Basumikilisi 3
3
Zwitjaba zwinosala mu shango
1Yezwi ndizo zwitjaba zwakasiyiwa ndi Yahwe kulika Baiziraela nazo bose bakabe basingazibe ngekwe ngwa mu Kanana, 2kwakabe kulikuti zwizekugwana zwe Baiziraela zwizibe ngwa, kuti badiye basakatongo ziba ngwa mu kutanga. 3Zwitjaba ndi yezwi, babusi bali bashanu be Bafilisitiya ne Bakanana bose ne Basidoni ne Bahivi bakabe begala mu Dombo le Lebhanoni, kudwa ku Dombo le Bhaalehemoni kunoti tjose ku nkoba we Hamati. 4Zwakasiyiwa kuli kulika Baiziraela kubona kuti kene banowotobela milayo ya Yahwe yabakapa bo batategulu babo ndi Mushe. 5Bathu be Iziraela bakagala pakati kwe Bakanana ne Bahiti ne Baamoni ne Baperizi ne Bahivi ne Bajebusi, 6ngono bakatola bakololokadzi babo kube bakadzi babo, ngono bakapa bakololo babo bakololokadzi babo, bakashingila midzimu yabo.
Othiniyeli
7Bathu be Iziraela bakathama mbipo mu mesho a Yahwe, bekangang'wa Yahwe Ndzimu wabo, beshingila bo Bhaale na bo Ashera. 8Ndizo bushongola gwa Yahwe gukathutila Baiziraela, ngono bakabatengesa mu maboko a Khushanirishathaimu mambo we Misopotamiya, ngono bathu be Iziraela bakashingila Khushanirishathaimu kwe makole ali zhanakadzi. 9Koga kwakati Baiziraela belilila kuna Yahwe, Yahwe baka bamusila nsununguli kuba sunungula, iye Othiniyeli nkololo wa Kenazi nnung'una wa Khalebu. 10Meya ya Yahwe ikazha munli ngono kasumikilisa Iziraela, kayenda ku ngwa, ngono Yahwe bakalonga Khushanirishathaimu mambo we Misopotamiya mu luboko gugwe, ngono Othiniyele kankunda. 11Ndizo shango ikabe nge kunyalala kwe makole ali makumi manna (40). Ipapo Othiniyele nkololo wa Kenazi kafa.
Ehudi
12Ngono Baiziraela bakathama mbipo mu mesho a Yahwe kakale, Yahwe bakasimisa Egiloni mambo we Moabu kugwa ne Iziraela, ngoti bakathama mbipo mu mesho a Yahwe. 13Kazwikubunganyila Baamoni ne Baamaleki kanonginilila Baiziraela bakatapa nzi nkulu we milala. 14Ngono Baiziraela bakashingila Egiloni mambo we Moabu kwe makole ali gumi lina ali zhanakadzi (18).
15Koga kwakati Baiziraela belilila kuna Yahwe, Yahwe bakabamusila nsununguli unoyi Ehudi nkololo wa Gera we Mbhenjamini, nlume we tjimeshwe. Baiziraela bakatumila lukhetho kuna Egiloni mambo we Moabu ndiye. 16Ehudi kazwithamila bukanu guno pitsha midzibo mibili gwe bulefu gwe luboko ngono kagudedela mu tjidzwa tje luji kusi kwe zwiambalo zwizwe. 17Ngono kayesa lukhetho kuna Egiloni mambo we Moabu, wakabe ali nlume wakakola kwazo. 18Kwakati Ehudi asina kuyisa lukhetho, kapaladza bathu bakabe bakasenga lukhetho. 19Shule iye kashanduka pa zwifano zwe midzimu zwipa Giligala kadwa mambo kati, “Ndina dama lenyu le ikohwa imwi mambo,” Mambo bakabe beti, “Zhoba.” Bose bakabe banaye bakabhudila kuzhe. 20Ehudi kazha kubali kwabakabe baligele baliboga ku ng'umbana itjapezhugwi inotothola, ngono Ehudi kabadwa kati, “Ndina ndayidzo yenyu inodwa ku Ndzimu.” Mambo bakamilika mu tjigalo tjabo. 21Ehudi kalonga luboko gugwe gwe lumeshwe kashomola bukanu mu tjidzwa tjitje tje luji ngono kagulobelela mu ntumbu wa mambo, 22bukanu gukangina kose ne mpinyana wago, gukanoputja ku ikamba. Ehudi kasishomole bukanu ngono gukazwimbiwa nge lizwizwi, ngono shambgwa ikabhuda. 23Ipapo Ehudi kabhudila ku ng'umbana itjambeli, kazhalila mikoba ye ng'umba ipezhugwi shule kukwe ngono kadzikhiya. 24Kwakati atjiyenda, balanda babe bakazha bakawana mikoba ye ng'umba itjapezhugwi yakakhiyiwa ngono bakakumbula beti, “Pamwe batjasununguka mu ng'umbana itjamukati inotothola.” 25Ngono bakalinda kuswikila bepelameya, kwakati mambo basingazhule mikoba ye ng'umba, bakatola khiyi bakakhiyinula mikoba, bakawana tetshi wabo alilele pasi aka fa. 26Bakati batjakalinda, Ehudi katizha kasiya. Wakapinda pa zwifano zwe midzimu, etizhila ku Seira. 27Wakati eswika kalidza lunyanga mu shango ye matuthu ya Ifureimi, bathu be Iziraela bakadelukila naye bedwa ku shango ye matuthu akabatungamila. 28Kabadwa kati, “Mundisale shule, ngoti Yahwe balonga zwita zwenyu Bamoabu mu maboko enyu.” Ndizo bakadelukila bakansalashule, bakatolela Bamoabu maambuko e gwizi gwe Jorodani, kusina wabanodumila ku tjuluka. 29Mu tjibaka itjetjo bakabulaya balume bali zwiwulu zwili gumi be Moabu (10 000), bose bakazwilizanila bakasima, akuna wakatizha. 30Ndizo Moabu yakayisiwa pasi kwe Iziraela zhuba ilelo. Shango ikabe nge kunyalala kwe makole ali makumi ali zhanakadzi (80).
Shamaga
31Shule kwa Ehudi kukazha Shamaga nkololo wa Anati iye wakabulaya balume bali mazana ali tathatu (600) be Bafilisitiya nge ikombo tje ng'ombe, naiye waka sunungula Baiziraela.
Currently Selected:
Basumikilisi 3: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Basumikilisi 3
3
Zwitjaba zwinosala mu shango
1Yezwi ndizo zwitjaba zwakasiyiwa ndi Yahwe kulika Baiziraela nazo bose bakabe basingazibe ngekwe ngwa mu Kanana, 2kwakabe kulikuti zwizekugwana zwe Baiziraela zwizibe ngwa, kuti badiye basakatongo ziba ngwa mu kutanga. 3Zwitjaba ndi yezwi, babusi bali bashanu be Bafilisitiya ne Bakanana bose ne Basidoni ne Bahivi bakabe begala mu Dombo le Lebhanoni, kudwa ku Dombo le Bhaalehemoni kunoti tjose ku nkoba we Hamati. 4Zwakasiyiwa kuli kulika Baiziraela kubona kuti kene banowotobela milayo ya Yahwe yabakapa bo batategulu babo ndi Mushe. 5Bathu be Iziraela bakagala pakati kwe Bakanana ne Bahiti ne Baamoni ne Baperizi ne Bahivi ne Bajebusi, 6ngono bakatola bakololokadzi babo kube bakadzi babo, ngono bakapa bakololo babo bakololokadzi babo, bakashingila midzimu yabo.
Othiniyeli
7Bathu be Iziraela bakathama mbipo mu mesho a Yahwe, bekangang'wa Yahwe Ndzimu wabo, beshingila bo Bhaale na bo Ashera. 8Ndizo bushongola gwa Yahwe gukathutila Baiziraela, ngono bakabatengesa mu maboko a Khushanirishathaimu mambo we Misopotamiya, ngono bathu be Iziraela bakashingila Khushanirishathaimu kwe makole ali zhanakadzi. 9Koga kwakati Baiziraela belilila kuna Yahwe, Yahwe baka bamusila nsununguli kuba sunungula, iye Othiniyeli nkololo wa Kenazi nnung'una wa Khalebu. 10Meya ya Yahwe ikazha munli ngono kasumikilisa Iziraela, kayenda ku ngwa, ngono Yahwe bakalonga Khushanirishathaimu mambo we Misopotamiya mu luboko gugwe, ngono Othiniyele kankunda. 11Ndizo shango ikabe nge kunyalala kwe makole ali makumi manna (40). Ipapo Othiniyele nkololo wa Kenazi kafa.
Ehudi
12Ngono Baiziraela bakathama mbipo mu mesho a Yahwe kakale, Yahwe bakasimisa Egiloni mambo we Moabu kugwa ne Iziraela, ngoti bakathama mbipo mu mesho a Yahwe. 13Kazwikubunganyila Baamoni ne Baamaleki kanonginilila Baiziraela bakatapa nzi nkulu we milala. 14Ngono Baiziraela bakashingila Egiloni mambo we Moabu kwe makole ali gumi lina ali zhanakadzi (18).
15Koga kwakati Baiziraela belilila kuna Yahwe, Yahwe bakabamusila nsununguli unoyi Ehudi nkololo wa Gera we Mbhenjamini, nlume we tjimeshwe. Baiziraela bakatumila lukhetho kuna Egiloni mambo we Moabu ndiye. 16Ehudi kazwithamila bukanu guno pitsha midzibo mibili gwe bulefu gwe luboko ngono kagudedela mu tjidzwa tje luji kusi kwe zwiambalo zwizwe. 17Ngono kayesa lukhetho kuna Egiloni mambo we Moabu, wakabe ali nlume wakakola kwazo. 18Kwakati Ehudi asina kuyisa lukhetho, kapaladza bathu bakabe bakasenga lukhetho. 19Shule iye kashanduka pa zwifano zwe midzimu zwipa Giligala kadwa mambo kati, “Ndina dama lenyu le ikohwa imwi mambo,” Mambo bakabe beti, “Zhoba.” Bose bakabe banaye bakabhudila kuzhe. 20Ehudi kazha kubali kwabakabe baligele baliboga ku ng'umbana itjapezhugwi inotothola, ngono Ehudi kabadwa kati, “Ndina ndayidzo yenyu inodwa ku Ndzimu.” Mambo bakamilika mu tjigalo tjabo. 21Ehudi kalonga luboko gugwe gwe lumeshwe kashomola bukanu mu tjidzwa tjitje tje luji ngono kagulobelela mu ntumbu wa mambo, 22bukanu gukangina kose ne mpinyana wago, gukanoputja ku ikamba. Ehudi kasishomole bukanu ngono gukazwimbiwa nge lizwizwi, ngono shambgwa ikabhuda. 23Ipapo Ehudi kabhudila ku ng'umbana itjambeli, kazhalila mikoba ye ng'umba ipezhugwi shule kukwe ngono kadzikhiya. 24Kwakati atjiyenda, balanda babe bakazha bakawana mikoba ye ng'umba itjapezhugwi yakakhiyiwa ngono bakakumbula beti, “Pamwe batjasununguka mu ng'umbana itjamukati inotothola.” 25Ngono bakalinda kuswikila bepelameya, kwakati mambo basingazhule mikoba ye ng'umba, bakatola khiyi bakakhiyinula mikoba, bakawana tetshi wabo alilele pasi aka fa. 26Bakati batjakalinda, Ehudi katizha kasiya. Wakapinda pa zwifano zwe midzimu, etizhila ku Seira. 27Wakati eswika kalidza lunyanga mu shango ye matuthu ya Ifureimi, bathu be Iziraela bakadelukila naye bedwa ku shango ye matuthu akabatungamila. 28Kabadwa kati, “Mundisale shule, ngoti Yahwe balonga zwita zwenyu Bamoabu mu maboko enyu.” Ndizo bakadelukila bakansalashule, bakatolela Bamoabu maambuko e gwizi gwe Jorodani, kusina wabanodumila ku tjuluka. 29Mu tjibaka itjetjo bakabulaya balume bali zwiwulu zwili gumi be Moabu (10 000), bose bakazwilizanila bakasima, akuna wakatizha. 30Ndizo Moabu yakayisiwa pasi kwe Iziraela zhuba ilelo. Shango ikabe nge kunyalala kwe makole ali makumi ali zhanakadzi (80).
Shamaga
31Shule kwa Ehudi kukazha Shamaga nkololo wa Anati iye wakabulaya balume bali mazana ali tathatu (600) be Bafilisitiya nge ikombo tje ng'ombe, naiye waka sunungula Baiziraela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.