SALMOS 20
20
Oración yom cha'an mi' mʌjlel i cha'an
1La' i ñʌch'tʌbeñet lac Yum che' ti' yorajlel wocol,
La' i cʌntañet i Dios Jacob.
2La' i chocbeñet tilel a coltʌntel loq'uem bʌ ti Ch'ujul bʌ Ajñibʌl ya' ti Sion.
3La' i ña'tan Dios pejtel i majtan tac mu' bʌ a wʌq'uen.
La' i q'uel ti uts'at jini pulbil bʌ i majtan mu' bʌ a wʌq'uen.
4La' i yʌq'ueñet Dios chuqui yom a pusic'al.
La' i ts'ʌctesan pejtel woli bʌ a ña'tan a mel.
5La' la cubin tijicña cha'an tsa'ix mʌjli a cha'an.
La' tsictiyic lac bandera ti pañimil. Tsictesan cha'an i ñuclel Dios.
La' i jac'beñet lac Yum ti pejtelel chuqui ma' c'ajtiben.
6Cujilix coltʌbil ti lac Yum jini rey yajcʌbil bʌ i cha'an.
Ya' ti ch'ujul bʌ panchan mi' jac'ben.
Mi' coltan ti ñuc bʌ i p'ʌtʌlel cha'an mi' mʌjlel i cha'an.
7Lamital mi' lon ña'tañob an i coltʌntel ti carreta tac yic'ot caballo,
Pero joñonla mi lac ña'tan coltʌbilonla cha'an ti' c'aba' lac Yum Dios.
8Yaño' bʌ mi' c'uñ'añob, mi' yajlelob.
Joñonla mi lac ch'ojyel, mi lac wa'tʌl.
9C Yum, coltan jini rey cha'an mi' mʌjlel i cha'an.
Jac'beñon lojon che' mic pejcañet lojon.
Currently Selected:
SALMOS 20: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.