Joshuwa 13
13
Shango dzitjowotogwa ne Baiziraela
1Ngwenu Joshuwa wakabe atjikula kwazo, ngono Yahwe bakan'dwa bakati, “Wakwegula kwazo, ngono kutjina shango isishoma yakafanila tapiwa. 2Shango yasala ndiyeyi: Mituthu yose ye Bafilisitiya neye Bageshuri 3kudwa pa gwizi gwe Shihori ku bhezhuba kwe Egipiti kunoti ku ntuthu we Baekoroni uku bunandzwa, yose ili ye Bakanana yakabe ina bomambo bashanu be Bafilisitiya bakabe begala mu Gaza ne mu Ashidodi ne mu Ashekeloni ne mu Gati ne mu Ekironi we Baavimi, 4kudwa ku burwa ne shango yose ye Bakanana ne kudwa mu shango ye Ara we Basidoni kuyenda tjose kunoti ku Afeki ne ntuthu we Baamori. 5Ne shango ye Bagebali ne shango yose ye Lebanoni kuyendila ku bhezhuba ne kudwa mu Baligadi kusuphisa Dombo le Hemoni kunoti ku nkoba we Hamati 6#Mbalo 33:54ne kunoti ku bagali bose be shango ye matombo kudwa mu Lebanoni kunoti ku Misirefotimayimi hwuti bathu bose be Sidoni, imi ndowobatatila kutjena ne bathu be Iziraela. Iwe ubone kuti unokobela shango iyeyi Baiziraela kuti ibe thaka koga sekwa ndakakubudza. 7Ndizo ngwenu koba shango iyeyi ibe thaka ku njudzi dzili zhanalume ne gwamu le ludzi gwa Manase.”
Kobiwa kwe ntuthu ku bhezhuba kwe Jorodani
8 #
Mbalo 32:33; Matama 3:12 Gwamu limwe le ludzi gwa Manase ne ludzi gwa Rubheni ne gwa Gadi ibo bakabe bakakobegwa shango kale yatjibe thaka ku bhezhuba kwe Jorodani ndi Mushe nlanda wa Yahwe, 9kudwa tjose mu shango ye Aroeri nzi umu phili ye nkuku we Arinoni ne kudwa mu nzi upakati kwe nkuku kuyenda tjose ku tjibata tjose tje Medeba kunoti ku Diboni 10ne mizi yose ya Sihoni mambo we Baamori, iye wakabe ebusa mu Heshibhoni kuyenda tjose kunoti ku n'gathu we Baamoni 11ne Giliyadi ne ntuthu we Bageshuri newe Bamaaka ne dombo lose le Hemoni ne shango yose ye Bhashani kuyenda tjose kunoti Salekhahi 12hwuti ntuthu wose wa Ogi mu Bhashani iye wakabusa mu Ashitaroti ne Edireyi, ndiye koga wakasala ali limbelimbe le Barefayi. Mushe wakabe abakunda kakale abatolela shango yabo. 13Koga Baiziraela abazotata Bageshuri ne Bamaaka, ndizo bakagala ne Baiziraela kuswikila nasi.
14 #
Matama 18:1
Be ludzi gwa Levi akuna shango yabakakobegwa kube thaka, ngoti zwipo zwinopisiwa zwipisigwa Yahwe Ndzimu we Iziraela ndizo thaka yabo sekwa Mushe akabagadzabgwe.
Ntuthu wakakobegwa Rubheni
15Mushe wakakobela ludzi gwa Rubheni shango nge misha yabo kube thaka. 16Ndizo shango yabakakobegwa yakabe itangisa mu Arinoni yakasuphisa phili ye nkuku we Anoni ne kudwa mu nzi upakati kwe nkuku kuyenda tjose ku tjibata tje Medeba, 17kunoti ku Heshibhoni ne mizi yose yawo imu tjibata: Diboni ne Bhamotibali ne Bhetibalemeyoni 18ne Jahazi ne Kedemoti ne Mefaati 19ne Kiriyathayimu ne Sibima ne Zeretishahari mu dombo limu nkuku 20ne Bhethipeori ne shango yakakunguluka ye Pisiga neye Bhetijeshimoti 21hwuti mizi yose koga imu tjibata ne mbuso wose wa Sihoni mambo we Baamori, iye wakabusa mu Heshibhoni. Mushe wakabe ankunda kose ne batungamili be Midiya bo Evi na Rekemu na Zuri na Huri na Reba ibo bakabe bali pasi kwa Sihoni kakale begala mu ntuthu uwe. 22Pezhugwi kwe bakabulawa ne Baiziraela mu ngwa, Baiziraela bakabulaya nge thumo Bhalamu nkololo wa Bheori wakabe ali ngan'ga.
23N'gathu we ludzi gwa Rubheni wakabe uli gwizi gwe Jorodani. Mizi iyeyi ne mizana yayo yakabe thaka dze bathu be ludzi gwa Rubheni nsha ne nsha.
Ntuthu wakakobegwa Gadi
24Mushe wakakobela ludzi gwa Gadi shango nsha ne nsha sahwoku: 25Ntuthu we Jazeri ne mizi yose ye Giliyadi ne gwamu le shango ye Baamoni kunoti ku Aroeri nzi uku bhezhuba kwe Rabha 26ne kudwa mu Heshibhoni kunoti Ramatimizipa ne Bhetonimu ne kudwa mu Mahanayimi kunoti ku ntuthu we Dibiri 27kose ne nkuku we Betiharamu ne Betinimura ne Sukoti ne Zafoni ne mibuso yose ya Sihoni mambo we Heshibhoni, n'gathu wabo uli gwizi gwe Jorodani kuyendila ku ntuthu kunopelela gungwa gwe Khinereti. 28Mizi iyeyi ne mizana yayo yakabe thaka ye ludzi gwa Gadi nsha ne nsha.
Ntuthu wakakobegwa ludzi gwa Manase
29Mushe wakakobela gwamu le ludzi gwa Manase, hwuti gwamu le nsha we zwizekugwana zwa Manase nsha ne nsha shango sahwoku: 30Ntuthu unotangisa mu Mahanayimi unoshangana ne we Bhashani ne mbuso wose wa Ogi mambo we Bhashani ne mizi yose ya Jairi imu Bhashani, mizi ili makumi ali tathatu, 31gwamu le nzi we Giliyadi ne Ashitaroti ne Edireyi mizi ye bushe gwa Ogi mu Bhashani. Mizi iyeyi yakapiwa bathu ba Maki nkololo wa Manase nsha ne nsha.
32Ndiko Mushe sekwa akakoba shango kube thaka paakabe ali mu Moabu bhezhuba kwe Jerikho seli kwe gwizi gwe Jorodani. 33#Mbalo 18:20; Matama 18:2Koga be ludzi gwa Levi Mushe akuna tjaakabapa kube thaka ngobe Yahwe Ndzimu we Iziraela wakabagadzabgwe kuti ndibo thaka yabo.
Currently Selected:
Joshuwa 13: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Joshuwa 13
13
Shango dzitjowotogwa ne Baiziraela
1Ngwenu Joshuwa wakabe atjikula kwazo, ngono Yahwe bakan'dwa bakati, “Wakwegula kwazo, ngono kutjina shango isishoma yakafanila tapiwa. 2Shango yasala ndiyeyi: Mituthu yose ye Bafilisitiya neye Bageshuri 3kudwa pa gwizi gwe Shihori ku bhezhuba kwe Egipiti kunoti ku ntuthu we Baekoroni uku bunandzwa, yose ili ye Bakanana yakabe ina bomambo bashanu be Bafilisitiya bakabe begala mu Gaza ne mu Ashidodi ne mu Ashekeloni ne mu Gati ne mu Ekironi we Baavimi, 4kudwa ku burwa ne shango yose ye Bakanana ne kudwa mu shango ye Ara we Basidoni kuyenda tjose kunoti ku Afeki ne ntuthu we Baamori. 5Ne shango ye Bagebali ne shango yose ye Lebanoni kuyendila ku bhezhuba ne kudwa mu Baligadi kusuphisa Dombo le Hemoni kunoti ku nkoba we Hamati 6#Mbalo 33:54ne kunoti ku bagali bose be shango ye matombo kudwa mu Lebanoni kunoti ku Misirefotimayimi hwuti bathu bose be Sidoni, imi ndowobatatila kutjena ne bathu be Iziraela. Iwe ubone kuti unokobela shango iyeyi Baiziraela kuti ibe thaka koga sekwa ndakakubudza. 7Ndizo ngwenu koba shango iyeyi ibe thaka ku njudzi dzili zhanalume ne gwamu le ludzi gwa Manase.”
Kobiwa kwe ntuthu ku bhezhuba kwe Jorodani
8 #
Mbalo 32:33; Matama 3:12 Gwamu limwe le ludzi gwa Manase ne ludzi gwa Rubheni ne gwa Gadi ibo bakabe bakakobegwa shango kale yatjibe thaka ku bhezhuba kwe Jorodani ndi Mushe nlanda wa Yahwe, 9kudwa tjose mu shango ye Aroeri nzi umu phili ye nkuku we Arinoni ne kudwa mu nzi upakati kwe nkuku kuyenda tjose ku tjibata tjose tje Medeba kunoti ku Diboni 10ne mizi yose ya Sihoni mambo we Baamori, iye wakabe ebusa mu Heshibhoni kuyenda tjose kunoti ku n'gathu we Baamoni 11ne Giliyadi ne ntuthu we Bageshuri newe Bamaaka ne dombo lose le Hemoni ne shango yose ye Bhashani kuyenda tjose kunoti Salekhahi 12hwuti ntuthu wose wa Ogi mu Bhashani iye wakabusa mu Ashitaroti ne Edireyi, ndiye koga wakasala ali limbelimbe le Barefayi. Mushe wakabe abakunda kakale abatolela shango yabo. 13Koga Baiziraela abazotata Bageshuri ne Bamaaka, ndizo bakagala ne Baiziraela kuswikila nasi.
14 #
Matama 18:1
Be ludzi gwa Levi akuna shango yabakakobegwa kube thaka, ngoti zwipo zwinopisiwa zwipisigwa Yahwe Ndzimu we Iziraela ndizo thaka yabo sekwa Mushe akabagadzabgwe.
Ntuthu wakakobegwa Rubheni
15Mushe wakakobela ludzi gwa Rubheni shango nge misha yabo kube thaka. 16Ndizo shango yabakakobegwa yakabe itangisa mu Arinoni yakasuphisa phili ye nkuku we Anoni ne kudwa mu nzi upakati kwe nkuku kuyenda tjose ku tjibata tje Medeba, 17kunoti ku Heshibhoni ne mizi yose yawo imu tjibata: Diboni ne Bhamotibali ne Bhetibalemeyoni 18ne Jahazi ne Kedemoti ne Mefaati 19ne Kiriyathayimu ne Sibima ne Zeretishahari mu dombo limu nkuku 20ne Bhethipeori ne shango yakakunguluka ye Pisiga neye Bhetijeshimoti 21hwuti mizi yose koga imu tjibata ne mbuso wose wa Sihoni mambo we Baamori, iye wakabusa mu Heshibhoni. Mushe wakabe ankunda kose ne batungamili be Midiya bo Evi na Rekemu na Zuri na Huri na Reba ibo bakabe bali pasi kwa Sihoni kakale begala mu ntuthu uwe. 22Pezhugwi kwe bakabulawa ne Baiziraela mu ngwa, Baiziraela bakabulaya nge thumo Bhalamu nkololo wa Bheori wakabe ali ngan'ga.
23N'gathu we ludzi gwa Rubheni wakabe uli gwizi gwe Jorodani. Mizi iyeyi ne mizana yayo yakabe thaka dze bathu be ludzi gwa Rubheni nsha ne nsha.
Ntuthu wakakobegwa Gadi
24Mushe wakakobela ludzi gwa Gadi shango nsha ne nsha sahwoku: 25Ntuthu we Jazeri ne mizi yose ye Giliyadi ne gwamu le shango ye Baamoni kunoti ku Aroeri nzi uku bhezhuba kwe Rabha 26ne kudwa mu Heshibhoni kunoti Ramatimizipa ne Bhetonimu ne kudwa mu Mahanayimi kunoti ku ntuthu we Dibiri 27kose ne nkuku we Betiharamu ne Betinimura ne Sukoti ne Zafoni ne mibuso yose ya Sihoni mambo we Heshibhoni, n'gathu wabo uli gwizi gwe Jorodani kuyendila ku ntuthu kunopelela gungwa gwe Khinereti. 28Mizi iyeyi ne mizana yayo yakabe thaka ye ludzi gwa Gadi nsha ne nsha.
Ntuthu wakakobegwa ludzi gwa Manase
29Mushe wakakobela gwamu le ludzi gwa Manase, hwuti gwamu le nsha we zwizekugwana zwa Manase nsha ne nsha shango sahwoku: 30Ntuthu unotangisa mu Mahanayimi unoshangana ne we Bhashani ne mbuso wose wa Ogi mambo we Bhashani ne mizi yose ya Jairi imu Bhashani, mizi ili makumi ali tathatu, 31gwamu le nzi we Giliyadi ne Ashitaroti ne Edireyi mizi ye bushe gwa Ogi mu Bhashani. Mizi iyeyi yakapiwa bathu ba Maki nkololo wa Manase nsha ne nsha.
32Ndiko Mushe sekwa akakoba shango kube thaka paakabe ali mu Moabu bhezhuba kwe Jerikho seli kwe gwizi gwe Jorodani. 33#Mbalo 18:20; Matama 18:2Koga be ludzi gwa Levi Mushe akuna tjaakabapa kube thaka ngobe Yahwe Ndzimu we Iziraela wakabagadzabgwe kuti ndibo thaka yabo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.