Matewu 9
9
Jesu unopodza nthu wakalobgwa nge gulukadzi
(Mako 2:1-12; Luke 5:17-26)
1Jesu wakangina mu n'goro kabgwilila seli ku nzi wa kanyi kwabo. 2Ngono bathu bakazhisa nlume kunli wakalobgwa nge gulukadzi akasengwa nge thobo. Jesu kati ebona kugalamoyo kwabo, kati kuna wakalobgwa nge gulukadzi, “Simamoyo, nkololo wangu, ndakuzwiibhatigwa matjinyo awo.”
3Ipapo bamwe be badiyi be nlayo bakati behwa ikoku bakalebesana beti, “Nlume iwoyu unotuka Ndzimu!”
4Nge kuziba mikumbulo yabo, Jesu kati ku bali, “Ini mukumbula mikumbulo yakabipa mu mimoyo yenyu? 5Ndikupi kulelu kuti, ‘Matjinyo awo waazwiibhatigwa,’ kene kuti, ‘Milika uyende?’ 6Ngono kuti ndizo muzibe kuti iye Nkololo we Nthu una ndaulo mu shango ye kuzwiibhatigwa matjinyo.” Ndizo ipapo kati kuna wakalobgwa nge gulukadzi, “Milika, tola thobo iyo uyende kanyi.”
7Ndizo kamilika kayenda kanyi kwabo. 8Kukati mbunga we bathu ubona ikoku, ukabe ne kutja, ukakudza Ndzimu, iwo wakapa bathu ndaulo yakajali.
Jesu unodana Matewu
(Mako 2:13-17; Luke 5:27-32)
9Jesu kadwa paakabe alipo kayenda ngono kabona nlume unoyi Matewu ali gele pa bugalo gwe bakhethisi. Jesu kati kunli, “Unditobele.”
Ndizo Matewu kamilika kantobela.
10 #
Luke 15:1, 2 Jesu kati atjimu ng'umba ya Matewu eja, bakhethisi ne batjinyi* banjinji bakazha bakaja naye ne badiyiwa babe. 11Bafarasi bakati bebona ikoku bakabhuzwa badiyiwa ba Jesu beti, “Ini n'diyi wenyu eja ne bakhethisi ne batjinyi kene?”
12Jesu kati ehwa ikoku kati, “Ate bathu banomuka zubuyanana banoshaka ng'anga koga bagwele ndibo banoshaka ng'anga. 13#Matewu 12:7; Hoseya 6:6Ndizo yendani munozwidiya kuti oku kodwani, ‘Ndoshaka mahwilo ngoni, kusi tjibhayilo.’ Andizozha kuwodana balulwami, koga ndakazha kuwodana batjinyi.”
Bhuzo ngekwe kuzwinyima zojiwa
(Mako 2:18-22; Luke 5:33-39)
14Ipapo badiyiwa ba Johani bakazha kuna Jesu bakambhuzwa bakati, “Ini iswi ne Bafarasi tizwinyima zojiwa, koga badiyiwa babo basingazwinyime izo?”
15Jesu kabashandula nge bhuzo eti, “Apa bathu bakokiwa ndobolo bangalila nkwasha atji nabo tjini? Koga misi inowozha ye kuti batolegwe nkwasha, ipapo ndiko kwabanowozwinyima zojiwa.”
16Akuna unolonga nguli tshwa mu tjiambalo tjikulukugwi, ngobe nguli tshwa inowobuya ngono ikashweshwana, ndizo kupaluka kukapindilila. 17Akuna nthu unodila nkumbi ntshwa mu makukhwa makulukugwi. Ha angadila, makukhwa anowophutuka, nkumbi ukatebuka, ngono makukhwa katjinyika. Nkumbi ntshwa unodigwa mu makukhwa matshwa, ngono kose kukatjengeteka.
Nfi ne N'gwele
(Mako 5:21-43; Luke 8:40-56)
18Kati atjaleba ikoku nabo, kukazha ntungamili we nzi kathigama mbeli kukwe kati, “Nkololokadzi wangu wafa sangwenu. Ngono izha umbige maboko awo ndizo unowotjila.”
19Jesu kamilika kantobela ne badiyiwa babe.
20Ipapo nkadzi wakabe ana makole ali gumi lina mabili egwala e bhizha malopa, kazha shule kukwe kabhata lupeto gwe tjiambalo tjitje. 21Ngono nkadzi kati mu nkumbulo uwe, “Ha ndingakutha tjiambalo tjitje koga, ndowopola.”
22Jesu katjebuka, kambona ngono kati kunli, “Sima nkololokadzi wangu, kugalamoyo kuko kwakupodza.” Ipapo nkadzi iwoyo kapola.
23Jesu kati engina mu ng'umba ye nlauli ebona balidzi be nyele ne mbunga we bathu upoyongana, 24kati ku bali, “Idwani ipapa. Mwanadi aazofa ulele.” Koga bakanseka mahanya. 25Mbunga we bathu wakati wadusigwa kuzhe, kangina mukati kambhata nge luboko, ngono mwanadi kamilika. 26Thawu dza ikoku dzikaandama nge ntuthu iwoyo wose.
Jesu unopodza mapofu mabili
27Jesu kati edwa ipapo balume babili be mapofu bakantobela bedanilila beti, “Utihwile ngoni Nkololo wa Dafite!”
28Kati engina mu ng'umba, balume ibabo be mapofu bakazha kunli, ngono kababhuzwa kati, “Mogalamoyo kene kuti ndingakuyita ikoku?”
Bakadabila beti “Ee, She.”
29Ipapo kabhata mesho abo eti, “Nge kugalamoyo kwenyu ngakuyitikale mu muli.” 30Mesho abo kapofunuka. Jesu kakowomedza eti, “Mubone kuti akuna waziba ngekwa ikoku.”
31Koga bakabhuda bakaandamisa tjilumbi tjitje mu ntuthu iwoyo wose.
Jesu unopodza mbebebe ina meya mbi
32Bakati batjayenda, mmwe nlume we mbebebe wakabe akasungwa nge meya mibi, kazhisiwa kuna Jesu. 33Ngono kukati meya mbi wadusiwa, nlume iwoyo we mbebebe kalebeleka. Mbunga we bathu ukakaabala ukati, “Akuna tjinonga itjetji tjakatongo bong'wa mu Iziraela.”
34 #
Matewu 10:25; 12:24; Mako 3:22; Luke 11:15 Koga Bafarasi bakati, “Unodusa meya mibi eshingisa she we meya mibi.”
Jesu unohwila bathu zogwadza
35 #
Matewu 4:23; Mako 1:39; Luke 4:44 Jesu kapalama mizi yose ne mizana ediya mu ng'umba dzabo dze mitembezelo esumikila ndebo mbuya ye bushe gwe kudzimu kakale epodza njigwele dzose ne buworoworo gose. 36#Mbalo 27:17; 1 Bomambo 22:17; 2 Zwiyitikalo 18:16; Ezekiele 34:5; Mako 6:34Kati ebona mibunga ye bathu kabahwila zogwadza, ngobe bakabe bedziyidzika basina bhatsho, benga pkhwizi dzisina nlisi. 37#Luke 10:2Ipapo kati ku badiyiwa babe, “Kuvuna kukulu kulu koga bavuni bashomanana. 38Ndizo kumbilani kuti She we ndimo atumile bavuni ku nnda uwe.”
Currently Selected:
Matewu 9: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Matewu 9
9
Jesu unopodza nthu wakalobgwa nge gulukadzi
(Mako 2:1-12; Luke 5:17-26)
1Jesu wakangina mu n'goro kabgwilila seli ku nzi wa kanyi kwabo. 2Ngono bathu bakazhisa nlume kunli wakalobgwa nge gulukadzi akasengwa nge thobo. Jesu kati ebona kugalamoyo kwabo, kati kuna wakalobgwa nge gulukadzi, “Simamoyo, nkololo wangu, ndakuzwiibhatigwa matjinyo awo.”
3Ipapo bamwe be badiyi be nlayo bakati behwa ikoku bakalebesana beti, “Nlume iwoyu unotuka Ndzimu!”
4Nge kuziba mikumbulo yabo, Jesu kati ku bali, “Ini mukumbula mikumbulo yakabipa mu mimoyo yenyu? 5Ndikupi kulelu kuti, ‘Matjinyo awo waazwiibhatigwa,’ kene kuti, ‘Milika uyende?’ 6Ngono kuti ndizo muzibe kuti iye Nkololo we Nthu una ndaulo mu shango ye kuzwiibhatigwa matjinyo.” Ndizo ipapo kati kuna wakalobgwa nge gulukadzi, “Milika, tola thobo iyo uyende kanyi.”
7Ndizo kamilika kayenda kanyi kwabo. 8Kukati mbunga we bathu ubona ikoku, ukabe ne kutja, ukakudza Ndzimu, iwo wakapa bathu ndaulo yakajali.
Jesu unodana Matewu
(Mako 2:13-17; Luke 5:27-32)
9Jesu kadwa paakabe alipo kayenda ngono kabona nlume unoyi Matewu ali gele pa bugalo gwe bakhethisi. Jesu kati kunli, “Unditobele.”
Ndizo Matewu kamilika kantobela.
10 #
Luke 15:1, 2 Jesu kati atjimu ng'umba ya Matewu eja, bakhethisi ne batjinyi* banjinji bakazha bakaja naye ne badiyiwa babe. 11Bafarasi bakati bebona ikoku bakabhuzwa badiyiwa ba Jesu beti, “Ini n'diyi wenyu eja ne bakhethisi ne batjinyi kene?”
12Jesu kati ehwa ikoku kati, “Ate bathu banomuka zubuyanana banoshaka ng'anga koga bagwele ndibo banoshaka ng'anga. 13#Matewu 12:7; Hoseya 6:6Ndizo yendani munozwidiya kuti oku kodwani, ‘Ndoshaka mahwilo ngoni, kusi tjibhayilo.’ Andizozha kuwodana balulwami, koga ndakazha kuwodana batjinyi.”
Bhuzo ngekwe kuzwinyima zojiwa
(Mako 2:18-22; Luke 5:33-39)
14Ipapo badiyiwa ba Johani bakazha kuna Jesu bakambhuzwa bakati, “Ini iswi ne Bafarasi tizwinyima zojiwa, koga badiyiwa babo basingazwinyime izo?”
15Jesu kabashandula nge bhuzo eti, “Apa bathu bakokiwa ndobolo bangalila nkwasha atji nabo tjini? Koga misi inowozha ye kuti batolegwe nkwasha, ipapo ndiko kwabanowozwinyima zojiwa.”
16Akuna unolonga nguli tshwa mu tjiambalo tjikulukugwi, ngobe nguli tshwa inowobuya ngono ikashweshwana, ndizo kupaluka kukapindilila. 17Akuna nthu unodila nkumbi ntshwa mu makukhwa makulukugwi. Ha angadila, makukhwa anowophutuka, nkumbi ukatebuka, ngono makukhwa katjinyika. Nkumbi ntshwa unodigwa mu makukhwa matshwa, ngono kose kukatjengeteka.
Nfi ne N'gwele
(Mako 5:21-43; Luke 8:40-56)
18Kati atjaleba ikoku nabo, kukazha ntungamili we nzi kathigama mbeli kukwe kati, “Nkololokadzi wangu wafa sangwenu. Ngono izha umbige maboko awo ndizo unowotjila.”
19Jesu kamilika kantobela ne badiyiwa babe.
20Ipapo nkadzi wakabe ana makole ali gumi lina mabili egwala e bhizha malopa, kazha shule kukwe kabhata lupeto gwe tjiambalo tjitje. 21Ngono nkadzi kati mu nkumbulo uwe, “Ha ndingakutha tjiambalo tjitje koga, ndowopola.”
22Jesu katjebuka, kambona ngono kati kunli, “Sima nkololokadzi wangu, kugalamoyo kuko kwakupodza.” Ipapo nkadzi iwoyo kapola.
23Jesu kati engina mu ng'umba ye nlauli ebona balidzi be nyele ne mbunga we bathu upoyongana, 24kati ku bali, “Idwani ipapa. Mwanadi aazofa ulele.” Koga bakanseka mahanya. 25Mbunga we bathu wakati wadusigwa kuzhe, kangina mukati kambhata nge luboko, ngono mwanadi kamilika. 26Thawu dza ikoku dzikaandama nge ntuthu iwoyo wose.
Jesu unopodza mapofu mabili
27Jesu kati edwa ipapo balume babili be mapofu bakantobela bedanilila beti, “Utihwile ngoni Nkololo wa Dafite!”
28Kati engina mu ng'umba, balume ibabo be mapofu bakazha kunli, ngono kababhuzwa kati, “Mogalamoyo kene kuti ndingakuyita ikoku?”
Bakadabila beti “Ee, She.”
29Ipapo kabhata mesho abo eti, “Nge kugalamoyo kwenyu ngakuyitikale mu muli.” 30Mesho abo kapofunuka. Jesu kakowomedza eti, “Mubone kuti akuna waziba ngekwa ikoku.”
31Koga bakabhuda bakaandamisa tjilumbi tjitje mu ntuthu iwoyo wose.
Jesu unopodza mbebebe ina meya mbi
32Bakati batjayenda, mmwe nlume we mbebebe wakabe akasungwa nge meya mibi, kazhisiwa kuna Jesu. 33Ngono kukati meya mbi wadusiwa, nlume iwoyo we mbebebe kalebeleka. Mbunga we bathu ukakaabala ukati, “Akuna tjinonga itjetji tjakatongo bong'wa mu Iziraela.”
34 #
Matewu 10:25; 12:24; Mako 3:22; Luke 11:15 Koga Bafarasi bakati, “Unodusa meya mibi eshingisa she we meya mibi.”
Jesu unohwila bathu zogwadza
35 #
Matewu 4:23; Mako 1:39; Luke 4:44 Jesu kapalama mizi yose ne mizana ediya mu ng'umba dzabo dze mitembezelo esumikila ndebo mbuya ye bushe gwe kudzimu kakale epodza njigwele dzose ne buworoworo gose. 36#Mbalo 27:17; 1 Bomambo 22:17; 2 Zwiyitikalo 18:16; Ezekiele 34:5; Mako 6:34Kati ebona mibunga ye bathu kabahwila zogwadza, ngobe bakabe bedziyidzika basina bhatsho, benga pkhwizi dzisina nlisi. 37#Luke 10:2Ipapo kati ku badiyiwa babe, “Kuvuna kukulu kulu koga bavuni bashomanana. 38Ndizo kumbilani kuti She we ndimo atumile bavuni ku nnda uwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.