SALMOS 19
19
I melbal Dios yic'ot i t'an
1Jini panchan mi' pʌs i ñuclel Dios,
Mi' tsictesan i melbal i c'ʌb.
2Jini pañimil mi' cha'len t'an yilal ti jujump'ejl q'uin,
Ti jujump'ejl ac'ʌlel mi' pʌs a ña'tʌbal.
3Ma'anic chuqui mi' yʌl, ma'anic i t'an.
Ma'anic majch mi' yubiben i t'an.
4Ti pejtelel pañimil woli' pujquel majlel chuqui mi' pʌs.
Woli' pujquel majlel chuqui mi' sub c'ʌlʌl ti' junwejl pañimil.
Dios tsi' wa'chocobe i yajñib q'uin ya' ti panchan.
5Lajal jini q'uin che' bajche' winic tsa' bʌ ujti ti ñujpuñel, woli bʌ ti loq'uel ti' wʌyibʌl.
Tijicña jini q'uin yilal bajche' p'ʌtʌl bʌ winic mu' bʌ i cha'len wersa ajñel.
6Mi' pasel q'uin ti' junwejl panchan,
Mi' ñumel c'ʌlʌl ti yambʌ junwejl panchan.
Ma'anic majch mi mejlel i puts'tan i ticwʌlel.
7Ma'anic i sajtemal i cʌntesʌbal lac Yum.
Mi' p'ʌtesʌbeñonla lac pusic'al.
Isujmʌch i t'an lac Yum,
Mi' cʌntesan jini mach bʌ anic i pusic'al.
8Tojʌch i cʌntesa lac Yum. Mi' yʌq'ueñonla i tijicñʌyel lac pusic'al.
Tsiquil i sujmlel i mandar lac Yum.
Mi' yʌq'ueñonla lac ch'ʌmben isujm.
9Sʌcʌch i t'an lac Yum.
Mi' yajñel ti pejtelel ora, junlajal toj.
10Yom ñumen ma' mulan i t'an lac Yum bajche' oro,
Ñumen tsaj bajche' i ya'lel chab chʌyʌcña bʌ mi' jubel.
11Mic taj j cʌntesʌntel ti a t'an come a winicon.
An cabʌl c chobejtʌbal ti' jac'ol a t'an.
12¿Majqui mi mejlel i cʌn pejtel i sajtemal?
Ñusʌbeñon c sajtemal mach bʌ cʌmbilic c cha'an.
13Tiq'uiyon ame mic cha'len mulil cha'an i tsʌtslel c pusic'al.
Mach yomic mic yuman mulil.
Che' jini toj mi caj cajñel. Ma'anic c mul ti' tojlel ñuc bʌ a mandar.
14Q'uele ti uts'at jini t'an woli bʌ c subeñet,
Yic'ot jini woli bʌ c ña'tan tic pusic'al.
C Yum, p'ʌtʌl bʌ xajlelet c cha'an, caj Coltayajet.
Currently Selected:
SALMOS 19: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.