Basumikilisi 10
10
Tola
1Kwakati shule kwa Abimeleki kukamuka Tola nkololo wa Puwa, ali nkololo wa Dodo, nlume we Isakari, kusunungula Iziraela. Wakabe egala ku Shamiri mu shango ye matuthu ya Ifureimi. 2Katungamila Iziraela kwe makole ali makumi mabili ana matatu (23). Kadwapo kafa, kabiganyigwa ku Shamiri.
Jairi
3Shule kukwe kukamuka Jairi we Giliyadi, wakatungamila Iziraela kwe makole ali makumi mabili ana mabili (22). 4Wakabe ana bakololo bali makumi matatu (30), bakabe betatha madonki ali makumi matatu (30), bakabe bana mizi ili makumi matatu (30) inodang'wa Havotijairi na nasi, imu shango ye Giliyadi. 5Ngono Jairi kafa, kabiganyiwa mu Kamoni.
Jefuta
6Ngono bathu be Iziraela bakathama mbipo kakale mu mesho a Yahwe, bakashingila bo Bhaale ne ndzimukadzi Ashera, iyo midzimu ye Siriya ne midzimu ye Sidoni ne midzimu ye Moabu ne midzimu ye Baamoni, ne midzimu ye Bafilisitiya ngono bakasiya Yahwe bakasibashingile. 7Bushongola gwa Yahwe gukathutila Baiziraela, ngono bakabatengesa mu maboko e Bafilisitiya ne Baamoni, 8ibo bakabadziyidza bakabatshambilidza gole ilelo. Bakatshambilidza bathu bose be Iziraela kwe makole ali gumi lina ali zhanakadzi (18) bakabe bali seli ye Jorodani mu shango ye Baamoni imu Giliyadi. 9Baamoni bakatjulukabo Jorodani kunogwa ne Juda ne Bhenjamini ne nsha wa Ifureimi, ngono Iziraela ikabe mu buyendasi bukulu.
10Bathu be Iziraela bakalilila kuna Yahwe beti, “Takamutjinyila, ngoti takamusiya Ndzimu wedu, ngono tikashingila bo Bhaale.” 11Ngono Yahwe bakadwa bathu be Iziraela bakati, “Apa andizomusunungula mu Baegipiti ne mu Baamori ne mu Baamoni ne mu Bafilisitiya? 12Basidoni bo ne Baamaleki ne Baamoni bakamutshambilidza ngono mukalilila kundili ndikamusunungula mu maboko abo. 13Koga makandisiya mukashingila midzimu ipoga, ndizo anditjowomutjidza. 14Yendani munolilila midzimu yamakashalula, ngaimusunungule mu misi ye buyendasi gwenyu.” 15Ngono bathu be Iziraela bakadwa Yahwe bakati, “Takatjinya, thamani tjamunobona tjakatilulwamila, koga tokumbila muti sunungule ngwenu.” 16Ndizo bakadusa midzimu ipoga pakati kwabo ngono bakashingila Yahwe, ngono Yahwe bakasitjamililane ne kudziyidziwa kwe Baiziraela.
17Ipapo Baamoni bakadan'gwa bakakotokela mu Giliyadi, bathu be Iziraela bakakubungana ngono bakakotokela ku Mizipha. 18Batungamili be bathu be Giliyadi bakabudzana beti, “Iye unowotangisa kunonginilila Baamoni, unowobe iye nsholo we bagali bose be Giliyadi.”
Currently Selected:
Basumikilisi 10: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Basumikilisi 10
10
Tola
1Kwakati shule kwa Abimeleki kukamuka Tola nkololo wa Puwa, ali nkololo wa Dodo, nlume we Isakari, kusunungula Iziraela. Wakabe egala ku Shamiri mu shango ye matuthu ya Ifureimi. 2Katungamila Iziraela kwe makole ali makumi mabili ana matatu (23). Kadwapo kafa, kabiganyigwa ku Shamiri.
Jairi
3Shule kukwe kukamuka Jairi we Giliyadi, wakatungamila Iziraela kwe makole ali makumi mabili ana mabili (22). 4Wakabe ana bakololo bali makumi matatu (30), bakabe betatha madonki ali makumi matatu (30), bakabe bana mizi ili makumi matatu (30) inodang'wa Havotijairi na nasi, imu shango ye Giliyadi. 5Ngono Jairi kafa, kabiganyiwa mu Kamoni.
Jefuta
6Ngono bathu be Iziraela bakathama mbipo kakale mu mesho a Yahwe, bakashingila bo Bhaale ne ndzimukadzi Ashera, iyo midzimu ye Siriya ne midzimu ye Sidoni ne midzimu ye Moabu ne midzimu ye Baamoni, ne midzimu ye Bafilisitiya ngono bakasiya Yahwe bakasibashingile. 7Bushongola gwa Yahwe gukathutila Baiziraela, ngono bakabatengesa mu maboko e Bafilisitiya ne Baamoni, 8ibo bakabadziyidza bakabatshambilidza gole ilelo. Bakatshambilidza bathu bose be Iziraela kwe makole ali gumi lina ali zhanakadzi (18) bakabe bali seli ye Jorodani mu shango ye Baamoni imu Giliyadi. 9Baamoni bakatjulukabo Jorodani kunogwa ne Juda ne Bhenjamini ne nsha wa Ifureimi, ngono Iziraela ikabe mu buyendasi bukulu.
10Bathu be Iziraela bakalilila kuna Yahwe beti, “Takamutjinyila, ngoti takamusiya Ndzimu wedu, ngono tikashingila bo Bhaale.” 11Ngono Yahwe bakadwa bathu be Iziraela bakati, “Apa andizomusunungula mu Baegipiti ne mu Baamori ne mu Baamoni ne mu Bafilisitiya? 12Basidoni bo ne Baamaleki ne Baamoni bakamutshambilidza ngono mukalilila kundili ndikamusunungula mu maboko abo. 13Koga makandisiya mukashingila midzimu ipoga, ndizo anditjowomutjidza. 14Yendani munolilila midzimu yamakashalula, ngaimusunungule mu misi ye buyendasi gwenyu.” 15Ngono bathu be Iziraela bakadwa Yahwe bakati, “Takatjinya, thamani tjamunobona tjakatilulwamila, koga tokumbila muti sunungule ngwenu.” 16Ndizo bakadusa midzimu ipoga pakati kwabo ngono bakashingila Yahwe, ngono Yahwe bakasitjamililane ne kudziyidziwa kwe Baiziraela.
17Ipapo Baamoni bakadan'gwa bakakotokela mu Giliyadi, bathu be Iziraela bakakubungana ngono bakakotokela ku Mizipha. 18Batungamili be bathu be Giliyadi bakabudzana beti, “Iye unowotangisa kunonginilila Baamoni, unowobe iye nsholo we bagali bose be Giliyadi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.