SALMOS 106
106
Israel tsi' ñusʌbe i mandar lac Yum
1¡Aleluya!
Subenla wocolix i yʌlʌ lac Yum, come uts'atʌch.
Come mach jilic i yutslel ti pejtelel ora.
2¿Majqui yujil i subol jini ñuc tac bʌ i melbal lac Yum?
¿Majqui mi mejlel i pʌs pejtel i ñuclel?
3Tijicñayob mu' bʌ i jac'ob chuqui toj, mu' bʌ i melob chuqui toj ti pejtelel ora.
4Ña'tañon c Yum che' ma' pʌsbeñob i yutslel a cha'año' bʌ.
Ña'tañon che' ma' coltañob
5Cha'an mij q'uelben i wenlel jini yajcʌbilo' bʌ a cha'an,
Cha'an tijicña mi cubin che' tijicñʌyob a cha'año' bʌ.
Isujm tijicña c pusic'al quic'otob.
6Tsa'ix lac cha'le mulil yic'ot lac tat,
An lac mul, tsa' lac cha'le jontolil.
7Che' ya' to añob lac tat ti Egipto ma'anic tsi' p'isiyob ti' wenta i p'ʌtʌlel Dios.
Mach c'ajalic i cha'añob i yonlel i yutslel.
Tsi' ñusʌbeyob i t'an lac Yum ya' ti Chʌchʌc bʌ Ñajb.
8Pero tsi' coltayob cha'an mi' yʌc' ti cʌjñel i c'aba' yic'ot i p'ʌtʌlel.
9Tsi' pejca jini Chʌchʌc bʌ Ñajb, tsa' tiqui.
Tsi' pʌyʌyob ñumel ti tam bʌ ja' che' bajche' ti tiquin lum.
10Tsi' coltayob loq'uel ti' p'ʌtʌlel jini tsa' bʌ i ts'a'leyob.
Tsi' pʌyʌyob loq'uel ti' c'ʌb i contrajob.
11Jini ja' tsi' mujla i contrajob.
Ma'anic majqui tsa' coli mi juntiquilic.
12Jini cha'an tsi' ñopbeyob i t'an,
Tsi' c'ʌyibeyob i ñuclel.
13Pero ti ora tsa' ñajʌyi ti' pusic'al i melbal.
Ma'anic tsi' pijtayob i toj'esʌntel ti Dios.
14Tsi' wersa c'ajtibeyob Dios chuqui yomob i c'ux.
Tsi' yilʌbeyob i pusic'al ya' ti jochol bʌ lum.
15Dios tsi' yʌq'ueyob chuqui tsi' c'ajtibeyob,
Pero tsi' chocbeyob tilel i c'amʌjel tsa' bʌ i jisayob.
16Tsʌytsʌyñayob i pusic'al winicob ti' tojlel Moisés
Yic'ot ti' tojlel Aarón jini ch'ujul bʌ i winic lac Yum.
17Jini cha'an tsa' tili i yujquel lum. Tsa' tsijli jini lum. Tsi' ñet'e cʌytʌl Datán.
Tsi' mujla cʌytʌl Abiram yic'ot i pi'ʌlob.
18Tsa' lejmi c'ajc ti' tojlel.
Tsi' pulu jini jontolo' bʌ.
19Tsi' meleyob alʌ tat wacax ya' ti Horeb.
Tsi' ch'ujutesayob jini dioste' melbil bʌ ti c'ʌnc'ʌn taq'uin.
20Tsi' cʌyʌyob jini ñuc bʌ Dios cha'an mi' ch'ujutesañob i yejtal wacax yujil bʌ i c'uxol jam.
21Tsa' ñajʌyiyob i cha'an Dios, jini i Yaj Coltaya
Tsa' bʌ i pʌsʌ ñuc tac bʌ i melbal ya' ti Egipto.
22Tsi' pʌsʌ cabʌl i yejtal i p'ʌtʌlel ya' ti' lumal Cam,
Yic'ot bʌbʌq'uen tac bʌ ya' ti Chʌchʌc bʌ Ñajb.
23Dios tsi' sube Moisés mi caj i jisañob.
Machic tsi' mʌcta Moisés tsa' laj jiliyob.
Pero ya' ti' tojel i wut Dios tsa' wa'le Moisés jini yajcʌbil bʌ i cha'an, cha'an mi' mʌctʌben i mich'ajel.
24Tsi' chʌn cha'leyob mulil.
Tsi' ts'a'leyob jini uts'at bʌ lum.
Ma'anic tsi' ñopbeyob i t'an tsa' bʌ i subeyob cha'an jini lum.
25Tsi' cha'leyob wulwul t'an ti' yototob.
Ma'anic tsi' jac'beyob i t'an lac Yum.
26Jini cha'an Dios tsi' wersa ac'ʌ i t'an
Cha'an mi caj i jisañob ti jochol bʌ lum.
27Mi caj i pucbeñob majlel i p'olbal ti' tojlel sajtemo' bʌ
Cha'an mi' pam pujquelob ti selol pañimil.
28Tsi' chʌn cha'leyob mulil.
Tsi' tsajcayob jini dioste' i c'aba' Baal ya' ti Peor.
Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.
29Tsi' techbeyob i mich'ajel lac Yum yic'ot i melbalob.
Tsa' tejchi tsʌts bʌ c'amʌjel tsa' bʌ pam ñumi ti' tojlelob.
30Pero tsa' bʌx'a Finees ti meloñel.
Che' jini tsa' lajmi jini tsʌts bʌ c'amʌjel.
31Tsa' q'uejli ti toj Finees yic'ot i yalobilob ti junjunlajm cha'an tsi' mele jini año' bʌ i mul.
32Tsi' chʌn cha'leyob mulil israelob.
Tsi' techbeyob i mich'ajel Dios ya' ti ja' i c'aba' Meriba.
Jini cha'an tsi' yubi wocol Moisés ti' cajob.
33Che' bʌ tsi' techbeyob i mich'ajel, tsʌts tsa' caji' yʌ'leñob.
34Jini israelob tsi' ñusʌbeyob i mandar lac Yum.
Ma'anic tsi' jisayob jini sajtemo' bʌ ya' bʌ chumulob.
35Tsa' tem ajniyob yic'ot jini sajtemo' bʌ.
Tsi' ñopbeyob i melbal.
36Tsi' ch'ujutesayob i dioste' tac sajtemo' bʌ.
Jini cha'an tsa' sojquiyob.
37Tsi' yʌc'ʌyob ti chʌmel ch'iton bʌ yic'ot xch'oc bʌ i yalobilob,
Cha'an tsʌnsʌbil bʌ i majtan xibajob.
38Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob,
Cha'an mi' yʌq'ueñob tsʌnsʌbil bʌ i majtan jini dioste' tac ti Canaán.
Tsi' yʌc'ʌyob ti ts'a'lentel i lumal yic'ot i ch'ich'el i yalobilob.
39Tsa' sojquiyob che' leco i melbalob.
Cabʌlob i mul tsi' cha'leyob ts'i'lel.
40Jini cha'an lac Yum tsi' mich'le i cha'año' bʌ.
Tsi' ts'a'leyob.
41Tsi' yʌc'ʌyob ti' wenta jini sajtemo' bʌ.
Jini israelob tsi' yumayob jini sajtemo' bʌ tsa' bʌ i ts'a'leyob.
42I contrajob tsi' yʌc'ʌyob ti wocol.
Wersa tsi' jac'beyob i mandar.
43Cabʌl tsi' loc'sayob Dios ti' p'ʌtʌlel i contrajob,
Pero tsi' chʌn meleyob che' bajche' tsi' bajñel ña'tayob ti' tsʌtslel i pusic'al.
Dios tsi' ju'sʌbeyob i pusic'al ti wocol cha'an i jontolil.
44Che' woliyob ti wocol, Dios tsi' p'untayob.
Tsi' yubibeyob i yuq'uel.
45Tsi' ña'ta jini xuc'ul bʌ i t'an tsa' bʌ i yʌq'ueyob.
Tsi' cʌyʌ i mich'leñob cha'an cabʌl i yutslel.
46Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.
47C Yum lojon Dios, coltañon lojon.
Tempañon lojon loq'uel ba' chuculon lojon ti yan tac bʌ lum,
Cha'an mic subeñet lojon wocolix a wʌlʌ cha'an ch'ujul a c'aba'.
La' ñuc'ac lojon c pusic'al che' mic sub lojon a ñuclel.
48La' ch'ujutesʌntic lac Yum ti pejtelel ora.
I Dioset israelob, mach bʌ anic a cajibal mi a jilibal.
La' i yʌlob Amén pejtel winicob x'ixicob.
¡Aleluya!
Currently Selected:
SALMOS 106: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
SALMOS 106
106
Israel tsi' ñusʌbe i mandar lac Yum
1¡Aleluya!
Subenla wocolix i yʌlʌ lac Yum, come uts'atʌch.
Come mach jilic i yutslel ti pejtelel ora.
2¿Majqui yujil i subol jini ñuc tac bʌ i melbal lac Yum?
¿Majqui mi mejlel i pʌs pejtel i ñuclel?
3Tijicñayob mu' bʌ i jac'ob chuqui toj, mu' bʌ i melob chuqui toj ti pejtelel ora.
4Ña'tañon c Yum che' ma' pʌsbeñob i yutslel a cha'año' bʌ.
Ña'tañon che' ma' coltañob
5Cha'an mij q'uelben i wenlel jini yajcʌbilo' bʌ a cha'an,
Cha'an tijicña mi cubin che' tijicñʌyob a cha'año' bʌ.
Isujm tijicña c pusic'al quic'otob.
6Tsa'ix lac cha'le mulil yic'ot lac tat,
An lac mul, tsa' lac cha'le jontolil.
7Che' ya' to añob lac tat ti Egipto ma'anic tsi' p'isiyob ti' wenta i p'ʌtʌlel Dios.
Mach c'ajalic i cha'añob i yonlel i yutslel.
Tsi' ñusʌbeyob i t'an lac Yum ya' ti Chʌchʌc bʌ Ñajb.
8Pero tsi' coltayob cha'an mi' yʌc' ti cʌjñel i c'aba' yic'ot i p'ʌtʌlel.
9Tsi' pejca jini Chʌchʌc bʌ Ñajb, tsa' tiqui.
Tsi' pʌyʌyob ñumel ti tam bʌ ja' che' bajche' ti tiquin lum.
10Tsi' coltayob loq'uel ti' p'ʌtʌlel jini tsa' bʌ i ts'a'leyob.
Tsi' pʌyʌyob loq'uel ti' c'ʌb i contrajob.
11Jini ja' tsi' mujla i contrajob.
Ma'anic majqui tsa' coli mi juntiquilic.
12Jini cha'an tsi' ñopbeyob i t'an,
Tsi' c'ʌyibeyob i ñuclel.
13Pero ti ora tsa' ñajʌyi ti' pusic'al i melbal.
Ma'anic tsi' pijtayob i toj'esʌntel ti Dios.
14Tsi' wersa c'ajtibeyob Dios chuqui yomob i c'ux.
Tsi' yilʌbeyob i pusic'al ya' ti jochol bʌ lum.
15Dios tsi' yʌq'ueyob chuqui tsi' c'ajtibeyob,
Pero tsi' chocbeyob tilel i c'amʌjel tsa' bʌ i jisayob.
16Tsʌytsʌyñayob i pusic'al winicob ti' tojlel Moisés
Yic'ot ti' tojlel Aarón jini ch'ujul bʌ i winic lac Yum.
17Jini cha'an tsa' tili i yujquel lum. Tsa' tsijli jini lum. Tsi' ñet'e cʌytʌl Datán.
Tsi' mujla cʌytʌl Abiram yic'ot i pi'ʌlob.
18Tsa' lejmi c'ajc ti' tojlel.
Tsi' pulu jini jontolo' bʌ.
19Tsi' meleyob alʌ tat wacax ya' ti Horeb.
Tsi' ch'ujutesayob jini dioste' melbil bʌ ti c'ʌnc'ʌn taq'uin.
20Tsi' cʌyʌyob jini ñuc bʌ Dios cha'an mi' ch'ujutesañob i yejtal wacax yujil bʌ i c'uxol jam.
21Tsa' ñajʌyiyob i cha'an Dios, jini i Yaj Coltaya
Tsa' bʌ i pʌsʌ ñuc tac bʌ i melbal ya' ti Egipto.
22Tsi' pʌsʌ cabʌl i yejtal i p'ʌtʌlel ya' ti' lumal Cam,
Yic'ot bʌbʌq'uen tac bʌ ya' ti Chʌchʌc bʌ Ñajb.
23Dios tsi' sube Moisés mi caj i jisañob.
Machic tsi' mʌcta Moisés tsa' laj jiliyob.
Pero ya' ti' tojel i wut Dios tsa' wa'le Moisés jini yajcʌbil bʌ i cha'an, cha'an mi' mʌctʌben i mich'ajel.
24Tsi' chʌn cha'leyob mulil.
Tsi' ts'a'leyob jini uts'at bʌ lum.
Ma'anic tsi' ñopbeyob i t'an tsa' bʌ i subeyob cha'an jini lum.
25Tsi' cha'leyob wulwul t'an ti' yototob.
Ma'anic tsi' jac'beyob i t'an lac Yum.
26Jini cha'an Dios tsi' wersa ac'ʌ i t'an
Cha'an mi caj i jisañob ti jochol bʌ lum.
27Mi caj i pucbeñob majlel i p'olbal ti' tojlel sajtemo' bʌ
Cha'an mi' pam pujquelob ti selol pañimil.
28Tsi' chʌn cha'leyob mulil.
Tsi' tsajcayob jini dioste' i c'aba' Baal ya' ti Peor.
Tsi' c'uxuyob tsʌnsʌbil bʌ i majtan tac jini dioste' mach bʌ anic i cuxtʌlel.
29Tsi' techbeyob i mich'ajel lac Yum yic'ot i melbalob.
Tsa' tejchi tsʌts bʌ c'amʌjel tsa' bʌ pam ñumi ti' tojlelob.
30Pero tsa' bʌx'a Finees ti meloñel.
Che' jini tsa' lajmi jini tsʌts bʌ c'amʌjel.
31Tsa' q'uejli ti toj Finees yic'ot i yalobilob ti junjunlajm cha'an tsi' mele jini año' bʌ i mul.
32Tsi' chʌn cha'leyob mulil israelob.
Tsi' techbeyob i mich'ajel Dios ya' ti ja' i c'aba' Meriba.
Jini cha'an tsi' yubi wocol Moisés ti' cajob.
33Che' bʌ tsi' techbeyob i mich'ajel, tsʌts tsa' caji' yʌ'leñob.
34Jini israelob tsi' ñusʌbeyob i mandar lac Yum.
Ma'anic tsi' jisayob jini sajtemo' bʌ ya' bʌ chumulob.
35Tsa' tem ajniyob yic'ot jini sajtemo' bʌ.
Tsi' ñopbeyob i melbal.
36Tsi' ch'ujutesayob i dioste' tac sajtemo' bʌ.
Jini cha'an tsa' sojquiyob.
37Tsi' yʌc'ʌyob ti chʌmel ch'iton bʌ yic'ot xch'oc bʌ i yalobilob,
Cha'an tsʌnsʌbil bʌ i majtan xibajob.
38Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob,
Cha'an mi' yʌq'ueñob tsʌnsʌbil bʌ i majtan jini dioste' tac ti Canaán.
Tsi' yʌc'ʌyob ti ts'a'lentel i lumal yic'ot i ch'ich'el i yalobilob.
39Tsa' sojquiyob che' leco i melbalob.
Cabʌlob i mul tsi' cha'leyob ts'i'lel.
40Jini cha'an lac Yum tsi' mich'le i cha'año' bʌ.
Tsi' ts'a'leyob.
41Tsi' yʌc'ʌyob ti' wenta jini sajtemo' bʌ.
Jini israelob tsi' yumayob jini sajtemo' bʌ tsa' bʌ i ts'a'leyob.
42I contrajob tsi' yʌc'ʌyob ti wocol.
Wersa tsi' jac'beyob i mandar.
43Cabʌl tsi' loc'sayob Dios ti' p'ʌtʌlel i contrajob,
Pero tsi' chʌn meleyob che' bajche' tsi' bajñel ña'tayob ti' tsʌtslel i pusic'al.
Dios tsi' ju'sʌbeyob i pusic'al ti wocol cha'an i jontolil.
44Che' woliyob ti wocol, Dios tsi' p'untayob.
Tsi' yubibeyob i yuq'uel.
45Tsi' ña'ta jini xuc'ul bʌ i t'an tsa' bʌ i yʌq'ueyob.
Tsi' cʌyʌ i mich'leñob cha'an cabʌl i yutslel.
46Tsi' yʌc'ʌyob ti p'untʌntel cha'an i yumob tsa' bʌ i pʌyʌyob majlel ti cadena tac.
47C Yum lojon Dios, coltañon lojon.
Tempañon lojon loq'uel ba' chuculon lojon ti yan tac bʌ lum,
Cha'an mic subeñet lojon wocolix a wʌlʌ cha'an ch'ujul a c'aba'.
La' ñuc'ac lojon c pusic'al che' mic sub lojon a ñuclel.
48La' ch'ujutesʌntic lac Yum ti pejtelel ora.
I Dioset israelob, mach bʌ anic a cajibal mi a jilibal.
La' i yʌlob Amén pejtel winicob x'ixicob.
¡Aleluya!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.