SALMOS 79
79
Ch'ijiyemob cha'an tsa' jisʌnti Jerusalén
1Dios, tsa'ix ochiyob jini sajtemo' bʌ ti a lumal.
Tsa'ix i bib'esayob jini ch'ujul bʌ a Templo.
Tsa'ix i jisayob Jerusalén.
2Tsa'ix i chocoyob i bʌc'tal a winicob cha'an mi' c'uxe' te'lemut.
Tsa'ix i chocbeyob i bʌc'tal jini ch'ujulo' bʌ cha'an mi' c'uxe' jini bʌte'el tac.
3Tsi' bec'beyob i ch'ich'el ti' joytilel Jerusalén che' bajche' ja'.
Ma'anic majqui mi' mucob.
4Ts'a'lebilonix lojon cha'an jini chumulo' bʌ tic t'ejl lojon.
Mi' tse'tañon lojon jini año' bʌ tic joytilel.
5C Yum, ¿jayp'ejl to q'uin? ¿Chʌn mich'et ba ti pejtelel ora?
¿Tsʌytsʌyña ba a mich'ajel che' bajche' c'ajc woli bʌ ti lejmel?
6Pʌsbeñob a mich'ajel jini gentilob mach bʌ anic mi' ñopetob,
Yic'ot jini colem tejclum tac ba' ma'anic mi' pejcañetob ti a c'aba'.
7Come tsa'ix i jisayob israelob. Tsi' jisʌbeyon lojon c chumlib.
8Mach ma' chʌn ña'tʌben i mul c ñojte'el lojon. Mach ma' wʌc' tic wenta lojon.
Ti ora yom ma' p'untañon lojon, come wen p'ump'un lojon c bʌ.
9Dios, caj Coltayajet, cʌntañon lojon cha'an uts'atax a c'aba'.
Loc'sañon lojon ti mulil. Ñusʌbeñon lojon c mul cha'an ma' wʌc' ti ñuc a c'aba'.
10Come mi' yʌlob jini sajtemo' bʌ: ¿Bacan tsiquil i Dios? che'ob.
Q'uextʌbeñob i mul j contrajob lojon tsa' bʌ i bec'beyob i ch'ich'el a winicob.
Che' ma' melob, ac'ʌ ti cʌjñel ti yan tac bʌ lum ti' tojel lojon c wut.
11Ñich'tʌben i t'an jini ñup'ulo' bʌ woliyo' bʌ ti ajcʌn.
Pʌsʌ jini ñuc bʌ a p'ʌtʌlel. Loc'sañob ti' tojlel jini yomo' bʌ i tsʌnsañob.
12Wucyajl yom ma' q'uextʌbeñob i wajleya jini chumulo' bʌ tic t'ejl lojon
Cha'an tsi' wajleyetob, c Yum.
13A winicon lojon, tiñʌme'on lojon ti potrero a cha'an.
Mi caj c subeñet lojon wocolix a wʌlʌ ti pejtelel ora.
Mi caj c subeñob a ñuclel calobil lojon cha'an mi' subeñob i yalobilob ja'el ti lajm ti lajm.
Currently Selected:
SALMOS 79: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
SALMOS 79
79
Ch'ijiyemob cha'an tsa' jisʌnti Jerusalén
1Dios, tsa'ix ochiyob jini sajtemo' bʌ ti a lumal.
Tsa'ix i bib'esayob jini ch'ujul bʌ a Templo.
Tsa'ix i jisayob Jerusalén.
2Tsa'ix i chocoyob i bʌc'tal a winicob cha'an mi' c'uxe' te'lemut.
Tsa'ix i chocbeyob i bʌc'tal jini ch'ujulo' bʌ cha'an mi' c'uxe' jini bʌte'el tac.
3Tsi' bec'beyob i ch'ich'el ti' joytilel Jerusalén che' bajche' ja'.
Ma'anic majqui mi' mucob.
4Ts'a'lebilonix lojon cha'an jini chumulo' bʌ tic t'ejl lojon.
Mi' tse'tañon lojon jini año' bʌ tic joytilel.
5C Yum, ¿jayp'ejl to q'uin? ¿Chʌn mich'et ba ti pejtelel ora?
¿Tsʌytsʌyña ba a mich'ajel che' bajche' c'ajc woli bʌ ti lejmel?
6Pʌsbeñob a mich'ajel jini gentilob mach bʌ anic mi' ñopetob,
Yic'ot jini colem tejclum tac ba' ma'anic mi' pejcañetob ti a c'aba'.
7Come tsa'ix i jisayob israelob. Tsi' jisʌbeyon lojon c chumlib.
8Mach ma' chʌn ña'tʌben i mul c ñojte'el lojon. Mach ma' wʌc' tic wenta lojon.
Ti ora yom ma' p'untañon lojon, come wen p'ump'un lojon c bʌ.
9Dios, caj Coltayajet, cʌntañon lojon cha'an uts'atax a c'aba'.
Loc'sañon lojon ti mulil. Ñusʌbeñon lojon c mul cha'an ma' wʌc' ti ñuc a c'aba'.
10Come mi' yʌlob jini sajtemo' bʌ: ¿Bacan tsiquil i Dios? che'ob.
Q'uextʌbeñob i mul j contrajob lojon tsa' bʌ i bec'beyob i ch'ich'el a winicob.
Che' ma' melob, ac'ʌ ti cʌjñel ti yan tac bʌ lum ti' tojel lojon c wut.
11Ñich'tʌben i t'an jini ñup'ulo' bʌ woliyo' bʌ ti ajcʌn.
Pʌsʌ jini ñuc bʌ a p'ʌtʌlel. Loc'sañob ti' tojlel jini yomo' bʌ i tsʌnsañob.
12Wucyajl yom ma' q'uextʌbeñob i wajleya jini chumulo' bʌ tic t'ejl lojon
Cha'an tsi' wajleyetob, c Yum.
13A winicon lojon, tiñʌme'on lojon ti potrero a cha'an.
Mi caj c subeñet lojon wocolix a wʌlʌ ti pejtelel ora.
Mi caj c subeñob a ñuclel calobil lojon cha'an mi' subeñob i yalobilob ja'el ti lajm ti lajm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.