SALMOS 43
43
Mi' c'ajtin i tsictesʌntel toj bʌ i pusic'al
1C Dios, meleyon. La' loq'uicon ti uts'at ti' tojlel jini mach bʌ anic mi' c'uxbiñet.
Pʌyʌyon loq'uel ti' p'ʌtʌlel winicob yujilo' bʌ lot, jini yujilo' bʌ jontolil.
2C Diosetʌch, c p'ʌtʌlelet, ¿chucoch tsa' cʌyʌyon?
¿Chucoch wersa mic chʌn ajñel ti ch'ijiyem bʌ c pusic'al cha'an woli' tic'lañoñob j contrajob?
3Yom ma' pʌsbeñon a sʌclel yic'ot i sujmlel a t'an, cha'an mi' toj'esañon majlel.
Yom ma' pʌyon majlel ti a Templo ti ch'ujul bʌ a wits.
4Che' jini mi caj c majlel ba'an i puluntib a majtan, c Dios.
Jatet i tijicñʌyelet c pusic'al.
Jatet c Dioset. Mi caj c sub a ñuclel ti música am bʌ i ch'ajñal.
5¿Chucoch ch'ijiyem c pusic'al?
¿Chucoch wulwulña c pusic'al?
La' c pijtan Dios, come mi caj i ñuc'an c pusic'al cha'an i ñuclel,
Caj Coltaya Dios.
Currently Selected:
SALMOS 43: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.