na ma ɓe ta.#Mk 15:21 14We haozah wo Asinkritus, Flegoŋ, Hermes, Patrobas, Hermas, tǝkine wee pa man ma iŋ mo ne ra daŋ. 15We haozah wo Filologus ne Julia, Nerus ne naa mam mawinni, ne Olimpas, tǝkine za Masǝŋ mai mo no ne ra daŋ.
16We haozah wo ki ne zwan ki ne zahe tǝgbana wee pam moo joŋra. Eklesia Kristu daŋ haora zah wo ɓiiri.
Lai ma fahfal tǝ lii
17Me lai we wee pa ɓe, we byak suu ɓii wo za ma urra ɓǝ woŋ ki ne zyak za ma iŋ ahe, tǝkine ɓǝ mai mo ka tǝgbana mai we fee ɓo ya, we soɓ ra. 18Mor za ma morãi ka tǝ joŋra yeɓ Dǝɓlii man Kristu ya, a yeara ne ɓǝ faa pǝ zah pǝ'nyah ẽmma ẽmma, a zyakra tǝ'yak za mai mo tǝra ɓǝ pǝlli ya. 19Za daŋ laara ɓǝ ɓii we tǝ laa zah Dǝɓlii ɓe. Ne fahlii mai me tǝ laa pǝ'nyah ne ɓǝ ɓii no cam. Amma me 'yah we yea ne fatan mor ka joŋ fan masãhe, we yea ne fatan joŋ faɓe' ka. 20Masǝŋ mai moo nyi jam a ga dah Satan ga sǝŋ mor ɓal ɓii gwari. Dǝɓlii man Yesu mo joŋ gboŋgboŋ wo ɓii daŋ.
21Timoteus mai mo tǝ joŋ yeɓ ne me haozah wo ɓiiri. Pa ɓe laŋ Lukius, Jason, Sosipater haora zah wo ɓii ta.#Yeɓ 16:1
22Ame Tertius, me ye pa ŋwǝǝ leetǝr ahe, me haozah wo ɓii pǝ tǝɗii Dǝɓlii.
23Gaiyus mai me ɗǝr ɓo yaŋ ahe, mai eklesia daŋ moo taira yaŋ ah haozah wo ɓii ta. Erastus mai moo byak lak yaŋ Korint haozah wo ɓiiri. Naa pa man Kuwartus laŋ haozah wo ɓii ta.#Yeɓ 19:29; 1 Kor 1:14; 2 Tim 4:20 [24Dǝɓlii man Yesu Kristu mo joŋ gboŋgboŋ wo ɓii daŋ. Amen.]
Osoko ma fahfal tǝ lii
25Na joŋ osoko nyi Masǝŋ, mor a ne swah ka gak joŋ we pǝswah pǝ iŋ ɓiiri, tǝgbana Ɓǝ'nyah mai me tǝ cuuni, ne ɓǝ mai me tǝ faa tǝ Yesu Kristu tǝgbana ɓǝ foo ah mai mo yea muŋ ɓo wo Masǝŋ ɓaaɓe, mo so cuu ɓo nyi na caŋryaŋ. 26Amma zǝzǝ̃ǝko ɓǝ ah joo ge ɓo pǝ cokfãi lal ne ɗerewol profetoen tǝgbana Masǝŋ ma ga lii mo faa ɓo ka za sǝr daŋ mo tǝra ɓǝ ah ka mo nyiŋra tǝkine laa zahe.
27Na joŋ osoko nyi Masǝŋ cẽecẽe pǝ tǝɗii Yesu Kristu, mor ako ye pa fatan syak ahe! Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.