Matewu 13
13
Tjifaniso tje ndzwali
(Mako 4:1-9; Luke 8:4-8)
1Mu zhuba ilelo zwalo Jesu wakabhuda mu ng'umba kanogala pa gungwa. 2#Luke 5:1-3Mibunga ye bathu ikankubunganila, kadzina kangina mu n'goro kagala muuli, bathu bose bali mile mu phili ye gungwa. 3Ipapo wakababudza zwithu zwinjinji nge zwifaniso eti,
“Ndzwali wakabhuda enodzwala. 4Ngono kati edzwala, imwe mbewu ikawila mu zijana, ngono nyuni dzikazha dzikaija. 5Imwe ikawila mu lushale, ngono ikashaya mavu akalizanila. Yakatjimbidza kumela, ngobe kwakabe kusina mavu manjinji akaivukidza. 6Koga kukati zhuba libhuda, mmela ukatshwa ngono ukawoma, ngobe usina midzi. 7Imwe mbewu ikawila pakati kwe mihwa, ngono mihwa ukakula ukadzipa mmela. 8Kakale imwe mbewu ikawila mu mavu mabuya ikazwala zwizwalo zwinopinda zwakadzwagwa ka zana (100), imwe kuli makumi matathatu (60), imwe kuli makumi matatu (30). 9Iye una zebe, ngaahwe.”
Nshingo we zwifaniso
(Mako 4:10-12; Luke 8:9-10)
10Badiyiwa babe bakazha kunli bakambhuzwa beti, “Ini ulebeleka ne bathu ibaba nge zwifaniso kene?”
11Kabashandula eti, “Zibo ye masazibgwe e bushe gwe kudzimu yakapiwa imwi koga ibo abazoipiwa. 12#Matewu 25:29; Mako 4:25; Luke 8:18; 19:26Iye unohwa unowopiwa kuhwisisa, ndizo unowohwisisa nge buzhalo, koga iye usingahwe ne tjitukununu tjaanohwisisa unowotjitolegwa. 13Ndizo ndilebeleka nabo nge zwifaniso, ngobe ne bakalinga abatobona ne bakahwilila abatohwa kakale abatohwisisa. 14#Isaya 6:9, 10Nge kwabo, kowoshingikala tjakalebgwa nge nlebesambeli Isaya eti,
“ ‘Nge malebeswa mowohwa koga musingahwisise;
nge malebeswa mowobona koga musingabonesese,
15ngobe mimoyo ye bathu ibaba yakakukutala,
ne zebe dzabo dzolema kuhwa,
kakale bakazwimba mesho abo.
Ha babe bangabona nge mesho abo,
bakahwa nge zebe dzabo,
bakahwisisa nge mimoyo yabo,
bakashandukila kundili, ndabe ndingabapodza.’
16 #
Luke 10:23, 24 “Akakombolegwa mesho enyu, ngobe anobona ne zebe dzenyu dzakakombolegwa ngobe dzohwa. 17Ndolebesa ndoti, balebesambeli banjinji ne balulwami, bakayemula kubona tjamunobona koga bakasitjibone ne kuhwa tjamunohwa koga bakasitjihwe.
Jesu unotjenesa tjifaniso tje ndzwali
(Mako 4:13-20; Luke 8:11-15)
18“Tjihwililani kuti tjifaniso tje ndzwali tjodwani. 19Ha mmwe ehwa dama le bushe asingalihwisise, mbi unozha kadzamula tjadzwagwa mu moyo uwe. Eyi ndiyo mbewu yakadzwagwa mu zijana. 20Yakadzwagwa mu lushale imilile nthu unohwa dama kaliamutjila tjinyolotjo nge kushatha. 21Koga se asina midzi, unolibhata tjibaka tjifupi koga. Kudziyila ne kuhwisiwa zogwadza ngekwe dama koti kuzha, katjimbidza awa mu kugalamoyo. 22Yakadzwagwa pakati kwe mihwa imilile nthu unohwa dama ngono kudziyidzika nge zwe butjilo igogu kose nenge butjengedzi gwe fumwa zwikalidzipa, kukayita kuti lishaye zwizwalo. 23Koga yakadzwagwa mu mavu mabuya imilile nthu unohwa dama kalihwisisa. Unodusa zwizwalo zwinopinda zwakadzwagwa kuli zana (100), nge tjimwe tjibaka kuli makumi matathatu (60), ngono tjimwe tjibaka kuli makumi matatu (30).”
Tjifaniso tje gotsha
24Jesu kababudza tjimwe tjifaniso eti, “Bushe gwe kudzimu gungafanidzanyiwa ne nthu wakadzwala mbewu mbuyanana mu nnda uwe; 25koga kukati bathu bakayizela, tjita tjitje tjikazha tjikadzwala gotsha pakati kwe mathunde, ngono tjibe tjiyenda. 26Kukati mathunde ekula edusa zwizwalo, gotsha na ilo likabhuda. 27Balanda be mweni we nnda bakazha kunli bakati, ‘Tetshi, apa amuzobe madzwala mbewu mbuyanana mu nnda wenyu kene? Ini nnda una makotsha?’ 28Kati ku bali, ‘Kuna tjita tjakathama ikoku.’ Balanda bakambhuzwa bakati, ‘Apa moshaka kuti tiyende tinolisimula kene?’ 29Kashandula eti, ‘Aa, ngobe mowoti musimula makotsha, mukadwa musimulilanya ne mathunde. 30Letjani kukule kose kuswikila nsi we kuvuna. Nge nsi iwoyo ndowobudza bavuni nditi, Kutanga kubunganyani makotsha muasunge nge zwishwa kuti apisiwe, kudwapo mu kubunganye mathunde mualonge mu dula langu.’ ”
Tjifaniso tje mbewu tukununu
(Mako 4:30-32; Luke 13:18-19)
31Kababudza tjifaniso tjimwe eti, “Bushe gwe kudzimu gofanana ne shanga tukununu ye lusaba, yakati nthu kaitola kaidzwala mu nnda uwe. 32Ndiyo mbewu tukununu tjose mu mbewu dzose, koga ha ikula ndiyo inobe hwulu pa matenjana wose, ngono inobe nti, nyuni kwadzinozha dzikabaka mashaka mu thabi dzawo.”
Tjifaniso tje mbidzo
(Luke 13:20-21)
33Kababudza tjimwe tjifaniso eti, “Bushe gwe kudzimu gonga mbidzo yakatogwa nge nkadzi kaishanganya ne bgwisa gunjinji gwe tjiwunga kudzina bgwisa gose gubila.”
Kushingisa zwifaniso kwa Jesu
(Mako 4:33-34)
34Jesu wakaleba zwithu zose izwezwi ku mibunga ye bathu nge zwifaniso. Akuna tjaakababudza asingashingise tjifaniso. 35#Njimbo 78:2Oku kwakabe kuli kuti kusiwile pasi matama akalebgwa nge nlebesambeli eti,
“Ndowozhula nlomo wangu nge zwifaniso,
ndowoleba tjakabe tjakasumbikala
kudwa mu kubumbiwa kwe shango.”
Jesu unotjenesa tjifaniso tje gotsha
36Ipapo kasiya mbunga we bathu kangina mu ng'umba. Badiyiwa babe bakazha kunli beti, “Utitjenesele tjifaniso tje gotsha mu nnda.”
37Kadabila eti, “Oyu wakadzwala mbewu yakalulwama Nkololo we Nthu. 38Nnda i shango, ngono mbewu mbuyanana imilile bana be bushe. Gotsha bana be mbi, 39ne tjita tjinobadzwala ndi Satani. Kuvuna kodwa bupelo gwe shango, ngono bavuni batumwa be kudzimu. 40Koga se gotsha lisimugwa likapisiwa mu moto, kowobe kwakajalo mu bupelo gwe shango. 41Iye Nkololo we Nthu unowotuma batumwa babe, ngono banowosimula bedusa mu bushe gugwe tjimwe ne tjimwe tjinozhisa jinyo na ibo bose banoyita mbipo. 42Banowobalashila mu bhuba le moto, kunowobe yapo kulila ne kulobanya meno nge kugwadziwa kukulu. 43Ipapo balulwami banowopenya se zhuba mu bushe gwa Tate babo. Iye una zebe ngaahwe.
Tjifaniso tje fumwa yakasumbikala
44“Bushe gwe kudzimu gofanana ne fumwa yakasumbikiwa mu nnda. Ha nthu aiwana kaivumbika ngono mu kushatha kukwe kanotengesa kose kwaakabe anako katenga nnda iwoyo.
Tjifaniso tje mabgwe mabuya
45“Kakale Bushe gwe kudzimu gofanana ne ntengi unoshaka mabgwe mabuya. 46Kukati awana le ntengo upezhugwi, kayenda kanotengesa kose kwaanako kalitenga.
Tjifaniso tje gwanga
47“Kakale bushe gwe kudzimu gofanana ne gwanga gwakaposegwa mu gungwa ngono gukabhata njudzi dzose dze hwobe. 48Gukati gwazhala balume bakagukwebela pa phili. Ipapo bakagala pasi bakakubunganyila hwobe dzakalulwama mu zwija, koga belasha dzisakalulwama. 49Kowobe kwakajalo mu bupelo gwe shango. Batumwa be kudzimu banowozha kuwothubukanya babi mu balulwami. 50Bakalashila babi mu bhuba le moto kunowobepo kulila ne kulobanya meno nge kugwadziwa kukulu.”
Zwithu zwitshwa ne zwikulukugwi
51Jesu kababhuzwa kati, “Apa mahwisisa zwithu izwezwi zose kene?”
Bakadabila beti, “Ee.”
52Ngono kati ku bali, “Ndizo N'diyi mmwe ne mmwe we nlayo wadiyiwa ngekwe bushe gwe kudzimu unofanana ne mweni we ng'umba unodusa mu dula lile fumwa tshwa ne hwulukugwi.”
Jesu unolambiwa ku Nazareta
(Mako 6:1-6; Luke 4:16-30)
53Kukati Jesu apedza zwifaniso izwezwi kadwa ipapo, 54kalinga ku shango ya kanyi kwabo kati eswika katangisa kudiya bathu mu ng'umba yabo ye mitembezelo, ngono bakakaabala. Bakabhuzwana beti, “Iwoyu nlume wakawana poni butjenjedu igogu ne masimba iyawa e kuthama matjenamiso kene? 55Apa ate ali iye nkololo we mbezhi kene? Apa mmeyabe ate Mariya kene, kakale apa banung'una babe ate Jakubo na Josefa na Simoni na Judasi kene? 56Apa hazwadzi dzidze dzose adzinaswi kene? Ngono iwoyu nlume wakazwitola ngayi kene zwithu izwezwi?” 57#Johani 4:44Ngono bakakuthika nge kukwe. Koga Jesu kati ku bali, “Nlebesambeli aatoshaya tjilumbi mu shango imwe ne imwe kuzhe kwe shango ya kanyi kwabo nenge mu nsha wa kanyi kwabo.”
58Aazoyita matjenamiso manjinji ipapo nge kusheta kugalamoyo kwabo.
Currently Selected:
Matewu 13: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Matewu 13
13
Tjifaniso tje ndzwali
(Mako 4:1-9; Luke 8:4-8)
1Mu zhuba ilelo zwalo Jesu wakabhuda mu ng'umba kanogala pa gungwa. 2#Luke 5:1-3Mibunga ye bathu ikankubunganila, kadzina kangina mu n'goro kagala muuli, bathu bose bali mile mu phili ye gungwa. 3Ipapo wakababudza zwithu zwinjinji nge zwifaniso eti,
“Ndzwali wakabhuda enodzwala. 4Ngono kati edzwala, imwe mbewu ikawila mu zijana, ngono nyuni dzikazha dzikaija. 5Imwe ikawila mu lushale, ngono ikashaya mavu akalizanila. Yakatjimbidza kumela, ngobe kwakabe kusina mavu manjinji akaivukidza. 6Koga kukati zhuba libhuda, mmela ukatshwa ngono ukawoma, ngobe usina midzi. 7Imwe mbewu ikawila pakati kwe mihwa, ngono mihwa ukakula ukadzipa mmela. 8Kakale imwe mbewu ikawila mu mavu mabuya ikazwala zwizwalo zwinopinda zwakadzwagwa ka zana (100), imwe kuli makumi matathatu (60), imwe kuli makumi matatu (30). 9Iye una zebe, ngaahwe.”
Nshingo we zwifaniso
(Mako 4:10-12; Luke 8:9-10)
10Badiyiwa babe bakazha kunli bakambhuzwa beti, “Ini ulebeleka ne bathu ibaba nge zwifaniso kene?”
11Kabashandula eti, “Zibo ye masazibgwe e bushe gwe kudzimu yakapiwa imwi koga ibo abazoipiwa. 12#Matewu 25:29; Mako 4:25; Luke 8:18; 19:26Iye unohwa unowopiwa kuhwisisa, ndizo unowohwisisa nge buzhalo, koga iye usingahwe ne tjitukununu tjaanohwisisa unowotjitolegwa. 13Ndizo ndilebeleka nabo nge zwifaniso, ngobe ne bakalinga abatobona ne bakahwilila abatohwa kakale abatohwisisa. 14#Isaya 6:9, 10Nge kwabo, kowoshingikala tjakalebgwa nge nlebesambeli Isaya eti,
“ ‘Nge malebeswa mowohwa koga musingahwisise;
nge malebeswa mowobona koga musingabonesese,
15ngobe mimoyo ye bathu ibaba yakakukutala,
ne zebe dzabo dzolema kuhwa,
kakale bakazwimba mesho abo.
Ha babe bangabona nge mesho abo,
bakahwa nge zebe dzabo,
bakahwisisa nge mimoyo yabo,
bakashandukila kundili, ndabe ndingabapodza.’
16 #
Luke 10:23, 24 “Akakombolegwa mesho enyu, ngobe anobona ne zebe dzenyu dzakakombolegwa ngobe dzohwa. 17Ndolebesa ndoti, balebesambeli banjinji ne balulwami, bakayemula kubona tjamunobona koga bakasitjibone ne kuhwa tjamunohwa koga bakasitjihwe.
Jesu unotjenesa tjifaniso tje ndzwali
(Mako 4:13-20; Luke 8:11-15)
18“Tjihwililani kuti tjifaniso tje ndzwali tjodwani. 19Ha mmwe ehwa dama le bushe asingalihwisise, mbi unozha kadzamula tjadzwagwa mu moyo uwe. Eyi ndiyo mbewu yakadzwagwa mu zijana. 20Yakadzwagwa mu lushale imilile nthu unohwa dama kaliamutjila tjinyolotjo nge kushatha. 21Koga se asina midzi, unolibhata tjibaka tjifupi koga. Kudziyila ne kuhwisiwa zogwadza ngekwe dama koti kuzha, katjimbidza awa mu kugalamoyo. 22Yakadzwagwa pakati kwe mihwa imilile nthu unohwa dama ngono kudziyidzika nge zwe butjilo igogu kose nenge butjengedzi gwe fumwa zwikalidzipa, kukayita kuti lishaye zwizwalo. 23Koga yakadzwagwa mu mavu mabuya imilile nthu unohwa dama kalihwisisa. Unodusa zwizwalo zwinopinda zwakadzwagwa kuli zana (100), nge tjimwe tjibaka kuli makumi matathatu (60), ngono tjimwe tjibaka kuli makumi matatu (30).”
Tjifaniso tje gotsha
24Jesu kababudza tjimwe tjifaniso eti, “Bushe gwe kudzimu gungafanidzanyiwa ne nthu wakadzwala mbewu mbuyanana mu nnda uwe; 25koga kukati bathu bakayizela, tjita tjitje tjikazha tjikadzwala gotsha pakati kwe mathunde, ngono tjibe tjiyenda. 26Kukati mathunde ekula edusa zwizwalo, gotsha na ilo likabhuda. 27Balanda be mweni we nnda bakazha kunli bakati, ‘Tetshi, apa amuzobe madzwala mbewu mbuyanana mu nnda wenyu kene? Ini nnda una makotsha?’ 28Kati ku bali, ‘Kuna tjita tjakathama ikoku.’ Balanda bakambhuzwa bakati, ‘Apa moshaka kuti tiyende tinolisimula kene?’ 29Kashandula eti, ‘Aa, ngobe mowoti musimula makotsha, mukadwa musimulilanya ne mathunde. 30Letjani kukule kose kuswikila nsi we kuvuna. Nge nsi iwoyo ndowobudza bavuni nditi, Kutanga kubunganyani makotsha muasunge nge zwishwa kuti apisiwe, kudwapo mu kubunganye mathunde mualonge mu dula langu.’ ”
Tjifaniso tje mbewu tukununu
(Mako 4:30-32; Luke 13:18-19)
31Kababudza tjifaniso tjimwe eti, “Bushe gwe kudzimu gofanana ne shanga tukununu ye lusaba, yakati nthu kaitola kaidzwala mu nnda uwe. 32Ndiyo mbewu tukununu tjose mu mbewu dzose, koga ha ikula ndiyo inobe hwulu pa matenjana wose, ngono inobe nti, nyuni kwadzinozha dzikabaka mashaka mu thabi dzawo.”
Tjifaniso tje mbidzo
(Luke 13:20-21)
33Kababudza tjimwe tjifaniso eti, “Bushe gwe kudzimu gonga mbidzo yakatogwa nge nkadzi kaishanganya ne bgwisa gunjinji gwe tjiwunga kudzina bgwisa gose gubila.”
Kushingisa zwifaniso kwa Jesu
(Mako 4:33-34)
34Jesu wakaleba zwithu zose izwezwi ku mibunga ye bathu nge zwifaniso. Akuna tjaakababudza asingashingise tjifaniso. 35#Njimbo 78:2Oku kwakabe kuli kuti kusiwile pasi matama akalebgwa nge nlebesambeli eti,
“Ndowozhula nlomo wangu nge zwifaniso,
ndowoleba tjakabe tjakasumbikala
kudwa mu kubumbiwa kwe shango.”
Jesu unotjenesa tjifaniso tje gotsha
36Ipapo kasiya mbunga we bathu kangina mu ng'umba. Badiyiwa babe bakazha kunli beti, “Utitjenesele tjifaniso tje gotsha mu nnda.”
37Kadabila eti, “Oyu wakadzwala mbewu yakalulwama Nkololo we Nthu. 38Nnda i shango, ngono mbewu mbuyanana imilile bana be bushe. Gotsha bana be mbi, 39ne tjita tjinobadzwala ndi Satani. Kuvuna kodwa bupelo gwe shango, ngono bavuni batumwa be kudzimu. 40Koga se gotsha lisimugwa likapisiwa mu moto, kowobe kwakajalo mu bupelo gwe shango. 41Iye Nkololo we Nthu unowotuma batumwa babe, ngono banowosimula bedusa mu bushe gugwe tjimwe ne tjimwe tjinozhisa jinyo na ibo bose banoyita mbipo. 42Banowobalashila mu bhuba le moto, kunowobe yapo kulila ne kulobanya meno nge kugwadziwa kukulu. 43Ipapo balulwami banowopenya se zhuba mu bushe gwa Tate babo. Iye una zebe ngaahwe.
Tjifaniso tje fumwa yakasumbikala
44“Bushe gwe kudzimu gofanana ne fumwa yakasumbikiwa mu nnda. Ha nthu aiwana kaivumbika ngono mu kushatha kukwe kanotengesa kose kwaakabe anako katenga nnda iwoyo.
Tjifaniso tje mabgwe mabuya
45“Kakale Bushe gwe kudzimu gofanana ne ntengi unoshaka mabgwe mabuya. 46Kukati awana le ntengo upezhugwi, kayenda kanotengesa kose kwaanako kalitenga.
Tjifaniso tje gwanga
47“Kakale bushe gwe kudzimu gofanana ne gwanga gwakaposegwa mu gungwa ngono gukabhata njudzi dzose dze hwobe. 48Gukati gwazhala balume bakagukwebela pa phili. Ipapo bakagala pasi bakakubunganyila hwobe dzakalulwama mu zwija, koga belasha dzisakalulwama. 49Kowobe kwakajalo mu bupelo gwe shango. Batumwa be kudzimu banowozha kuwothubukanya babi mu balulwami. 50Bakalashila babi mu bhuba le moto kunowobepo kulila ne kulobanya meno nge kugwadziwa kukulu.”
Zwithu zwitshwa ne zwikulukugwi
51Jesu kababhuzwa kati, “Apa mahwisisa zwithu izwezwi zose kene?”
Bakadabila beti, “Ee.”
52Ngono kati ku bali, “Ndizo N'diyi mmwe ne mmwe we nlayo wadiyiwa ngekwe bushe gwe kudzimu unofanana ne mweni we ng'umba unodusa mu dula lile fumwa tshwa ne hwulukugwi.”
Jesu unolambiwa ku Nazareta
(Mako 6:1-6; Luke 4:16-30)
53Kukati Jesu apedza zwifaniso izwezwi kadwa ipapo, 54kalinga ku shango ya kanyi kwabo kati eswika katangisa kudiya bathu mu ng'umba yabo ye mitembezelo, ngono bakakaabala. Bakabhuzwana beti, “Iwoyu nlume wakawana poni butjenjedu igogu ne masimba iyawa e kuthama matjenamiso kene? 55Apa ate ali iye nkololo we mbezhi kene? Apa mmeyabe ate Mariya kene, kakale apa banung'una babe ate Jakubo na Josefa na Simoni na Judasi kene? 56Apa hazwadzi dzidze dzose adzinaswi kene? Ngono iwoyu nlume wakazwitola ngayi kene zwithu izwezwi?” 57#Johani 4:44Ngono bakakuthika nge kukwe. Koga Jesu kati ku bali, “Nlebesambeli aatoshaya tjilumbi mu shango imwe ne imwe kuzhe kwe shango ya kanyi kwabo nenge mu nsha wa kanyi kwabo.”
58Aazoyita matjenamiso manjinji ipapo nge kusheta kugalamoyo kwabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.