SALMOS 52
52
Lolom jach mi' chañ'esan i bʌ xmulil
1Winic am bʌ a we'tel, ¿chucoch ma' chañ'esan a bʌ ti jontolil?
Añʌch i yutslel Dios ti pejtelel ora.
2Wola' chajpan a bʌ cha'an ma' mel jontolil.
Lajal a wac' bajche' jay bʌ xilete che' ma' cha'len lotiya.
3Wola' mulan jontolil, wola' ts'a'len chuqui uts'at.
Wola' mulan lot, wola' ts'a'len isujm bʌ t'an.
4Wola' mulan t'an mu' bʌ i sʌt winicob.
Wen awujil lot.
5Dios mi caj i pech' teñet loq'uel.
Mi caj i chuquet loq'uel ti a wotot.
Mi caj i boquet loq'uel ti' lumal jini cuxulo' bʌ.
6Jini tojo' bʌ mi caj i q'uelob. Mi caj i bʌc'ñañob lac Yum.
Mi caj i tse'tañob ili winic. Mi caj i yʌlob:
7Q'uelela jini winic mach bʌ anic tsi' sajca i coltʌntel ti Dios.
Tijicña tsi' lon ubi cha'an ti cabʌl i chubʌ'an.
Tsi' ch'ejl'esa i bʌ ti jontolil, che'ob.
8Mach che'ic joñon. Tijicñayon mij colel ti' yotot Dios che' bajche' c'oc' bʌ olivote'.
Xuc'ulon ti pejtelel ora cha'an i yutslel i pusic'al Dios mu' bʌ c ñop.
9Mi caj c subeñet wocolix a wʌlʌ ti pejtelel ora, come a melbalʌch.
Ti' tojlel a cha'año' bʌ mi caj c ña'tan a c'aba', come uts'atet. Wolic pijtañet.
Currently Selected:
SALMOS 52: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.