RUT 3
3
Rut tsi' mele che' bajche' tsi' sube Noemí
1Noemí tsa' caji i suben: Calobil, ¿mach ba yomic mic sajcʌbeñet a ñoxi'al cha'an tijicña ma' wajñel? 2¿Mach ba mero lac pi'ʌlic jini Booz, i yum jini lum ba' tsa' cha'le e'tel yic'ot x'ixic bʌ x'e'telob i cha'an? Awilan, wʌle ti ac'ʌlel mi caj i wejlan i sujl cebada ya' ba' mi' jajts'el. 3Cha'len ts'ʌmel. Boño a bʌ ti xojocña bʌ aceite. Lʌpʌ wen bʌ a pislel. Cucu ti otot ba' mi' jats'ob cebada. Ti mucul jach yom ma' pijtan jini winic jinto mi' yujtel ti we'el ti uch'el. 4Che' mi' majlel ti wʌyel yom ma' q'uel baqui ñolol. Ti wi'il yom ma' majlel ya'i. Loc'sʌben i mosil ti' yoc. Ñoli' ya'i. Jini mi caj i subeñet chuqui yom ma' mel, che'en. 5Rut tsi' jac'be: Mi caj c mel che' bajche' wola' subeñon, che'en.
6Tsa' majli ba' mi' jats'ob cebada. Tsi' cha'le che' bajche' tsi' sube i yʌ'lib. 7Tijicña i pusic'al Booz che' bʌ tsa' ujti ti we'el ti uch'el. Tsa' majli ti wʌyel ti junwejl ba' p'uchul i wut jam. Ti wi'il c'unte' tsa' ochi Rut. Tsi' loc'sʌbe i mosil ti' yoc. Tsa' ñole ja'el. 8Ti ojlil ac'ʌlel tsa' cajñi i wut Booz. Tsi' yʌxʌ i yo. Tsi' ts'eje i bʌ. Tsi' yubi ya'an x'ixic ñolol ti' t'ejl i yoc. 9¿Majquiyet? che'en. Jini x'ixic tsi' sube: Joñon Rut x'e'telon a cha'an. Pʌyʌyon come jatet mero c pi'ʌlet lojon. An ti a wenta cha'an ma' wa'chocoben i q'uexol jini chʌmen bʌ, che'en. 10Booz tsi' sube: La' i pʌsbeñet i yutslel lac Yum. Wʌle ñumen wola' pʌsben Noemí i yutslel a pusic'al che' bajche' ti ñaxan, come ma'anic tsa' majliyet ba'an ch'iton bʌ winicob mi wen chumulob o mi ma'anic i chubʌ'an. 11Mach a mel a pusic'al. Mi caj c melbeñet pejtel chuqui wola' c'ajtibeñon. Come cʌmbilet i cha'an pejtel c pi'ʌlob. Laj yujilob uts'at bʌ x'ixiquet. 12Isujm joñon a pi'ʌlon. Pero an yambʌ ñumen mero a pi'ʌl bajche' joñon. 13Cʌlejen wʌ'i c'ʌlʌl mi' ñumel ac'ʌlel. Che' ti sʌc'ajel mux c pejcan yambʌ a pi'ʌl. Mi yom i coltañet la' i mel. Mi mach yomic i coltañet mi caj j coltañet joñon che' bajche' yom, come a pi'ʌlon. Melelʌch chuqui wolic sub come mic bʌc'ñan lac Yum. Ñoli' jinto mi' sʌc'an, che'en.
14Tsa' ñole Rut ti' t'ejl i yoc c'ʌlʌl che' bʌ tsa' ñumi ac'ʌlel. Tsa' ch'ojyi ti wen ic'to che' maxto anic tsa' mejli i cʌmbeñob i wut, come Booz tsi' yʌlʌ: Mach yomic mi' tsictiyel mi tsa' tili x'ixic wʌ' ba' mi lac jats' cebada, che'en. 15Tsi' yʌlʌ ja'el: Ch'ʌmʌ tilel a mosil. Tich'i, che'en. Booz tsi' colbe ochel wʌcp'ejl i p'isol cebada. Tsi' yʌq'ue i q'uech majlel. Che' jini tsa' sujti Rut ti tejclum. 16Tsa' c'oti ba'an i yʌ'lib. Tsi' c'ajtibe: ¿Bajche' tsa' ujti, calobil? che'en. Rut tsi' sube Noemí ti pejtelel chuqui tsa' ujti. 17Tsi' yʌlʌ Rut: Tsi' yʌq'ueyon ili wʌcp'is cebada. Tsi' subeyon: “Mach ma' to'ol sujtel majlel ba'an a wʌ'lib”. Che' tsi' subeyon Booz, che'en Rut. 18Tsi' yʌlʌ Noemí: Calobil, pijtan ti' ñʌch'tilel a pusic'al jinto ma' wubin bajche' mi' caj ti ujtel, come ili winic ma'anic mi caj i c'aj i yo jinto mi' yujtel i mel pejtel chuqui yom. Ti jini jach bʌ q'uin mi caj i mel, che'en.
Currently Selected:
RUT 3: ctuBI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
RUT 3
3
Rut tsi' mele che' bajche' tsi' sube Noemí
1Noemí tsa' caji i suben: Calobil, ¿mach ba yomic mic sajcʌbeñet a ñoxi'al cha'an tijicña ma' wajñel? 2¿Mach ba mero lac pi'ʌlic jini Booz, i yum jini lum ba' tsa' cha'le e'tel yic'ot x'ixic bʌ x'e'telob i cha'an? Awilan, wʌle ti ac'ʌlel mi caj i wejlan i sujl cebada ya' ba' mi' jajts'el. 3Cha'len ts'ʌmel. Boño a bʌ ti xojocña bʌ aceite. Lʌpʌ wen bʌ a pislel. Cucu ti otot ba' mi' jats'ob cebada. Ti mucul jach yom ma' pijtan jini winic jinto mi' yujtel ti we'el ti uch'el. 4Che' mi' majlel ti wʌyel yom ma' q'uel baqui ñolol. Ti wi'il yom ma' majlel ya'i. Loc'sʌben i mosil ti' yoc. Ñoli' ya'i. Jini mi caj i subeñet chuqui yom ma' mel, che'en. 5Rut tsi' jac'be: Mi caj c mel che' bajche' wola' subeñon, che'en.
6Tsa' majli ba' mi' jats'ob cebada. Tsi' cha'le che' bajche' tsi' sube i yʌ'lib. 7Tijicña i pusic'al Booz che' bʌ tsa' ujti ti we'el ti uch'el. Tsa' majli ti wʌyel ti junwejl ba' p'uchul i wut jam. Ti wi'il c'unte' tsa' ochi Rut. Tsi' loc'sʌbe i mosil ti' yoc. Tsa' ñole ja'el. 8Ti ojlil ac'ʌlel tsa' cajñi i wut Booz. Tsi' yʌxʌ i yo. Tsi' ts'eje i bʌ. Tsi' yubi ya'an x'ixic ñolol ti' t'ejl i yoc. 9¿Majquiyet? che'en. Jini x'ixic tsi' sube: Joñon Rut x'e'telon a cha'an. Pʌyʌyon come jatet mero c pi'ʌlet lojon. An ti a wenta cha'an ma' wa'chocoben i q'uexol jini chʌmen bʌ, che'en. 10Booz tsi' sube: La' i pʌsbeñet i yutslel lac Yum. Wʌle ñumen wola' pʌsben Noemí i yutslel a pusic'al che' bajche' ti ñaxan, come ma'anic tsa' majliyet ba'an ch'iton bʌ winicob mi wen chumulob o mi ma'anic i chubʌ'an. 11Mach a mel a pusic'al. Mi caj c melbeñet pejtel chuqui wola' c'ajtibeñon. Come cʌmbilet i cha'an pejtel c pi'ʌlob. Laj yujilob uts'at bʌ x'ixiquet. 12Isujm joñon a pi'ʌlon. Pero an yambʌ ñumen mero a pi'ʌl bajche' joñon. 13Cʌlejen wʌ'i c'ʌlʌl mi' ñumel ac'ʌlel. Che' ti sʌc'ajel mux c pejcan yambʌ a pi'ʌl. Mi yom i coltañet la' i mel. Mi mach yomic i coltañet mi caj j coltañet joñon che' bajche' yom, come a pi'ʌlon. Melelʌch chuqui wolic sub come mic bʌc'ñan lac Yum. Ñoli' jinto mi' sʌc'an, che'en.
14Tsa' ñole Rut ti' t'ejl i yoc c'ʌlʌl che' bʌ tsa' ñumi ac'ʌlel. Tsa' ch'ojyi ti wen ic'to che' maxto anic tsa' mejli i cʌmbeñob i wut, come Booz tsi' yʌlʌ: Mach yomic mi' tsictiyel mi tsa' tili x'ixic wʌ' ba' mi lac jats' cebada, che'en. 15Tsi' yʌlʌ ja'el: Ch'ʌmʌ tilel a mosil. Tich'i, che'en. Booz tsi' colbe ochel wʌcp'ejl i p'isol cebada. Tsi' yʌq'ue i q'uech majlel. Che' jini tsa' sujti Rut ti tejclum. 16Tsa' c'oti ba'an i yʌ'lib. Tsi' c'ajtibe: ¿Bajche' tsa' ujti, calobil? che'en. Rut tsi' sube Noemí ti pejtelel chuqui tsa' ujti. 17Tsi' yʌlʌ Rut: Tsi' yʌq'ueyon ili wʌcp'is cebada. Tsi' subeyon: “Mach ma' to'ol sujtel majlel ba'an a wʌ'lib”. Che' tsi' subeyon Booz, che'en Rut. 18Tsi' yʌlʌ Noemí: Calobil, pijtan ti' ñʌch'tilel a pusic'al jinto ma' wubin bajche' mi' caj ti ujtel, come ili winic ma'anic mi caj i c'aj i yo jinto mi' yujtel i mel pejtel chuqui yom. Ti jini jach bʌ q'uin mi caj i mel, che'en.
Currently Selected:
:
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.