SALMOS 110
110
Mesías, jiñʌch Rey, Motomaj
1Lac Yum tsi' sube c Yum:
Buchi' tic ñoj jinto mi cʌq'ueñet a t'uchtan a contrajob, che'en.
2Lac Yum tsi' buchchocoyet ti a yumʌntel ya' ti Sion.
Cha'len yumʌl ti' tojlel a contrajob.
3A winicob x'ixicob mi caj i yʌc'ob i bʌ ti jump'ejl i pusic'al che' ma' cha'len yumʌl ti' tojlelob.
Ch'ujul mi caj i pʌsob i bʌ ti a tojlel che' ti wen sʌc'ajel.
A cha'añob jini ch'iton winicob, jini ch'ejlo' bʌ.
4Lac Yum tsi' yʌc'ʌ i t'an, mach yujilic q'uextiyel.
Jatet motomajet ti pejtelel ora.
Che'ʌch a motomajil bajche' i motomajil Melquisedec, che'en.
5Lac Yum an ti ñoj bʌ a c'ʌb.
Mi caj i jisan cabʌl reyob che' ti' yorajlel i mich'ajel.
6Mi caj i melob winicob x'ixicob ti pejtelel pañimil.
Mi caj i lʌts majlel cabʌl xchʌmelob.
Mi caj i jisan yumʌlob ti pejtelel pañimil.
7Mi caj i jap ja' ti pa' che' mi' majlel ti bij.
Che' jini mi caj i p'ʌtan majlel.
Currently Selected:
SALMOS 110: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.