YEƁ ZAPEE 15
15
Tai yaŋ Jerusalem
1Za ki urra gin sǝr Yudea ge yaŋ Antiokia, tǝŋ cuura fan nyi za ma iŋ ah faara: We daakan tǝgbana ɓǝ lai Mosus mo faa ɓo ya ɓe, we ka ǝ̃ǝ ya.#Lew 12:3 2Paulus ne Barnabas liira ɓǝ ahe, so syera syel ne ra tǝ ɓǝ ah pǝlli. So eklesia zyeɓra ɓǝ ka pee Paulus ne Barnabas ne za ki kǝsyil ɓǝǝ ka ga Jerusalem mor ka faa ɓǝ ah ne zapee tǝkine zaluu eklesia mo gŋ.
3Ne cok eklesia mo nyira fahlii nyi ra kalra, pǝ̃ǝra sǝr Fǝnikia ne Samaria, a keera ɓǝ mai za mai mo ye ka Yahuduen a mo nyiŋra ɓǝ Masǝŋ ɓo ga ne ko, ɓǝ ah 'nyah suu wee pam ne lii ɓǝǝ daŋ pǝlli. 4Ne cok mo ge daira Jerusalem, eklesia ne zapee tǝkine zaluu daŋ nyiŋra ra, so keera ɓǝ yeɓ mai Masǝŋ mo joŋ ne ra daŋ nyi ra. 5Amma za ki kǝsyil za ma syeera mor ɓǝ Farisien mai mo nyiŋra ɓǝ Yesu ɓo urra faa: Sai za mai ye ka Yahuduen a mo nyiŋra ɓo daŋ mo daara kanne, ka na so faa nyi ra mo syeera mor ɓǝ lai Mosus daŋ.
6Zapee ne zaluu eklesia taira ka ẽe ɓǝ ahe. 7Fahfal mo faara ɓǝ tǝ ɓǝ ah liilii, Petar so ur sǝŋ faa: Wee pa ɓe, we tǝ ɓe, Masǝŋ nǝǝ me ɓo kǝsyil ɓii daga ɓaaɓe mor ka me cuu Ɓǝ'nyah ah nyi za mai mo ye ka Yahuduen a, ka mo laara ka mo nyiŋra.#Yeɓ 10:1-43 8Masǝŋ mai mo tǝ zahzyil za ɓo daŋ ako ye cuu zye nyiŋ ra ɓe ne mai mo pee Tǝ'yak Matǝdaŋdaŋ ge tǝ ɓǝǝ tǝgbana mo pee ge tǝ man ta.#Yeɓ 2:4; 10:44 9Masǝŋ joŋ na ɓo ka cam ne ra ya, rwah faɓe' ɓǝǝ ge lalle, mor nyiŋra ɓǝ ah ɓe. 10So zǝzǝ̃ǝko, we 'yah lii Masǝŋ ne kan faswaa mayǝk ah mai pa man lii ra ne suu syak man daŋ na ka gak ɓaŋ laŋ ya ga tǝ za ma iŋ ah mor fẽene? 11Amma ana nyiŋ ɓo, na ǝ̃ǝ ɓo mor gboŋgboŋ Dǝɓlii Yesu Kristu tǝgbana ra ta.
12Za mai mo pǝ cok tai daŋ yeara zah tǝɗum tǝɗum, laara ɓǝ faa Barnabas ne Paulus mo tǝ keera ɓǝ yeɓ matǝ gǝriŋ ah ne dǝǝbǝǝri mai Masǝŋ mo joŋ ne ra kǝsyil za mai mo ye ka Yahuduen a daŋ. 13Ne cok mo ira zah ɓǝ faa ɓǝǝra, Yakub nyiŋ ɓǝ faa: Wee pa ɓe, we laa ɓǝ faa ɓe. 14Simon kee ɓǝ yeɓ mai Masǝŋ mo joŋ kǝsyil za mai mo ye ka Yahuduen a daga tǝtǝŋ ah mor ka syen za kǝsyil ɓǝǝ ka mo ciŋra zan ahe. 15Ɓǝ faa profetoen laŋ a nai ta, mor ɗerewol faa:
16Dǝɓlii faa: Fahfal ah me ga ge,
Me ga vuu yaŋ David mai mo lee ge ɓo sǝŋ,
Me ga ur gboŋ ah ra,
Me ga zyeɓ uu pǝsãhe,#Am 9:11-12
17Mor ka tǝcoŋ za ki daŋ mo kyeɓra Dǝɓlii,
Za gwǝǝ mai me ɗii ra ɓo daŋ ka mo ciŋra za ɓe.
18Dǝɓlii mai mo tǝ ɓǝ fan ah ra ɓo daga ɓaaɓe,
So faa laŋ ɓǝ ah ta.
19So Yakuɓ faa: Mor ah me foo, na kyeɓ ɓǝ magaɓ ah rǝk ge tǝ za mai mo ye ka Yahuduen a mo nyiŋra ɓǝ Masǝŋ ɓo ka. 20Amma na ŋwǝǝ leetǝr wo ɓǝǝ na faa nyi ra mo rera nǝǝ ma ne 'nahm ah ma joŋ syiŋ wo masǝŋ ki ra ka, mo byakra suu ɓǝǝ wo ɓǝ joŋ ɓǝǝre, mo rera nǝǝ mai fan mo kokõo ɓo ka, mo rera syim ka.#Pǝ̃ǝ 34:15-17; Lew 17:10-16; 18:6-23 21Mor daga ne cok zah'nan ma kǝpel ɓaaɓe, za ma cuura ɓǝ lai Mosus no yaŋ vaŋno vaŋno daŋ, a keera ɓǝ ah pǝ yaŋ kee ɓǝ Masǝŋ ne com 'yak daŋ.
Peera leetǝr ge wo eklesia mai mo ye ka yahuduen a
22So zapee ne zaluu eklesia, ne eklesia daŋ, zyeɓra ɓǝ ka syen za ki kǝsyil ɓǝǝ ka pee ra ga yaŋ Antiokia ne Paulus ne Barnabas. Nǝǝra Yudas ma ɗii ne Barsabas tǝkine Silas, ara ye za ma ne tǝɗii kǝsyil wee pamme. 23Ŋwǝǝra leetǝr peera ne jol ɓǝǝ naiko:
Aru ye wee pa ɓii zapee ne zaluu eklesia, ru haozah wo wee pa ɓuu mai ara ye mo ka morsǝ̃ǝ Yahuduen a mo kaara ɓo yaŋ Antiokia, ne sǝr Siria, ne sǝr Kilikia daŋ. 24Ru laa za ki urra ɓo wo ɓuu ge ɓo wo ɓiiri, so tǝ kiŋra tǝtǝl nyi we ne ɓǝ faa ɓǝǝ a joŋra we swaa ɓǝ, aru ye ka pee ra ge ɓo ne ɓǝ ah ya. 25Mor ah ru daŋ ru gbǝ zah vaŋno ka syen za ka pee ra ga wo ɓiiri, ka mo gera ne za 'yah ɓuu Barnabas ne Paulus. 26Ara ye za mai mo nyira cee suu ɓǝǝ ɓo mor yeɓ Dǝɓlii Yesu Kristu. 27Ru pee Yudas ne Silas ka mo ge faara ɓǝ mai ru ŋwǝǝ ɓo nyi we ne suu ɓǝǝ ta. 28Mor Tǝ'yak Matǝdaŋdaŋ tǝkine ru, ru gbǝ zah vaŋno ka ru rǝk faswaa mayǝk ah tǝ ɓii ka, sai ɓǝ mai to: 29We re nǝǝ ma joŋ syiŋ wo masǝŋ ki ra ka, we re syim ka, we re nǝǝ fan mai fan mo kokõo ɓo ka, we byak suu ɓii wo ɓǝ ɓǝǝre. We tǝ byak suu ɓii wo fan marai ɓe, ka we tǝ joŋ pǝsãhe. We kaa jam o la.
30Peera zapee kalra o, ge daira yaŋ Antiokia. Taira za eklesia daŋ so nyira leetǝr nyi ra. 31Ne cok mo keera leetǝr ahe, za daŋ laara pǝ'nyahre, mor ɓǝ ah ge swaa zahzyil nyi ra. 32Yudas ne Silas mai mo gera ɓo gŋ ne suu ɓǝǝ ara ye profetoen, so faara ɓǝ nyi wee pam liilii, laira ra ne ɓǝ camcam, swaara zahzyil nyi ra. 33Fahfal mo nǝnra gŋ nje, wee pam so nyira fahlii nyi ra ne ɓǝ 'nyahre, ka mo pii soora ge wo za mai mo peera ra ge. [34Amma Silas so laa pǝ'nyah ka kaa mǝ ah gŋ.]
35Paulus ne Barnabas kaara yaŋ Antiokia, tǝkine za manyeeki ah ra pǝlli, a cuura fan tǝkine faa ɓǝ Dǝɓlii nyi zana.
Paulus woŋra ki ne Barnabas
36Fahfal ah nje, Paulus faa nyi Barnabas: Na pii soo ka na kyãh foo wee pa man yaŋ mai daŋ na cuu ɓǝ Dǝɓlii gŋ ɗah ara ɗǝne? 37Barnabas 'yah ka ɓaŋ Yohana ma ɗii ne Markus ka mo geko ne ra. 38Amma Paulus foo ka pǝsãh ka ɓaŋ ko ga ne ya, mor zol soɓ ra sǝr Pamfilia taa ɗǝ, vǝr yeɓ ne ra ya.#Yeɓ 13:13 39So bal ge tǝgǝǝ ɓǝǝ ne ɓǝ ah ŋhaa woŋra ki. Barnabas ɓaŋ Markus yee dah ne ki ka ga sǝr Kiprus. 40Paulus nǝǝ Silas ur ne ki, so wee pam soɓ ra jol Dǝɓlii, so kalra o. 41Pǝ̃ǝra ge sǝr Siria ne Kilikia, swaa eklesia camcam ge ne ko.
Currently Selected:
YEƁ ZAPEE 15: MUAR
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
YEƁ ZAPEE 15
15
Tai yaŋ Jerusalem
1Za ki urra gin sǝr Yudea ge yaŋ Antiokia, tǝŋ cuura fan nyi za ma iŋ ah faara: We daakan tǝgbana ɓǝ lai Mosus mo faa ɓo ya ɓe, we ka ǝ̃ǝ ya.#Lew 12:3 2Paulus ne Barnabas liira ɓǝ ahe, so syera syel ne ra tǝ ɓǝ ah pǝlli. So eklesia zyeɓra ɓǝ ka pee Paulus ne Barnabas ne za ki kǝsyil ɓǝǝ ka ga Jerusalem mor ka faa ɓǝ ah ne zapee tǝkine zaluu eklesia mo gŋ.
3Ne cok eklesia mo nyira fahlii nyi ra kalra, pǝ̃ǝra sǝr Fǝnikia ne Samaria, a keera ɓǝ mai za mai mo ye ka Yahuduen a mo nyiŋra ɓǝ Masǝŋ ɓo ga ne ko, ɓǝ ah 'nyah suu wee pam ne lii ɓǝǝ daŋ pǝlli. 4Ne cok mo ge daira Jerusalem, eklesia ne zapee tǝkine zaluu daŋ nyiŋra ra, so keera ɓǝ yeɓ mai Masǝŋ mo joŋ ne ra daŋ nyi ra. 5Amma za ki kǝsyil za ma syeera mor ɓǝ Farisien mai mo nyiŋra ɓǝ Yesu ɓo urra faa: Sai za mai ye ka Yahuduen a mo nyiŋra ɓo daŋ mo daara kanne, ka na so faa nyi ra mo syeera mor ɓǝ lai Mosus daŋ.
6Zapee ne zaluu eklesia taira ka ẽe ɓǝ ahe. 7Fahfal mo faara ɓǝ tǝ ɓǝ ah liilii, Petar so ur sǝŋ faa: Wee pa ɓe, we tǝ ɓe, Masǝŋ nǝǝ me ɓo kǝsyil ɓii daga ɓaaɓe mor ka me cuu Ɓǝ'nyah ah nyi za mai mo ye ka Yahuduen a, ka mo laara ka mo nyiŋra.#Yeɓ 10:1-43 8Masǝŋ mai mo tǝ zahzyil za ɓo daŋ ako ye cuu zye nyiŋ ra ɓe ne mai mo pee Tǝ'yak Matǝdaŋdaŋ ge tǝ ɓǝǝ tǝgbana mo pee ge tǝ man ta.#Yeɓ 2:4; 10:44 9Masǝŋ joŋ na ɓo ka cam ne ra ya, rwah faɓe' ɓǝǝ ge lalle, mor nyiŋra ɓǝ ah ɓe. 10So zǝzǝ̃ǝko, we 'yah lii Masǝŋ ne kan faswaa mayǝk ah mai pa man lii ra ne suu syak man daŋ na ka gak ɓaŋ laŋ ya ga tǝ za ma iŋ ah mor fẽene? 11Amma ana nyiŋ ɓo, na ǝ̃ǝ ɓo mor gboŋgboŋ Dǝɓlii Yesu Kristu tǝgbana ra ta.
12Za mai mo pǝ cok tai daŋ yeara zah tǝɗum tǝɗum, laara ɓǝ faa Barnabas ne Paulus mo tǝ keera ɓǝ yeɓ matǝ gǝriŋ ah ne dǝǝbǝǝri mai Masǝŋ mo joŋ ne ra kǝsyil za mai mo ye ka Yahuduen a daŋ. 13Ne cok mo ira zah ɓǝ faa ɓǝǝra, Yakub nyiŋ ɓǝ faa: Wee pa ɓe, we laa ɓǝ faa ɓe. 14Simon kee ɓǝ yeɓ mai Masǝŋ mo joŋ kǝsyil za mai mo ye ka Yahuduen a daga tǝtǝŋ ah mor ka syen za kǝsyil ɓǝǝ ka mo ciŋra zan ahe. 15Ɓǝ faa profetoen laŋ a nai ta, mor ɗerewol faa:
16Dǝɓlii faa: Fahfal ah me ga ge,
Me ga vuu yaŋ David mai mo lee ge ɓo sǝŋ,
Me ga ur gboŋ ah ra,
Me ga zyeɓ uu pǝsãhe,#Am 9:11-12
17Mor ka tǝcoŋ za ki daŋ mo kyeɓra Dǝɓlii,
Za gwǝǝ mai me ɗii ra ɓo daŋ ka mo ciŋra za ɓe.
18Dǝɓlii mai mo tǝ ɓǝ fan ah ra ɓo daga ɓaaɓe,
So faa laŋ ɓǝ ah ta.
19So Yakuɓ faa: Mor ah me foo, na kyeɓ ɓǝ magaɓ ah rǝk ge tǝ za mai mo ye ka Yahuduen a mo nyiŋra ɓǝ Masǝŋ ɓo ka. 20Amma na ŋwǝǝ leetǝr wo ɓǝǝ na faa nyi ra mo rera nǝǝ ma ne 'nahm ah ma joŋ syiŋ wo masǝŋ ki ra ka, mo byakra suu ɓǝǝ wo ɓǝ joŋ ɓǝǝre, mo rera nǝǝ mai fan mo kokõo ɓo ka, mo rera syim ka.#Pǝ̃ǝ 34:15-17; Lew 17:10-16; 18:6-23 21Mor daga ne cok zah'nan ma kǝpel ɓaaɓe, za ma cuura ɓǝ lai Mosus no yaŋ vaŋno vaŋno daŋ, a keera ɓǝ ah pǝ yaŋ kee ɓǝ Masǝŋ ne com 'yak daŋ.
Peera leetǝr ge wo eklesia mai mo ye ka yahuduen a
22So zapee ne zaluu eklesia, ne eklesia daŋ, zyeɓra ɓǝ ka syen za ki kǝsyil ɓǝǝ ka pee ra ga yaŋ Antiokia ne Paulus ne Barnabas. Nǝǝra Yudas ma ɗii ne Barsabas tǝkine Silas, ara ye za ma ne tǝɗii kǝsyil wee pamme. 23Ŋwǝǝra leetǝr peera ne jol ɓǝǝ naiko:
Aru ye wee pa ɓii zapee ne zaluu eklesia, ru haozah wo wee pa ɓuu mai ara ye mo ka morsǝ̃ǝ Yahuduen a mo kaara ɓo yaŋ Antiokia, ne sǝr Siria, ne sǝr Kilikia daŋ. 24Ru laa za ki urra ɓo wo ɓuu ge ɓo wo ɓiiri, so tǝ kiŋra tǝtǝl nyi we ne ɓǝ faa ɓǝǝ a joŋra we swaa ɓǝ, aru ye ka pee ra ge ɓo ne ɓǝ ah ya. 25Mor ah ru daŋ ru gbǝ zah vaŋno ka syen za ka pee ra ga wo ɓiiri, ka mo gera ne za 'yah ɓuu Barnabas ne Paulus. 26Ara ye za mai mo nyira cee suu ɓǝǝ ɓo mor yeɓ Dǝɓlii Yesu Kristu. 27Ru pee Yudas ne Silas ka mo ge faara ɓǝ mai ru ŋwǝǝ ɓo nyi we ne suu ɓǝǝ ta. 28Mor Tǝ'yak Matǝdaŋdaŋ tǝkine ru, ru gbǝ zah vaŋno ka ru rǝk faswaa mayǝk ah tǝ ɓii ka, sai ɓǝ mai to: 29We re nǝǝ ma joŋ syiŋ wo masǝŋ ki ra ka, we re syim ka, we re nǝǝ fan mai fan mo kokõo ɓo ka, we byak suu ɓii wo ɓǝ ɓǝǝre. We tǝ byak suu ɓii wo fan marai ɓe, ka we tǝ joŋ pǝsãhe. We kaa jam o la.
30Peera zapee kalra o, ge daira yaŋ Antiokia. Taira za eklesia daŋ so nyira leetǝr nyi ra. 31Ne cok mo keera leetǝr ahe, za daŋ laara pǝ'nyahre, mor ɓǝ ah ge swaa zahzyil nyi ra. 32Yudas ne Silas mai mo gera ɓo gŋ ne suu ɓǝǝ ara ye profetoen, so faara ɓǝ nyi wee pam liilii, laira ra ne ɓǝ camcam, swaara zahzyil nyi ra. 33Fahfal mo nǝnra gŋ nje, wee pam so nyira fahlii nyi ra ne ɓǝ 'nyahre, ka mo pii soora ge wo za mai mo peera ra ge. [34Amma Silas so laa pǝ'nyah ka kaa mǝ ah gŋ.]
35Paulus ne Barnabas kaara yaŋ Antiokia, tǝkine za manyeeki ah ra pǝlli, a cuura fan tǝkine faa ɓǝ Dǝɓlii nyi zana.
Paulus woŋra ki ne Barnabas
36Fahfal ah nje, Paulus faa nyi Barnabas: Na pii soo ka na kyãh foo wee pa man yaŋ mai daŋ na cuu ɓǝ Dǝɓlii gŋ ɗah ara ɗǝne? 37Barnabas 'yah ka ɓaŋ Yohana ma ɗii ne Markus ka mo geko ne ra. 38Amma Paulus foo ka pǝsãh ka ɓaŋ ko ga ne ya, mor zol soɓ ra sǝr Pamfilia taa ɗǝ, vǝr yeɓ ne ra ya.#Yeɓ 13:13 39So bal ge tǝgǝǝ ɓǝǝ ne ɓǝ ah ŋhaa woŋra ki. Barnabas ɓaŋ Markus yee dah ne ki ka ga sǝr Kiprus. 40Paulus nǝǝ Silas ur ne ki, so wee pam soɓ ra jol Dǝɓlii, so kalra o. 41Pǝ̃ǝra ge sǝr Siria ne Kilikia, swaa eklesia camcam ge ne ko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.