SALMOS 87
87
I ñuclel Sion
1C'ʌcʌl i tejclum Dios ti ch'ujul bʌ bujtʌl.
2Lac Yum mi' c'uxbin Jerusalén
Ñumen bajche' pejtel yambʌ xchumtʌl tac ti Israel.
3Cʌmbil ti ñajtʌl cabʌl jax i ñuclel i tejclum Dios.
4Mi caj c ña'tan Egipto yic'ot Babilonia
Che' mic pejcʌbeñob i c'aba'ob mu' bʌ i cʌñoñob.
Che' mic ña'tan Filistea yic'ot Tiro yic'ot Etiopía.
An majqui mi' q'uel i bʌ ti ñuc cha'an tsi' yila pañimil ya'i.
5Pero ñumen mi caj i p'isob ti' wenta jini mu' bʌ i q'uelob pañimil ti Sion. Mi caj i yʌlob:
Q'uele wʌ'an winic, q'uele ya'an winic, tsi' yilayob pañimil ti Sion, che'ob.
Jini C'ax Ñuc Bʌ mi caj i xuc'chocon Sion.
6Che' mi' tsicob winicob x'ixicob,
Lac Yum mi caj i ts'ijban ti jun:
Jini tsi' q'uele pañimil wʌ'i.
7Jini mu' bʌ i cha'leñob c'ay yic'ot jini mu' bʌ i cha'leñob son mi caj i yʌlob:
Ch'oyol ti Jerusalén pejtel c wenlel lojon, che'ob.
Currently Selected:
SALMOS 87: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.