Mbalo 25
25
Baiziraela ku Peori
1Kukati Baiziraela batjigele mu Shitimu balume bakatangisa kuthama bufukula ne bakololokadzi be Moabu. 2Bakadzi ibaba bakakokela Baiziraela ku mishingo ye kupisa zwibhayilo ne kunamata midzimu yabo ye Moabu. Ngono Baiziraela bakaja bakabuya bakanamata midzimu ye Moabu. 3Ndizo Baiziraela bakazwibhatshanya na Bhaale we Peori. Ngono Yahwe bakazhala bushongola kwazo ngekwe Iziraela. 4Yahwe bakadwa Mushe bakati, “Tola batungamili bose be Iziraela ubabulaye nge kubalembeledza mbeli kwa Yahwe kuli masikati, kuti bushongola gwa Yahwe gushanduke gudwe mu Iziraela.” 5Ngono Mushe kadwa basumikilisi be Iziraela kati, “Mmwe ne mmwe wenyu abulaye bathu babe bose bakazwibhatshanya na Bhaale we Peori.”
6Ngono bonani, mmwe nlume we Iziraela kazha ne nkadzi we Midiyani kangina naye mu nshasha uwe, Mushe ne gubungano lose le Iziraela bakalinga. Baiziraela bakabe batjalila bali pa nkoba we nshasha wa Yahwe we bushanganilo. 7Kukati Finihasi nkololo wa Eleazari, mwana we mwana we mpirisiti Aroni ebona ikoku, kamilika mu gubungano akabhata thumo, 8kanginilila nlume uwoyo ne nkadzi mukati kwe nshasha, kababhaya bose ngethumo kang'ompela. Ndiyo zila yakamisa tjiga tjakabe tjishingikala mu bathu be Iziraela. 9Nenguba kwakajalo, bathu bakabe bafa kale nge tjiga bakabe bali zwiwulu zwili makumi mabili ana banna (24 000).
10Ngono Yahwe bakadwa Mushe bakati, 11“Finihasi nkololo wa Eleazari nkololo we mpirisiti Aroni, wapodza moyo wangu mu bushongola gwandabe ndili igo mu bathu be Iziraela nge kumusa meya kungapa pakati kwabo nge kwangu mu kunamata kwabo mindzimu ipoga kuzhe kwangu ndizo ndisalobesa Baiziraela ngekwe fupa langu. 12Ndizo ubudze Finihasi uti, ‘Bona, ndothama tjidumano tje mbakiso naye. 13Tjowobe tjidumano tjitje ne zwizekugwana zwizwe zwinowozha. Tjidumano tje bupirisiti nge kusingapele, ngobe wathamila fupa Baiziraela ebathamila fupa ngekwe Ndzimu uwe. Kabe ethamila bathu be Iziraela gadzano na Yahwe.’ ”
14Nlume we Iziraela wakabulawa ana nkadzi we Midiyani zina lile lakabe liyi Zimiri nkololo wa Salu nsholo we nsha wa tate babe mu ludzi gwa Simiyoni. 15Zina la iwoyo we Midiyani liyi Khozibhi nkololokadzi wa Zuri, wakabe ali nsholo we nsha wa tate babe mu Midiyani.
16Yahwe bakadwa Mushe bakati, 17“Udziyidze Bamidiyani ubalobese, 18Ngobe bakamudziyidza nge bupitipiti gwabo kamutjebela mu mija ye Peori. Ne mu nshingo we lufu gwe hazwadzi yabo Khozibhi nkololokadzi we ntungamili we Midiyani, wakabulawa mu zhuba le tjiga tjakashingikala nge mija ye Peori.”
Currently Selected:
Mbalo 25: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Mbalo 25
25
Baiziraela ku Peori
1Kukati Baiziraela batjigele mu Shitimu balume bakatangisa kuthama bufukula ne bakololokadzi be Moabu. 2Bakadzi ibaba bakakokela Baiziraela ku mishingo ye kupisa zwibhayilo ne kunamata midzimu yabo ye Moabu. Ngono Baiziraela bakaja bakabuya bakanamata midzimu ye Moabu. 3Ndizo Baiziraela bakazwibhatshanya na Bhaale we Peori. Ngono Yahwe bakazhala bushongola kwazo ngekwe Iziraela. 4Yahwe bakadwa Mushe bakati, “Tola batungamili bose be Iziraela ubabulaye nge kubalembeledza mbeli kwa Yahwe kuli masikati, kuti bushongola gwa Yahwe gushanduke gudwe mu Iziraela.” 5Ngono Mushe kadwa basumikilisi be Iziraela kati, “Mmwe ne mmwe wenyu abulaye bathu babe bose bakazwibhatshanya na Bhaale we Peori.”
6Ngono bonani, mmwe nlume we Iziraela kazha ne nkadzi we Midiyani kangina naye mu nshasha uwe, Mushe ne gubungano lose le Iziraela bakalinga. Baiziraela bakabe batjalila bali pa nkoba we nshasha wa Yahwe we bushanganilo. 7Kukati Finihasi nkololo wa Eleazari, mwana we mwana we mpirisiti Aroni ebona ikoku, kamilika mu gubungano akabhata thumo, 8kanginilila nlume uwoyo ne nkadzi mukati kwe nshasha, kababhaya bose ngethumo kang'ompela. Ndiyo zila yakamisa tjiga tjakabe tjishingikala mu bathu be Iziraela. 9Nenguba kwakajalo, bathu bakabe bafa kale nge tjiga bakabe bali zwiwulu zwili makumi mabili ana banna (24 000).
10Ngono Yahwe bakadwa Mushe bakati, 11“Finihasi nkololo wa Eleazari nkololo we mpirisiti Aroni, wapodza moyo wangu mu bushongola gwandabe ndili igo mu bathu be Iziraela nge kumusa meya kungapa pakati kwabo nge kwangu mu kunamata kwabo mindzimu ipoga kuzhe kwangu ndizo ndisalobesa Baiziraela ngekwe fupa langu. 12Ndizo ubudze Finihasi uti, ‘Bona, ndothama tjidumano tje mbakiso naye. 13Tjowobe tjidumano tjitje ne zwizekugwana zwizwe zwinowozha. Tjidumano tje bupirisiti nge kusingapele, ngobe wathamila fupa Baiziraela ebathamila fupa ngekwe Ndzimu uwe. Kabe ethamila bathu be Iziraela gadzano na Yahwe.’ ”
14Nlume we Iziraela wakabulawa ana nkadzi we Midiyani zina lile lakabe liyi Zimiri nkololo wa Salu nsholo we nsha wa tate babe mu ludzi gwa Simiyoni. 15Zina la iwoyo we Midiyani liyi Khozibhi nkololokadzi wa Zuri, wakabe ali nsholo we nsha wa tate babe mu Midiyani.
16Yahwe bakadwa Mushe bakati, 17“Udziyidze Bamidiyani ubalobese, 18Ngobe bakamudziyidza nge bupitipiti gwabo kamutjebela mu mija ye Peori. Ne mu nshingo we lufu gwe hazwadzi yabo Khozibhi nkololokadzi we ntungamili we Midiyani, wakabulawa mu zhuba le tjiga tjakashingikala nge mija ye Peori.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.