SALMOS 50
50
Dios mi caj i mel pejtel año' bʌ ti pañimil
1Jini C'ax P'ʌtʌl bʌ Dios, jini lac Yum, tsa'ix i cha'le t'an.
Mi' pejcan jini año' bʌ ti pañimil c'ʌlʌl ba' mi' pasel q'uin c'ʌlʌl ba' mi' bʌjlel q'uin.
2Ya' ti Sion, Dios tsi' pʌsʌ i ñuclel ti c'ajc ti jini wen i t'ojol jax bʌ i Templo.
3Tal lac Dios. Mach ñʌch'ʌlic che' mi' tilel.
Mi' lejmel c'ajc ti' tojel i wut.
An p'ʌtʌl bʌ ic' ti' joytilel.
4Mi' pʌy tilel jini año' bʌ ti panchan
Yic'ot jini año' bʌ ti pañimil cha'an mi' mel winicob x'ixicob i cha'año' bʌ.
5Woli' yʌl: Tempʌbeñon c cha'año' bʌ
Tsa'ix bʌ ochiyob ti trato quic'ot che' bʌ tsi' yʌq'ueyoñob tsʌnsʌbil bʌ c majtan, che'en.
6Jini año' bʌ ti panchan mi caj i subob tojatax Dios.
Come xmeloñel ajñel.
7Tsa' caji' yʌl Dios: Calobil Israel,
Ubinla c t'an mu' bʌ c sub ti a contra.
Dioson, joñon a Dioson.
8Mach cha'anic tsʌnsʌbil bʌ c majtan mu' bʌ a chʌn aq'ueñon wolic tiq'uet.
9Mach comic mi tat wacax mi chivo am bʌ ti pam a wotot,
10Come c cha'añʌch pejtelel bʌte'el am bʌ ti mate'el,
Yic'ot bajc'ʌl wacax am bʌ ti bujtʌl tac.
11Cʌñʌl c cha'an pejtel te'lemut am bʌ ti wits.
C cha'añʌch pejtel jontol bʌ bʌte'el mu' bʌ ti xʌmbal ti jamil.
12Anic c wi'ñal, mach muq'uic c subeñet,
Come c cha'añʌch jini pañimil yic'ot pejtelel i bʌl.
13¿Com ba j c'ux i bʌc'tal tat wacax?
¿Com ba c japben i ch'ich'el tat chivo? Mach comic, che'en.
14Yom ma' subeñon wocolix cʌlʌ. Jiñʌch tsʌnsʌbil bʌ c majtan, yubil.
Yom ma' ts'ʌctesan a t'an che' bajche' tsa' wʌn ña'ta a mel.
15Pejcañon che' ti' yorajlel wocol.
Mi caj colet. Mi caj a tsictesan c ñuclel.
16Mic subeñob jontolo' bʌ:
Yom mi la' cʌy la' lon sub c mandar,
Yic'ot jini albil bʌ t'an c cha'an.
17Wola' ts'a'len a cʌntesʌntel.
Wola' ñusʌbeñon c t'an.
18Che' ma' q'uel xujch', ma' coltan.
Ma' pi'len majlel jini mu' bʌ i cha'len ts'i'lel.
19Ma' c'ʌn a wej ti jontolil, ma' cha'len lot.
20Ma' p'aj a weran anquese juntiquil jach la' ña'.
21Tsa'ix a mele iliyi.
Tsa' ña'ta lajalon bajche'et come ma'anic chuqui tsa cʌlʌ.
Mi caj c tiq'uet. Mi caj c tsictesan a mul.
22Ña'tanla iliyi jatetla mach bʌ anic mi la' ña'tañon
Ame mic bic'ti jisañetla ame mach chʌn coliquetla.
23Majqui jach mi' subeñon wocolix cʌlʌ woli' yʌq'ueñon tsʌnsʌbil bʌ c majtan yilal.
Mi caj c pʌsben i coltʌntel majqui jach mi' sajcan wen bʌ c bijlel, che'en Dios.
Currently Selected:
SALMOS 50: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.