SALMOS 46
46
Dios jiñʌch la caj Coltaya
1Dios lac p'ʌtʌlelʌch, ba' mi lac majlel ti puts'el.
Wʌ'ʌch an la quic'ot cha'an mi' coltañonla che' an bʌbʌq'uen bʌ.
2Jini cha'an anquese mi' yʌsiyel pañimil ma'anic lac bʌq'uen.
Anquese mi ñijcʌyel ochel wits ti mal ñajb,
3Anquese wen c'am mi' cha'len t'an jini wʌlʌcña bʌ colem ja',
Anquese mi' ñijcʌyel wits,
Ma'anic mi lac cha'len bʌq'uen.
4Jini colem ja' loq'uem bʌ ba'an Dios
Mi' yʌq'uen i tijicñʌyel jini año' bʌ ti' tejclum Dios.
Jini Ch'ujul bʌ Ajñibʌl i cha'añʌch jini C'ax Ñuc Bʌ.
5Dios an ti' yojlil jini Tejclum, jini cha'an ma'anic mi caj i ñijcʌntel.
Dios mi caj i bʌc' coltan jini año' bʌ ti Tejclum che' ti sʌc'ajel.
6Mi' mich'añob yumʌlob ti pañimil.
Woli' chilbentelob i yumʌntel.
Mi' toj sajtel i pusic'al jini año' bʌ ti pañimil,
Che' mi' cha'len t'an Dios.
7Lac Yum an la quic'ot. I Yumʌch panchan yic'ot pañimil.
I Dios Jacob jiñʌch la caj Coltaya i wenta chan bʌ ts'ajc.
8La'la, q'uelbenla i melbal lac Yum.
Q'uelela bajche' tsi' cha'le jisaya ti lum.
9Mi' yujtesan guerra c'ʌlʌl ti pejtelel pañimil.
Mi' bic'ti c'ʌs jini jalʌjb, mi' c'ʌs jini lanza.
Mi' pulbeñob i carreta tac mu' bʌ i c'ʌñob ti guerra.
10Ch'abixla, ña'tanla joñon Dioson.
Ñuc mi caj i q'ueloñob ti yan tac bʌ lum,
Mi caj c ñuq'uesʌntel ti pañimil, che'en.
11I Yum Panchan yic'ot Pañimil an la quic'ot.
I Dios Jacob jiñʌch la caj Coltaya i wenta chan bʌ ts'ajc.
Currently Selected:
SALMOS 46: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.