YEƁ ZAPEE 7
7
Ɓǝ faa Setefanus
1So pa joŋzahsyiŋ malii fii Setefanus: Ɓǝ ah a naiko ne? 2Setefanus zyii faa: Wee pa ɓe tǝkine pa ɓe ra, we laa ɓǝ faa ɓe. Masǝŋ mayǝk cuu suu ah nyi pa man lii Abraham ne cok ka a no sǝr Mesopotamia ka ɓah gin kaa sǝr Karan ya ba.#Tǝŋ 12:1 3Faa nyi ko: Mo ur mo soɓ sǝr ɓo tǝkine za ɓo mo ge sǝr mai mee ga cuu nyi mo. 4Abraham zol gin sǝr Babilon kal ge kaa Karan, so fahfal pah ah mo wuu, Masǝŋ so woo ko gin Karan ge sǝr mai we kaa ɓo gŋ zǝzǝ̃ǝ ne ko.#Tǝŋ 11:31; 12:4 5Masǝŋ nyi zah sǝr ma syak ah nyi ko pǝ sǝr mai ya, koo ma nen kan pǝlam ɓal gŋ to laŋ, lwaa ya. Amma Masǝŋ faa nyi ko zye ga nyi sǝr ah nyi ko, wee ɓǝr ah ga rera sǝr ah fahfal ahe. Ne cok ah laŋ, ka Abraham ka ne wel a ba.#Tǝŋ 12:7; 13:15; 15:18; 17:8 6So Masǝŋ faa nyi ko: Morsǝ̃ǝ ɓo a ga kaara pǝ sǝr maki, a ga ciŋra byak gŋ, a cuura syak nyi ra syii temere nai.#Tǝŋ 15:13-14 7Amma so Masǝŋ faa zye ga ŋgoŋ kiita tǝ za mai mo tǝ ga joŋra byak nyi ra. Fahfal ah a ga pǝ̃ǝra gin sǝr ahe, a gin syeera mor 'min pǝ sǝr maino.#Pǝ̃ǝ 3:12 8So Masǝŋ gbǝ zah ne Abraham, fan ma cuu gbanzah ah ako ye daakanne. Ne cok Abraham mo byaŋ wel ah Isak fahfal com 'yak vaŋno ah daakan nyi ko, Isak laŋ daakan nyi Yakuɓ nai ta, so Yakuɓ daakan nyi pa man lii ra matǝ jemma tǝtǝl gwa.#Tǝŋ 17:10-14; 21:2-4; 25:26; 29:31–35:18
9Pa man lii joŋra tǝwon ne Yuseɓ, gbǝra ko lee fan ge sǝr Egiɓ ne na byakke. Amma Masǝŋ no ne ki,#Tǝŋ 37:11,28; 39:2,21 10wǝǝ ko pǝ bone ah ra daŋ, nyi fatan nyi Yuseɓ, so joŋ ko ka Farao goŋ sǝr Egiɓ mo laa pǝ'nyah ne ki pel ahe. So Farao ɓaŋ Yuseɓ kan govener ne ko tǝ sǝr Egiɓ tǝkine yaŋ goŋ daŋ.#Tǝŋ 41:39-41 11So koŋ wǝ sǝr Egiɓ ne lii ah tǝkine sǝr Kanaan daŋ. Bone ah pǝlli, pa man lii ka lwaara farel ka ren a.#Tǝŋ 42:1-2 12Ne cok Yakuɓ mo laa ɓǝ sor no sǝr Egiɓ, pee pa man lii kalra ge gŋ patǝ vaŋno ahe. 13Ne cok patǝ gwa ah mo so jinra ge gŋ, Yuseɓ cuu suu ah nyi wee pah ahe. So Farao tǝ ɓǝ ban Yuseɓ o ta.#Tǝŋ 45:1,16 14So Yuseɓ pepee ge ɗii pah ah Yakuɓ ne za yaŋ ah daŋ ara jemma rǝŋ tǝtǝl dappe.#Tǝŋ 45:9-10; 17:18; Tǝŋ 46:27 15Yakuɓ kal ge sǝr Egiɓ, so wǝ gŋ, pa man lii ra daŋ wukra gŋ ta.#Tǝŋ 46:1-7; 49:33 16So woora wul ɓǝǝ ge Sikem ne ko, ge ciira ra pǝ pal mai Abraham mo lee ne lak jol wee Hamor Sikem.#Tǝŋ 23:3-16; 33:19; 50:7-13; Jos 24:32
17Ka cok ɓǝ mai Masǝŋ mo gbǝ zah ne Abraham ka joŋ a gwari o, za man ɓoora ge pel pǝ sǝr Egiɓ pǝpãare.#Pǝ̃ǝ 1:7-8 18So goŋ mafuu ah kaa goŋ sǝr Egiɓ, tǝ Yuseɓ ya. 19Goŋ ah joŋ za man vǝrvǝr cuu syak nyi pa ma lii ra pǝlli, a joŋ ra ne doole ka mo ɓaara wee wǝǝ mai mo bemra pǝfuu ge lal ka mo wukra.#Pǝ̃ǝ 1:10-11,22 20Ne cok ah Mosus byaŋ, a pǝsãh no cam. Masǝŋ laa pǝ'nyah ne ki, wolra ko yaŋ pah ah fĩi sai.#Pǝ̃ǝ 2:2 21Ne cok mo ɓaŋra ko ge ɓoo lalle, mǝlaŋ Farao ɓaŋ ko wol ko na nan ahe.#Pǝ̃ǝ 2:3-10 22So Mosus tǝ fatan za sǝr Egiɓ daŋ, a pǝswah pǝ ɓǝ tǝkine yeɓ daŋ.
23Ne cok Mosus mo joŋ syii jemma nai foo pǝ zahzyil ah ka ga ẽe ban ah wee Israel.#Pǝ̃ǝ 2:11-15 24So ge kwo dǝɓ Egiɓ tǝ cuu syak nyi dǝɓ ki kǝsyil ɓǝǝra, so ur cam tǝ dǝɓ mai mo tǝ cuura syak nyi ko, faŋ val ah i dǝɓ sǝr Egiɓ pǝ wulli. 25Mosus lǝŋ wee pah ah a ga tǝra Masǝŋ tǝ 'yah ka wǝǝ ra ne jol ahe, amma tǝra ya. 26Tǝ'nan ah Mosus kwo wee Israel gwa tǝ ɗahra ki, 'yah ka wahl ra ka mo kaara wo ki jam, so faa nyi ra: Bai ɓe ra, we laa ɓǝ faa ɓe, awe ye naa dǝǝ we so joŋ ɓǝɓe' wo ki mor fẽene? 27Amma dǝɓ mai mo tǝ joŋ ɓǝɓe' wo patǝ gwa ah woo Mosus ge lal so faa nyi ko: Azu ye ɓaŋ mo kan dǝɓlii ɓo ne ko ne lakaali tǝ ɓuu ne? 28Wala mo 'yah ka in me pǝ wul tǝgbana mo i dǝɓ sǝr Egiɓ pǝ wul tǝsoo ko ta ne? 29Ne cok Mosus mo laa ɓǝ faa ah naiko, ɗuu kal ge kaa sǝr Midian. So bem wee wǝǝ gŋ gwa.#Pǝ̃ǝ 18:3-4
30Ne cok syii jemma nai mo vǝr o, angelos ge cuu suu ah nyi Mosus kah waa Sinai pǝzyil waa mai wii mo tǝ syenne.#Pǝ̃ǝ 3:1-10 31Ne cok Mosus mo kwo fan ah naiko, kaa tǝl ah gǝriŋ. Amma mo so tǝɓ ge wol ah gwari ka ẽere, laa kyaŋ Dǝɓlii faa ɓǝ ge nyi ko: 32Ame ye Masǝŋ pa ɓo lii ra, Masǝŋ Abraham, Isak ne Yakuɓ. Suu so coo Mosus gǝrgǝr ne galle, gak ka ɓaŋ nahnǝn ẽe fan ah ya. 33So Dǝɓlii faa nyi ko: Mo nǝǝ sǝɓal ɓal ɓo, mor cok mai mo uu ɓo gŋ sǝr ah a daŋdaŋ. 34Me kwo bone mai za ɓe mo tǝ laara sǝr Egiɓ, me laa 'mee ɓǝǝra, me ɗǝr ge ɓo ka wǝǝ ra. Zǝzǝ̃ǝko mo syee ge, me ga pee mo ga sǝr Egiɓ.
35Mosus mai za Israel mo 'yahra ko ya mo faara nyi ko azu ye ɓaŋ mo kan dǝɓlii ɓo ne tǝ ɓuu ne lakaali ne, so Masǝŋ pee ko na dǝɓlii ne pa wǝǝ ɓǝǝ ne jol angelos mai mo cuu suu ah nyi ko pǝzyil waa.#Pǝ̃ǝ 2:14 36Mosus ah ako ye pǝ̃ǝ gin sǝr Egiɓ ne za Israel fahfal mo joŋ dǝǝbǝǝri ne yeɓ matǝ gǝriŋ ah sǝr ahe ne zah mabii Syẽ tǝkine kǝsyicok syii jemma nai daŋ.#Pǝ̃ǝ 7:5; 14:21; KeeZ 14:33 37Ako ye Mosus mai mo faa nyi za Israel: Masǝŋ ga pee Profeto Masǝŋ mai moo ga ur kǝsyil ban ɓii ge wo ɓii tǝgbana mo pee me ta.#CuuƁ 8:15,18 38Ako ye dǝɓ mai mo no ne kul za Israel kǝsyicokki, a no ne angelos mai mo faa ɓǝ ne ki tǝ waa Sinai, a no ne pa man lii ra, nyiŋ ɓǝ ma ne cee jol Masǝŋ ge nyi nyi na.#Pǝ̃ǝ 19:1–20:17; CuuƁ 5:1-33
39Amma pa man lii zyiira laa zah ah ya soɓra ko ɓoo, zahzyil ɓǝǝ 'yah ka pii soo ga sǝr Egiɓ. 40Faara nyi Aron: Mo zyeɓ masǝŋ nyi ru ka mo syeera pel ɓuuru, mor Mosus mai mo pǝ̃ǝ gin sǝr Egiɓ ne ru a fẽe ye so joŋ ko ɓo ne, ru tǝ ɓǝ ah ya.#Pǝ̃ǝ 32:1 41So coora we dǝǝ, tǝŋra joŋ syiŋ pel ahe, ŋhaa laara pǝ'nyah ne fan mai mo coora ne jol ɓǝǝra.#Pǝ̃ǝ 32:2-6 42Amma Masǝŋ jiŋ fahfal ɓoo nyi ra, soɓ ra ka mo syeera mor ŋwǝǝmǝŋgai sǝŋ tǝgbana mo ŋwǝǝ ɓo pǝ ɗerewol profetoen:
Awe za Israel, ne cok we tǝ ŋgom fan joŋ syiŋ ne ko ne syiŋ manyeeki ah ra daŋ syii jemma nai kǝsyicok,
We joŋ wo ɓe ne?#Am 5:25-27
43Ka wo ɓe ya, amma awe ɓaŋ tal mbǝro masǝŋ
Molok ne masǝŋ ɓii ŋwǝǝmǝŋgai Remfan,
Masǝŋ mai we zyeɓ ra ɓo ka juupel wo ɓǝǝra.
Mor ah me woo we ga rǝk sǝr Babilon pǝɗǝkki.
44Pa man lii ra no kǝsyicok ne tal mbǝro mai tǝsal ma ne ɓǝ lai mo rǝk ɓo ɓǝr ahe. Tal mbǝro ah zyeɓ ɓo tǝgbana mai Masǝŋ mo faa nyi Mosus, mor Masǝŋ faa nyi Mosus mo zyeɓko na fahlii ah mai mo kwoko ɓo.#Pǝ̃ǝ 25:9,40 45Fahfal ah pa man lii ɓaŋra tal mbǝro ah ge ne ko ne cok Joswa mo kal ɓo pel ɓǝǝ mo ge nyiŋra sǝr za gwǝǝ mai Masǝŋ mo nĩi zan ah pel ɓǝǝra, a no gŋ ŋhaa dai zah'nan David.#Jos 3:14-17 46Ako ye dǝɓ mai Masǝŋ mo laa pǝ'nyah ne ki, so David fii fahlii ka vuu yaŋ nyi Masǝŋ Yakuɓ.#2 Sa 7:1-16; 1 KeeƁ 17:1-14 47Amma Salomo ye ge vuu yaŋ ahe.#1 ZaG 6:1-38; 2 KeeƁ 3:1-17
48Amma Masǝŋ ma tǝlǝǝ sǝŋ ka kaa pǝ yaŋ mai dǝfuu mo vuu ya, tǝgbana profetoen mo faa:
49Dǝɓlii faa: Coksǝŋ cok kal ɓe yo,
Sǝrri cok rǝk ɓal ɓe yo.
We so ga vuu yaŋ fẽe nyi me sye ne?
Cok mai ka me kaa gŋ sye ko makẽne?#Esa 66:1-2
50Ame ye ka joŋ fan mai daŋ ya ne?
51Awe za tǝtǝl yakke, zahzyil ɓii ne sok ɓii daŋ coo ɓo coo, we ka gak laa ɗii Masǝŋ ya, we yee zah Tǝ'yak Matǝdaŋdaŋ cẽecẽe, awe tǝgbana pa ɓii lii ra ta.#Esa 63:10 52Dǝɓ mai mo kǝsyil profetoen pa ɓii lii mo foora mor ah ya a no ne? Ikra za mai mo ge cuura ɓǝ gin Dǝɓ matǝ njaŋ ge lal pǝ wulli, ako ye Dǝɓ mai we foo mor ah zǝzǝ̃ǝ we i ko ɓo pǝ wul ko. 53Masǝŋ nyi ɓǝ lai ah nyi we ne jol angeloi, amma we ka syee mor ɓǝ lai ah ya.
Wul Setefanus
54Za mai mo taira ɓo mo laara ɓǝ ah naiko, sye zahzyil ɓǝǝ pǝlli, ŋhaa soŋra syel ne kpãh tǝ Setefanus. 55Amma Setefanus Tǝ'yak Matǝdaŋdaŋ baa ɓo pǝ zahzyil ahe, ẽe cok ge sǝŋ so kwo yǝk Masǝŋ tǝkine Yesu mo uu ɓo jokǝsãh Masǝŋ. 56So faa: We laa ɗǝ, me kwo sǝŋ gbǝrri, so We Dǝfuu uu ɓo jokǝsãh Masǝŋ. 57Ŋwaara ɓǝ ne lii ɓǝǝ daŋ pǝ'manne, so coora jol ge sokki, ɗuura ge ryaŋ Setefanus gbǝra ko, 58kwakra ko tǝgǝǝ yaŋ pǝ̃ǝ ge lal ne ko, so ɓaara ko ne tǝsal pǝ wulli, za syedowal ah rǝkra mbǝro ɓǝǝ wo we tǝbanna ma ɗii ne Saulus ka mo byakko. 59Ne cok mo tǝ ɓaara ko ne tǝsalle, Setefanus juupel faa: Yesu Dǝɓlii, mo nyiŋ tǝ'yak ɓe. 60So kea ge sǝŋ ne zahciŋɓal ɓyaŋ ɓǝ faa: Dǝɓlii, ɓǝɓe' mai mo joŋra ɓo mo kee ɓǝ ah ge tǝtǝl ɓǝǝ ka. Fahfal mo faa ɓǝ ah naiko, so lee wulli.
Currently Selected:
YEƁ ZAPEE 7: MUAR
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
YEƁ ZAPEE 7
7
Ɓǝ faa Setefanus
1So pa joŋzahsyiŋ malii fii Setefanus: Ɓǝ ah a naiko ne? 2Setefanus zyii faa: Wee pa ɓe tǝkine pa ɓe ra, we laa ɓǝ faa ɓe. Masǝŋ mayǝk cuu suu ah nyi pa man lii Abraham ne cok ka a no sǝr Mesopotamia ka ɓah gin kaa sǝr Karan ya ba.#Tǝŋ 12:1 3Faa nyi ko: Mo ur mo soɓ sǝr ɓo tǝkine za ɓo mo ge sǝr mai mee ga cuu nyi mo. 4Abraham zol gin sǝr Babilon kal ge kaa Karan, so fahfal pah ah mo wuu, Masǝŋ so woo ko gin Karan ge sǝr mai we kaa ɓo gŋ zǝzǝ̃ǝ ne ko.#Tǝŋ 11:31; 12:4 5Masǝŋ nyi zah sǝr ma syak ah nyi ko pǝ sǝr mai ya, koo ma nen kan pǝlam ɓal gŋ to laŋ, lwaa ya. Amma Masǝŋ faa nyi ko zye ga nyi sǝr ah nyi ko, wee ɓǝr ah ga rera sǝr ah fahfal ahe. Ne cok ah laŋ, ka Abraham ka ne wel a ba.#Tǝŋ 12:7; 13:15; 15:18; 17:8 6So Masǝŋ faa nyi ko: Morsǝ̃ǝ ɓo a ga kaara pǝ sǝr maki, a ga ciŋra byak gŋ, a cuura syak nyi ra syii temere nai.#Tǝŋ 15:13-14 7Amma so Masǝŋ faa zye ga ŋgoŋ kiita tǝ za mai mo tǝ ga joŋra byak nyi ra. Fahfal ah a ga pǝ̃ǝra gin sǝr ahe, a gin syeera mor 'min pǝ sǝr maino.#Pǝ̃ǝ 3:12 8So Masǝŋ gbǝ zah ne Abraham, fan ma cuu gbanzah ah ako ye daakanne. Ne cok Abraham mo byaŋ wel ah Isak fahfal com 'yak vaŋno ah daakan nyi ko, Isak laŋ daakan nyi Yakuɓ nai ta, so Yakuɓ daakan nyi pa man lii ra matǝ jemma tǝtǝl gwa.#Tǝŋ 17:10-14; 21:2-4; 25:26; 29:31–35:18
9Pa man lii joŋra tǝwon ne Yuseɓ, gbǝra ko lee fan ge sǝr Egiɓ ne na byakke. Amma Masǝŋ no ne ki,#Tǝŋ 37:11,28; 39:2,21 10wǝǝ ko pǝ bone ah ra daŋ, nyi fatan nyi Yuseɓ, so joŋ ko ka Farao goŋ sǝr Egiɓ mo laa pǝ'nyah ne ki pel ahe. So Farao ɓaŋ Yuseɓ kan govener ne ko tǝ sǝr Egiɓ tǝkine yaŋ goŋ daŋ.#Tǝŋ 41:39-41 11So koŋ wǝ sǝr Egiɓ ne lii ah tǝkine sǝr Kanaan daŋ. Bone ah pǝlli, pa man lii ka lwaara farel ka ren a.#Tǝŋ 42:1-2 12Ne cok Yakuɓ mo laa ɓǝ sor no sǝr Egiɓ, pee pa man lii kalra ge gŋ patǝ vaŋno ahe. 13Ne cok patǝ gwa ah mo so jinra ge gŋ, Yuseɓ cuu suu ah nyi wee pah ahe. So Farao tǝ ɓǝ ban Yuseɓ o ta.#Tǝŋ 45:1,16 14So Yuseɓ pepee ge ɗii pah ah Yakuɓ ne za yaŋ ah daŋ ara jemma rǝŋ tǝtǝl dappe.#Tǝŋ 45:9-10; 17:18; Tǝŋ 46:27 15Yakuɓ kal ge sǝr Egiɓ, so wǝ gŋ, pa man lii ra daŋ wukra gŋ ta.#Tǝŋ 46:1-7; 49:33 16So woora wul ɓǝǝ ge Sikem ne ko, ge ciira ra pǝ pal mai Abraham mo lee ne lak jol wee Hamor Sikem.#Tǝŋ 23:3-16; 33:19; 50:7-13; Jos 24:32
17Ka cok ɓǝ mai Masǝŋ mo gbǝ zah ne Abraham ka joŋ a gwari o, za man ɓoora ge pel pǝ sǝr Egiɓ pǝpãare.#Pǝ̃ǝ 1:7-8 18So goŋ mafuu ah kaa goŋ sǝr Egiɓ, tǝ Yuseɓ ya. 19Goŋ ah joŋ za man vǝrvǝr cuu syak nyi pa ma lii ra pǝlli, a joŋ ra ne doole ka mo ɓaara wee wǝǝ mai mo bemra pǝfuu ge lal ka mo wukra.#Pǝ̃ǝ 1:10-11,22 20Ne cok ah Mosus byaŋ, a pǝsãh no cam. Masǝŋ laa pǝ'nyah ne ki, wolra ko yaŋ pah ah fĩi sai.#Pǝ̃ǝ 2:2 21Ne cok mo ɓaŋra ko ge ɓoo lalle, mǝlaŋ Farao ɓaŋ ko wol ko na nan ahe.#Pǝ̃ǝ 2:3-10 22So Mosus tǝ fatan za sǝr Egiɓ daŋ, a pǝswah pǝ ɓǝ tǝkine yeɓ daŋ.
23Ne cok Mosus mo joŋ syii jemma nai foo pǝ zahzyil ah ka ga ẽe ban ah wee Israel.#Pǝ̃ǝ 2:11-15 24So ge kwo dǝɓ Egiɓ tǝ cuu syak nyi dǝɓ ki kǝsyil ɓǝǝra, so ur cam tǝ dǝɓ mai mo tǝ cuura syak nyi ko, faŋ val ah i dǝɓ sǝr Egiɓ pǝ wulli. 25Mosus lǝŋ wee pah ah a ga tǝra Masǝŋ tǝ 'yah ka wǝǝ ra ne jol ahe, amma tǝra ya. 26Tǝ'nan ah Mosus kwo wee Israel gwa tǝ ɗahra ki, 'yah ka wahl ra ka mo kaara wo ki jam, so faa nyi ra: Bai ɓe ra, we laa ɓǝ faa ɓe, awe ye naa dǝǝ we so joŋ ɓǝɓe' wo ki mor fẽene? 27Amma dǝɓ mai mo tǝ joŋ ɓǝɓe' wo patǝ gwa ah woo Mosus ge lal so faa nyi ko: Azu ye ɓaŋ mo kan dǝɓlii ɓo ne ko ne lakaali tǝ ɓuu ne? 28Wala mo 'yah ka in me pǝ wul tǝgbana mo i dǝɓ sǝr Egiɓ pǝ wul tǝsoo ko ta ne? 29Ne cok Mosus mo laa ɓǝ faa ah naiko, ɗuu kal ge kaa sǝr Midian. So bem wee wǝǝ gŋ gwa.#Pǝ̃ǝ 18:3-4
30Ne cok syii jemma nai mo vǝr o, angelos ge cuu suu ah nyi Mosus kah waa Sinai pǝzyil waa mai wii mo tǝ syenne.#Pǝ̃ǝ 3:1-10 31Ne cok Mosus mo kwo fan ah naiko, kaa tǝl ah gǝriŋ. Amma mo so tǝɓ ge wol ah gwari ka ẽere, laa kyaŋ Dǝɓlii faa ɓǝ ge nyi ko: 32Ame ye Masǝŋ pa ɓo lii ra, Masǝŋ Abraham, Isak ne Yakuɓ. Suu so coo Mosus gǝrgǝr ne galle, gak ka ɓaŋ nahnǝn ẽe fan ah ya. 33So Dǝɓlii faa nyi ko: Mo nǝǝ sǝɓal ɓal ɓo, mor cok mai mo uu ɓo gŋ sǝr ah a daŋdaŋ. 34Me kwo bone mai za ɓe mo tǝ laara sǝr Egiɓ, me laa 'mee ɓǝǝra, me ɗǝr ge ɓo ka wǝǝ ra. Zǝzǝ̃ǝko mo syee ge, me ga pee mo ga sǝr Egiɓ.
35Mosus mai za Israel mo 'yahra ko ya mo faara nyi ko azu ye ɓaŋ mo kan dǝɓlii ɓo ne tǝ ɓuu ne lakaali ne, so Masǝŋ pee ko na dǝɓlii ne pa wǝǝ ɓǝǝ ne jol angelos mai mo cuu suu ah nyi ko pǝzyil waa.#Pǝ̃ǝ 2:14 36Mosus ah ako ye pǝ̃ǝ gin sǝr Egiɓ ne za Israel fahfal mo joŋ dǝǝbǝǝri ne yeɓ matǝ gǝriŋ ah sǝr ahe ne zah mabii Syẽ tǝkine kǝsyicok syii jemma nai daŋ.#Pǝ̃ǝ 7:5; 14:21; KeeZ 14:33 37Ako ye Mosus mai mo faa nyi za Israel: Masǝŋ ga pee Profeto Masǝŋ mai moo ga ur kǝsyil ban ɓii ge wo ɓii tǝgbana mo pee me ta.#CuuƁ 8:15,18 38Ako ye dǝɓ mai mo no ne kul za Israel kǝsyicokki, a no ne angelos mai mo faa ɓǝ ne ki tǝ waa Sinai, a no ne pa man lii ra, nyiŋ ɓǝ ma ne cee jol Masǝŋ ge nyi nyi na.#Pǝ̃ǝ 19:1–20:17; CuuƁ 5:1-33
39Amma pa man lii zyiira laa zah ah ya soɓra ko ɓoo, zahzyil ɓǝǝ 'yah ka pii soo ga sǝr Egiɓ. 40Faara nyi Aron: Mo zyeɓ masǝŋ nyi ru ka mo syeera pel ɓuuru, mor Mosus mai mo pǝ̃ǝ gin sǝr Egiɓ ne ru a fẽe ye so joŋ ko ɓo ne, ru tǝ ɓǝ ah ya.#Pǝ̃ǝ 32:1 41So coora we dǝǝ, tǝŋra joŋ syiŋ pel ahe, ŋhaa laara pǝ'nyah ne fan mai mo coora ne jol ɓǝǝra.#Pǝ̃ǝ 32:2-6 42Amma Masǝŋ jiŋ fahfal ɓoo nyi ra, soɓ ra ka mo syeera mor ŋwǝǝmǝŋgai sǝŋ tǝgbana mo ŋwǝǝ ɓo pǝ ɗerewol profetoen:
Awe za Israel, ne cok we tǝ ŋgom fan joŋ syiŋ ne ko ne syiŋ manyeeki ah ra daŋ syii jemma nai kǝsyicok,
We joŋ wo ɓe ne?#Am 5:25-27
43Ka wo ɓe ya, amma awe ɓaŋ tal mbǝro masǝŋ
Molok ne masǝŋ ɓii ŋwǝǝmǝŋgai Remfan,
Masǝŋ mai we zyeɓ ra ɓo ka juupel wo ɓǝǝra.
Mor ah me woo we ga rǝk sǝr Babilon pǝɗǝkki.
44Pa man lii ra no kǝsyicok ne tal mbǝro mai tǝsal ma ne ɓǝ lai mo rǝk ɓo ɓǝr ahe. Tal mbǝro ah zyeɓ ɓo tǝgbana mai Masǝŋ mo faa nyi Mosus, mor Masǝŋ faa nyi Mosus mo zyeɓko na fahlii ah mai mo kwoko ɓo.#Pǝ̃ǝ 25:9,40 45Fahfal ah pa man lii ɓaŋra tal mbǝro ah ge ne ko ne cok Joswa mo kal ɓo pel ɓǝǝ mo ge nyiŋra sǝr za gwǝǝ mai Masǝŋ mo nĩi zan ah pel ɓǝǝra, a no gŋ ŋhaa dai zah'nan David.#Jos 3:14-17 46Ako ye dǝɓ mai Masǝŋ mo laa pǝ'nyah ne ki, so David fii fahlii ka vuu yaŋ nyi Masǝŋ Yakuɓ.#2 Sa 7:1-16; 1 KeeƁ 17:1-14 47Amma Salomo ye ge vuu yaŋ ahe.#1 ZaG 6:1-38; 2 KeeƁ 3:1-17
48Amma Masǝŋ ma tǝlǝǝ sǝŋ ka kaa pǝ yaŋ mai dǝfuu mo vuu ya, tǝgbana profetoen mo faa:
49Dǝɓlii faa: Coksǝŋ cok kal ɓe yo,
Sǝrri cok rǝk ɓal ɓe yo.
We so ga vuu yaŋ fẽe nyi me sye ne?
Cok mai ka me kaa gŋ sye ko makẽne?#Esa 66:1-2
50Ame ye ka joŋ fan mai daŋ ya ne?
51Awe za tǝtǝl yakke, zahzyil ɓii ne sok ɓii daŋ coo ɓo coo, we ka gak laa ɗii Masǝŋ ya, we yee zah Tǝ'yak Matǝdaŋdaŋ cẽecẽe, awe tǝgbana pa ɓii lii ra ta.#Esa 63:10 52Dǝɓ mai mo kǝsyil profetoen pa ɓii lii mo foora mor ah ya a no ne? Ikra za mai mo ge cuura ɓǝ gin Dǝɓ matǝ njaŋ ge lal pǝ wulli, ako ye Dǝɓ mai we foo mor ah zǝzǝ̃ǝ we i ko ɓo pǝ wul ko. 53Masǝŋ nyi ɓǝ lai ah nyi we ne jol angeloi, amma we ka syee mor ɓǝ lai ah ya.
Wul Setefanus
54Za mai mo taira ɓo mo laara ɓǝ ah naiko, sye zahzyil ɓǝǝ pǝlli, ŋhaa soŋra syel ne kpãh tǝ Setefanus. 55Amma Setefanus Tǝ'yak Matǝdaŋdaŋ baa ɓo pǝ zahzyil ahe, ẽe cok ge sǝŋ so kwo yǝk Masǝŋ tǝkine Yesu mo uu ɓo jokǝsãh Masǝŋ. 56So faa: We laa ɗǝ, me kwo sǝŋ gbǝrri, so We Dǝfuu uu ɓo jokǝsãh Masǝŋ. 57Ŋwaara ɓǝ ne lii ɓǝǝ daŋ pǝ'manne, so coora jol ge sokki, ɗuura ge ryaŋ Setefanus gbǝra ko, 58kwakra ko tǝgǝǝ yaŋ pǝ̃ǝ ge lal ne ko, so ɓaara ko ne tǝsal pǝ wulli, za syedowal ah rǝkra mbǝro ɓǝǝ wo we tǝbanna ma ɗii ne Saulus ka mo byakko. 59Ne cok mo tǝ ɓaara ko ne tǝsalle, Setefanus juupel faa: Yesu Dǝɓlii, mo nyiŋ tǝ'yak ɓe. 60So kea ge sǝŋ ne zahciŋɓal ɓyaŋ ɓǝ faa: Dǝɓlii, ɓǝɓe' mai mo joŋra ɓo mo kee ɓǝ ah ge tǝtǝl ɓǝǝ ka. Fahfal mo faa ɓǝ ah naiko, so lee wulli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.