SALMOS 3
3
Oración che' ti sʌc'ajel
1C Yum, cabʌl tsa' p'ojli j contrajob.
Cabʌlob jini mu' bʌ i wa'chocoñob i bʌ tij contra.
2Cabʌlob mu' bʌ i lon alob:
Ma'anic j coltʌntel ti Dios, che'ob.
3Pero jatet, c Yum, c mʌctʌjibet,
C ñuclelet. Ma' cha' ñuq'uesʌbeñon c pusic'al.
4Mic pejcan c Yum ti c'am bʌ t'an.
Mi' jac'beñon ya' ti ch'ujul bʌ i Templo.
5Tsa' ñoleyon, tsa' wʌyiyon,
Tsa' ch'ojyiyon, come lac Yum mi' cʌntañon.
6Ma'anic mi caj c bʌc'ñan bajc'ʌl winicob x'ixicob
Tsa' bʌ i wa'chocoyob i bʌ tic joytilel cha'an mi' contrajiñoñob.
7C Yum Dios, yom ma' wa'tʌl a coltañon.
Poch'iñob pejtel j contrajob.
C'ʌsbeñob i bʌquel i yej jini jontol bʌ winicob.
8Ch'oyol laj coltʌntel ti lac Yum.
La' aq'uenticob i wenlel i cha'año' bʌ.
Currently Selected:
SALMOS 3: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.