Matewu 15
15
Tjenapala ne Temapala
(Mako 7:1-13)
1Ipapo Bafarasi ne badiyi be nlayo bakazha kuna Jesu bedwa ku Jerusalema, ngono bakambhuzwa beti, 2“Ini badiyiwa babo betjuluka tjilenje tja bobatategulu kene? Abatongula maboko abo ha beja!”
3Jesu kabashandula nge bhuzo eti, “Ini tjilenje tjenyu tjithama kuti mutjuluke nlayo we Ndzimu? 4#Kufuluka 20:12; Matama 5:16; Kufuluka 21:17; Zwipo 20:9Ndzimu wakati, ‘Kudza tate babo na mmeyabo,’ kakale, ‘Iye unoleba bubi ngekwa tate babe na mmeyabe, nge malebeswa ngaabulawe.’ 5Koga imwi moti, ‘Ha nthu angati kuna tate babe kene mmeyabe, bhatsho yamabe mungawana mundili yatjibe tjipo tjapiwa Ndzimu, 6aazotjafanila kudza tate babe.’ Ndizo molandulila dama le Ndzimu tjilenje tjenyu. 7Mapitipiti ndimwi! Isaya wakabe elebesa ha elebelambeli nge kwenyu eti,
8 #
Isaya 29:13
“ ‘Bathu ibaba banondilumbidza nge nlomo koga,
koga mimoyo yabo ikule nami.
9Banondithigamilila suli,
ngobe banodiya milayo ye bathu se banodiya nlayo wangu.’ ”
Zwithu zwinothama kuti nthu atemapale
(Mako 7:14-23)
10Jesu kadanila mbunga we bathu kunli kati, “Mundibhulutane muhwisise. 11Tjinongina mu nlomo we nthu ate itjo tjinonthama kuti asibe mbuyanana kwaangasanamata Ndzimu, koga tjinobhuda nge nlomo, itjetjo nditjo tjinonthama kuti atemapale.”
12Ipapo badiyiwa bakazha kunli bakambhuzwa beti, “Apa unoziba kuti Bafarasi bakuthika behwa ndebo iyeyi kene?”
13Kashandula eti, “Mmwe ne mmwe nti usakadzwagwa ndi Tate bangu ba kudzimu unowodzikunugwa. 14#Luke 6:39Mubaletje, mapofu e batungamili. Ha bhofu likweba bhofu limwe, wose anowila mu gomba.”
15Koga Pita kati kunli, “Utitjenesele tjifaniso itjetji.”
16Jesu kabe eti, “Apa namwibo amuthu mukabe ne kuhwisisa zwenyu kene? 17Amutobona kuti tjinongina mu nlomo tjongina mu ntumbu kudwa ipapo tjibhuda mu mbili kene? 18#Matewu 12:34Koga tjinodwa mu nlomo tjodwa mu moyo, ngono nditjo tjinothama kuti nthu atemapale. 19Ngobe mu moyo kobhuda mikumbulo mibi, kubulaya ne bupombgwe ne kuwalilana ngubo kuzhe kwe ndobolo ne bubava ne manyepkhwa ne kutjinya bamwe mazina. 20Ezwi ndizo zwinoyita nthu kasibe mbuyanana. Koga kuja nge maboko asakangugwa akutoyita nthu kuti asibe mbuyanana.”
Kugalamoyo kwe nkadzi we Nkanana
(Mako 7:24-30)
21Jesu kabhudila ku ntuthu we Tire ne Sidoni. 22Ngono nkadzi we Nkanana, edwa mu ntuthu iwoyo kazha kunli elila eti, “She, Nkololo wa Dafite, mundihwile ngoni! Nkololokadzi wangu unodziyila kwazo wakasungwa nge meya mbi.”
23Jesu kasidabile. Ndizo badiyiwa babe bakazha kunli bakankumbila beti, “Untate, ngobe unodwilila koga etililila.”
24Kadabila eti, “Ndakatumwa ku pkhwizi dzakalashika dze Iziraela koga.”
25Nkadzi iwoyo kazha kathigama mbeli kukwe kati, “She, mundibhatshe!”
26Kadabila eti, “Akuzolulwama kuti zojiwa zwe bana zwitogwe zwiposegwe mbgwa.”
27Nkadzi iwoyo kati, “Ee, She, koga na idzo mbgwa dzoja mamburumburu anowa edwa mu tafuli ya tetshi wadzo.”
28Ipapo Jesu kanshandula eti, “Nkadzi, kukulu kugalamoyo kuko! Yemulo iyo yashingikala.” Ngono nkololokadzi uwe kapodziwa nge tjibaka itjetjo.
Jesu unopodza bathu bali banjinji
(Mako 7:31-37)
29Kudwa ipapo Jesu kayenda, kasupha nge gungwa gwe Galili. Wakatatha dombo kanogala pasi. 30Mibunga ye bathu mikulu ikazha kunli kuzhisa banoshudza ne mapofu ne zwilema zwakasiyana siyana ne mbebebe ne bamwe banjinji, bakababiga pa makumbo awe, ngono kabapodza. 31Bathu bose bakakaabala kwazo ha bebona mbebebe dzilebeleka ne zwilema zwipodziwa ne banoshudza beyenda ne mapofu epofunuka. Ngono bakakudza Ndzimu we Iziraela.
Jesu unopa zojiwa bathu bali zwiwulu zwinna (4 000)
(Mako 8:1-10)
32Jesu kadanila badiyiwa babe kunli kati, “Ndohwila zogwadza bathu ibaba, kwabe mazhuba matatu banami, ngono akuna tjabanoja. Anditoshaka kubapaladza bana zhala, ngobe banowokonegwa mu zila.”
33Badiyiwa bakati kunli, “Tingawana ngayi zwiwunga zwakalizana kujisa mbunga we bathu ungapa mu tjilambanyika itjetji kene?”
34Jesu kabhuzwa eti, “Muna zwiwunga zwingana?” Bakadabila beti, “Zwili tendeka ne hwobe shomanana tukununu.”
35Kadwa mbunga we bathu kuti ugale pasi. 36Ipapo katola zwiwunga seme dzili tendeka ne hwobe, kukati aboka, kazwipemula kazwipa badiyiwa, badiyiwa bakakobela mibunga ye bathu. 37Bose bakaja bakaguta. Kudwa ipapo badiyiwa bakanunga mamburumburu asala bakazhadza zwitundu zwili tendeka. 38Ipapo bakaja bakabe bali balume bali zwiwulu zwinna, kuzhe kwe bakadzi ne bana.
39Kukati Jesu apaladza mibunga ye bathu kangina mu n'goro kayenda pejo ne ntuthu we Magadani.
Currently Selected:
Matewu 15: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Matewu 15
15
Tjenapala ne Temapala
(Mako 7:1-13)
1Ipapo Bafarasi ne badiyi be nlayo bakazha kuna Jesu bedwa ku Jerusalema, ngono bakambhuzwa beti, 2“Ini badiyiwa babo betjuluka tjilenje tja bobatategulu kene? Abatongula maboko abo ha beja!”
3Jesu kabashandula nge bhuzo eti, “Ini tjilenje tjenyu tjithama kuti mutjuluke nlayo we Ndzimu? 4#Kufuluka 20:12; Matama 5:16; Kufuluka 21:17; Zwipo 20:9Ndzimu wakati, ‘Kudza tate babo na mmeyabo,’ kakale, ‘Iye unoleba bubi ngekwa tate babe na mmeyabe, nge malebeswa ngaabulawe.’ 5Koga imwi moti, ‘Ha nthu angati kuna tate babe kene mmeyabe, bhatsho yamabe mungawana mundili yatjibe tjipo tjapiwa Ndzimu, 6aazotjafanila kudza tate babe.’ Ndizo molandulila dama le Ndzimu tjilenje tjenyu. 7Mapitipiti ndimwi! Isaya wakabe elebesa ha elebelambeli nge kwenyu eti,
8 #
Isaya 29:13
“ ‘Bathu ibaba banondilumbidza nge nlomo koga,
koga mimoyo yabo ikule nami.
9Banondithigamilila suli,
ngobe banodiya milayo ye bathu se banodiya nlayo wangu.’ ”
Zwithu zwinothama kuti nthu atemapale
(Mako 7:14-23)
10Jesu kadanila mbunga we bathu kunli kati, “Mundibhulutane muhwisise. 11Tjinongina mu nlomo we nthu ate itjo tjinonthama kuti asibe mbuyanana kwaangasanamata Ndzimu, koga tjinobhuda nge nlomo, itjetjo nditjo tjinonthama kuti atemapale.”
12Ipapo badiyiwa bakazha kunli bakambhuzwa beti, “Apa unoziba kuti Bafarasi bakuthika behwa ndebo iyeyi kene?”
13Kashandula eti, “Mmwe ne mmwe nti usakadzwagwa ndi Tate bangu ba kudzimu unowodzikunugwa. 14#Luke 6:39Mubaletje, mapofu e batungamili. Ha bhofu likweba bhofu limwe, wose anowila mu gomba.”
15Koga Pita kati kunli, “Utitjenesele tjifaniso itjetji.”
16Jesu kabe eti, “Apa namwibo amuthu mukabe ne kuhwisisa zwenyu kene? 17Amutobona kuti tjinongina mu nlomo tjongina mu ntumbu kudwa ipapo tjibhuda mu mbili kene? 18#Matewu 12:34Koga tjinodwa mu nlomo tjodwa mu moyo, ngono nditjo tjinothama kuti nthu atemapale. 19Ngobe mu moyo kobhuda mikumbulo mibi, kubulaya ne bupombgwe ne kuwalilana ngubo kuzhe kwe ndobolo ne bubava ne manyepkhwa ne kutjinya bamwe mazina. 20Ezwi ndizo zwinoyita nthu kasibe mbuyanana. Koga kuja nge maboko asakangugwa akutoyita nthu kuti asibe mbuyanana.”
Kugalamoyo kwe nkadzi we Nkanana
(Mako 7:24-30)
21Jesu kabhudila ku ntuthu we Tire ne Sidoni. 22Ngono nkadzi we Nkanana, edwa mu ntuthu iwoyo kazha kunli elila eti, “She, Nkololo wa Dafite, mundihwile ngoni! Nkololokadzi wangu unodziyila kwazo wakasungwa nge meya mbi.”
23Jesu kasidabile. Ndizo badiyiwa babe bakazha kunli bakankumbila beti, “Untate, ngobe unodwilila koga etililila.”
24Kadabila eti, “Ndakatumwa ku pkhwizi dzakalashika dze Iziraela koga.”
25Nkadzi iwoyo kazha kathigama mbeli kukwe kati, “She, mundibhatshe!”
26Kadabila eti, “Akuzolulwama kuti zojiwa zwe bana zwitogwe zwiposegwe mbgwa.”
27Nkadzi iwoyo kati, “Ee, She, koga na idzo mbgwa dzoja mamburumburu anowa edwa mu tafuli ya tetshi wadzo.”
28Ipapo Jesu kanshandula eti, “Nkadzi, kukulu kugalamoyo kuko! Yemulo iyo yashingikala.” Ngono nkololokadzi uwe kapodziwa nge tjibaka itjetjo.
Jesu unopodza bathu bali banjinji
(Mako 7:31-37)
29Kudwa ipapo Jesu kayenda, kasupha nge gungwa gwe Galili. Wakatatha dombo kanogala pasi. 30Mibunga ye bathu mikulu ikazha kunli kuzhisa banoshudza ne mapofu ne zwilema zwakasiyana siyana ne mbebebe ne bamwe banjinji, bakababiga pa makumbo awe, ngono kabapodza. 31Bathu bose bakakaabala kwazo ha bebona mbebebe dzilebeleka ne zwilema zwipodziwa ne banoshudza beyenda ne mapofu epofunuka. Ngono bakakudza Ndzimu we Iziraela.
Jesu unopa zojiwa bathu bali zwiwulu zwinna (4 000)
(Mako 8:1-10)
32Jesu kadanila badiyiwa babe kunli kati, “Ndohwila zogwadza bathu ibaba, kwabe mazhuba matatu banami, ngono akuna tjabanoja. Anditoshaka kubapaladza bana zhala, ngobe banowokonegwa mu zila.”
33Badiyiwa bakati kunli, “Tingawana ngayi zwiwunga zwakalizana kujisa mbunga we bathu ungapa mu tjilambanyika itjetji kene?”
34Jesu kabhuzwa eti, “Muna zwiwunga zwingana?” Bakadabila beti, “Zwili tendeka ne hwobe shomanana tukununu.”
35Kadwa mbunga we bathu kuti ugale pasi. 36Ipapo katola zwiwunga seme dzili tendeka ne hwobe, kukati aboka, kazwipemula kazwipa badiyiwa, badiyiwa bakakobela mibunga ye bathu. 37Bose bakaja bakaguta. Kudwa ipapo badiyiwa bakanunga mamburumburu asala bakazhadza zwitundu zwili tendeka. 38Ipapo bakaja bakabe bali balume bali zwiwulu zwinna, kuzhe kwe bakadzi ne bana.
39Kukati Jesu apaladza mibunga ye bathu kangina mu n'goro kayenda pejo ne ntuthu we Magadani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.